因為12/30至confirm到行程, 我已經book 唔到葡京酒店Robuchon a Galera, 所以就轉左去The Eight. 而我又發覺, The Eight真係一個很好的決定. 佢地o既decoration 就唔講喇, 是日點了幾個點心.

蝦餃 - 我估因為佢地以金魚為theme, 所以刻意將蝦餃包成金魚型, 一籠只得三條小金魚, 好矜貴呢, 用料新鮮, 皮薄, 一啖入口, 蝦肉爽口彈牙.

餃子盅 - 4 隻水餃, 內有木耳, 蝦, 豬肉為材料, 配上一件蘿蔔, 蘿蔔去心, 再釀入原粒堯柱, 試一口湯, 覺得甜美非常.

魚翅湯包 - 翅針很粗, 肉汁再混合上湯, 真太美味了, 最有心思o既係, 佢地serve 呢個點心o既時間, 係會俾枝飲管你架, 咁就可以用飲管飲哂d精華呢.

荔蓉鳳尾蝦 - 囝囝食左一啖, 就話要食哂成碟, 一碟有三件, 好不容易我至分到一件, 荔蓉外脆內棉軟, 真係好好味.

鮑魚雞柳脆麵 - 麵炸得很脆口, 雞柳同鮑魚都好鮮味, 可能我地兩個人(一大一細)去食, 真係食唔哂咁多, 下次都係叫個甜品算了.

服務真係一流, 飲成餐茶都未掂過個茶壺, 次次都有waitress幫我地酙茶. 下次過澳門都一定會再幫襯.

新葡京酒店 8餐廳，是我在澳門喜歡的中餐廳之一，雖然沒有白色枱布，亦無軟綿綿地毯，佢有佢的型格及特質，從黑色自動門，經過兩旁流水瀑布的小巷，小巷地上投影游動的橙紅色金魚，進入餐廳，當天下午拉開黑色屏風印有幾條大而閃亮精靈金魚，餐廳中間吊下一個由細玻璃球組成大玻璃球，襯托黑色調的餐廳，還有用8字玉器做垂簾做裝飾，好特別。

雖然此店的服務不及四季的紫逸軒，永利的永利軒及皇冠的帝影樓，因為當日我們1:45到餐廳，但待應通知2:30最後ORDER，我們無所為，他們問你及跟你說的語氣，像普通酒樓侍應，不像高級酒店餐廳，水要叫先致沖，唔會跟你斟茶。我們叫了以下點心，可能中文名字有出入，靠記憶，英文從收據抄出，請見諒:

貴妃蚌餃(Steamed White Cabbage Dumplings) MOP30，晶瑩粉皮，恕我忘記裏面有甚麼，賣相幾靚，新鮮。
蟹肉咸水角(Deep-fried Glutious Dumplings with Crab)MOP22，香，一粒合桃配襯，雖然餡唔係好滿，唔錯。
京式鍋燒生煎飽(baked and pan-fried pork buns)MOP28
乳豬MOP78，朋友上次在日麗試好好食，話是在此處出，所以試試，但我覺唔似乳豬，似中豬，普普通通。
鮑魚絲雞柳煎麵(Pan-fried Noodles with sliced chicken and abalone )MOP108，原想是一個煎餅，像潮州糖醋麵，上枱時是一個個線球，個個脆卜卜，無乜咬口。鮑魚絲雞柳的料OK，一般。

記得上次食過乳鴿，腸粉是唔錯。

XO醬MOP15
茶@10