襯周末假期到澳門一遊。由於酒店價格高，唯有早去晚返。第一站就是到充滿懷舊色彩的龍華飲個早茶。

茶樓位於二樓，店面為典型六七十年代的茶樓風格，靠窗的為一列卡位，窗台放滿小盆栽；牆上掛著各式大畫及懷舊照，地上則鋪著傳統紙皮石。另一邊可見茶葉放在一旁，堆得高高的，亦有各式各樣用作儲存茶葉的傳統瓷器。

除了奉上茶壺外，這裡沒有侍應招待、沒有點心紙、沒有點心車，一切自助形式。當點心從廚房奉出店面，客人便一窩蜂上前左挑右選，互不相讓，此現象在新式酒家難以復見。

點心蒸籠雖疊得高高，但點心款式卻不多，來來去去也是常見的叉燒包、燒賣、鳳爪的傳統點心。我們隨意拿了燒賣、鳳爪及蒸蘿蔔糕等食物，味道也吃不出甚麼特別。

吃飽到櫃檯結帳，略略道出幾多位及吃了幾籠點心，店員也沒有再去核算，以舊式算盤計計價錢便付款，這樣結帳方式就算在昔日懷舊茶樓也不會用上吧！

總括而言，論食物質素僅能算勉強合格。不過其懷舊格局，卻令人回味，所謂「醉翁之意不在酒」，眼見光顧的大都是拿著攝影機的遊客，大家畢竟當作一個旅遊「景點」吧。

要食懷舊野, 我寧願去香港蓮香, 叫左幾樣野食, 冇樣得, 叉燒包硬, 馬拉糕淡又硬, 燒賣同牛肉都非常普通, 鳳抓不知為何會有咖哩味, 唯獨壺茶好飲....


五籠點心, 收我一百二十幾... 完全唔值, 我地問當地居民, 佢地話佢地根本唔會黎呢度食野, 如果你係為懷舊黎呢度, 冇問題, 如果係為好食黎... 請你三思

聽別人講得多，上月特地去嘗試一下。因為不熟悉澳門道路，固此乾趣打的士到門口旁邊的街道下車。感覺真的很60 , 70 年代。如果你們記得從前一間於旺角叫"雲來茶居"的茶樓，這便是80%相似。但這茶樓放了許多相片和大畫。有一點像藝廊。整體感覺還可以。茶真的很好，完全令我想起"雲來茶居"的茶。點心是香港價錢，所以不要預算它好便宜。我覺得味道ok。但不是那種驚為天仁，像失落多年的感覺。所有東西加起來算是合理和算是懷舊旅遊必到之處。

很久沒有出門，趁假期跟兩位老友去澳門搜尋美食，第一站去到紅街市對面的壞舊茶樓龍華。

環境確實是很懷舊，有如香港的得如酒樓，但衛生情況感覺要比得如好。找到了一個卡位，侍應馬上奉上茶杯和盅，讓我們先自行清洗餐具。茶，選了龍井，幾香濃。

點心同樣是自助，出去睇下有咩款式，其實來來去都係個幾味，最後只取了三款點心吃。

蘿蔔糕尚算蒸得滑身，但材料並不豐富，只能吃到一點點的腊味，而且味道不均勻，有些味淡，有些很重胡椒味，水準一般。

山竹牛肉球幾大粒的，都叫做有牛肉味，但裡頭並沒有放馬蹄，未及爽口；鳳爪並不惹味，只吃出有些咖喱味道，很獨特。

總的說，懷舊的環境比點心更為吸引。

feb 29, 09check out咗之後,5人嚟嘆懷舊早茶 :

1) 燒賣
-因前1日咁同友人們熱身,早上大家都已經好肚餓.........我都喺
-呢款喺無蝦嘅做法
-肉質都嫩

2) 蒸排骨
-正常,都滑

3) 牛肉球
-sorry,張相out咗focus

4) 蔥油雞 (例牌)
-我話呢度嘅蔥油雞都好似出名喎
-咁就叫個例牌嚟試吓
-雞喺滑,而且仲少有嘅結實,又未至於"un",不過無雞味

5) 豆沙飽
-因為個蒸籠車唔會有牌..........大家都估會喺咩飽.............蓮蓉飽,麻蓉飽(gd guess)..........我就估喺豆沙飽
-我啱咗............當然啦..........我有嚟or澳門版睇過架嘛.........hehehe
-呢個得喎,豆沙甜度適中,皮亦1層層咁

6) 叉燒飽
-友人們先食.........但1致劣砰.........個包皮好唔得,個肉質又好似唔多掂
-聽到同睇到佢哋個樣,我當然唔"掂"佢啦.............
-所以惹來友人們嘅微言

7) 馬拉糕
-因為叉燒飽事件..........佢哋就叫我食先.........
-ok,無問題
-夾起已聞到好香蛋味,食落亦好鬆軟,不過無黑糖味,間不中,食到有少少苦味,可能來自自發粉
-或者佢唔喺馬拉糕,而喺雞蛋糕嚟呢

後記
- 店內懷舊setting.........只見好多茶客都舉起相機影
- 所有點心都喺自己喺蒸籠車上攞.........慢d都無得食呀~~~~
- 以前未有禽流雀前,友人話會有埋雀籠添

一早到澳門，即刻飛的過黎嘆早茶。

為左一試佢懷舊既味道。

同埋 feel 到全場都係睇旅遊書過黎既香港人囉，完全唔覺有地道澳門人......

要等位啊，呢度都好多人黎架。

大家分工合作，羅茶啦、羅點心啦 (牛肉，排骨，馬拉糕，燒賣，叉燒飽)。講真，點心香港仲好味過佢，不過真係個種氣氛囉。

見到老闆好起勁地斬雞，我地又要左半隻。佢斬功好厲害到噴汁落我地件衫度...唔好企太近佢啊。

d 切雞好水...無乜雞味，不過係多肉囉，試試算啦。

hmmm，梗係覺得就咁 lur 骨係檯面唔乾淨咁，不過呢度都無檯布既，唯有自己用 tissue 墊啦。

呢度老闆真係好好好人啊，我地問路諗住去禮記雪糕又話我地咁早未開門同埋去會好遠喎，又教我地附近有 d 咩觀光野睇下。

第1日 黎到澳門都係10點到,噤早 梗係去飲茶
lee間唔算難搵 過左紅街市就見到, 去到 好懷舊好多大相架,自助形式,自己沖水,自己拎野食 好得意

我拎左
1. ma拉糕---好凍 好硬 =口=
2. 排骨---熱既 味道普通
3. x爪---咖哩味 怪怪地 同埋又係凍既
4. 燒賣---都係凍既>.< 仲食到成口油
總括黎講 黎lee度真係食環境 d野食都幾唔掂 味道唔好都算啦 仲要係凍既 下次黎澳門都應該唔會再黎.

2008年11月11日，龍華

這天是星期二，上午十時，只有寥寥數人。昔日掛滿雀籠的日子已經不復在。
坐下來不久，我和另一半已經不停的拍照，好像忘了來喝茶的目的，老闆很熱情和友善，叫我們慢慢拍，知道我們喜歡拍照，都拿來一些影集給我們看，他其實也是攝影高手。

點心是自助的，款式不是很多，我們也只吃了四款。老實說，也不是很好吃，（特別是這天的叉燒包，餡料不是很新鮮），鳳爪比較好。可是，醉翁之意不在酒。親身來感受一下，你也許會覺得不枉此行。

龍華茶樓的確係一間好懷舊好懷舊既茶樓..
全部都係自己照顧自己的
冇人serve你. 冇點心紙. 冇點心車. 冇冷氣(雖然有d熱).加上牆上既decoration.
很有味道~ 不錯不錯^^
如果想懷舊~ 就一定要黎下 幾有特色*

不過野食款式真係唔多, 特別係點心.. 得幾種揀 -3-//
食景就唔差啦. 不過加左價..真係有D貴.. 唔算真係好抵食~

所以我地2個都叫左三樣點心..
同香港個d唔同.. d點心唔油^^".. 味道不錯

*老闆仲好好人咁同我地傾計~
話好多香港人黎試~
仲同我地一齊影相忝^^~
好nice*好friendly~

一覺醒來再等齊人，又已是日上三竿，要到龍華這類傳統茶樓實在不
太理想。皆因人家二時收舖，十二時打後想多吃幾款都有點難度。不
過一場來到澳門，也是不要掃朋友的興。

先出來選選點心，燒賣肥肥膩膩的，一口咬下竟有不少肥豬肉，很多
人也受不來。不過這才是傳統的粵式燒賣啊!間中一次吃到傳統真味，
肥就肥罷。最讚的卻是大大球的鯪魚球，不覺得像普通魚球般大量加
粉，爽口的魚球的魚肉含量極高，吃後竟有一股魚香，值得吃完一輪
又一輪。至於鮮紅的鳳爪卻是咖喱味，十分奇特。其他的叉燒包呀牛
肉呀之類，就只是一般了，還有點點放涼。

本來想叫一個龍華窩麵，落單的大姐卻說「不如要滑肉窩麵啦，差唔
多架咋」。好的，滑肉就是滑的豬肉，味道還可以，但窩麵的湯的味精
卻偏高，吃過後最大的感覺就是口渴。

見有最後一輪點心出爐，再吃一輪鯪魚球之後，再來一籠鬆糕，厚實
的質感加上濃郁的蛋味，可算十分精采。

龍華的self-service再加照片展，兩大特色實在缺一不可，傳統的特色
和如詩如畫的美術作品和樓宇設計，才是真正的甜品，實在沒話可說。
知道甚麼是真正的對流窗嗎？騎樓又是甚麼？只有走進去，真正的體
驗一下他的功能，才是活脫脫的活化古蹟啊，住在大海對岸的我們，
會明白這道理嗎？

呢間茶樓好古色古香，好懷舊呀，茶樓係三層的舊建築，好鐘意呀佢仲用緊卡位，我地所以順理成章選坐靠近卡位，o係呢度飲茶絕對有回到過去o既感覺，呢間茶樓一定要試。

o係裡面個感覺真係好舒服，呢度係自助o架，食咩自己去攞，茶就唔使自己沖^^。豆沙包好好味，三個一籠，又大個又多豆沙，一定要試試。食物種類雖然唔算多，不過，我又要忍唔住要讚讚，我覺得呢度真係好有特色，仲食左薑葱雞、魚肉釀茄子（不是炸的）、大大粒燒賣、鳳爪、山竹牛肉、馬拉糕。

平時好少專登去香港既懷舊酒樓飲茶, 但黎到澳門就特別想去搵懷舊酒樓去食下野, 感受下個環境!! 今次專登搭車去到龍華茶樓, 品味一下懷舊既味道!!

一入到去, 真係好舒服既感覺, 好多卡位, 而且隔離仲係有隻窗, 涼風吹入黎真係好舒服, 一D都唔熱~ 另外, D點心樣樣10蚊, 冇分大, 中, 小點, 劃一價, D點心仲要自己好自助咁拎, 完全係唔會有人serve你~ 勁特別.... 香港點都有個阿姐0係隔離拎俾你幫你打個印, 厘度真係勁自助~~ 不過好有特色!!

山竹牛肉: 厘度D牛肉味同我平時0係香港食既牛肉有D唔同, 厘度D牛肉好鮮, 好淋, 好好味~ 不過$10蚊又好似唔係好抵食咁~
燒賣: 厘度D燒賣真係厲害呀~ 勁足料, 係勁大舊豬肉!! 搞到超大粒~~ 加埋D冬菇, 都好好味~ 雖然裡面冇蝦, 但係又幾好喎~ 好正~
蒸魚肉釀茄子: 我0係香港就未試過羅一籠籠既魚肉釀茄子黎食, 只係試過煎既, 見到真係覺得好有新意, 仲要有青椒, 豆腐等等既選擇, 我地最終揀左肉釀茄子, 蒸完淋晒入晒味好好食, 佢係用豉汁黎蒸, 真係唔錯!! 好食!!!!
豆沙包: 又係好大個包~~ 又一次足料~ 個餡好多豆沙, 一粒粒~ 好正~ 一籠三大個~ 唔會太甜, 只係太大個好飽~~

總括黎講厘度既食物係好好食, 只係貴左D~ 每樣都10蚊, 而且茶錢都非常貴~ 但勝在環境唔錯~~ 都值得一去架~!!

今朝搭早船過澳門~~~因為驚好多食肆都未開門...><
咁到時豈不是無得食...點可以餓親自己架!明明澳門咁多好嘢食~~~
做好資料搜集ge 我地就揀左o黎龍華茶樓食我地踏足澳門ge 第一餐啦....

因為我地第一次去澳門，唔識路就梗係要靠地圖啦~~~
總算我地搵到巴士搭去紅街市附近再搵下茶樓係邊啦....
唔知我地係唔識睇地圖定我地都淨係識得做人向前望....=.="
明明係紅街市附近都搵唔到....
然後同一條路唔知行左幾多次之後就發現佢ge 存在啦!!!
如果我地識得望下後面就會見到好明顯ge 一大間茶係度啦...><

終於搵到我地ge 早餐啦~~~XD
係門口已經好好奇~~~咦....有攝影展咁架wor~~~
入到去自己搵位坐...會有人o黎拎茶杯俾我地...問我地飲咩茶咁~~~
然後除左落單叫d 粉麵飯ge 嘢之外都係幾自助ge....
就係自己出去架點心車度拎自己想食ge 嘢啦....

點心ge 款式唔算好多....都係最普通ge 幾樣啦....
我地就拎左鳳爪,燒賣同排骨啦...
另外仲叫左個炒麵?哈哈...我地都係見到隔離檯o個碟好似好好味就指住o黎叫啦~~~
鳳爪就真係普普通通...排骨幾好味ge都,,,如果d 肉可以瘦d 唔好咁肥就好啦~~~
我就最鍾意個燒賣...因為幾大粒咁...啖啖肉好足料ar!!
食完都要再拎多籠ar~~~XD

個疑似炒麵呢....我都好鍾意ar~~
個麵唔算好乾又脆脆地咁....上面濕濕地ge 料...
撈埋一碟食就真係o岩o岩好啦~~~d 麵ge 口感真係唔錯ar~~~

　　很喜歡到澳門旅遊，喜歡她的懷舊感覺，喜歡她的橫街小巷、喜歡她對歷史的保存……總之就是喜歡上，另一半常說，澳門就是我們的後花園，真是不錯！

　　到澳門常常往街裏讚，希望吃一些地地道道的食物，橫街內的小店，比起各式雜誌所介紹的行貨，來得實在，價錢也不貴。

　　今次四口子到澳門遊玩，兩位老人家想飲中茶，便想到不如到龍華飲茶，其實自己也是第一次到這間茶樓，以前看過一些有關這店的報導，印象也不錯。乘車到達，茶樓是三樓高的舊建築物，入口處是一條較直的樓梯，對老人家而言有點吃力，我們找了個四人卡座，老闆本想安排我們坐較大枱，但是我們卻不太領情，因為實在喜歡卡位旁的小露台，即使擠了點，也不計較。

　　茶送上還有一個古式的洗茶用的器皿，大家胡亂洗了一番後，便開始喫茶時光，對茶的研究一向不懂，但在這環境下喝茶也是一種樂趣，不管好飲與否，也不打緊。

　　往小洋台探頭看看街外的風景，雖然只是普通的街外景色，但因為絕少機會站在洋台看街上的事物，感覺也不錯。

　　今天我們叫了兩個點心：燒賣、釀豆腐，還有薑葱雞、肉片炒河；點心像以前舊式的茶樓一樣，很懷舊，燒賣大大粒，味道也不錯，薑葱雞被薑葱雞所包圍，賣相頗吸引；而肉片炒河份量也不少，但略嫌過於油膩。四口子吃得滿滿足足後，便往店內四處參觀，這裏牆上掛上很多攝影作品，於是便向老闆查詢是否他本人所拍，原來是一些拍友的作品，這裏還定期安排攝影沙龍。

　　這樣的茶居相信香港已絕少，在澳門這地方還能找到也是不錯，食物質素也是其次，最不錯的還是老闆給我們的親切感。

朋友介紹~
一於來到這間龍華~
茶類好多~~~~~~~~~~~
我叫龍井~茶味一流~
翻沖翻沖再翻沖...茶味依然香濃~

點心就一般~

叫菜遠排骨麵~~~
排骨勁多！！香港簡直無可能的份量~
再叫窩牛腩湯麵~~~

牛腩湯濃~
連湯也飲~ XD
過後六、七小時也不覺有味精的口渴感覺,,,
(第二餐我六小時後喇~)

那裡有好多相展覽~

茶樓無冷氣，熱天去也感覺ok~