西班牙海鮮焗飯 -- 真係唔錯, 好味, 又抵食 很足料 而且 料又多, 有元貝仔, 青口兩大隻, 蟹柳很多, 魷魚很大件 , 蝦仁, 材料同飯0既比例棲本就係一比一! 正!

白酒煮蜆- 酒同汁比例好好~ 正~ 佢唔比西班牙海鮮焗飯差0架, 我見少人提, 所以特別推介!

我同朋友一行四人到了澳門第一站就黎加米路食午飯

我地大概中午12時到達, 可能太早關係沒有人用餐, 不過因為想試呢到既海觧焗飯所以照入去, 我地點左4款食物

馬介休球 -- 咸咸地既味道, 食一件都夠了

蝦餅 -- 真係即叫即整, 熱到燙口! 味道OK!

巧製焗葡國雞(包上) -- 味道可以但雞肉比較鞋, 可能唔係新鮮雞喇, 但估唔到反而個包皮好好食好脆, 加埋D葡汁食係一流~

西班牙海鮮焗飯 -- 就係上網OPENRICE其他食家介紹呢間餐廳既西班牙海鮮焗飯好食所以黎一試, 真係完全無錯, 好味到不得了, 而且很足料, 有青口, 蟹柳, 魷魚, 蝦仁, 元貝... ~

有機會下次會再黎食~

在openRice上面查到這間餐廳感覺還不錯囉，就特地排進行程裡去
餐廳看起來沒有特別裝潢，但服務生很親切哦。
因為沒有訂位，就安排在靠近門口的兩人座
點了推薦的"白酒煮蜆 、西班牙焗海鮮飯、巧製葡國雞"三道+兩杯凍飲，
以兩個女生來說，份量有點多..可能是距離午餐時間才過幾個小時，
焗海鮮飯剩很多，不過葡國雞和白酒煮蜆到是吃光光
葡國雞味道挺好的，第一次吃葡式料理，醬汁配餐前麵包好好味哦
朋友對白酒煮蜆讚不絕口
總體來說，價位和餐點都還ok囉

餐廳面積不大，湊巧有客人在抽煙，我們便要求轉往上層二樓。原來上層地方寬落，坐在臨窗的座位，由于沒有其他客人，好像包場一樣呢。
叫了西班牙焗海鮮飯($70) 和巧製焗葡國雞($55/1份) ，材料充足，味道不差，但只是感覺普通，或者是個人口味問題。
服務很殷勤，一直有一名侍應在上層服務，包場兼有專人服務，有點不好意思。澳門何時會效法香港，在食肆實行禁煙呢？

大眾化特色葡國餐廳, 店子唔太大, 但好有葡色風味, waiter 好細心!!!

牛肋骨 ~ 煎得好靚, 牛味十足唔韌, 又足厚, 好美美美味呢!!!
西班牙海鮮焗飯 ~ 非常足料, 味道very very very GooD...超水準, 有機會再去一定再番check..hehehe
魔鬼大蝦 ~ order 前 waiter 會比隻蝦我地睇下大細夠唔夠同埋幾重幾錢, 叫咗中辣, 蝦有蝦味好爽口好好味, 辣汁當然惹味啦!!!!

25-27/9 我與太座婚後第二次到澳門遊玩, 今次除左去返上一次冇到的地方之外, 就係品踏澳門的美食, 正當為各大名氣響噹噹的葡國餐廳而頭痛, 就睇到吃得是福的食評.

見到個原隻燒雞雜菌燴飯, 我同太座人未到澳門都已經心思思了, 當到達了澳門落船後逛了一陣街, 第一餐便直指加米路餐廳, 話說我倆由碼頭步行到紅酒博物館飲紅酒, 再經利澳行出星際, 再由星際行到海旁位置的加米路, 期間以為行錯路兜了好幾次冤枉路.

當去到目的地, 第一個感覺係一間好有特色的店, 牆飾吊燈都好精緻, 我倆坐底後可能太早關係(十二點都未夠)由老闆親自招呼我倆.

但見餐廳內牆上的餐牌 有廚師介紹(MOP60-70), 行政套餐(MOP3x-50) 真係好多花款, 不過好多都係香港食得到既. 於是我同太座就表明來意, 話想食"原隻燒雞雜菌燴飯" 老闆有點為難, 唔係冇, 只係因為 "原隻燒雞雜菌燴飯" 乃四人份量的菜色, 我倆對望一眼, 便由我對老闆說 "照去" 我地一心想試一試這道菜色, 可惜既就係除左呢個送, 就連餐廳相中好吸引既燒鱸魚 魔鬼蝦...都試唔到.

原隻燒雞雜菌燴飯 成隻雞起肉去骨燴飯 再將飯釀回雞殼(皮)內焗, 香氣撲鼻, 而一點油膩都沒有. 燴飯加入了雜菌及菜, 令整個菜一點都唔覺得滯. 結果我倆都係食剩了一碗飯的份量.

同座十二點半後都係午飯時間的打工仔食既都係行政套餐, 賣相真係一點都唔失禮, 所以如果有機會, 都會再到加米路試食其他菜色.

最後全場都有一個廚師精心炮製既 黑糯米糖水, 糖水僅甜好好食. 值得推介食店.

原來 Openrice 澳門站 , 得甘少食評資料 , 我一定要 Push 一下 , 希望介紹下大家新的而又值得去試的餐館 , 唔好只是來來去去食果幾間什麼水蟹粥 , 蝦子面 ..... 聽到厭 !

來澳門 , 點都會有一餐葡式晚餐吧 ?
去邊間 ? 山度士 , 木偶 ? Out 左 D 吧 !
公雞 , 小飛象 ? 質數一時時 , 但肯定要番甘上下價錢 !
富仕 , 船屋 ? OK , 但不太就腳吧 !

我覺得這間幾好囉 ...... 咩叫做平靓正 , 1st Choice !

我每次來澳門都來這間食一次 , 因為氣氛好 , 環境好 , 幾有葡式 feel , 招呼都好 , 食物仲好 , 大碟好味 , 價錢適中 , 仲有係就腳 !

講番有咩推介先啦 ~~~

雜菌燒雞釀飯 - 有很多飯係隻雞皮入面 , D 雞肉整晒出來炒飯 , 一定飽 , 有特色 , 很香的葡式味道 ! (好味過富仕)(唔知點解可以包得甘好 ? 個 cooker 一定是醫生來的)

咖喱蟹 - 食海鮮一定少少貴架啦 , 不過最緊要好味者 , right ?!

Pizza - 嘩 ~ 都幾好味架喎 , 趁熱食唔講住 !

馬介休薯球 - 炸物 , 比一般地方好味 , 不會太咸太淡 , 炸得幾香口很脆 !

仲有無 ？ 無啦 ..... 想食死我咩 ? 你知唔知好大碟架 ...... 我地都兩個人咋 , 成日都食唔晒 D 野 ..... 然後番到酒店又很後悔無食晒 .... 好掛住呀 !

其他食物 等你地食過推介番比我, 同番我講好喎 !


我都唔知有咩唔好啦 ......

食完飯 , 最好緊係行下海旁啦 , 就係下條街咋 ma !

樣樣都好好味~~~ 由湯開始，到沙律，到主菜都好好味~~~ 食過兩次都係因為太好味，食得太飽，搞到兩次都食唔落甜品，所以下次一定會再去~~~ 唯一係pasta覺得冇乜特別，不過都唔係唔好食，係普通d囉~~~

湯: 忌廉粟米湯
超香粟米味~~~

沙律: 鮮果沙律
全鮮果! 冇半點罐頭~~~ 勁新鮮~~~
(所謂既出名海灣廳，已經問左佢個"鮮果"沙律係咪鮮果，佢話係，點知出到黎係成碟九成都係罐頭，仲成一百三十八蚊一碟!!! 諗極都諗唔明佢貴係邊度......)

主菜: 醬汁焗鱈魚
鐵板上~~~ 未上枱，遠遠已經聞到銀鱈魚既香味~~~ 加上醬汁焗，超惹味~~~ 但係又冇掩蓋到銀鱈魚本身既味道~~~
(好過海灣餐廳個鍚紙焗鱈魚無限倍，真係零分!完全冇味!!! 魚冇味，汁冇味，食左少少就完全冇掂過~~~)

主菜: 萄式焗雞
例牌黎講都好大碟~~~ 好香~~~ 不過d雞肉可以再滑d~~~

pasta: 西班牙海鮮焗意粉
似茄汁焗意粉多d~~~ 不過都好足料~~~ 又夠味~~~ 又開胃~~~ 但係如果下次再去，我會食返上次個芝士帶子天使麵~~~

service 都好好~~~ 個部長個感覺好pro~~~ d人都好nice~~~ 環境同氣氛都幾好~~~ 起碼唔會好似海灣餐廳咁播賀年歌~~~

這間加米路給我的印象除了名字好聽之外,好像沒甚麼記憶,好像店內有一盞吊扇,食物的印象不是好也不是太差,吃了個海鮮燴飯,當時是與雪芳去的。
如無意外,應該不會再來了。

這是一間美味又抵食的餐廳, 環境一般但勝左乾乾淨淨, 我地坐樓上, 只得我地一檯客, 有尊人招待感覺更加好.

我地一行4人, order 左葡汁焗疏菜(同香港食的葡汁好唔同, 小小辣, 好開胃), 馬介休球(好味), 唔記得左咩汁焗魚塊有薯仔番茄(好味), 鮮雞釀雜菌飯(好似唔係lee個名, 係將一隻鮮雞拆肉淨低塊皮(完隻), 然後釀入雞肉雜菌炒飯, 再放入油鍋炸至脆皮, 超級好味(手工已值回票價), 葡式乳豬(皮脆肉嫩), 一支地道紅酒.

4主菜, 1餐前小吃, 再加一支紅酒($100)埋單都係$550.