4
0
0
以上資料只供參考, 請與餐廳確認詳情
食家推介
兩日一夜的澳門之旅我地一行4人在我既計劃下黎到較為少遊客光顧既澳門大學，尋找雜誌推介既葡撻。因為吾識路，好無辜甘一大清早就行上超斜既山路上大學。做完一輪運動，加上再三詢問熱心既學生，我地終於黎到圖書館地庫既餐廳。但係吒度完全冇電梯上落，環境稍為舊左D。一入餐廳就佈滿排隊買食物既學生。櫃位分為三區:飯區、麵區及西式飽類區。可以睇完餐牌再去相應既櫃位排隊。我鍾意佢有新鮮沙律，飲品種類多。今次我地只為葡撻而黎，所以叫左6隻。本來對佢就甘擺係度又凍哂既葡撻有點擔心，但食落個皮好薄，個餡好滑又豐厚，好正。如果係熱食可能比瑪嘉烈個D仲正。其中我最欣賞係佢杯阿華田。佢係用機打到起泡，飲落好有Cuppuccino既既質感，可見佢地既製作幾用心。因為仲有其他行程，所以食完葡撻就搭巴士過返對面食豬扒飽。PS:我見學生都叫炸雞腿同炒飯，我諗應該都幾好食，可能有排先有機會搵到班傻朋友陪我黎食。
繼續閱讀
颱風過後，天朗氣清。依原定計劃遊澳。先到內港的的船屋餐廳午膳 (見相關食評)，再到附近的媽閣廟上香，最後到對面的巴士站，乘巴士到氹仔的澳門大學圖書館咖啡廊喝下午茶。咖啡廊由安德魯主理，食物種類跟其他安德魯的相同但價錢較便宜。由於大學早已放假，食客中看不到有學生。反之，堂上多是本地的家庭 (在鏡頭外)。咖啡廊有一遊戲角，不少孩子在砌積木(在鏡頭外)。店方還備有專為未來主人翁而設的小枱椅，十分有心。我和孩子自助的選了食物， 在窗前座位安坐 ，放鬆放鬆，好好領受店主一份誠意。Red Fruits juice : (MOP15) : 顏色濃艶，有點濃得化不開。夠冰凍。入口先微酸，是集合了眾多berries的酸，酸中有甜，是紅提子的果甜。味道有層次感。深深的吸一口，生津解渴，很受用。Lemonade (MOP8)： 夠冰凍。沁人心脾，開胃消滯。天使橙皮蛋糕 (MOP4) : 賣相純潔無瑕，惹人好感。氣味清香。入口微甜，有蛋白的彈跳感。橙皮清鮮無苦澀。假若你打算攜孩子遊澳，不妨考慮這咖啡廊 - 食物價廉物美、景觀光猛開揚，氣氛具啓發性但無壓迫感。
繼續閱讀
3月20日, 嚟到澳門點可以唔食葡撻? 之前食過瑪嘉烈, 但就一直無機會試同樣出名嘅安德魯葡撻! 不過佢幾間分店都好似有d隔涉, 都諗住可能食唔到… 言語交談之際, 就讀澳門大學嘅友人推介我地去佢間大學嘅café~ 原來都有安德魯葡撻食! 咁啱大學原來就係喺我地酒店隔離~ 天時地利人和, 一起身唔駛plan都知道要去食個早餐先啦~ 一路走去澳門大學圖書館都用咗15分鐘, 個café仲要捐窿捐罅先搵到! 不過呢度環境真係幾有大學feel, 仲對住大個海景添! d大學生真係識嘆~::: 葡撻 ::: $8葡撻係一早整好擺喺度, 雖然無出邊新鮮出爐咁熱辣辣香噴噴, 但就仍然keep到脆身! 成個葡撻好飽滿, 外層酥皮好鬆化~ 內裡嘅蛋料豐厚, 面頭d焦糖薄薄一層烘得微脆, 甜道適中, 咬落好有質感! 好好食呀~::: 吞拿魚火腿全麥包 ::: $8呢個三文治就真係學生價~ $8一個喺出面麵包舖都買唔到. 吞拿魚火腿料之外仲有一款蔬菜選擇, 好健康~ 我地要咗青瓜, 好fresh同餡料好夾, 吞拿魚撈咗沙律醬, 唔會乾爭爭~全麥包輕輕焗過, 一咬就知新鮮, 幾鬆化~ ::: 碎蛋焗薯 ::: $1x焗薯仲會配少少沙律~ 薯仔唔似點焗過, 應該係烚熟完就咁烘咗一下. 雖然感覺健康d但係就唔夠香, 又唔夠燶… 碎蛋比較少, 都幾乾下, 味道亦冇乜… 所以食個焗薯, 不如叫多2個三文治~::: 熱朱古力 ::: $1x熱朱古力嘅奶味比較濃, 朱古力味唔夠多. ok咁啦~真係為咗食個葡撻而來, 葡撻同三文治都幾ok~ 都應該無乜遊客識嚟, 真係未試過咁地道遊澳門, 有機會再嚟感受澳門大學生嘅生活~
繼續閱讀
4-6-08 (三) 年前曾到訪路環的安德魯，除了吃了熱辣辣的出爐葡撻，還在附近發現有一雅緻的安德魯咖啡店，店子雖小，食物不俗，留下美味的回憶。今次不打算往路環，知道這裏有其分店，特意一訪。天氣不穩定，當日在微風細雨下終於找上了這間位於澳門大學內的圖書館咖啡廊。店內裝潢簡潔明亮，室內一角還傳來朗朗書聲，遠離五光十色，這裏是另一片天地。本只想吃葡撻，價錢是七元一個，後來還試了意大利軟包芒果雞，可加自選餡料，選了蕃茄和蔬菜，只售十一元，有兩大件，實屬超值。拿了食物，發覺葡撻是凍的，會不會大打折扣？轉念一想，或者又另有風味呢，就試試看。答案是，還是熱辣辣的葡撻好吃。另一角度看，縱使是凍的，也吃得出它的鬆化蛋皮，蛋漿充滿濃郁香味，實在是有水準的葡撻。軟包也不錯，材料都新鮮企理，軟包又香又軟。咖啡廊有寬大的落地玻璃窗，看見雨仍未停，也要繼續行程了。
繼續閱讀