熱食比香港一般自助餐味道來得好, 只係有d位唔夠熱, 再熱d會更好~

一黎 我就忍唔住食 "花插" 即係d人所謂0既帶子
但我聽水上人講 呢d係花插 唔係帶子wor~
好味呀~~ 仲有牛仔骨 我呢隻牛魔王 至喜歡食牛仔骨
魚 我就選擇左魚鰭黎食 夠滑嘛~



仲有羊肉 蟹 都好好味, 可惜我怕殼太多 食左兩隻就收工......但味道好好0架~

之後 就係我最喜歡0既冷食 翡翠螺~ 我狂食呀~ kakakak
係甜品 就差少少~

本來想繼續再食 可惜同行朋友話食得多 對胃唔好 所以又提早收工 嗚嗚嗚~

我仲食左好多野~ 剌身啦 haagen dazs雪糕啦~
唔錯~

又係package包一餐既宵夜buffet, 可能對佢無乜期望, 所以比預期好喎

宵夜黎講, 食物款式算多架喇, 都有凍海鮮喎, 當然無生蠔長腳蟹果d喇, 最令我印象深刻當然係一入到場, 見到有haagen dazs喎....點飽都要食番球, 仲有朱古力噴泉, 加上面, 變左個脆皮雪榚

熱食有粉麵檔, 鐵板燒, 點心, 中菜等等, 刺身就得2-3款, 但都算新鮮既, 甜品就麻麻喇, 只係雪榚最ok囉

呢度有live band, 都唔算太嘈, 佢地唱得都有d水準架

英皇酒店出既 package 送一餐 buffet，朝早要周圍去，所以揀左 2nd round 既 dinner buffet~

有 live band 唱歌，幾好 feel~~

唔算係好多選擇，不過 d 野幾好食，點心細細籠整得好出色!!

仲有 haagen-dazs 雪糕

酒店Package包左一餐自助餐, 我同男友仔揀左午餐時段.

一去到坐低, 感覺都唔錯, 幾舒服, 張二人枱都幾大幾濶落. 可能因為我地比較早, 十二點正已經到左, d人未黎, 所以幾舒服. 但過左三四個字後, 陸陸續續有好多大陸旅行團, 成個場開始變得烏煙瘴氣, 食物基本上都俾我地既大陸同胞攞得七七八八....

講返食物先
我地先食冷盤, 有凍蝦, 翡翠螺. 唔算多款揀. 質素一般. 係翡翠螺較好, 凍蝦好唔惦, 無味, 雖然肉質ok, 但無蝦味.
刺身只食左三文魚, 一份都幾多, 都幾新鮮. 可以翻點!
點心都幾多款, 馬拉盞尤其出色, 細細件, 熱辣辣, 好有馬拉糕味, 甜甜地, 軟熟好味! 我一個人都食左四件.
其實大大大大部份點心都幾好味. 鳳爪都非常唔錯, 一來夠熱, 二來肉好爽.
牛仔骨黑椒味夠, 幾惹味. 最後都翻點!
排骨都幾淋, 夠味.
叉燒飽, 饅頭都不錯, 飽甜甜地, 叉燒飽又足料!
燒賣幾大粒, 可以一試!
鮑魚雞粥, 粥幾棉, 鮑片幾多, 雞肉幾滑. 又一唔錯必食食物!
中湯係冬瓜湯, 都還可以.
除左中式點心外, 基本上其他野可以全部唔食. 因為太唔惦了.
其中我試左燉旦, 從來未食過燉旦係硬既呢! 無味, 似硬左既蒸水旦多d囉~!
熱盤無乜特式, 唔係太好食.
雪糕方面, 雖然外面大大盒haggen dazs, 但我覺得任食個d唔係haggen dazs! 因為雪糕盒已經唔似, 加上四款雪糕全部都溶晒, 只有朱古力較為硬少少, 叫做可以食落肚!
甜品方面, 完全無想食既衝動, 因為太少款加上唔吸引, 所以放棄了.
生果完全唔甜.

服務方面都還可以, 但有時侍應都睇唔到要收碟. 但幾有禮貌!

總括黎講, 只食中式食物的話, 係絕對無問題, 但如果要食其他野, 都係留肚出街食好過了....

另外, 大陸同胞真係好厲害, 夾左大半碟西蘭花仲唔夠, 真係不禁串左一句"不如成盆攞走啦!~"

岩岩係11月25日去左英皇食自助餐
講真,我三個月左右去一次澳門玩,E間野我食過三次
但佢食質素真係一次比一次差
首先講下收費先,個日係星期日,我係9點前入場收費$178,包一杯野飲,但有加一,所以埋單大約$190,因我兩個人埋單好似係$370,自助餐價錢黎講算係合理。

跟住講返D野食,佢有刺身,可以師傅切,有蒸點心,有個D車仔檔煮麵,熱盤,中西式湯,雪糕,甜品蛋糕
但今次真係比我感覺,起碼一年後先會再試,唔知係唔係換左廚師,先講最得意係我E生人第一次飲忌廉湯係飲到咸既=.= ,跟住其他野食D款式比以前少左好多,我唔食刺身,所以比唔到評語,D蒸點心OK,起碼熱同埋正常先,車仔檔都係個D選幾樣比佢煮,無咩特別,D熱盤同個十樣,但有兩款我覺得OK,就係泰式鴨同豉汁煮蝦蟹,D蒸魚夠滑,但其他野食反而唔係咁好食,咖哩牛筋係無咩味咖哩味=.=,差D唔記得講個雪糕同甜品蛋糕,甜品蛋糕好一般,但一定要提下個雪糕,真係特別到佢有藥水味,問你死未,可能係佢個D雪糕係無牌子或唔知邊買返黎,食到藥水味,食左一啖仔已經成杯唔食。

講完野食,講下D服務,禮貌OK,但覺得D人好唔主動囉,我出去拎完野返黎,個食完空碟都未收,水又無人加,但個場都有8-10個侍應架播=.= 最勁係我食完兩轉將D碟疊埋一齊都仲可以無人理E下先勁,見住有幾個侍應行過都可以唔理,叫佢收先黎收,比個<服>字比佢,但我上兩次去食D服務係OK架,唔知點解今次差咁遠,可能D人去曬做荷官啦=.=。

最後講返D環境,乾淨個D,環境唔錯架,幾靚,D野都幾乾淨,D碟熱到拎唔到=.=,好彩隔離有D無咁熱既,抵食黎講不過不失啦,下次會唔會再去,應該唔會,最快起碼半年至一年先會再去E間試,因之前食過係OK,但今次真係差左好多

自助午餐食物都ok,有凍中蝦,青口,凍蟹,魚生,其他熱盤都有,甜品款式多,一定要預先定位,坐位不多. 中午12:00至2:30,晚上只得兩小時不夠,$188+10%