9月5日, 我們的8週年快樂!
終於都黎到我地正式慶祝8週年大餐, 當然唔可以馬虎! 黎得澳門, 一定要食番餐正宗葡國菜啦, 幾間出名嘅葡國餐館都係喺媽閣廟附近, 我地就揀咗呢間, 因為D環境好似靚d~

::: 餐前麵包 :::
一人一個, 有手心咁大, 表面又有少少脆, 搽埋牛油又香又鬆軟~ 作為開胃小食十分滿足~

::: 焗蟹蓋 (2個) ::: $160
呀菲十分想食~ 賣相十分精緻,係釀蟹蓋上面加2粒橄欖, 做到好似一隻蟹咁, cute爆!加埋d配菜, 真係有d唔捨得食~ 真係齋望都覺得叫呢個係冇錯~ 俾足200分! 用小匙羹吃一口, 香脆, 熱辣, 新鮮蟹肉味, 全混在口裏, 味道十分豐富! 最滿足嘅係啖啖純蟹肉, 無乜點溝其他野去做, 又唔會炸得太油膩, 混咗d白汁又好好帶出蟹肉嘅味道! 不愧為葡國出名菜~ 唔大食嘅人食完其實都應該飽咗一半~ ***超級推介***

::: 燒牛肋骨 ::: $128
叫嘅時候以為係好似嗰d西式餐廳嘅燒豬肋骨咁, 點知原來係用中式牛仔骨嘅切法, 上枱嗰陣有d心驚, 以為好普通. 好在食落唔差, 係高級肉地嘅牛仔骨, 半肥瘦得剛好, 大慨5-6成熟, 外面熟得黎好香, 而內裏生得黎又肉味夠, 一d都唔韌~ 而且咬落勁牛脂味超濃郁, 真係鋸扒都無試過咁濃牛味嘅牛仔骨!!

::: 葡式焗鴨飯 ::: $148
呢個反而冇想像中咁好, 飯偏乾, 飯焗到起焦係好, 不過中間嘅飯都有一種乾硬感, 可能係佢葡國嘅特色啦… 鴨肉同葡國腸都過鹹, 除咗面頭幾塊看上幾肥, 裏面撈咗喺飯嘅鴨肉都偏瘦. 整體個感覺乾爭爭. 同埋其實個飯都幾油… 不過作為葡國特色菜, 叫做試過就算…

::: 木糠布甸 :::
意外地我地坐嘅船公司可以換一杯紅酒或木糠布甸, 咁我地就要咗木糠布甸啦~ 細細杯味道都唔錯, 質地比較creamy, 雲呢拿味濃d~

其實呢餐已經十分滿足, 起碼食到d好特別嘅菜式, 尤其是焗蟹蓋! 服務十分周到, 環境衛生都好好~ 看到很多外國人黎食, 不枉我地揀咗呢到黎慶祝我地嘅8週年!~

呢度係我地一行四人，兩日一夜澳門之旅既第二晚晚餐。

黎澳門點都要食餐葡國餐！ 係澳門，葡國餐廳我多數去阿曼諾同九如坊，唯九如坊水準下降，得返件木糠蛋糕係我至愛... 而阿曼諾又太葡國風味，怕今次同行者未必能接受。又想找多間葡國餐廳備用下，比自己第日多個選擇！所以參考下名食家門既推介，最後我地揀左ar蘇推介既呢間！ 而為左就我地返港既船期，我地6:30pm就去到餐廳，可能因為早，無book位都無問題... 真係好彩早到，我地點好菜，坐多陣，已經有人等位！所以有興趣既食家都係book定位穩陣d！

餐包：熱辣辣甘上枱！麵包面雖然好香脆，但太實，麵包都係香軟既好。而跟包既牛油一d都唔馬虎，係Lurpak 銀寶牛油~~

西洋炒蜆：一句到尾，食鹽水蜆好過… 蜆都係避風塘炒蜆最好！

紅酒煮牛尾(跟白飯)：配菜有甘筍同薯仔。整體水準算中尚！論牛尾，又入味，又夠林！比九如坊既好得多多聲！但但紅酒汁…硬係差d…唔通找間好味既紅酒牛尾係件甘難既事？有無食家推介超好味牛尾過我？

腐乳炒蟹：食唔到有腐乳味，個汁好濃好香，食唔到隻蟹本身夠唔夠鮮，但見蟹肉唔散，應該唔差。幾好食，但唔食得多，因為好溜。

焗豬扒飯：呢個係我暫時食到最高分既焗豬扒飯。做法唔馬虎，先炸好豬扒，用葡國腸切幼粒、茄汁/膏、蛋炒香個飯底，再放之前炸好既豬扒係面，淋上特製茄醬，用瓦煲去焗！個豬扒邊仲有脆脆地，飯既乾濕度適中，豬扒既味道亦唔錯！整體品質相當好，所以係我地未同佢影張靚相之前，已經你一啖我一啖lu~惟豬扒肉質麻麻，食完先知"味道"

總括而言：焗豬扒飯為呢餐生色不少！腐乳炒蟹、紅酒煮牛尾亦係必試item！成餐飯唔錯！坦白講，本人不能全部認同此名食家所推介既食物，有d推介認真麻麻！可能我未係佢個level啦！但今次經驗相當唔錯！算佢今次無介紹錯！

p.s. 寫食評前都會爬下文，避免同其他食家所寫既如出一轍，今次我仲有發現！發現我仲有好野未食到！就係焗釀蟹蓋、非洲雞、焗鴨飯。等我下次試試先

quiet nice.
1.Sangria = small jar 200 for 0.8 l and big jar 300 for 2 litre
2.The Bun was very crispy
3. Western styled mussels=very tasty
4.African chicken= chili and yummy
5. Bloody duck= ok
6.Steamed mixed vegetables = no taste at all .....But well with sauce from african chicken or mussels
7. Bisuits creme= too light creme and Not enough bisuits
8 . Coconut milk custard pudding = very delicious indeed!

差不多已經20年沒有踏入澳門了，計劃第一餐當然要吃葡國餐啦
臨過來的前一天，同事推介這間馳名葡國餐廳給我，更叮囑我必食非洲雞。第一天到達澳門及完成酒店check in已經十一時多，自行搭車到媽閣廟就剛好午餐時間，海灣餐廳在媽閣廟附近，很容易找到，我、蝦子餅及仔仔一行三人立即入內，餐廳佈置很舒適，但侍應不太熱情；我們想吃葡式乳豬，這裡只有原隻，沒有點﹗最後點了：-
非洲雞 ~~ 雞肉沒有什麼味道，只靠那個"非洲汁"，味似咖喱汁，少少辣一般
紅酒牛尾連白飯 ~~ 好好味牛尾好"淋"好入味，一絕
燒羊脾~~ 唔羶都好味
值得一讚是我們一坐下，就有熱熱的豬仔包+牛油奉上，good

酒店個客服部經理大力推介,重同我訂埋. 於是即管試試. 是但一餐,都冇諗住影相.
去到個侍仔都懶理你有冇訂檯,帶上閣仔,隨手一指梯口那張就鬆人. 哇,咁闊落又多吉檯都要坐樓梯口,有冇搞錯. 早知過船屋啦(雖然船屋有黑沙蜆同柴頭牛扒, 但以前都係賣飛佛喎). 揀過張好少少的坐低. 接過個暑期工送上的餐牌. 噢, 乜咁貴呀,貴過人地成三十個巴仙喎. (走咯.....不過怕佐黑沙蜆,今次想去內港) 猶疑間,有個四眼妹來催落單:
-有乜好食呀
妹:葡國雞,非洲雞,咖喱蟹,焗鴨飯
-好大路下喎, 有冇特色D
.妹:.....(唔答)
-我自己睇睇啦
左望右望,人地叫的野都幾好樣咁.... 是是但但吧....

自選的燒龍利好鮮味,牛肋骨好香有肉汁有牛味,蝦角原來唔係角仔,係包薯仔粉炸的,大大個,有鮮蝦同沙律醬.厚厚的一口咬下去,軟淋淋又脆卜卜的感覺, 好滿足啊!
葡式青菜湯就唔知係咪D菜真係用飛機運到,冇我在里斯本飲的有咁多菜...見到隔離個女士飲到雪雪聲, 早知叫蟹肉湯啦.

重有,見到人地的焗釀蟹蓋,大蜆.....重有大大個的鴨飯. 正喎.....不過中午去了賈梅士食面包海鮮湯,重好飽.

呢間本地葡餐好食,下次再來

因朋友去過話好, 所以同男朋友去"海灣餐廳"，之前聽過話貴, 以為好好環境, 或者好好味道, 但係可惜原來只係一間好普通既餐廳, d野食....

唔知係唔係我地唔識叫野食, 叫左

牛尾湯$48一杯(冇諗過係一隻好細既杯), 唔夠金寶湯好味,

葡國雞難食, 我地值頭覺得係酸叔味, 如果係我自己煮d咁既味既雞, 男友一定以為我d菜係隔過夜壞左!!

豬肋骨~~冇驚喜, 比Fat anglo's 差很多!!!

馬介休球~~又係一般

用呢個價$, 我覺得唔值。 唔會再去!!

三月初二‧有霧

在澳門的最後一餐，約了朋友在澳門街吃飯，地點由他選，卻來了這裡。所以有時說，就算找當地人帶路，有時也未必會有很特別的地方。情況如在東京，朋友還是帶我去白木屋喝酒吃串燒一樣。

地方是不錯的，很企理。周六的晚上，還不算很多客人，相信地點吊腳也是一大原因。其實吃了兩天一夜，來的時候已經飽了幾成，不用吃也其實可以的。餐飯當朋友請，菜也由他點，有什麼吃什麼便行。

要來一點喝的，他說紅酒好不好？可惜我不太好此品，又不太想冒險，來一壺sangria吧。這裡的sangria夠凍冰涼，不夠甜，紅酒下得多，伏特加成份也不少，是夠勁道的餐前飲品。

先來兩個圓硬包，熱熱的，外皮非常脆，內裡如空氣，也好，吃了也不會太撐肚子；

先來薯蓉青菜湯，cardo verde是很傳統的葡國菜，這裡的做得太稀，水水的，不夠濃。青菜也不夠稔，味道卻是及格的，尤其下了不少的火腿絲在內，喝起來也不太差；也要了一碟烤葡式臘腸來下酒，烤得不夠香，臘腸是油油的稔稔的，欠缺口感也欠味道，在烤的功夫及膿腸的質素上，也可以更好；

烤馬介休，是我認為唯一馬介休可以做得比較好吃的一個方法。烤過的馬介休外邊焦焦的脆口，內裡肉質較緻滑。不要以為馬介休就是鹹的，這裡的馬介休就做得鹹味不夠，變成肉質不佳卻又欠味道，兩頭不到岸；吃葡菜也總會吃焗飯，焗鴨飯是唯一我要求吃的一味。這裡的焗飯焗得夠火，外邊焦脆及飯本身夠乾身，吃起來口感不錯，可惜味道欠奉。墊底的鴨肉吃起來軟稔，卻是沒有味的，可幸還有幾片舖面的煙肉及臘腸，叫做不至味道全無。這個焗鴨飯，山度士的好吃得多。

朋友問還要不要吃甜品，我說要趕船，不吃了。而除此以外，飽是其一，對這裡的食物信心不大，是其二。

朋友請，瞄過張單，埋單近五百，真的不便宜。吃葡菜，在澳門街還有很多選擇。

我未試過船屋餐廳。

不過友人食過兩間話呢間個 portion 會多 d d。

一定要 book 位，因為夜少少就滿座架啦。

呢度無水飲既，所以要 order 礦泉水 share。

餐廳既廁所好得意呀，門口有個公仔有卷廁紙，我以為入面無廁紙要係個度羅添

要左牛尾湯，煲得好 lum 啊 d 牛尾。

燒牛肋骨，極好味，可以再叫，但係真係凍得太快啦！

非洲雞，個汁辣辣地好送飯。

有個鐵鑊的抄蜆，唔知叫咩名，都係就咁聽 waiter 介紹，個種汁好正架。

Boiled vegies - really just boiled taste la。

蟹煲，hmmm，好好味好多蟹肉，但係我地多人分，自己唔好意思食多 d，中意食蟹既人唔好放過啊。

呢間餐廳既好味程度絕對會再黎啊！

昨日和他來這兒吃lunch
連續兩日食葡國菜 =)
呢度d裝修好靚！
menu上選擇冇船屋咁多........
兩人叫左三樣野
雞粥 -- 本身覺得黎呢度叫呢樣係有d怪，但係佢想食，好入味，係香港都冇食過咁好味的雞粥
焗鴨飯 -- 其實好似油鴨飯，鴨d油滲左入飯入面，鴨唔係好多，但d火腿超好味！
炸馬介休球 -- 我係第一次食呢樣野，其實好似d薯蓉咁，細細個好易入口

總括而言，呢度同船屋兩間都係好好味，又唔係太貴，兩間都值得去！

一直相信初三這些熱鬧日子很難不會有爆滿的情況,於是立即坐言起行,在初一的下午巳預早透過長途電話安排在初三的海灣餐廳訂了一圍餐桌。盧覓雪在海灣吃得津津有味的那個鏡頭,令我有這股意慾前來光顧,當然還包括在OR內眾食友的推介。

說到在OR內,最多人叫的菜式要算是血鴨煲、非洲雞、葡式燒沙甸魚、牛肋骨、海灣馬介休及焗鴨飯。當然,為了嚐嚐在海灣餐廳的其它食物味道,是次除了叫一些海灣餐廳的名菜外,也會加入一些在OR內食友們從沒介紹的菜式。

葡式焗鴨飯MOP(148):在座有席上客曾吃過海灣的焗鴨飯,由於味道不佳,因此不太建議叫這道名菜,或許那道名菜會令某些座上客欣賞,所以最後下單時以少數服從多數決定叫回這道名菜。得確,結果全桌人並不太欣賞這道菜,雖然面層的葡式臘腸及臘肉味道佳,但一致認為鴨肉頗"鞋口",飯粒與鴨肉亦焗得過於乾身。飯粒除了頗硬外,吃至鴨飯的底層,口感像焦飯一樣硬口。對於那道"名菜"大家非常的禮讓地推給對方。

紅酒煮牛尾:薯仔及甘筍粒這些配菜當然少不得，而牛尾頗"大舊"亦炆得頗燜,夾雜牛尾的脂肪油份帶出甜香的感覺。酸酸甜甜的紅酒汁調教得恰到好處,最重要是牛尾很有牛味,是一道美味的菜式。

葡式焗釀蟹蓋X3:蟹蓋面層放上兩個半邊橄欖粒,蟹肉混和芝士和麪包糠焗成,表面看來與一般葡式焗釀蟹蓋的烹調法沒兩樣,但內裡餡料卻大有不同,不同在於釀甚麼餡料在蟹蓋內,釀餡料的比例又是否恰當。於四個月前,便曾到過海灣隔鄰的內港餐廳吃過釀蟹蓋,不同之處在於內港餐廳的焗釀蟹蓋主要是豬肉和蟹肉,比例卻是8:2,而這裡的焗釀蟹蓋餡料是全蟹肉,啖啖鮮味的蟹肉混和芝士及忌廉汁,只是略嫌偏鹹了少訐,但也總算是物有所值的。

忌廉蘑菇蟹肉湯X3:是超水準之作,每啖湯都充滿非常濃烈的蘑菇味,最令人驚喜是每匙都有超多的蟹肉,湯水略嫌偏鹹了少訐,味道是非常的鮮香濃郁,可能價錢(MOP 8X)會稍貴,但絕對物有所值,這道菜亦是各人在整個午餐最為欣賞的。

鍚紙焗立魚包:鍚紙內除了立魚外還有青椒、橄欖粒、蕃茄、紅椒及薯仔。立魚有鮮味,魚肉亦頗滑,而席上客的意見是好壞參半。只是配料雖然豐富,但各人認為配料滲不到汁液內。

白焯椰菜:是白焯椰菜的味道,原個椰菜上碟的,味道淡口,最適合臥病在床的人士。

總括來說,凡與"蟹"字有關聯的菜式都是美味,除了名過其實的葡式焗鴨飯及淡而無味的椰菜外,其它菜式也達到我們的要求,只是以此價錢及餐廳的名氣,難免期望過高。最後,結脹總數約 MOP 1300。

見到呢度有咁多好評，所以專程book位試一下，
當晚我地二個人，食左：

1. 非洲雞 <---好似唔辣o既咖喱雞咁，好油，不過雞都算滑，同埋賣相唔錯
2. 海灣馬介休 <--馬介休下面有d 薯蓉，都幾好味，但好滯
3. 血鴨 <-- d 汁幾特別，有好多鴨肉，啖啖肉，好似食緊牛腩咁

環境唔錯，service幾好，換碟速度好快

聽過某食家推介到此餐廳試試，一行五人在六時正到達，做第一枱客人。
餐廳環境唔錯，裝飾及裝修都有心思及舒服。
我們一共點咗三個菜：
1. 腐乳炒蟹：肉蟹大少適中，夠新鮮及有鮮味；不過就似普通洋蔥炒蟹味道，食唔出有腐乳味。
2. 血鴨煲：鴨肉夠唸入味，有少少帶酸似用多咗醋；個汁就灰灰哋色，無特別味道，不過撈飯就唔錯。
3. 焗豬扒飯：豬扒夠唸入味，飯底加入腸仔炒，幾香，不過就有啲太濕軟。整體來說，味道唔錯，食落味道似大家樂的一哥焗豬扒飯，無甚麼特別，而且價錢以此水準就偏貴。

總結來說：所點的菜，水準味道一般，用料都新鮮；以此水平相比，價錢就偏貴；侍應服務一般，無嘢識介紹，成枱骨及蟹殼都唔識主動換吓碟。

星期一中午來了這裏食午餐,是看完亞蘇的節目介紹話好味,所以我們三人就來了,我們三人點了一個非洲雞,一個焗豬扒飯,一個黑豬肋骨.

先來非洲雞半隻-辣辣地份量也不少,雞肉很滑,很入味,配薯仔片,好味
焗豬扒飯-很多塊豬扒,顏色很吸引,炒飯底很好味,有些腸仔炒很惹味,豬扒是好淋好易人口,豬扒有些酒味,很特別
黑豬肋骨-配一碗沙律菜,豬肋骨是已切開一小件,方便進食,豬肋骨很廋,沒有很多肥肉,好味,但較老了一點,下面是一層薯條,好味.

這裏有兩層的,環境很清靜很舒服.

星期六晚同女朋友原本想去"船屋餐廳"，因為冇位，見到"海灣餐廳"有位就入o左去食晚飯，起初見到環境唔錯，以為入o左一間幾高級既餐廳，但係可惜..... D服務奇差......

首先，明明餐廳入面有其他舒服D o既位，都唔知點解係要叫我地坐門口位，最後都係因為覺得坐得唔舒服，就問有冇其他位，之後轉o左個位明顯好好多，呢個時候就覺得佢地D服務平平。

開始Order野食，我地好快就決定o左叫乜野食(~$400)，只係冇打算叫野飲，但係個侍應好似唔滿意，係都要問我地係唔係要一支水(唔係一柸)，我地就唔理咁多，就答要啦，他果然係俾o左支膠樽裝o既水，好明顯係想話俾我地聽佢係賣支水俾我地。水要計錢都唔係冇見過，只係佢限你飲一支水，唔夠又要買多支，真係好有問題。

等野食o既時候，覺得D侍應實在太似茶餐廳D侍應，因為D侍應不斷講D無聊野，仲要講得好大聲。
心想: 下?....咁都得，我地唔通去o左間茶餐廳?

食野o既時候，D侍應真係當我地Invisible，完全唔理我地，食完麵包又唔收碟，個碟有好多魚汁又冇人會幫你換下等你可以食其他飯。D侍應唔係唔醒目，佢地根本懶得理。

野食Okay，不過唔可以話係好食，所以最後都剩o左唔少，用o呢個價就非常唔值，仲要得到奇差o既服務。

最後，由埋單到出門口都冇人講句"多謝"，唉........ 下次去到媽閣一定唔會再入呢間"海灣餐廳"。

highly recommended dishes--

baked sole wrapped in foil
baked pork chop rice
blood duck rice
ox tail soup

dessert-
Macanese biscuit mousse

They just opened their second shop in Taipa! So convenient and they have great tea sets too! Located right across from the famous Taipa Pork chop place