9月6日, 晏晝我地就黎咗官也街, 搵唔到我地原本想食嘅緬甸麵, 所以又黎食過番尋味嘅誠昌食水蟹粥~

::: 水蟹粥 ::: $95
比上次黎加咗價, 加幅都唔少, 可能真係幾特別又好味啦~ 一大碗足2人份, 淨食呢個都夠~ 用料足, 有一大隻蟹, 金黃色嘅蟹糕仲溶晒落d粥度, 每一啖都食到好鮮嘅蟹味, 一d都唔腥~ 隻蟹鉗都仲大隻添, d肉味又唔會話走晒去粥度~ 有得食, 有得飲, 水準都保持到, ok~

其實除咗水蟹粥, 都想試下佢地其他野, 不過我地得2個人, 食一個水蟹粥都已經飽咗… 所以如果佢個蟹粥可以有d一人份量版就更加好喇~ 環境算光猛, 係坐位迫咗d, 同d呀姐服務態度麻麻…

據聞此店最有名是蟹粥，星期一晚上6點到達，二人行，唔駛排隊，唔駛撘枱，自成一角，食得都算舒服。

個主菜都係蟹粥，粥底夠錦，開哂花，同"三元"不相伯仲，仲有好多蟹榚飄浮，唔食得都睇得先。食落口，好好味，而且，隻蟹都好多肉下，計起黎都算抵既，值得一試。

但要彈是侍應唔夠，落單比較慢，服務比較遜息。

一個字....火
環境嘈雜...服務態度差...味道普通....無下次

同朋友去澳門玩

聽聞e 間唔錯
結果....
未入去食已經發生問題
排隊唔洗拎籌(只寫低姓同人數)
結果同姓人相撞
上二樓....有一張多客人o既桌
服務人員只顧處理那些顧客
我們叫了10分鐘才有人理會
食物上錯了
依然照拎返去原本o既客人
食物味道平凡
如果有期望會食到好o野
只會失望而回

游走完威尼斯人後已差不多九時, 係時候重頭戲出場. 數年前在這店嗜過, 蟹粥那鮮味至今依然令人難忘, 所以這次去也致不然會有些期盼. 人氣比想像中更旺盛, 九時多來到也要等位, 幸好等十五分鐘左右已有位, 店內差不多全是大檯, 我們四個人就被安排上樓同時和另兩對人搭檯. 之前那餐也著實吃得太過痛快, 未落格下就簡單的點選招牌菜來品嚐

炸鯪魚球 - 本打算要鯪魚球拼墨魚丸, 但可惜墨魚丸已售罄, 想盡地一鋪試勻各樣美食的我當然會有點失望, 但沒炸墨魚丸, 鯪魚球倒也應該會是個不錯的選擇. 來到鯪魚球脤卜卜的賣相已令人垂涎三尺, 魚肉結實彈牙, 但配襯的只有唿汁味道未免過於單調, 就叫來伙計來一小碟蜆芥, 蜆芥鹹鮮, 點上更添惹味. 之後意猶未盡, 特別買一樽回香港再慢慢品嚐

蟹粥 - 要了小的, 但來到份量可不少, 粥面放滿了蔥粒, 朋友不太好, 就全數落在本人的粥裡, 喜好蔥味的我, 聞著已覺很是滿足, 而粥底軟綿, 加了蟹後味更覺鮮甜, 蟹肉比前幾年來好像細了些, 但尚幸蟹肉還是有不少

伙計忙到一團團, 落單送菜也超快速, 但見他們一臉不耐煩的樣皮, 無疑是給食客一種無形的壓力

很欣賞朋友的食力, 之前朋友在煥記買了白飯魚, 之後也在四眼仔買了灼魚皮, 吃完蟹粥後回酒店還可吃下兩大個外賣, 見他們奀奀瘦瘦的, 肚皮容量卻可不少

九月五日(星期六)

吃完了美食坊,大家都不太飽,於是決定再到誠昌吃!不過當然人多了,要等位!太約等了20分鐘左右就到我們了!
炸田雞骴,似KFC的炸雞,炸得香脆!而且田雞味道好!有點咸,合得來!吃了覺得有點熱氣!不得不提的是田雞骴很大隻!
炸鯪魚球,果然好吃!很彈牙呢!炸得不油,推介!
蔗水,正常的好飲,可惜不夠凍!

下次一定要吃水蟹粥呀!等等都值得呢!

星期四周圍搵野食 係下午茶時間入左去誠昌
(當然係無乜人啦) 所以service都唔錯
叫左個細既蟹粥同瑤柱生菜
4個人食少少都幾好味 個蟹粥個味唔錯 不過唔係太濃味
個生菜煮得好好 d 瑤柱好夠料 又好味
值得一試 又唔駛加一 幾抵

We are tourist from Malaysia. We know this so called "famous" restaurant from Open Rice...thus we decided to try some famous food there...

But too bad, the staff used such kind of rude attitude to welcome us. Just some advices for the owner of this restaurant, pls educate your staff to be polite...and show some respect to customer...

we had tried 水蟹粥、酥炸鯪魚球、酥炸墨魚丸、椒鹽田雞 and broccoli....

the 水蟹粥's taste so so only...more like water rather than 粥...or maybe this is the specialty...

酥炸鯪魚球、酥炸墨魚丸、椒鹽田雞...emm...ok...pass...maybe i like fried food, whahaha......at least the 田雞 not too small...

一大早行到身水身汗就是為了這出名的蟹粥!
我們去到的時候都要等大半個小時才能入座
期間還經歷無情大雨,認真狼狽!
幸好最終能入座開餐
一行四人叫了三菜一粥
馳名水蟹粥(大), 酥炸鯪魚球, 西蘭花炒鮮魷, 干燒伊麵
實行眼闊肚窄大戰!!!

馳名水蟹粥(大)
份量很大,早知道叫小的就好了
雖然粥底的蟹沒有什麼肉可吃,但粥很鮮甜,也有點點蟹膏

酥炸鯪魚球
新鮮熱辣,也很彈牙,味道比香港我吃過的都好,值得一試!

西蘭花炒鮮魷
份量少,而且我覺得很貴的一道菜
雖然炒得蠻有鑊氣,魷魚很新鮮也很爽口
但每樣都只是得幾件,卻要五十大元,這個可以不吃

干燒伊麵
雖然是用了金菇混合清炒,但卻一點都不齋
金菇的爽配上伊麵的軟,兩者配合得很好
可惜我們都吃飽飽,吃不下它了~

吃完整頓飯我們才用了半小時多點的時間
見他們店這麼多人等,我們也不好意思久坐了
吃完就轉戰甜品!

招牌菜好水“水蟹粥”

水蟹粥夠鮮味，食材新鮮分量十足，大水蟹粥一窩，估計用兩隻水蟹煮成，但粥底真令人失望，好稀好水的感覺，未能保守招牌菜的水準。


酥炸鯪魚球拼墨魚丸
鯪魚球及墨魚丸很爽口肉味十足，可見老闆選材新鮮，師傅功夫了得，鯪魚球能保守水準，真得一試。

金沙大蝦
大海蝦及鹽蛋黃煮而成，每隻蝦足三兩，味道似黃金蝦，但每隻售價MOP50，無鬼別之處，所以覺得唔係好真。

總結：
每年都會去澳門旅遊，誠昌飯店是本人食水蟹粥的首選飯店，但今非昔比，老店未能保守招牌菜“水蟹粥”水準，真可惜啦！

細蟹粥
一端上來時好香蟹味，搞一搞個粥都見到有兩個蟹蓋，本來好大期望
但食落粥底綿但無蟹味，兩個蟹蓋都係得碎蟹膏，無肉食...
而且細都好大碗，兩個人食完都可以埋單走人，見隔離檯5個人都係叫細碗...

鯪魚球拼墨魚丸
幾好味，但作為繼水蟹粥既另一招牌菜又好似未夠班
本來想淨叫鯪魚球，但寫個阿姐係咁叫我地加多十幾轉雙拼，
出到來反而覺得墨魚丸好味過鯪魚球，
鯪魚球有少許腥味，但可接受

花菇扒生菜
叫一碟菜清下腸胃，簡簡單單既做法已經可以好好，
花菇幾入味，生菜份量亦多

個人覺得招牌水蟹粥無甚特別, 唔係多時間or多錢都可以skip

諗住一心去試下馳名澳門既水蟹粥...點不知兩個字黎形容 (瀨野)...

我地兩個人去叫左3個餸..水蟹粥..酥炸墨魚丸..豉椒炒花甲...

終於等到水蟹粥黎啦..令人相當失望..因為d粥正係好似水咁...蟹亦冇鮮味...一路其待既水蟹粥原來就是這樣....酥炸墨魚丸外皮一d都唔脆...豉椒炒花甲亦冇味...香港既廟街仲好食得多...

我覺得都係d人睇得太多網上食評..同雜誌..令到個名響左食物就每放越下...正係食一次就夠啦..

1點幾先黎到, 食早餐, 哈哈!
2個人叫左一個水蟹粥, 因為第1餐食唔到咁多野, 所以只係叫左一個粥, 不過都幾大窩, ok既, 成肚水囉!
個人覺得, 唔係想像中咁好食, 亦唔算多人, 唔算平, d蟹都唔係太新鮮囉, 仲有d鹹。
至於服務, 可能因為佢地覺得生意好, 所以d人態度好差, 又找少錢, 唉!
其實我澳門同事介紹我去食另一間架, 但係又係因為地方唔夠方便, 所以冇去囉~下次都係唔好貪方便喇!

出了名的店子，九成都會水準下降，此店便是其一

o係門口等o左陣就入得，本著只求一試的心態，四個人要了細的水蟹粥 (MOP95)同一碟鮑貝扒西蘭花 (MOP60)，而因為對面o既兩個人都會要大的(MOP125)，我o地就俾人暗話 (即係我o地都聽到) 四個人都只係要個細o既
咁食落，又真係無咩特別，睇住對面窩大o既，只係覺得多o左o的粥水，蟹肉一樣都唔算多。不論佢o地寫住點有誠意足料，我食完就唔太覺得有咩蟹味

碟西蘭花亦有o的離譜，鮑貝少少腍之餘，o的西蘭花係黃黃o地o既……

囂張的收費，港紙寫到明唔補差額就預o左，連人仔都話明一對一，賺晒啦你，卡都唔俾簽
最後仲要發現，好似大陸咁收o左兩蚊紙巾錢
頂！離晒譜

門口貼幾多明星相都無用，只有競爭才會令佢o地覺悟

成日聽到人話去澳門要食蟹粥，仲話呢間係最出名，但原來都係不外如是~~~

--- 蟹粥 -- 蟹味唔夠，不過好在蟹夠新鮮
--- 椒鹽田雞 -- 唔知點解椒鹽會係用粉"張"炸....一d 椒同鹽都冇仲要d田雞霉霉地
--- 椒鹽魷魚 -- 呢味係最好吃既，因為係最正常既
--- 榣柱蠔油生菜 -- d 蠔油"獻"好似湯咁，浸住d生菜，好難食

四個餸，6個人食，個個食左少少就唔想食。

最差既係d 伙計，係咁催我地叫餸，又俾得一個menu，問佢有乜食，佢講親都係椒鹽既野，好似除左椒鹽，就冇野食咁！？

仲要蝦我個妹，同佢講：『你地都食完啦！要去厠所就去出面街口o個個啦！』