呢間野想試好耐。

原來入到黎先知係半自助形式。

試了八番冷麵，有蝦、火腿絲、蟹柳、青瓜絲、海帶，麵汁有檸檬汁。d 沙律醬同 mustard 就唔係另上，係 jit 係碟側面。麵都幾煙 un，d 冷麵汁不會太 over 到入唔到口。

雖然唔係套餐但都可以優惠價飲寒天水蜜桃，原來係 Jelly 的，幾得意。

用$ 15 加多個雞軟骨，俾埋鹽黎點，份量都ok多，算係幾抵呢。

原來除左只提供凍茶與熱水係可以叫熱茶的呢。

可以番桌。

野菜叉燒豬骨湯拉麵：野菜有椰菜、紅蘿蔔、芽菜等等。叉燒切得很薄，約有四五片，味道都OK嘅。拉麵口感彈牙，都唔錯。豬骨湯底略鹹，普通啦！
海鮮鹽湯拉麵：海鮮有蜆及帶子等，都無乜特別。鹽湯湯底較豬骨湯底淡，少了一份香味。
煎餃子：味道可以。不過餃子煎起來黏在一起，夾起來餃子皮容易弄破，並不理想。
糖心蛋：熟咗DD，蛋黃汁流不出來，味道一般。

[31/7/2009; Fri]

身在灣仔返工,
食野食到冇野好食咁滯,
是日因有八番拉面coupon派所以引領左入黎試食,
我既lunch time係2pm,所以店子內沒有人,
order左個拉面,不久就有得吃了,
湯底仍然很濃,麵氣亦都很讚~~~
可是同事們卻投訴碗麵太細碗了~~~~

的確,對男生來說,
這個size的拉面幾口就吃完~~~
下次出個king size,或者有吸引更多人惠顧

22-5-2009

再次0係灣仔開餐, 又要趕頭趕命, 好悶呀 -_-" 唔傷腦筋搵新店試了, 幫襯呢間拉麵店吧, 還掂差不多成年無來過 (上次0黎又係點: http://www.openrice.com/restaurant/commentdetail.htm?commentid=1912026), 朋友又未食過.

大熱天時無乜胃口, 簡單食個「夏日限定」的冷麵 ($34) 就算:
- 麵: 係拉麵, 彈牙度 ok, 但帶輕微鹼水味, 雖然唔難食, 但感覺實在討厭.
- 汁: 咁0既色水, 仲以為係豉油, 可幸食落唔係, 不過味道又比平日食開的 soba 汁鹹. 唔難食, 但真係食到 R 晒頭. 凍食拉麵我都係鍾意配麻醬多 d.
- 仲有一堆紫菜及好甜的「8」字魚蛋, 及另上的一碟沾滿七味粉的蔥花, 蘿白茸及 wasabi, 倒埋落 d 麵度再落汁拌勻食, 都 ok 的...

另外見 menu 有幾款平平0地的「佐酒小食」, 貪過癮加了一份「芝麻雞翼 + 薯條」($10) 試試 -- 雞全翼頗油, 但炸得夠脆口熱辣又有點肉汁, 不過調味料 (七味粉?) 太啃了, 食到舌頭麻痺又喉嚨痕 @_@" 薯條就軟撻撻, 油膩又無喱薯味, hea 得佢呢...

朋友食叉燒拉麵 (30 幾蚊) + 溏心蛋 ($9)... 拉麵佢似乎食得幾滿意, 但就話隻蛋「中環0個間 (http://www.openrice.com/restaurant/commentdetail.htm?commentid=1866291) 好食好多」咁話...

幾年來幫襯過 3 次, 印象仍然麻麻0地, 應該唔會有第 4 次了.

趁假期前行行街，唔煮飯，放工同老公係灣仔流連，是但搵間野食。格局有Ｄ似執左笠既sh... sh...拉麵，野食都係麻麻咁喇！
１。叉燒拉麵：第一次食咁肥既日本叉燒，切到好薄身，無口感。
２。豬軟骨拉麵：幾焾身下，味道唔錯。
３。豆腐乳布甸：綠茶汁係面，哩個pudding可以做好Ｄ。
總括黎講，拉麵就有Ｄ怪怪地味，係日本超市果Ｄ包裝拉麵重好食過佢。

上次於東京食過, 看到這裡開左間, 今日終有時間上來一試.
12點來到, 冇乜人; 可能未放lunch 吧.

叫了基本的39蚊的, 野菜拉麵.
加了個23蚊的餃子.

係即弄的, 開放式的廚房, 可看到廚房內的情況

麵好快上.
叫了味噌湯底, 因本人最愛; 當然也可揀其他的.
喝口湯, 濃味; 略咸, 但ok.

好多菜, 正. 芽菜都幾爽口.
义燒正宗日式, 得一片...
味ok. 夠薄, 夠正宗!

麵方面, 幾爽口, 合格.
係粗身d既, 冇咩鹼味.

服務也ok.

係餃子23蚊略貴, 如只食個39蚊麵, ok.
但餃子係好食正宗的, 6只23蚊, 其實都算係咁.

千里迢迢到灣仔搵中學老師食飯

食呢間的原因好明顯係等位快，對只有一個小時lunch hr 的OL 係不錯的選擇。

我叫左义燒拉麵，佢叫左粟米拉麵。結果，好似粟米抵D，料都多D，又平d。

不過，义燒都唔錯，不過係個湯底麻麻，有小小油。

個义燒都唔錯，肥瘦適中，幾好食。

最後，係個麵，又唔係特別好食，正正常常，當然，如果同旺角的街頭小店相比，梗係佢好食D，正所謂，一分錢，一分貨嘛~~

第二次去食
今次要左個海鮮拉麵
$48冇餐跟既

等左5分鐘度就有得食喇
對於我地呢d得一個鐘食lunch既岩哂
不過佢係買左飛先入得去坐既,
搞到入面冇位就要係門口等到有位佢先會俾你買飛

湯底冇得揀,係清湯黎既
d料okay啦睇落唔多不過食完就岩岩好

以呢個價錢我個人覺得okay啦
耐唔耐食一次都okay既

最中意飲佢個杯凍茶

係灣仔番學...
太貴又食唔起...
餐廳又唔知有咩食...

記憶中..lunch成日都番八番到食...
好似做o左飯堂咁...

面同湯都好食過Time Suare個邊個間..
最鍾意係佢個隻蛋...
係我食過咁多之中最好食的...

其次係個set lunch送埋個甜品!!
都係好食的!!!!

我覺得呢間八番係咁多間之中最好食的一間....=]

見openrice有coupon,所以就去試試。以下食評以講過﹐呢度先係counter點菜﹐再拿牌仔到’木台’上。然後就會有人送餐來。麵比較淋身﹐冇乜咬口。叉燒唔知係個豬軟骨湯既關係定其它因素﹐食落口比較鹹,但肉質都算淋。

送果3隻炸餃子味道一般﹐如果唔係有張送餃子coupon﹐應該唔會尊登來食。

終於去左試
門口都唔錯 ...一入到去好細間 ...入去坐低睇下有咩食 ...又走番出去買飛囉 ~
如果可以坐低左落單就very good喇 ....
叫左 ...
8番野菜拉麵 + 2件蝦壽司 + 豆腐布丁 + 凍煎茶
粟米拉麵 + 6件餃子 + 豆腐布丁 + 凍煎茶

總括黎講 = 好味道 .....同999拉麵 ...九千代拉麵有得揮(仲要平過佢地添 ~)
推介 >> 豆腐布丁
介紹左公司同事去 ....返黎都讚好呀
下次帶埋d朋友仔去先

中午十二點幾，來這間店子小小的八番食拉麵，由於未到繁忙時間，人客唔算多。

睇下個menu，在寥寥無幾的選擇之下揀了吉列豬扒拉麵，要豬骨湯底，另加錢要左杯什麼菠蘿味寒天特飲。

未幾，吉列豬扒拉麵送上。吉豬和拉麵是分開上的，不致使湯把豬扒浸淋，這基本野都可以做到。先喝一口湯，味道比較清淡，麵質雖未達致彈牙口感，卻都唔算好差。吉列豬扒是熱騰騰的，顏色也對辦，幾吸引的。豬扒外層幾脆口，只不過肉質唔得鬆化，有點死實實的感覺。旁邊的醬汁，一味得個酸字，只可用難食去形容，我點左一次之後就無再繼續。

明知是化學制造的菠蘿寒天特飲，估唔到味道又唔錯喎，仲有粒粒的啫喱，反而有驚喜。

總的說，食物質素普通，環境大路，服務也未見特出，唔能夠俾到我深刻印象。

趕時間，要食個下午茶餐，咁見到呢座新大夏，入去睇睇，見到呢間拉麵店，有下午茶餐，三十多蚊一個，就試下啦。

得三款茶餐，一款係叉燒拉麵，一款係炸雞拉麵，令一款係淨煎餃配寒天。我地點了前兩款拉麵，配汽水。店子係日式那隻非常細，十一二張檯，半自助型式，買了食物，跟住店員會把食物奉上。


叉燒拉麵先黎，有芽菜，木耳絲，半隻糖心蛋，一片日式叉燒，係，係得一片，仲係好肥的，配合豬骨湯底。我個碗炸雞拉麵有芽菜，木耳絲，有筍，三塊炸雞，都係豬骨湯底。個湯底都唔錯，唔係太肥，塊炸雞d炸漿有d厚，不是日式炸雞那隻薄而脆的口感。拉麵都算彈牙。不過以三十多元一碗麵來說，都算 over-value, 不值。

一向食日式拉麵都會落七味粉，呢度那些是自助式的，一包包的。倒出來d色同感覺同一向食開那隻S&B唔同，哈，點之係睇下後面，原來係北京做，oh my god! 真大殺風景!

今日LUNCH ，兩個人黎左呢度食，

點左個粟米拉麵餐，餐內包括:

一碗粟米拉麵、迷你炒飯、苞芙!
再另加多個煎餃子。

講真，個粟米拉麵就唔係話好特別，不過不失，算OK咁，D麵就幾林，算入味!
迷你炒飯、同個餃子都係!

唯獨係個送的苞芙!!!!!
真係好好味!!!
一咬入口，D雲呢拿凍住咁流出黎，真係好味!!!!

值得回味!

上完堂,同7個同學仔去搵野食~見到ｌｅｅ間野，諗住會幾好味，就走入去～
一入去，第一個感覺係好細．．得好小枱．．
我要左個豬軟骨拉麵，醬油豬骨湯底～
同學仔要炸豬扒拉麵～

豬軟骨拉麵：麻麻地，，個湯底太咸．．好口渴～淨係得咸味，唔濃豬骨湯味．．．
不過，豬軟骨幾好味，幾淋～但係得２小舊．．

炸豬扒拉麵：我無食～不過，朋友話唔好味～＊

玄米茶：幾好飲～＊原本諗住係熱ｇｅ，點ｄ原來係凍，ｇｄ＊