35
14
3
以上資料只供參考, 請與餐廳確認詳情
這個旺角熟食中心一直讓我心生一個疑竇, 究竟是怎樣去的呢?首先它是隱身於朗豪坊對面的一幢叫什麼「旺角綜合中心」的政府建築物, 還要上扶手電梯 (熟食中心的下面是社署的設施), 後來才發現原來朗豪坊是有一條行人天橋直達的, 真是激壞。旺角熟食中心的頭號名食當然是農夫包, 但這天胃口沒那麼大, 想起另一檔頗有名氣的 - 南京好味!不知為何這裡會被標明「已結業」, 檔位明明好地地健在 (時為六月尾), 只不過棟了個牌出來寫著「落單請往隔離」的上海店而已。吃了最馳名的山東手撕雞客飯 ($30), 飲品本來想要上海店的豆漿的, 卻沒有無糖的豆漿供應, 只好加 $2 要杯凍檸茶走甜。落單後拿了個牌仔, 就去搵位了。一時多個場都不算太多人, 而且有冷氣, 地方又夠光猛, 幾舒服的。食物到手後, 先拍拍照, 然後發現它基本上分三層: 最底層是切條的青瓜, 跟著有手撕雞, 最頂的是切條的粉皮。最後加個用醬油、醋、蒜、辣椒等等材料調成的醬汁便成了。整個菜做得最好的, 還算那個醬汁, 雖然都頗鹹, 但也帶一點點甜味, 加上濃濃的蒜香 (這個真是觀點與角度的問題, 我吃得相當過癮, 然而之後要見人, 餐後還是猛嚼香口膠!) 和少少辣味來吊味, 是很好下飯的。雞肉相對就比較粗糙, 甚至有點嚡, 反而粉皮因為索滿汁的關係, 用來拌飯更佳。這個時候, 清爽的青瓜便大派用場, 用來清清味蕾了。檸茶茶底頗濃, 正好消滯。我見熟食中心一般的消費都是廿來元左右有個兩餸飯連湯的套餐, 這裡跟翠苑算是比較高消費的地方了, 但仍比一橋之隔的朗豪坊相宜得多, 因此頗受附近的上班族歡迎。
繼續閱讀
去到旺角行商場時都會去朗豪坊行，貪佢位置方便和都幾多商店，行完也多數在商場內的食肆食野，其實在朗豪坊一街之隔的旺角熟食中心有很多臥虎藏龍好食的好食店，今次我去的南京好味就是其中的一間。南京好味是在旺角熟食中心其中一間食店，位置在上海街朗豪坊的對面，朗豪酒店的旁邊，在小巴總站的上面，可以在地下上電梯到二樓或是在朗豪坊二樓的天橋直達，位置都幾方便。內裡的環境都是一般市政局的熟食中心差不多，樓層四周是食肆而中間在很多四人或是八至十人的大枱，衛生程度比一般的熟食中心清潔而裝修也都比較新淨，可能是樓齡還算是新的關係，枱與枱之間的距離比較闊，空間感也都比較大。南京好味主要是上海菜為主，但也有一些中式的小炒或是炒粉麵飯可以選擇，價錢每位大約是$20-$30可以食一個午餐的，由於是即炒的，價錢都相當便宜。平時來這裡多數是食手撕雞的，今晚就叫了一個$68的二人餐，有一個例湯，兩個飯，叫了一個黑醋骨和干煸四季豆。例湯相當之大碗，超過了兩個人的份量，比在家中用大湯碗放的湯還要大，真是童叟無欺，試一試湯的味道，今日是黃瓜煲瘦肉，飲落湯的味道比較淡，但就知道是無味精的，所以味道還可以，雖然火侯都是滾湯的水準，但份量和無味精令人飲落都覺得十分之可口。黑醋骨這店的另一個名菜，由於是即炒的關係，每一次都要等十分鐘左右，但等是絕對值得的，來到時見六件大小適中的排骨，每一件都充滿了黑醋在上面，一試入口，真是非常熱辣辣，即炒的關係令排骨的鑊氣非常足夠，排骨的外表有少少脆，而內裡的肉就醃得非常入味和鬆軟，不過最重要還是個黑醋，微甜帶酸的黑醋中和了有少少肥膩的排骨，令人有一食再食的感覺，不過要趁熱食，不然個汁會變硬的，這個食物送飯一流。干煸四季豆叫這一個餸其實想食一些蔬菜，因為這店的蔬菜類食物比較少，但水準一d都唔差，炒得剛剛好的四季豆而面上有一些肉碎粒和蝦米粒，由於四季豆不甚吸油，食落入味之餘又不會太油膩，配上十分入味的肉碎粒和蝦米粒來炒令四季豆多了一份肉香，不過如果單食面上的肉粒和蝦米粒就太咸了，一定要配上四季豆或是飯來送，不然需要飲上很多的水了。店員女仕十分之有禮，什麼都唔該前唔該後，又唔會叫你個餐加什麼要幾多錢，你叫什麼就落什麼單，比一些強行推銷的店員好好多。食完又可以坐一陣，唔似一些食店食完就狂風掃落葉般有人幫你收拾好，明示暗示的叫你離開了，去熟食中心食野就有這個好處。食物水準不比酒樓差，但價錢平很多，如果食膩了朗豪坊的食物，可以走過來這一邊試一試，包保不會令你失望。
繼續閱讀
成日食門口,決定試下其他呢間之前都試過,不過冇影相冇寫食評今次同男友兩個人食68蚊2人餐兩個小菜(某D要加差價)+兩碗白飯+湯(酸辣湯/粟米羹),凍飲加7蚊,熱飲5蚊最後我地要左咕嚕雞,欖菜四季豆,因為我同男友各自想要湯酸辣湯同粟米羹,收銀話可以分開,不過比一大碗既分量少另外要凍檸茶咕嚕雞就細份左D,不過都好味,絕對唔係大舊炸粉果隻,完全冇萬年油炸味欖菜四季豆就超好味,雖然係普通野,送飯一流酸辣湯我只係偷飲就幾啖,材料豐富，酸和辣平均, 湯材料豐富入口即時將舌頭包裹著粟米羹一樣材料豐富飯都大大碗,不過檸茶比起平時茶餐廳既就細杯左DDD真係平靚正,都好飽,咁既價錢你仲想點!地方舒適程度,去得熟食中心都預左,不過好似唔係幾關呢間食店事,都講少少夏天可能人多,坐埋牆位冷氣唔係幾夠
繼續閱讀
好多人都去完食手撕雞之後寫食評話好掂好好味琴日中午我就慕名而去啦食過後覺得實在係名過其實啦並冇想像中咁好食手撕雞一碟+白飯一份+凍飲一杯=$27蚊話平唔平話貴唔貴先講份手撕雞好簡單，甜豉油+辣椒碎+蒜蓉+芫茜碎+雞(疑似有豬肉)食落真係冇乜特別，一般屋企都整得出既菜式飯冇叫少飯好似都只有好少飯...凍檸茶估唔到叫少糖佢走糖，此外，冇茶味冇檸味都唔知果杯乜黎另外朋友叫左份 咕嚕雞一樣係冇乜特別同三送飯果D一樣，但廿七蚊食得一送真係唔抵囉環境方面差、差、差！搭台情況超嚴重如果同台有人散播細菌真係中哂招OK，一試無妨，不會多去
繼續閱讀
第一次來到這個熟食中心, 一心要試手撕雞.今天星期日, 剛好一時前到逹,整個熟食中心人還未太多, 漫漫開始多人. 連此店都開始要排隊買食物了. 見到有人的外賣上海粗炒還未有時, 我後來叫的手撕雞就不用等太久. 叫了堂食少飯, 店員好細心的問我飯夠不夠吃. 例湯是青紅蘿蔔湯, 不太油, 不太喊, ok啦. 手撕雞的味道大多來自它的醬油, 不算太喊, 帶甜味的豉油, 送白飯不錯. $25 來說食物是不錯的. 但可惜地方就較污漕.下次想試它的蔥爆牛肉.
繼續閱讀