今日開完會回公司,時間已經錯過左同同事食飯,於是便自己買埋食飯先返公司食.

呢間美心食過兩三次，最經典係有同事過試用期,買左13個餐，返到公司竟然一支叉都無，全部無餐具.....本來都算,一直都無打算上黎炳，但今日真係唔寫唔得喇

我叫左個煎豬扒飯,墨西哥汁,送汽水$29

返到公司,嘩,D味好似怪怪地,初時以為有紅腰豆煮肉醬意粉汁個種,點知食落真係越來越唔掂,已經囉個蓋黎撥走大部份汁.

豬扒好大塊,但就好鞋口,勉勉強強都算,點知食食下發覺唔對路...D汁入面浮返哂D油出黎...即刻囉淨返既豬扒放係飯上面,發覺D油唔係出自豬扒,一定係D汁凍左少少,D油現返哂型...

食左一半都無,就頂唔順.個味道好怪. 恐怕個汁係以肥豬肥牛肉煮到肉醬咁款,但又唔係好mix到就拎出黎用,結果一涼左就現型...

有相為證..D菜係有葉無莖,下欄野,放係底,猜想係用以吸油,點知個汁未煮好,結果油還油,一PAT野...

味道OK，鴨肉好冧，洋蔥好味。$29.5。午市送綠茶，但好淡。碗飯好細，食完都唔飽。

加$8買西米蓮蓉布甸(原價$10)，味道好普通，質地好實。不推薦。

大大的鴨腿浸於熱騰騰的湯中，清甜，還有元肉，冬菇，很滿足．白飯(數棵菜)另碟上，唯嫌略軟

美心快餐的食物, 有一定的保證.

又落雨, 唔想出街食, 過左黎買飯盒. 好勁呀條龍好長呀, 不過都唔洗等太耐. 埋到cashier其實都已經賣哂好多野, 冇咩選擇. 我叫左瑞士燒雞脾茄蛋飯.

幾好食, 鍾意佢個茄蛋好有住家feel, 隻雞脾都好味, 不過我唔鍾意佢放左塊芝士囉. 可惜未食完盒飯就俾人叫左去做野...............................

睇廣告, 個韓日丼睇落非常吸引, 又係因為落雨, 樓下美心一番.

韓日午餐, 沒有人參雞湯, 有一個韓式炒麵同牛肉飯, 加上Kimchi同大豆芽.

好食就好食. 但難分佢是否日式或韓式...只知係快餐...卓頭.....

一間美心, serve晒成幢中環中心, 有固定客源, 不錯

平時食晏就未必會揀樓下, 但一落雨, 無辦法, 要落去食就不免得落黎排隊.

平日早餐都會去幫親下, 奶茶沖得好好, 點心(叉燒包, 蝦餃, 鮮竹卷) 好正!

有時食通粉, 炒麵, 都非常好

但三文治, 始終是巷仔好d

其實呢度的飯盒水準好高，但我想因為客愈來愈多，質素唔穩定。
<br>
<br>但佢地o的沙律同三文治好抵食，十幾至二幾蚊度，仲要幾大份同夠新鮮。
<br>
<br>佢比其他的Cafe Express 的價錢平D，係和記大廈個間就貴成二成。
<br>
<br>佢地早餐的選擇都唔少，都可以留意

對我們在中環中心開工的人來講，方便是它的首選。初開張時出產的質數竟出乎意外的好。但最近開始下跌，尤其是普通飯盒。