這是第二次來新陶園食海鮮,而兩次都是同同事嘅飯局,第一次食到我樂而忘返,因此對今次十分有期望
話晒都係海鮮,好食係固之然,但同上次比,就少了一份驚喜

最先出場嘅兩味餸,係自己覺得最精彩嘅
鮑魚蒸雞鮮味非常,上湯龍蝦雖不及芝士焗(純粹個人喜好),但配上之米粉底就十分香口入味因為米粉實在太正,食下食下,已開始飽飽地,之後出場嘅蒸魚,扇貝,象拔蚌都甚有水準,但可能飽飽地嘅關係,食完印象始終唔深刻高潮可算是接近最後出現嘅鹽焗奄仔蟹,隻隻蟹都肥美多膏,但本人對蟹膏不算太大愛好,因此無其他同事般興奮,反而最後的炆頭腩,自己就十分喜歡,但因已無多餘戰鬥力,所以都食唔到幾舊,稍感可惜最後仲有一碗海鮮湯,馬豆糕同橙,每人大約300蚊,食飽飽離開,人多的話,這裡絕對是飯局好去處

這次是和同事們一齊去食飯，第一次來流浮山食飯，睇睇openrice ，對新陶園的評價都ok，就去了。
一來到服務生就說 : 對於新來的客人，我哋都送海鮮湯嘅!
我哋就心諗 : 幾好wor ，有湯送。
就睇menu ， 點菜。
直到服務生過來寫單 ，點知佢話 : 個湯要畀60蚊先有。
我哋就話 : 頭先嗰個人話新客 ，送嘅wor 。
服務生就話 : 係啊，條魚係送畀你哋 ，要攞黎煲湯 ，所以要收你哋人工費 ，60蚊就係人工費la !
我哋都諗咗一陣 ，都好喇，佢反正都用條魚煲湯 ，當60蚊買lor 。
結果個湯上黎之後 ，魚就見唔到 ，見到好多豆腐 。叫佢撈啲渣上來 ，諗著應該都見到條傳說中送嘅魚。
個服務生好似扮聽唔到咁 ，將剩低嘅湯but 埋畀我哋就算。
上菜都好慢。
總共叫咗7個菜。
找數1125蚊。
10個人去食 。

那天晚上，一行五人，去了流浮山，流浮山去過幾之，還是第一次去那邊吃海鮮呢。
可能因為是平日，而且我們來到都八時多了，所以人不多，還有很多空位呢。
去到酒樓，店員先叫我們到旁邊的海鮮檔揀選海鮮，總共揀了6款海鮮，現在回想起都流口水了先來的是大蝦每隻蝦都充滿了蝦膏，炒得很好，很美味呢。豉椒聖子皇
聖子很大隻，每隻都很彈牙，豉椒汁做得很好，用來撈飯一流。海鮮湯，雖說是海鮮湯，但欠缺了海鮮味，不及下面那個花甲湯美味呢。鹽水花甲，其實就是把花甲放到水中烚熟，越簡單的做法，越能品嚐到花甲本身的鮮味呢。扇貝是我其中一樣很愛的海鮮，肉質非常的彈牙，粉絲吸收了扇貝的鮮味，很美味呢。咸魚炒飯，看上去似楊州炒飯，吃進口是有咸魚味的，但味道不夠強烈。
而且炒飯炒得一般，飯粒爛爛的，有待改善。遲來的炸蠔，正因為是炸，所以更應該是第一道菜，吃了這麼才上，感覺十分的膩。
這裡的炸蠔做法不及日式炸蠔好，炸粉不夠均勻，又厚又薄的脆料令到整體口感不太好，有待改善。
蠔本身很新鮮，入口即溶，但這樣的外層令這炸蠔有點失色，浪費了原本不錯的筒蠔。鹽焗蟹是最後的菜色，因為鹽焗，所以需要多點時間去焗一焗。
做法是先蒸，然後再焗，所以等了很久還末可以吃。
每隻蟹都有很多膏，而且每隻都很肥美，啖啖肉，蟹本物很新鮮，鹽焗後，令這肉蟹多了點咸香，十分美味。飯後果棷汁糕，看到顏色，就知道棷汁味不夠濃郁，十分的清。
味道似是用棷青做，而不是用棷漿做的，所以味道不函強烈。我還是比較喜歡用棷漿做的棷汁糕，棷味比較濃，更香更好吃。

來這裡吃的海鮮當然很新鮮，味道則見仁見智，主要都是以新鮮作賣點。
價錢方面則每人三百多至四百左右，不算貴但也稱不上抵食。下次都不會特意來吃，太遠了。

個晚屋企食飯, 共有6張台~
先講服務態度, STAFF 好參差, 我要兩碟辣椒油, STAFF 遲遲都未拎過泥,
要收錢GE汽水, 一叫就即刻拎過泥... 5分入面3.5分。

ABALONE AND CHICKEN 入曬味, 好好味... 但因為點左太多菜,所以我每樣菜只係食左兩件而已~
飽魚蚊得岩岩好, 唔硬,又唔太林。魚, 好鮮味... 點小小辣椒醬就更加正!

椒鹽蝦 12個人都喜歡食呢個...!! 太入味了... 雖然好熱氣, 但我都食左8隻XD

蚊骨一D都唔粉, 淡淡肉~ 夠香口呢個CRAB 就真係差左D喇...
炒到D 肉冇曬, 麻麻地* 差~!扇貝 ,
加D SAUCE就更好味, 好多粉C!
呢個係必點~!!

最後當然有 炒面, 炒飯! 炒飯 好簡單, 就係雞蛋,香蔥!
但又好香,好味.... 連個炒飯都咁好味!!
仲要食左咁多野,都食得落.. 真係唔錯唔錯 ;)老人家生日又點可以冇壽包!
軟林林, 熱哄哄... 夠連蓉香!

牙公俾錢, 唔知除番一人幾錢~

訂位: 打電話去訂臺既時候已經感到訂位個位女士好友善, 唔似一般食市個種粗魯。
搵位: 6:30到左新陶園, 唔難搵, 去到流浮山車站左轉行一分鐘就到。
環境:　雖然無酒樓咁好，　但係比流浮山好多老店環境好，　似新裝修。
買海鮮: 之後新陶園既侍應帶左我地去買海鮮, 賣海鮮既人唔多NICE, 港人作風, 黑口黑面, 問十句答四句。下次可以搵第間海鮮檔。
味道: 我本人幾滿意，
大蝦８隻 - 味道唔錯，　真係新鮮，　但唔夠大隻，而且貴，１２０蚊斤
鮑魚仔８隻 - 鮮甜
扇貝８隻 - 一般
龍躉２千（兩食紅燒同蒸） - 紅燒做得好好，　又香，又入味
炸蠔 - 份量非常多，　應該有二十隻。炸粉什麼香口，多汁，一定要試。
另外叫左碟菜同兩支啤酒，無其他野食，　只食海鮮。平時可以叫生炒骨、豆腐、雞。
價錢：２２００，７大人，　一小朋友。平均三百一個，算係咁上下啦。

公司阿sir請食海鮮, 一行十幾人黎到流浮山新陶園, 間野應該係番新過而且鋪內都幾光猛

食左十幾樣野, 就係講d有影相既

蒜蓉蒸扇貝: 味道唔錯,蒜蓉&粉絲夠哂多, 扇貝肉彈牙爽口, 係size就細左dd豉汁蒸鮑魚: 呢個size就夠大喇, 火喉岩岩好, 雖然肉厚但係唔會係度韌哂薑蔥炒蟹: 份量夠多, 而且炒得都夠鑊氣, 薑蔥味唔會蓋過蟹肉原來的味道蒜蓉蒸蟶子: 蒜蓉夠哂多, 鋪到成個面都係, 蟶子夠大隻又夠鮮甜, 而且都係唔會整到好韌清蒸石斑: 好大條丫, 夠哂多肉, 蒸魚豉油整得都幾好味酥炸生蠔: 蠔味濃郁, 而且炸完之後仲好juicy, 係略嫌個皮炸得燶左少少薑蔥生蠔: 全晚最好食呢個, 用薑蔥煮更能帶出蠔昸鮮味, 真係好食到停唔到口下次有機會都會再食海鮮

八月份有兩位美女同事生日，又有藉口去吃餐勁，同事建議去流浮山吃海鮮。放工後，由天南走到地北，都是花了一個多小時，一行六人來到大街，在沒有心水食店時，唯有憑直覺選吃哪一家，就是看哪一家較多人光顧，大家一致決定這家叫「新陶園」的店子。

在門外兼賣零食的店員帶我們往「蕭龍記」選購海鮮，說是他們的直銷店，它就在這食肆往前不遠處，集合眾人的意見，選購了九百多元海鮮，還替我們拿到酒樓。由於酒樓內的大檯已被食客坐滿，我們「幸運」地被安排入一間廳房，可惜室溫較高，初段成了桑拿室，到後來才轉趨正常。女侍應就我們的海鮮提供了煮法和配搭，唯個人不吃豉椒，要各同事遷就我，倒有點不好意思。等了四十分鐘，仍未有食物，原來廚房與侍應發生誤會，以為等「叫起」，害我們餓著焗桑拿。

元貝我們選了蒜蓉粉絲蒸元貝的做法，元貝幾大隻厚肉，但無乜鮮味，蒜蓉夠香濃，粉絲入味，好好食。奄仔蟹不計油料，每隻賣$75，鹽焗奄仔蟹，有羔，蟹殼有鹹香，雖不是不新鮮，但蟹肉欠缺鮮味。小象拔蚌又是蒜蓉粉絲的做法，蚌類的肉質彈牙，富口感，一口咬下，鮮味充滿口腔。蠔買了膠袋裝的本地蠔，體積比美國蠔細小，用了砵酒焗蠔的做法，加了薑蔥，洋蔥等物，格外惹味，砵酒味濃郁，辟了蠔的腥味，然而因蠔較外國蠔細小，缺少了蠔身飽漲的肥美，亦嫌蠔邊不夠脆，但整體也收貨。炆斑頭腩 上了些生粉油泡，外皮香脆，內裏肉質鮮甜，最愛吃新鮮魚，這道菜做得夠火喉。蟶子皇 加了XO醬炒，微辣醒胃，伴以西芹和銀魚仔乾，對爽口的蟶子皇是適合的配搭。海鮮湯酒樓送的，是豆腐加菜的湯，差不多所有的海鮮酒家都是這種湯，味道不濃，普通到極，但免費送，喝一口無妨。蒜子菜心菜心新鮮多汁，青嫩爽脆，吃到一碟好菜心，個個都愛多吃一條。馬豆糕酒家送的甜品，一整碟送來，但不是用粟粉做，是大菜糕版本，個人不喜歡，之後還有橙送。

除遲了起菜外，海鮮烹調得不錯，加工連料連飲品，每人$300，收費合理，可以再來。

是日一大伙人食生日飯,之前都來過流浮山食飯但上次間食店,很令人失望,令次食過這間好好味,下次入嚟食飯都會選呢間

朋友話識得人在流浮山開酒家, 於是去左試!

去到先發覺間酒家應該啱啱裝修完, 因為一入去就聞到裝修味!

不過都算乾淨~

講真, 如果海鮮夠新鮮, 就好食, 只要唔好overcook~


呢度D煎大蝦好正, 好香, 好彈牙~ 推介





其他的味道一般啦, 無乜特別!
可能識得人,所以都好抵食~

上個月同屋企人提早食中秋團年飯, 知道流浮山新陶園全新裝修, 咁多年一向都幫襯開, 都好想試一試佢有無以前既水準, 就一早訂定檯, 寫訂菜... 所以就算節日出街食飯一樣無有怕!

結論: 樣樣野食都同以前一樣咁正, 再加上全新裝修, 感覺更舒適, 冷氣廚房都好潔淨... 真係要讚呀!!! ^^