24/10/2009 (星期六)
在OR網頁上曾見過八王子的食評，今日剛剛好要去尖沙咀上課，所以順路去試試，我叫咗一個燒魚的定食試下，定食送一杯飲品。

燒魚定食： 魚的份量唔算多，味道一般啦。

店內的裝修幾有懷舊feel，有很多懷舊的商品海報貼在店內。

香蔥吞拿魚腩卷 (圖：左)
吞拿魚腩蓉沒有魚腥味，份量一般。還可以嚐試把芥辣/酸薑放在卷物上食用，反正和吞拿魚腩蓉的份量也不多。

自家製魚餅 (圖：中上)
絕對是多魚肉少麵粉，一咬即散(不是即溶)。吃到淡淡魚腥味，還有食到魚骨的感覺(是幻覺吧)。

蟹肉炒飯 (圖：右上)
有蟹肉和沒有蟹肉的味道可能是一樣的炒飯，淡而無味。

清酒煮蜆 (圖：中下)
蜆的尺寸平均。蜆肉爽，清酒酒味輕而清甜，兩者配合得很好。份量少，只有12-13隻蜆。另，真想多喝兩口清酒。

芝士年糕 (圖：右下)
上層是焗熔了的芝士，下層(當然)是日式年糕。上層有淡淡的芝士及鹹味，下層有口感無味道。外表是合二為一，但味道在上，口感在下，怪怪的！

以上幾道菜味道偏淡，當中蟹肉炒飯更淡而無味，最喜歡還是清酒煮蜆。

店內以舊的日式海報及玩具佈置，令我想起《二十世紀少年》中朋友的少年時代，這不會是朋友的博物館吧！

間間火煱唔係Full Booking，就係排長龍，於是試吓入亞士厘揾食，最後因為佢有鍋物，咁就入去幫襯。

燒蠔 － 揀咗麵豉味，上桌實物Size唔算太細，麵豉燒得有D焦，好野味吓。而且味道唔腥兼仲好Juicy，正！

牛舌 － 係一定會食嘅燒野，燒得外脆內軟，不過鹽可以落多些少，略嫌唔夠濃味來送清酒！

霜燒牛肉 － 牛肉都幾鮮嫩吓，半生熟配搭咗一個酸酸地嘅汁幾鬼醒神吓！

牡丹蝦刺身 － 朋友至愛嘅剌身，啖啖爽甜蝦肉，跟手炸咗個蝦頭送酒一流！

雜錦海鮮鍋物 － 有蠔、魚、蝦、魷魚、帶子、魔芋、金菇 … 不能盡錄，樣樣都好新鮮，加上係冬天日子食就合晒時令，份量頗大，我哋未清晒就比佢KO咗！

佈置真係幾過癮，煙癮起到門口「打邊爐」，先發覺個煙灰缸係「雪印 xxxx」，雪印有出煙嘅咩？守门口嗰位四眼妹妹話係日本古董裝牛奶嘅筒，老細見到佢高度幾啱吓就改裝成煙灰缺，真係抵死兼創意十足！

$88 海膽抄飯, 佢個menu 話係推介, 抄出黎勁膿....
一點都不好食...(請看附圖, 手機有限, 但就咁睇仍D 抄飯顏色都好深! 仲有黑色一點點...)

佢上菜好有問題, 我地叫左卷物, 熱食, 串燒, 抄飯 (就係個個好難食的...),
但佢竟然上左 熱食> 抄飯> 串燒 >卷物, 卷物係最遲黎

我懷疑佢係Miss 左我Order... 之後我問佢, 佢先拎比我...
因為有個waiter 不停問我隔離檯 有無漏野, 我先醒水...

個晚食左 280 , 食左4碟, 每樣野都好細, 細唔緊要, 仲要唔好食....真係火都黎..

亞士厘道上有很多餐廳一直都想試﹐惜無機會。難得嗜吃日本菜的Hunnie 放假回來﹐便挑了八王子試食去也。

星期天晚上﹐幸好們外沒有長長的人龍﹐只有一對外籍男女在門外看餐牌。外籍男女進去後﹐我們亦跟店員“掛號”。看到外籍男女被安排到卡位去﹐我還滿心歡喜以為我們也會坐卡位。然而有一個家庭跟兩位日籍男士隨後而至﹐卡位旋即給那家庭佔去了。而我們竟是最後被安排座位的一組﹗也罷﹐有座位便可。

Cozy 的小店﹐紅磚牆配上鐵皮﹐再加上懷舊日本商品廣告及電影海報﹐以及許多相信是老闆珍藏玩味十足的小精品﹐氣氛不錯﹐是三五知己聚餐暢談的好地方。桌與桌間空間不多﹐但還可接受﹐環境亦不算嘈吵。

餐牌選擇蠻多的﹐也有一些標明為餐廳重點推介。隨意挑了前菜一口薄餅吞拿魚腩﹑卷物八王子卷﹑香蔥吞拿魚腩卷﹐八王子西京燒及煮物和風汁煮鴨胸﹑牡犡時雨煮及清酒煮蜆。其中以一口薄餅吞拿魚腩和八王子西京燒最出色。有創意之餘﹐吞拿魚蓉混沙律醬加烤脆了的多士效果令人感動﹔西京燒的準備工夫應頗繁複﹐出來效果非常香口。Hunnie覺得汁煮鴨胸也很好。店員提醒我們八點前飲品半價﹐我便點了巨峰提子乳酸soda﹐只14元﹐味道OK。

美中不足是﹐卷物非常鬆散﹐一夾起便整個散開來。我基本上是飯和饀料分開吃的。

餐牌上有很多菜式我都還想去試﹐但實在飽了﹐留待下次吧。

吃至中途﹐有卡位座的食客離開﹐店員立刻殷勤地問我們旁邊的兩位日籍男士要不要換到那邊去。感覺上這裡的店員們對外籍食客是特別厚待的。大概很多本地色肆也是如此吧﹖

總括來說﹐八王子還是值得光顧的。

前幾曰真係好冷，出咗去海防道開會又着唔夠衫，之後拿拿林落咗亞士厘道揾食暖吓。晚市幫襯過八王子好幾次，但午餐就係first try. 午餐牌選擇不算多，不過侍應推介下之鍋物就有幾款選擇。 我點牛肉豆腐鍋，上菜特熱辣辣香噴噴，牛嘅分量足及有牛味。食得暖時肚又飽，唔洗加一仲開心

約了食友傾兩句，原打算去般了舖的京世，但收到早，不想吃烤肉，於是改道到八王子。

已非首次來，選擇多、價錢合理、氣氛好下省五百字，是夜由醋青瓜開始，青瓜是日本貨，味道很好亦切得薄身，奈何漬的時間拿捏準繩度底，吃起來欠清爽，反而伴的海帶酸中帶鮮，幾可口。

再來是芝士酒盜，軟芝士一客六支，淋上魚腸，質素與上回一般，魚腸切得不夠細緻，不敘了。沒有煮豬腸，要了吞拿魚多士，風格似十足酒處，但做工不及那裡認真，吞拿魚蓉用的是脊肉部分，味是可以的但欠魚腩油甘，切功方面感覺很粗，不是做得差，但在有比較下似乎有改進空間。

燒年糕又是酒處有的出品，用底面爐烘烤，年糕軟糯但餡料量不足，吃起來味道是打了很大折扣。

埋單不貴，走前侍應送來會員卡，說自己上回來過，是次再來會補發九折卡，服務是小店強項，招呼朋友的話，也值得推介的。

食日本野只係食魚生壽司有點悶，呢度就有些不同類型既日本小食選擇，幾特別：
酒盛伴芝士：Yogurt 芝士好滑，正！但我就唔鍾意伴芝士的配菜，味道酸酸的，類似碎上既八爪魚，好怪。
涷豆腐：豆味淡，麻麻地。
蟹仔沙律：正常味道，但份量太少了。
八王子沙律：魚生加雜菜，伴沙律既酸甜汁好味。
燒花魚：燒得有少少乾身左，但魚肉頗算滑。
燒青魚：好味過花魚，鮮美。
海膽壽司：我既至愛，十分正！
八王子卷：睇相有海膽鋪面，但係無既 …
軟殼蟹牛油果卷：軟殼蟹油左D，一般般。
另外要左些壽司卷，味道普通，我覺得呢度既小食好味過壽司。
食物份量細細碟，我地食下又再order下，一坐就坐左兩個幾鐘 ~

我等4個「好食懶非會」會員各自携帶近期新寵Olympic EP-1到此集會，聞說此居酒屋除了下酒小食不俗外；刺身寿司更見出色！

當剝着枝豆等其他食物時，便叫了一支瀨祭，此乃近期在下頗喜愛的濁酒，皆因此酒甜得來易入口，男女皆宜，配襯食物又夠百搭！店長首先送來一碟汁煮梅貝給我們送酒，梅貝炆得入味非常，點一點跟來的辛辣汁醬更多潻幾分野味。接着來的是酒盜芝士及鮟(魚)康魚肝，這兩款小食是全體成員的送酒必選！酒盜芝士除砌法有所不同外，味道等與其他日本正宗居酒屋沒有兩樣。鮟(魚)康魚肝應該是自家製的，質地軟滑而且無罐貨那種苦味。再來是鱸魚薄造同池魚「tataki」刺身，兩種切法做成兩種質感，肉質同樣富有彈性，鮮甜唔腥！雖然個人較喜愛池魚的味道；但不得不讚讚師傅薄切的刀功！

熟食緊接而上，先是明太子厚燒玉子，一整件放進口，除嚐到蛋香外；明太子充斥於口中，鮮香甘甜刺激起每夥味蕾！一客六件好快就KO掉，大家異口同聲大呼鈎癮，店長提意試試師傅新玩意「黑松露菌厚燒玉子」，個人略知法蘭西人都以蛋配搭黑松露菌… 個人做好心理準備不會見到一片片黑松露，皆因幾十塊錢的索價無可能有那麼「着數」的事發生；估計沒錯，是黑松露菌醬，應該是City Super能買到的那種，下的分量一點不孤寒；味道是出期的相襯，蛋軟滑香甜；黑松露芳香撲鼻。估不到繼法蘭西人用蛋配黑松露菌之後，這裏也造出一味出色的Crossover食品！

接着串物同之前的炸池魚骨都一併送來，串物的牛舌唔酥，外層略帶焦脆而裏面就肉汁十足。雞皮串 - 蛋固醇之王，但大家一早以成為它的俘虜！燒得剛剛好；絕對無燒過時的苦味！雞肉丸串無雪味、富彈性，應該都是自家製的，不俗！

飽了、也醉了，因為不知不覺原來我等共消化了 - 四支瀨祭！

P.S: ep-1的pinhole真的不錯！

之前在雜誌看到有關這間餐廳的介紹, (或者應該說是廣告), 被餐廳的日本懷舊裝修所吸引, 所以約了兩個朋友仔一起來試試~

一進店內時其實感覺一般, 心想: 那雜誌上的照片拍的是那裡? 侍應一直把我們帶到樓下, 才明白地庫原來別有洞天, 果然好有舊日本六/七十年代的風情!

她們的菜牌也很有味道, 充滿着六/七十年代的淡黃照片, 很有心思, 不是一般的行貨, 看得出老闆是真的很用心去做. 在點菜的時候, 朋友看到一個很可愛的小孩在菜單上, 打趣地說: 這個可以點嗎? 幾錢? 侍應明顯也是個風趣的人, 他立即答我們說: 這個是我們老闆, 賣幾錢要幫你問問他才知道~ haha!! 我跟我的朋友們大多是"懶幽默"的人, 有時總會跟應侍開些小玩笑, 最怕熱臉碰着冷屁股, 遇上些笑也不笑而且完全不理你板着口面繼續落單的侍應... 香港人, 輕鬆吓啦~

說回飯局本身, 我們雖然只有三個女孩子, 卻點了超多食物, 因為餐牌上的食物都很吸引~ 不過我們也是懂節制的, 點完一輪決定不夠吃才再點. 怎料原來第一輪已吃到捧着肚皮走了=p

是夜菜單:

蝦醋物
很開胃好味的前菜! 酸酸的日本醋配上甜蝦刺身與青瓜片, 正!

海膽刺身(一板)
HKD138的海膽刺身, 價錢不算貴但品質很不錯~ 鮮甜非常, 半點腥味也沒有, 連一向有點怕海膽的朋友也吃了很多, 還邊吃邊讚.

八王子箱燒牛肉
其實除了店面的裝修, 這也是吸引我到來一試這家餐廳的原因. 因為雜誌上的照片實在太吸引=p 上桌的模樣跟照片上是一個樣的, 味道也非常不錯, 其實就是日本的牛肉刺身沙律囉~ 略燒的生牛肉片配上酸酸的醋汁, 吃時卷着伴吃的生洋蔥, 更能吊出味道啊!

車厘茄豬肉卷
一向都很喜歡蕃茄的我, 只要是有蕃茄的菜色都會覺得好吃的~ (正常情況下...) 當然也是一試就愛上這一道啦XD

鹽燒牛舌
好味! 穩穩陣陣的一道! 如果你喜歡吃牛舌, 毫無疑問是必點菜色.

芝士翠玉瓜
驚喜! 沒想過芝士和翠玉瓜可以走在一起! 味道濃郁而且軟綿綿的芝士配上清淡爽口的翠玉瓜, 層次感一流! 而且吃了十幾年日本料理, 還真是第一次看到, 必試!

炸木魚絲豆腐, 燒蠔(配麵豉醬), 軟殼蟹牛油果卷
味道不錯但不算可以留下深刻印象的幾道.

岩鹽銀杏, 溫室南瓜, 雞軟骨, 燒銀鱈魚
因為我沒有參與, 所以不予置評=)

總括而言, 食物/環境/服務我都覺得很滿意, 吃得很開心的一個晚上~!

早幾個月朋友生日，卜定位嚟八王子食飯。

一行五人食咗︰
芝士年糕 - 賣相吸引，但味道麻麻
鰻魚炒飯 - 味道ok，但好油
滑蛋豬扒 - 味道ok，個汁甜甜地
冷烏冬 - 無咩特別，ok
炸墨魚咀 - 無咩特別，ok
炸長春卷 - 朋友們個個讚，話最好味係哩樣，我就覺得ok
吞拿魚茸多士 - 吞拿魚茸好味，可惜塊包唔夠脆
芝士鰻魚卷 - 細粒咗d，味道幾好
吞拿魚茸卷 - 吞拿魚茸好味
漢堡 - 覺得最好味係哩個，肉餅有肉汁，juicy，個汁甜甜地好味
關西雞翼 - 好細隻，同人一人一半，唔係太食到咩味，ok

坐房仔，感覺幾好，唔怕太嘈；裝俢好日本feel，好多日本懷舊玩具，幾有特色；服務ok，有效率，不過食物份量較細，女仔都要叫多幾樣先夠飽。

Have causal dinner with 3 other friends.

Order Assorted Sushimi, Assorted Grilled, Egg roll, Calm in wine soup, salted fish head and large bottle of Japanese Wine.

The Sushimi is surprising fresh!
The grilled is just ok with the fagra burnt.
Egg roll is too salty.
Calm is big and chewy.
Salted fish head is normal.

The best is the bottle of wine, as normal...

同兩個朋友上個禮拜四book咗枱食晚飯，我哋諗住去海港城Shop吓先至嚟，所以Book咗8點鐘。一去到見佢哋都Full晒場~心諗好彩醒目有Book定枱先咋！坐低咗，朋友話同其中一個侍應ok熟，於是就叫佢過嚟介紹D好野比我哋食！

上善如水(300ml) ：喺第二間居酒屋都係飲開呢隻酒，所以今次都叫番佢。

明太子及鰻魚厚燒玉子：見餐牌無但係隔離枱日本人食緊，於是指指佢哋碟野問可唔可以做，侍應話應該無問題！個厚燒玉子做得好好味，蛋夠厚但係裏面仲係好嫰，特別係明太子嗰個最好，因為聽到連班日本人都話「Oi~shi」(好老土)！

鰹魚他他：好少食呢種魚，侍應話呢種日文叫「卡支柯」嘅魚喺夏天特別靚，食時要撈勻D生菜絲、大葉絲、日本姜花絲、白蘿蔔蓉再加個醬汁一齊食，又真係幾清新喎！D魚紅DogDog仲以為好腥，點知出奇地鮮甜。同其他配料醬汁好夾吓，幾好！

鹽燒鮎魚：又係話夏天時令嘢，鹽燒簡簡單單，不過又算唔錯喎！魚肉鮮甜魚皮焦脆！不過骨就多咗D。

櫻蝦炸豆腐：原來係用D櫻蝦乾黏喺豆腐表面炸，D炸咗嘅櫻蝦乾好冶味；而豆腐仍然好嫩滑，呢味野幾特別，不過Size幾細吓！

鰻魚炒飯：飽肚野！炒得好，唔油；飯仲係一粒一粒，而且鰻鱼粒仲唔少tim，正！

D 服務員的態度好差, 好似佢公司扣佢糧咁, 黑口黑面!

其實我係OPENRICE睇到呢間餐廳的COMMENT唔錯, 所以去幫親, 點知搞到我地冇晒癮!!

有一個男仔待應好怪, 你唔可以話佢沒有服務, 但係好冇heard….

Example 1:

我同個friend說得興高采烈的時候, 佢木無表情(可能他累吧…)走來話: 唔好意思, 我地停左我地的興高采烈, 然後佢話: 加茶…. 根住其實我個兩個friend個杯都好滿 (我地仲飲緊啤酒…..), 後來佢茶加到有d水在枱面, 我們你眼望我眼, 再繼續話題. 其實佢只要細心點望望我個friend的兩隻杯, 可以唔洗說這些癈話…..

Example 2:
我地下了兩轉order, 落第二轉order的時候, 佢冇mark到紙. 除非係指明, Suppose 一個餸叫一份. 點知有另一個待應轉頭問我係要幾多份….

Example 3:
我果日個friend生日, 想一齊影相, 找佢影相都係黑口黑面. 影張相出來仲, 佢除左影我同我d friend之外, 連隔離大大個男人行過都影埋…

Example 4:
佢走過來收碟, 連我地未食完的串燒都想收埋, 我地話等陣先, 但係佢企係我地張枱, 好似一定要呢一次收埋咁…..

都算啦…. 但係仲有d更的…..

我個friend昨日生日, 但係日本野梗係冇CAKE la (佢冇甜品賣). 所以係咁2搵個小切餅, 點1支臘蠋比壽星女… 點知我和壽星女第二張相都未影完 (我地定緊形, 係仲影緊!!), 有個黑口黑面的女仔走過來:

黑面待應: 小姐, 你地個蛋糕係o米係度食ga. 如果係的話要收我地切餅費50元!

我和friends: 我地件餅唔洗切ga wor…. 有冇得free比我地呀?

黑面待應: 原本我地要收100, 但係而家都係收50元jar
(你話收1000元都得ga la, 我個餅都冇50元…)

我和friends: 咁我只影唔食啦.

黑面待應: 咁你地快d收埋個蛋糕la, 你咁樣我好難做ga!

唔比食 比我地影張相都得gwar, 我地之後想找人影相, 都係黑口黑面….(就係找以上果個冇heard男待應影…唉….)

好在呢間鋪都仲有一個好的待應叫呀欣 (佢戴黑色粗邊眼鏡). 係得佢唔黑口黑面, 我地食到尾想影相, 佢都好pro: 至少唔會影埋路人甲和隔離枱, 仲自動幫我地影多一張 + 問O唔OK至走開. 呢d至係路ga ma!

早知一早叫呀欣幫我地落order 同影相好過.

到其他comment:

環境: 坐得耐, 傾到計, 牆上的東西都好特別.

食品:
我覺得都ok, la, 但價錢都一定唔係open rice比個 range, 每人消費多過100元 (咁都正常的.)

8王子沙津: 係野菜+ 魚生+ 魚子+蟹子, 都ok, 但個汁酸左dd…
要開口問待應至比一茶匙wasabi 比你 (我地有三個人wor….), 我地又再問拿多一次wasabi!

年糕薄餅: 好味. 味道好似肉醬意粉的肉醬+燒年糕.

野菜牛肉手卷:　乾左dd, 但都好吃

燒靖魚: ok 同出面吃的差不多 (又係要開口問多d蘿蔔蓉….不過係因為壽星女鐘意食)

枝豆: 都冇乜技巧 – 烚熟加d鹽, ok la

燒黑豚荔枝: 好味

燒雞軟骨: 冇味

螢光魷魚漬 (唔係好記得個名): 除左個壽星女, 我同另外一個friend覺得腥… 壽星女話佢唔夠味….

Asahi 啤酒: 都係咁啦….


乾左dd

8點幾去搵位, 見佢有2個卡位空左, 問佢要卡位得唔得, 佢話2人做唔倒卡位俾我, 局住坐逼又細既table, 點知轉個頭, o個2個卡位就坐晒d 2人客, 攪錯!! 遲黎反而有卡位..

算啦, 見佢個裝修幾有特式~
叫左杯 Peach soda, d 冰多到誇張地成杯到係, 杯底都有!!
個味道就okay 既~

蟹羔壽司 - 極度唔新鮮, 仲要撈左d 唔知咩肉入去, 可能我唔識欣賞, 難食!

帆立貝壽司 - 不過不失

八王子卷 - 即係加州卷, 普通

軟殼蟹牛油果卷 - 凍既!! 唔係室溫wor, 係凍架wor!! 軟殼蟹已經擺到un un 地! 差!
超計如果呢個只要新鮮, 都好難做得難食!

三文魚壽司 - 唔新鮮到食左半件食唔落

其他魚生壽司 - 唔新鮮!

炸墨魚咀 - 新鮮炸起, 不過油未"king" 乾 就拎出黎, 不過不失

燒牛柳 (tenderloin) - 非常 "un"!!! 唉...

呢間野d 價錢唔算好平 (以佢質數), 早知過去對面一壽司食好過~!
總評: 不會再來, 不值再來, 佢係做新客生意的, 舊客一定留唔住!