最近，都在朗晴坊搵食
這間cafe的環境不錯..
但燈光太光，攪到要轉桌子

我和男朋友點了dinner set
食物賣相不錯，但味道就好一般

我點就是海鮮意大利飯伴蘇格蘭煙三文魚
第一口感覺幾好味
但第二口覺得個意大利飯的汁有點酸

整個飯好一般!!


男朋友點的是香煎龍柳配吞拿魚意大利飯較為好味
這個意大利飯是有茄汁，幾開胃，不過就濃了點
最好味就係龍柳!! 煎得好香之餘，仲有濃濃的蛋香!!


至於 , 飲品方面
那杯莫卡，根本就是水!!!!!超淡!!!
應該是太多冰而致的...
而凍O茶就有點甜，不太特別

總結這店的食物質素一般
但作為朋友相聚傾計都不錯!

無意中於網上討論區尋找樓上cafe得知小店,不找還真的不知道朗晴坊的存在,
饒恕我這個路痴吧!!上到門外,看到招牌找對了!
入到店內,地方的確給人一個舒服休閒的感覺,大概因已是二時多了,
店內只見幾個員工靠在窗邊的位置用膳,也沒什麼客人。

沒人理會的情況下,我只好自找位置坐下,接著終於有人送上餐牌同清水,
隨後我點上一杯熱咖啡及一件芝士蛋糕店員再為瞽送上餐具,
其間除了我詢問蛋糕有什麼選擇,我和店員的溝通亦僅只至此

。。泡沫咖啡 cappuccino。。
聞起來很香,雖然沒有拉花點綴,只是灑上可可粉,
但奶泡密度適中,口感幼滑,不錯呀

。。藍莓芝士蛋糕 blueberry cheese cake。。
欣賞那用焦糖醬畫上的配襯,有著粒粒果肉的藍莓醬但不會過甜或酸,
而芝士蛋糕質感適中,餅底頗脆,值得一試!

總結來說還可以,只是服務有點愛理不理似的,價錢有點高,但環境的確不錯!!
適合喜歡寧靜舒適環境的朋友,或一個人看看書,三五知己聊聊天,倒是多一個選擇!

小弟一向對食沒什麼特別要求，所以都抱著『冇期望，就有驚喜』的心情上去...

入到去，第一個感覺係好焗, D油煙一屋都係, 攪到 D 褸一陣味！

餐廰面積唔大，但O個位女仔待應好似睇唔到我O地咁, 要等好Q耐至有人 SERVE...

食物如圖， 一般，但好在佢用白色碟, 加分~

如果計坐低傾計，這會是一個頗好坐的地方，因為連 WAITRESS 都唔會不時過來攪你！

哈~

21/10/09 (星期三)
朋友相約於旺角見面，旺角四圍都很多人，很難找到一處可以靜靜地傾下計的地方，幸好朋友在OR網頁找到這家餐廳，地點就在朗豪坊附近的朗晴坊的樓上Café，於是走去試下。

平日晚上去，店內並不太多人，要求侍應安排坐在角落位，方便傾計，我們分別點了是晚的Set Dinner，有前菜、湯、意粉、飲品。

前菜是海鮮蕃茄泡沫： 蕃茄泡沫幾特別，至於海鮮就一般啦。
忌廉湯： 用罐頭湯，無乜特別，跟湯的麵包烘過，所以幾好食。
蕃茄煙三文魚魚柳意粉： 意粉料多，意粉煮得啱啱好，唔會太淋。

整體來講，食物OK啦，價錢唔算太貴，如果係旺角要揾地方傾計，這家餐廳算係一個唔錯的選擇。

一直都想試下上樓cafe!
看完Avatar早場後一直找找找終於搵到!
升降機已經見到好多層都係cafe~最後都係決定呢間!
環境唔錯,無book位都有位~

先落左4份餐,唔算太貴,最平$28都有!
如飲品想要其他特別既而又超過$22就要補差額!

送餐湯,白湯!
幾好,不過好似有d稀,附送既蒜飽勁正

其實食物都幾耐黎,可能waiter見我地都傾緊計~

之後就黎食物,白汁黑椒蜆肉意粉!唔錯!
好有黑椒味,都幾香,不過份量及料唔係好夠!整體都可接受!
但因為實在太肚餓,唔記得影相

最後當然係飲品!
先黎朋友的柚子汁!佢話唔酸,我諗都唔錯!

之後到我既奇異果汁!好fresh!本身諗住會有好多冰!點知係無的!good!
果汁每杯$38,姐係要補$16差額~

最後就係朋友等左好耐既焦糖牛奶咖啡!可能製作需時,都幾耐先到,我無飲都聞到好香!

下次有機會一定試下佢既milk shake!另外仲有得加$15 食 cake!

之後同朋友坐多陣就走了,下次有時間一定會留低玩埋佢d boardgame

1-8-2009

陪朋友到旺角買電腦嘢, 搞掂後搵個地方飲杯嘢. 星期六下午的朗豪坊多人到喊, 隔嚟呢幢 building 又好似有幾間 cafe, 求其揀一間坐吓吧.

叫了 iced caffe latte ($30), 賣相令人嚇一跳 -- 乜奶泡：咖啡比例 9:1 , 唯有飲慢一點吧. 奶泡密度好高, 杰身得似 whipped cream, 咖啡味道好假, 甜味都好假 (代糖? ), 但嗒落又好澀, 總之味道好怪啦. 一向討厭美式連鎖咖啡店出品, 不過呢杯嘢比星記更難飲, 真係...

朋友飲 iced chocolate ($30), 一睇色水就知佢有幾稀, 味道就十足劣質的茶記「凍朱」, 不過已比我的疑似咖啡好了.

飲品一貫樓上 cafe 質素, 可幸環境唔錯, 白雪雪的裝潢感覺幾舒服, 隔嚟檯嗰群0靚妹離開之後, 靜靜的幾好坐.

坐夠, 連加一每人放低 $33, 原來已夠鐘食 dinner...

今日去左呢間度食午餐
叫左個香草雞扒意
牛扒反….
來的時間都幾快…
送湯+包(法包)
個湯係金寶個個cream coin 不過salt左少少…但朋友仔就唔覺…
牛扒反…個反係心形的…不過份量比較少…對男仔來講就唔多夠…
香草雞扒意…個雞扒好大…幾ok...不過salt左少少

我們一行人差不多20人，說book了檯
可是侍應竟然不跟我們說另一個area被book了
結果去到，要我們20個人分開兩三檯，簡直是沒腦!
結果我們吵了一會就決定自己將檯砌成L狀才勉強叫坐在一起
真是差勁到爆的服務態度，訂檯時都不先說明!

食物也是海嘯樣的縮了水，價錢卻沒有減
前菜的蕃茄泡沫名過其實，海鮮包括麵粉蟹析和獅子狗，神奇

餐湯是罐頭湯味，卻不知為甚麼弄很久才能SERVE
是不夠用跑去了樓下的超市嗎？服務的效率是去幾次都沒有改善過的

意粉我點了吉列蝦那款，可是份量是少得嚇人，真的是海嘯捲走了食材?
幾下就吃完了...完全不夠飽呢........................

飲品我點了香蕉朱古力，才勉強因為香蕉而出現飽肚感

總言之是失望透了，這是我第三次來，但恐怕不會再來。

早前同女朋友上去食晚餐、都有幾個月冇去了、一去之下，唔會再去
、份量細都有所為啦、咪加錢食件蛋糕籮、我印像上次食件BlueBerry
Cheese 係好好味、今次去食、己經冇blueberry cheese 了
而且件餅好像有怪味的、又細件左、唔怪得冇乜客人啦，
下次都唔好攪我
我去poka食好過..成2百蚊一餐
失望

是次我係食lunch set 的~

之前係度睇到d 評語咁好, 地點又就腳咪去下囉~ 點知真係勁失望, 完全唔明d人點解要讚!!

我對食的要求唔係高, 我也不是做廚. 叫左的lunch set 有湯, 意粉同檸茶, 都係d簡單野咁.

入到去餐廳覺得環境不錯, 白色調為主, 清清地, 感覺舒適. 但係講到食物真係完全唔掂囉!!
個意粉真係淡到不得了, 就算有芝士肉醬做sauce, 但都係淡茂茂. 真係相信巿面上好難可以食到連d汁都咁淡茂茂的意粉! 我覺得就算我從未煮過呢味野, 都應會煮得好食過佢!!

我朋友叫左個黑椒西冷意粉, 等左好耐竟然嚟左個咖喱雞+意粉. 問個女侍應點解, 佢仲要話佢落單時已經通知我地話西冷已賣哂同我地agree 左要咖喱雞囉(死拗話有)!! 我地真係R哂頭, 因為我地完全冇聽過佢有提過囉!! 我同朋友都唔"好"咖哩雞, 但佢嚟到都係要硬食啦(個侍應的神情已經係肯定你係錯的, 佢係盡責的)!!

講埋呢個"咖喱雞", 同意粉係分開碟上的, 這無什麼問題, 但係個意粉係預先撈了茄汁的, 而"餸"卻係咖喱雞, 兩個味完全格格不入! 虧佢的配搭咁有創意!

侍應, 一個字"HEA"!

同埋要提下, 呢間野百無, 首先話有一個dish"賣哂", 跟住話冇哂雞蛋(真係人生第一次, 好難理解), 之後嚟碟咖喱雞時再話牛扒冇哂!

通常最好野都係最後, 最後的檸茶不錯, 我同朋友都咁認為~

最後, 我同朋友都AGREE , 冇下次~

一入去發現裝修全白,無開燈兼無冷氣! 好彩近排都不算熱,勉強都頂得住.
Lunch set有湯,主菜和餐飲. 先講湯,無紅白湯揀,清一色白湯. 飲一啖,嘩,完全是我闊別多年的罐頭湯味道囉,真係多謝晒... 還是另一位同事提醒我們說這應該是金寶湯... 唉,金寶湯我自己返屋企煮都得啦... 一點誠意都無... 至於那"粒"蒜蓉包更不值一提.
主菜我點了個雞扒什菌汁配意粉 - 雖然個賣相幾好,但一看便知得半塊雞扒; 雞扒味道OK,但什菌汁不夠. 還有那些意粉,明明已有什菌汁,為何會是茄汁意粉? 這不是鴛鴦炒飯呀,兩種汁的味道根本不夾. 我們估可能是預先煮定了一大鍋茄汁意粉,所以和湯一樣無得揀.
最後那杯茶包檸茶,不提也罷.
令我驚訝的是這間都有頗多好評,前文更有些人說那金寶湯可以一飲!... 是我問題嗎? 是我要求太高?
算吧,一次就夠.

上次到訪遇上包場,死心不息地想試試這間純白咖啡店,某個週末造訪前先致電詢問,幸而今次沒被包場,終可順利一試。

網路中的照片拍得餐廳優雅、素白,雖然已有心理準備要將其水準降低一點,現場情況看來仍要再降低一點!! 而且當日客人較多,檯椅擺放也頗密,自己跟旁邊客人相距不遠,真的跟搭檯沒大分別,加上客人在玩遊戲,恬靜閒適真的說不上了。

忌廉湯有點像金寶湯,煮得還算細滑,可以一飲!所配蒜茸多士只有一口大小,令肚餓的月巴人感覺有點不足,多士烘得有點過焦,火力控制要留心一點了! 蒜茸牛油味道一般,唯一好處是吃後沒有留下蒜味。

午餐名字在菜單上是很長的:芝士蛋煎魚柳!送上來卻只有魚柳2片,難道是魚柳以芝士+蛋漿混和後煎成? 幸好魚柳表面煎得算香脆,魚柳也沒有腥腥味道,魚肉也很雪白,配上偏甜的蕃茄汁味道是ok的! 意粉還是港式餐廳一貫水準,帶軟的質感還有很大進步空間,這裡用茄汁稍為處理過,味道總比樓下那間原味意粉特別一點。

飲品選了凍朱古力,沒加忌廉前的朱古力是較濃香,朱古力味道也算濃郁;混和忌廉之後變得滑溜甜美一點,各有好處!不過個人認為上次所試樓下那間的凍朱古力比較美味一點。

放肆地加錢點了檸檬芝士餅! 檸檬味道比較輕,可以再重一點更為清香,味道也很天然,應該用了新鮮檸檬所製;芝士味道不太濃,餅身也做得幼滑,只是吃來總覺得有點椰絲在內,在幼滑的餅身中加上點點特別感覺;餅底厚薄剛好,只是餅底有點淋,個人還是喜歡較脆的餅底。

蛋糕上那球像雪糕的其實是忌廉,我當然沒有問題,不喜吃cream的食友就要當心了!這球"雪糕"其實很幼滑,加進蛋糕同吃是很不俗的。

雖然環境是有點失望,食物還算ok,要是真的遇上沒其他客人,相信也是一個好hea的地方。

知道Elsie cafe很適合聊天, 所以與友人來這裡食個tea。

0345
沒有tea set, 所以要了午餐。

忌廉湯有點咸, 但蒜蓉多士很可口。
我的魚柳意粉和友人的三文魚長通粉都較濃味,
但可接受, 只是改過會更完美。
魚柳煎得好掂, 意粉也烚得剛剛好。
有芒果粒佐碟, 令食物清新一點！

下次要試試口碑不錯的cheese cake。

老闆好像心情不大好, 吾該笑下啦傻仔！嚇親班客仔喇！=P

今天是12月23日下午2:30,相約了很久沒見都好朋友聚會, 在旺角很多人的環境中..找來了位於大型商場朗豪坊則之朗晴坊8樓一間名為elsie cafe 吃個便飯...我們2:30到達...是沒有下午茶餐,但可叫小食, 由於我們2人都未吃午飯, 便來一個lunch sets 吧, 是日餐湯是栗米湯配蒜蓉飽,朋友仔order 了一個龍利柳配薯菜, 買相不錯..我問朋友感覺怎樣..她說用了木瓜做汁料很鮮甜很不錯的配合...魚煎得金香..我就選了一個煙三文魚海鮮長通粉都是木瓜汁料...很夾..卻少了一些海鮮..都明白在這區要維持食物水平又要昂貴租金都是一個苦兒..所以我都很理解..何況這價錢食到這食物與環境很不錯吧..我們再各另加了$18要了2件chesse cake.....很香濃的芝士味...我相信在外吃不止$18的價錢..希望這cafe 留在這環境下好好保持下去..餐飲要了凍檸茶結尾..由2:30-5:30....一點壓迫感也沒有,,,很好的感覺

一行4人於晚上9時入座,人客不多,不過都好嘈,我們分別點了晚餐

粟米湯~ 咸
蕃茄羅祟湯~ 好咸
羊扒拼西冷配紅酒汁~ 落單後30分鐘才通知沒有羊扒,要換牛柳,但原來得一件牛柳,兩件西 冷,我試圖剧開西冷但唔得,因為完全未熟,通知侍應再煮,之後10成熟哂,肉已經咬唔開喇!
RIB~ 朋友話一般,無咩特別
豬手跟飯~ 得3塊豬手肉片,無乜味,落單後侍應通知無飯,要換麵,換左菠菜麵

食哂都唔夠飽,MAIN COURSE份量太少,茶餐點了HOUSE COFFEE & MILK TEA 兩種味道都比較淡,本人應為麥記仲好飲D,呢度同朋友飲野都係一個唔錯既選擇,但係晚餐水準就差DD喇!