在旺角工作差不多三年，公司變動不斷，不知會否可安然度過今年；
在旁邊的朗晴坊有不少食肆，是一個不錯的午市之選，但是還未食完所有食肆，今天決定一試。
要上位於8/F的「ELSIE」，只有依靠兩部又細又殘又慢的電梯；午市時候都要等一些時間才可以入電梯。「ELSIE」門口招牌用上浪漫的紫色，內部裝潢簡單，以白色為主色調；半開放的廚房上掛上圓形的燈；
營做浪漫溫馨Cafe的感覺。這裡有個小偏聽，開小Party也不錯午餐主要分三類：沙律餐，扒餐及意粉／飯餐
價格由$3x~$4x不等跟同事分別點了野菌大蝦燴意大利飯$40及欖油伴野菌素菜意大利粉$36
另可選沙律或餐湯
選了是日沙律＝鴨胸肉絲沙律
鴨胸肉絲好幼細，品嚐不到鴨胸味；沙律菜食到沙，味道一般欖油伴野菌素菜意大利粉$36
同事的意粉先到，試了少少，味道都唔錯，有好多菇；意粉的質感不錯，烹調時間也控制恰好。野菌大蝦燴意大利飯$40追了無數次，終於送上！！
蝦只有兩小隻，肉質實，味道都可以；
意大利飯～店方當然用普通的白米煮成，因此口感不煙韌；野菌都有兩種類，份量適中;
味道倒是不錯，好Creamy~ 不錯的選擇

餐飲: 凍奶茶....沒有茶香，只有奶味～差小妹對返工時的午餐要求不太高，但求味道不太差，而且平及快；環境清潔及最好有電視睇午間新聞

這裡環境都可以，坐得幾舒服又有電視；食物都唔錯；價錢一般．．．
可惜服務真係不合格，不是態度差，是人手不足～
午市時間，全店只有三個男生，做傳菜下單的男生．．．．真係．．．．激死
不能同時間做幾樣嘢．．．

聖誕節周圍都好多人,於是再次去到我最後的cafe食朋友的生日飯加上未日飯..
上次食左下午茶今次就食正餐了
首先飲左餐湯先,今日係忌廉湯我自己比較鍾意忌廉味濃的忌廉湯,但係佢地的忌廉湯味道太淡了
不過好大碗湯,飲完都有飽的感覺

朋友們都叫左燒雞配意粉意粉是用茄汁燴的,但茄汁味不濃,不過不失的意粉
燒雞味道濃郁,燒汁都鎖在雞塊內,而且已經切好,非常方便而我就叫左牛排,見到朋友的燒雞是切好的於是我有諗過自己的牛排會唔會又係切好==
幸好沒有!個人認為食牛排要自己切先會好味
薯菜沒什麼味道,比較失望,因為這裡小食中的薯條很好食
牛排味道很好,雖然不是很高級但煮的好好味,跟黑椒汁配在一起是享受

最後叫了飲品,牛奶咖啡味道比上次更好飲,但糖水沒有整得很均勻,整到一邊甜一邊唔甜,需要改善..

跟朋友喝完酒開完會,到附近的cafe吃個甜點朱古力Oreo曲奇奶昔
朱古力味很香濃,奶昔打得很滑,杯邊的花紋好漂亮,好想知道是怎樣做出來的~
很喜歡Blueberry Cheese Cake
芝士很厚,味道很濃,不過有點太實了,而且藍梅醬太甜~

這裡整體環境很好,白色的裝修主題,但同時很有privacy!非常舒服~

去開朗豪坊，想去一間環境清靜的CAFE，即時想起這朗晴坊間Elsie~ 純白的裝修，予人家的感覺~

我們分別點了 1)龍利柳意粉($3x) 2)燒汁雞扒飯($3x)

餐湯選了忌廉湯，有少量粟米粒，而且不太鹹，不錯~

但塊蒜蓉包好細片，唔夠喉bor~

龍利柳意粉的意粉配上一些雜菌，而且幾creamy，好食，而塊龍利柳啲汁甜甜哋，有少少奇怪

友人的雞扒飯，她說味道不錯，個飯仲用心型模整的，好有心思，而且雞扒很大塊，都不錯~

餐飲要了熱檸水，可以消消膩~

p.s. 盡可能選遠離開放式廚方的坐位，否則個身有油煙味!!

今日去旺角行,行完之後就想搵間cafe食個下午茶同埋坐低傾下計
上open rice見到e間餐廳好似幾好所以就試下啦...好易搵到..
一入到去環境好好,唔係好多人..真係一個好岩坐低傾計的地方
環境設計主要係白色,睇落去都好舒服叫左一個田園沙律..$28..不貴個人不太喜歡洋蔥的味道,如果唔鍾意食洋蔥的人就不要叫這個了
沙律沒有用上沙律醬而是用了醋,酸酸甜甜好好食..

之後叫左個薯條配春卷本身以為冇咩特別但竟然比到驚喜我..個調味粉幾好味..有少少辣
要左2杯飲品..一杯牛奶咖啡,一杯白朱古力...沒有什麼特別的但係我就覺得有d細杯..

是日同朋友行完街想搵個地方傾下計、吹下水，於是去左呢間餐廳

一入到去，覺得環境好靜， 但唔知係米因為座位由4人座位分拆出黎，感覺比較迫

紅湯好足料，牛油餐包好香，但我嫌有啲細塊 一啖冇哂

主菜就叫左一個白汁海鮮意粉，好濃味，但得好少海鮮，有d失望

友人叫左杯鮮橙梳打，不過太甜飲唔晒，蹝哂

值得推介既就係 - 要加錢既曲奇奶昔!一試就會愛上

每次與好友相聚選用餐地點都傷透腦筋
可是最近有點忙 就把責任交給了朋友
最後選了在朗晴坊的elsie café & restaurant

這算是我去過最舒服的café
桌子之間預留了很多空間 不會有擁擠的感覺
員工的反應很快也很細心 有求必應

晚上的餐牌有兩個 一個要加錢才有湯和餐飲
都是一些西餐 另外和可以再加錢加沙律甜品小食等我選了一個海鮮闊條麵
先送上蒜蓉包和白湯 味道普通
闊條麵的海鮮有蜆和魷魚等常見材料
配材還有紅椒黃椒和洋蔥
闊條麵的汁比較稠 奶味很濃 正合口味餐飲只包括22元以下的飲料 即一般茶餐廳飲料
加錢要了杯cookie milkshake
造型不錯的 oreo milkshake上面再加一層忌廉 卡路里爆登
一般來說 卡路里越高的食物味道越好 推介

吃飽飯後一群人繼續談天說地
飲料喝光後員工還是無怨言的為我們加水
聚會在歡樂聲中結束 可以盡慶而歸了

剛上健身室做運動，想找個地方補充體力，便來到這家樓上 café。

裝修以白色為主調，簡潔明亮。服務員友善地遞上餐牌，我們見下午茶的選擇不算太多，只有7款，稍為討論後便點菜了。

瑞士雞翼 瑞士汁調教得一流，那種甜味令人精神煥發。雞翼共有4只，全都十分入味，只要用叉子輕輕一接觸，雞肉和骨已分離，而雞肉吸收了清甜的瑞士汁。

炸薯條拼咖哩角薯條長身，炸得金黃香脆，薯仔味充足；咖哩角有3只，體積較迷你，方便入口咀嚼。咖哩角表皮薄，不太辣，但餡料不太多。

每個下午茶餐配價值$22的飲品，價值高過$22的飲品須補差價。這裡可讓客人悠閒地喝茶和翻閱雜誌，消磨一個下午。

約咗老友放工食餐飯傾下計，地點當然選擇大家都最方便嘅旺角～～由於去到又未齊人，喺旺角要搵到坐得舒服又唔會俾人趕走嘅餐廳，就唯有係樓上Cafe了～～
於是就到朗晴坊，是但揀一層的一間樓上Cafe 就入去了！
今次的幸運兒係位於８樓的elsie

上到去見到雖然無乜裝修，不過環境尚算不錯，待應姐姐的樣子也不差，簡單的白色枱配上灰色椅子，也坐得幾舒服～～

我們約６：４５到達，店內只有約一兩枱，後來人數漸多；一坐下便為我們添了清水，因為有朋友未到，我們等了約半小時才下單，途中也沒有吹過我們下單～～價錢方便有比較便宜的套餐，７０蚊左右一個主菜包餐包餐湯飲品～～
另外有一個二人餐，朋友夫妻便點了這個～～
另外一個ＭＥＮＵ的食物較吸引，不過價錢還未包套餐，要另加２５蚊～～相信一分錢一分貨，我們結果也點了這個～～

先來的係餐湯，我點的是紅湯（明明影咗相，點解唔見咗架呢？！）
味道就真的不太好。。。頗淡，無乜料，而且只有酸味；朋友的白湯，聽聞好飲Ｄ～餐包，真係好細塊，其實成本應該不貴，應該可以大方Ｄ俾大Ｄ吧！
包也不夠脆，牛油味算夠～二人餐朋友的主菜：香草煙肉蕃茄螺絲粉伴香煎龍脷柳
他說龍脷柳也煎得很香～算幾好味～二人餐朋友的主菜：炭燒肉眼扒，配意粉
聞落去好香的，也聽聞幾好味，不過有一ＰＡＲＴ燒得燶咗搞到有Ｄ苦咁話，敗筆～這個是我的蒜香牛油燒虎蝦配香煎龍脷柳伴挪威煙三文魚　（名字真夠長）
虎蝦開邊的，蒜香牛油味足，蝦都頗彈牙亦都算厚肉～食完好香口！
龍脷柳真係煎得好香，抵讚
三文魚就感覺有Ｄ雪味，不太好～
意粉，我就最鐘意係茄汁炒，炒得幾甜幾好味，份量也ＯＫ！
最後反而個瓜幾有驚喜，甜甜的仲要好彈牙爽口，好味！我平時好少食呢Ｄ瓜都食哂！蝦真係整得ＯＫ！肉質亦都唔覺太差～～最後係遲來朋友叫的，俾我地留意到竟然係心型飯～～嗯～～呢Ｄ唔只係可遇不可求，下次真係要請教下點先可以得到心型飯了～～餐飲只包＄２２的，其實即係最平的熱檸茶奶茶，可以補差價換其他飲品，不過我地都無咁做了～～

總括黎講我地黎樓上ＣＡＦＥ其實都預野食唔會太好食，只求坐得舒適傾下計，我曾經都去過某Ｄ　ＣＡＦＥ食物同飲品完全入唔到口的；不過呢度Ｄ野食都可以接受，亦見到有用心去整一餐可以俾人入口嘅晚餐～～

呢間樓上Cafe都係肥妹仔推介既,
因為肥龍B本人覺得上樓好雜,
所以好怕上呢D地方, 估唔到都有好野食呢!!

我地是日叫左個2人套餐!!
有湯, 沙律, 意粉, 一個主菜, 同餐飲!!
肥龍B最欣賞都係個意粉,
好濃, 好夠味, 而且好Creamy!!餐湯賣相都OK靚, 唔似罐頭金寶湯!!味道好, 份量就細左少少!!
唔太夠食......個意粉有煙肉吊味!!
所以味道好濃, 有少少海鮮...
幾隻蝦仔, 個汁好Creamy!!
加埋香草, 洋蒽, 非常非常好味!!
值得推介!!呢個扒就一般般啦,,,
因為塊扒入面有好多肥膏...
會食到好似成口油,
配菜就hea左少少...呢兩款咖啡雖然係餐飲!!
但因為呢間係Cafe既關係,
所以D飲品都唔錯, 飲得過!!

而且坐得舒服, 唔太逼!!
人流又唔太多, 可以慢慢坐傾計都得,
加上佢有D位可以坐成10幾人,
玩下, 飲下, 傾下計都唔錯!!