22
21
12
營業時間
今日營業
06:00 - 21:00
星期一至日
06:00 - 21:00
以上資料只供參考, 請與餐廳確認詳情
招牌菜
食評 (65)
趕考战的早晨，要叫個飽肚嘅早餐。火腿扒扭扭粉加熱朱古力，應該夠頂到中午呱。呢間個清雞湯底咸左少少，扭扭粉就煮得啱啱好，無太淋，薯餅都仲係好脆，朱古力亦好夠熱，正。
繼續閱讀
我好少去老麥食早餐, 所以有咩變化好明顯睇出, 自從上次去老麥食咗個豬骨湯底扭扭通, 以前已經唔算濃豬骨, 依家變得比以前更淡, 即時對老麥早餐添加負分, 今次心血來潮想食薯餅, 於是走去買咗個豬柳蛋套餐, 簡直不知所謂, 但係忘記影照, 為咗補相結果第二日食多一轉, 相信以後都唔會去老麥買早餐.連續兩日都食豬柳蛋包全餐, 外賣等咗十分鐘.連食兩日都出現哩個缺點.... 全部都係份量減少!果杯所謂橙汁, 份量少到令人反感, 我去廁所D尿都多過佢! 我當然知道佢地嘅橙汁一向都好細杯.另外, 豬柳蛋漢堡食咗二十幾年從未縮水, 好明顯細咗四份一, 豬柳蛋用嘅包同其他漢堡包唔同, 口感有D硬同少少彈少少韌, 唔明點解唔好巨無霸果款較鬆軟嘅麵包.薯餅一攞起要小心, 好似就快斷開分成兩段, 原因好明顯係薄咗, 份量同樣少咗.如果香港無咗老麥, 你希望邊間頂替? Wendy 同 burger king 都係我心水, 千萬唔好 KFC 同什麼快樂蜂, 更加唔好係真功夫囉!
繼續閱讀
新一年，就嚟食新包: 招財牛堡啦🐮🍔🍟🥤招財牛堡套餐 $40用app 買有-$3優惠，但我加咗shake shake 粉，所以+$3。😆😆😆個人喜好：有BBQ蜜糖味shake shake 粉就一定會加😋😋😋佢係長形嘅包，加上黑椒汁牛肉，都有🤏🏻🤏🏻少少咸，少少姐，用飲品🥤解決到嘅問題😆😆至於佢舊牛肉🐮比想像中厚身，唔似係漢堡扒，同個包差唔多厚，都易咬開嘅！👍🏻👍🏻最後加埋我鍾意嘅BBQ蜜糖味薯條🍟🍟🍟成件事係Happy Ending 嘅，呢個餐可以一試！
繼續閱讀
用McDonald’s App Order 左黃金脆著牛堡滋味四道菜套餐 $45，套餐包括黃金脆薯牛堡，薯條，可樂，紅豆吉士粉紅批！！仲有利是封送添每到新年都會推出些黃金脆薯牛堡每年都會食😋😋黃金脆薯牛堡加左薯餅配上濃濃黑椒汁和有少少洋蔥粒，有多種唔同口感👍🏻👍🏻紅豆吉士粉紅批，拎出黎係粉紅色！食既時候仲係熱辣辣既，一咬開就見到紅豆同吉士各佔一半。味道唔錯，唔係甜到漏！薯條係凍凍地既，而可樂係冇氣，淨甜水個種
繼續閱讀
😅好耐都冇試過食一個中伏嘅遊記今日去食個早餐，突然間想食麥當勞，因為好耐冇食過，想睇吓最近有啲乜嘢新早餐。入到去就見到今日有推廣，寫一個新午餐肉嘅早餐。本來我仲喺度糾纏緊食牛肉炒蛋漢堡定係乜嘢，後面個職員已經同我講話，今日有出一個新午餐肉套餐，叫咗嘅話仲會送你一個洗衣波波呀咁都幾抵喎，最近我都因為疫情關係成日都需要洗衫。作為一個美食博客，我不嬲都好鍾意試新野，點知就瀨咗嘢😅貪小便宜出事了由於我冇諗住要寫食評嘅關係，所以影相就真係好求其首先雞蛋，比起我以前印象食嘅麥當勞炒蛋，份量少咗一半，已經好失望最大獲係嗰個午餐肉，煎到鬼五馬六，我唔知以為係一個長方形橙色嘅垃圾😅我人生從來未見過一個咁醜樣嘅午餐肉OK，可能個樣有問題啫，我差咗佢一野，一啖擺落個口，我發覺佢個味道只可以用災難式去形容一個完全冇任何豬肉油脂香味嘅午餐肉，或者應該談唔上係一舊肉，有奇怪嘅質感，只係一堆野煎左放入口，我當堂有啲驚，係咪麥當勞將一啲過期嘅午餐肉用洗衣波波協助清貨。不過我食咗冇幾耐就發覺有一啲奇怪嘅素肉味道，唔通呢個又係嗰啲beyond meat 嗰啲friend？咁我就同朋友分享左之後發覺原來呢個新午餐肉，係一個素肉omnipork😅其實麥當勞買瘦肉唔係一個問題，但係產品嘅管理方面，可唔可以做好啲呢？你冇必要喺嗰個餐牌寫係「新午餐肉」作為推銷，客人根本唔會知道係賣緊一個素肉。我買嘅時候我係有一個準備食香噴噴午餐肉嘅心情去迎接我嘅早餐。如果我知道係素肉，首先我係唔會叫啦，第二如果我叫咗，我會用一個迎接素肉懶晒健康嘅心情去食， 呢個完全唔同嘅expectation Pancake依然係好味嘅😁👍🏼總結，唔建議大家食。如果要去試嘅話，建議你哋調整個expectation 試。另外Omnipork 午餐肉我諗我都唔會有生之年再想食第二舊🤢
繼續閱讀