托P小姐的福,我又收到多一份聖誔禮物啦. 不過啊K今年聖誕應該洗咗好多$,希望你新一年可以搵多d,咁我就可以成日有口福啦XDXDXD.

講番我份禮物,已經係兩面之緣的Valrhona,第一次印象比第二次好. 無論它點變,朱古力都係我心中的主角. 今次收既係朱古力豆豆,得一厘米直徑,三,五,七粒先搵返我個主角,但味道同層次比方塊多一點,味道有輕淡的橙味點綴,層次上有細碎的橙皮增加口感. 唔想太單調既,可以一試!

昨日係boxing day，友人竟送聖誕禮物，而且係朱古力，(為食的我當然)好開心…

講真，個包裝真係一d都唔吸引，但係個鐡盒話我係premium type…果然，d朱古力勁好食，濃滑、微甜、微酸﹗絶對值得一試﹗

見鱔稿話呢隻法國朱古力名牌開了專門店,有好多種類,所以在apr 11, 08來走番轉

問完+玩完1大輪,最後買咗

-1盒好"的骰"(~6cm x 6cm),得20多粒左右,索價不菲,不過時運高,又當睇唔到咁買咗番嚟
-黑朱古力(>55%可可)裡面包住2款果仁: 杏仁(扁d),榛子(圓d)
-同系列仲有橙味黑朱力粒,黑朱古力包咖啡豆,牛奶朱古力包以上果仁,黑朱古力包果粒,開心果蓉……….,好多款
-望落去已經好有光澤,足証+有可可油在內,入口層黑朱古力只喺大約1-2mm厚度,咁大粒都主要喺果仁佔據晒。朱古力唔多甜,濃郁,好似有少少嘅果酸味,不過因為朱古力個份量咁少,+上裡面嘅nuts嘅味道已大大將佢打退。果仁稱職,夠鬆脆,只喺少部份食到有少少"益"味,但整體好唔錯
-我問友人好唔好食,佢話唔甜,幾好,繼而又問我幾多$$$$,我問佢想比番$$$$我嗎???點知唔喺,佢淨喺想叫我再買比佢食,so disappointed~~~

- 其實1開始我主要喺睇純黑朱古力片,仲叫個o靚仔sales(個樣好young)解釋吓唔同line嘅黑朱古力有咩唔同,原來喺分含可可嘅濃度同味道各自偏向唔同(eg 果味,花味,咖啡味,好重可可味),在解釋嘅途中,佢好好人咁總共比咗2片唔同味嘅tester(其實即喺實物原大,好慷慨嘅試食裝,無切到風都吹得起)我試。因為我唔鍾意嗰種酸性,所以佢又改而介紹我另外有註明可可豆出產年份(我以為紅酒先興講年份啫)嗰d,但嗰d就無細片裝,只得大片裝,兼無tester。咁,太冒險啦

- 服務好好,個o靚仔對公司嘅產品好熟,好似背稿咁,亦引用咗好多我喺鱔稿見到嘅字眼同用語。唯1夾硬要挑剔就喺如果佢能夠講得出咩產地嘅可可豆味道特性就最perfect。其次佢個態度亦好好,4萬式嘅笑容就緊架啦,說話雖則有輕微作狀,同少少浮(但資料性嘅內容就好實在),好似做戲/哄o靚妹咁,但出自佢個樣,就帶少少傻氣,都幾惹笑,不過我又唔好意思笑出嚟,唯有買完帶住微笑咁走出pp啦。hahaha