今日與朋友去了這家農家意粉，開頭怕環境很迫，我們12:30 到去到，d 伙記好好人呀。

我們點了兩個 $28 的lunch.

雞扒/ 豬扒意粉

好多肉呀，意粉都好多，抵食! 水準拍得住高級餐听!

連埋餐湯+ 包+ 曲奇餅!

下次一定會再去!

農家餐廳一開業時已經幫襯過幾次，今日咁岩又試多次！
店鋪座落於上水街市熟食中心，環境當然麻麻地！
各位穿慣西裝；出入慣大商場或高級餐廳的人可能會令你失望或不滿，
不過呢度的食物真係唔錯，大大份又好味。
每一份餐附送湯及包，但要加$6至$8先有餐飲。

蒜蓉包
每個餐有一塊仔蒜蓉包，蒜蓉味不算多，但夠牛油，
咬落好香脆，比起開店初時的蒜蓉多士更好味。

羅宋湯
之前試過白湯，覺得一般，所以今次就試下紅湯。
湯好濃，比一般西餐廳的酸同"傑"，還可以啦。

洋蔥煎牛利配海蝦意粉（主菜）
記得細個最鐘意去農場餐廳食牛利！
大大份，竟然有5至6塊牛利！
雖然有2塊個面燶左少少，但好林，個汁又唔會咸。
意粉都好味，加埋d汁話咁快就食晒！

朋友叫的紅酒牛尾都好好味，又大份又入味。
而焗薯亦做得唔錯！
食物夠健康，無味精！食完唔會口渴

總括又言，呢度的食物係大件夾抵食，
但環境未必附合到各人的需求，
（街市熟食中心的確會有烏蠅出現，但唔多，建議老細可以用蓋蓋住餐具，保持衛生）
大排檔，唔好EXPECT咁多......

雖然我都好懷念當年西餐廳格局的農場餐廳，但而家只可以黎呢度懷愐一下而已。

遲來的食評!!

過多2日就考試..約左d朋友去左上水圖書館溫書!!
lunch既時候梗係喺樓下搵野食啦!!
但由於唔係成日過黎食野...所以唔知邊間好食!!
咁我地就周圍睇下....點知!!俾""農家意粉""個招牌吸引住..
因為之前....從來未見過!!咁我地就試下e間......

我叫自己就叫左個黑椒鷄扒意粉，忌廉湯....

忌廉湯
幾好飲，唔會太稀！而且都有d料係湯度，親熱飲...好飲d！

蒜蓉包
塊蒜蓉包聞落去係好香嫁，但食落去發覺佢太烤得太硬啦！令到個口感差左d!!
而且搽左太多牛油..油膩左d!!!

黑椒鷄扒意粉
個賣相幾靚，真係似足餐廳整個d！雞扒都幾大件下，而且咬落去都幾滑身下，唔會話太"鞋"，夾埋d黑椒汁...唔錯！
但如果黑椒汁冇咁咸會仲加好味！

e間門d野食都算ok!!!但d位就是真係唔得la!!
我地食飯時咁岩係lunch time…而佢只係俾左張細細張既台俾我地..
搞到黎左湯同包要拿拿聲食完先拎走...先夠位放飯lo!!
仲有d位太細la!!出出入入容易撞到....

之前我都睇過有報章介紹呢間餐廳,
不過次次去開上水都唔記得去試,今次去上水街市終於記得啦!
我叫左洋蔥汁羊扖意粉,
媽媽叫左蒜蓉汁鵝肝T骨扖配飯,
前菜係蒜蓉多士同羅宋湯,
片多士係剛剛烤好的,脆卜卜,蒜蓉唔油膩,咸道剛剛好,
羅宋湯酸味岩岩好,不過如果多D蔬菜食下會更好。
我坐正係佢店舖門口張檯,
當我地等待主菜時,老闆請我地兩人食多片多士,
不過我怕太飽所以只係媽媽要左,
個羊扖好正,好JUICY!
塊T骨扖夠哂大塊,抵食!
鵝肝我係第一次食既,同樣係好好味!
佢仲配4粒無花果乾,當甜品食,又健康又好味!
個老闆見我地食完就問我地岩唔岩口味,
我話羊扖好味,媽媽就話個T骨扖味道較淡,
個老闆即刻問係邊個主菜,等佢改善,
之前佢話佢地唔會放味精的!我食完之後真係唔覺得好口渴呢!
最後老闆仲話請我地食朱古力,不過太飽了,我謝過了,話下次先啦!
佢就話下次黎食記得提佢。
嗯!我下次一定會再去食的!

還記得小時候有一家連鎖式的西餐廳叫做農場餐廳
有一個招牌的豬仔 LOGO
每次跟家人去的時候都會點雜扒餐
貪其便宜又大份
可惜這家餐廳最後適不過金融風暴倒閉了~

到後來這家農家意粉在石湖墟街市熟食中心佔了一席之位後
聽說是農場餐廳的前老闆開的
在久仰大名之下 一直苦無機會與時間去光顧

熊貓終於在上2個星期跟親愛的媽媽去光顧了
環境方面大家不要有太大的幻想
畢竟是座落於街市之中
但比起熟食中心還沒翻新之前 已經好很多了
起碼地板不再跣腳 有冷氣

農家意粉在此熟食檔裡所佔的地方不大
但中午的時候比起附近食店的客人數量也不相伯仲

跟媽媽點菜的時候仔細一看
餐牌紙中的選擇是異常的多
雞牛豬魚大蝦鵝肝 款式齊全
有便宜的 也有貴的
同一張餐牌同一款食物 可以有正常價和學生價
感覺還不錯 飲品可以另外加幾元便可
但為減少糖份的吸收 我不會點 XD

我點了一份黑椒汁安格斯西冷牛扒 配意粉 ($42)
牛扒份量有8安士
應該比我手掌還要大吧
牛扒的生熟度剛剛好 不會太生 也不會過熟
肉質也是嫩嫩的 很Juicy
黑椒汁很夠辣 XD

我媽就點了一份蒜茸汁烤羊架配意粉 ($35)
上桌的時候覺得超大份
羊架的肉質很嫩 咬下去軟軟的有肉汁
羊肉沒有很強烈的"穌"味
而且羊架的份量也不少 有5安士

比起那些甚麼椰XX, 維X
質素水準很好明顯高很多了
另外 有個男侍應服務的態度不錯
值得加許

後來我們遇到了老闆 我媽一眼就認得出是以前農場餐廳的老闆囉
聊天的時候會問我們食物質素如何
讓人感覺他是有誠意搞好這家餐廳
而且我們走的時候 又問我們住哪 記得多點過來吃
感覺很有親切感
回到以前農場餐廳的時代一樣
這也算是其中一種集體回憶嗎?? XD

夜晚9點幾同個fd去上水食飯.....
諗唔到食乜...個fd話openrice見到呢間唔錯...
我都食過一次lunch...覺得唔錯....所以就食呢間

上到去熟食中心....呢間餐廳無乜人....可能平日同埋夜....
坐低之後睇餐牌....見到今日精選都唔錯....
個fd叫今日精選時....個女仔待應話無t骨扒....
問佢可唔可以轉其他扒...因為個fd覺得個餐多野食....
唔知佢答左d乜野....好似唔想答唔想做咁.....勁無服務....
之後牛西冷又話無....我問佢咁有乜野....佢話無牛西冷無t骨....
結果同個fd叫左個羊西冷同牛肉眼....費事同佢講咁多....
個女仔真係服務態度好差....應該港女黎= =
我地已經好好禮貌...比其他人一早發左火叫老細黎.....

食物黎到....個fd話佢個牛好香..食落都ok...係7成熟熟左d....
我食羊...好厚身....我本身味覺比較差....唔識分好唔好食.....
但係食落我覺得幾好食....不過係有d"騷"味....

最後食完想要多杯水...但係我同個fd見到得果個女仔係度....
不禁放下一句：「算啦！」...大家都心諗費事受氣....
埋單老闆仍然好似上次咁nice.....=)

其實呢間野.....晚餐黎講係上水$50無野飲食碟扒算有d貴...因為環境好一般.....
不過因為食牛同羊....加上食物唔錯....我其實覺得抵食架....
但係真係個女仔既服務態度好差...我不嬲唔計較呢d野都頂唔順.....
ok係因為個女仔....如果老闆可以訓練下個女仔既服務態度會好好多......
食物我真係比笑

第一次寫食評..
今個農曆新年
放假一星期，來了兩次

年初四...
心血來潮想食意粉
就諗起呢間
行上黎時仲諗緊會唔會冇開
點知開左la...周圍好多店仍休息中呢...

未坐定
老細已主動行上前打招呼
還記得之前睇過訪問呢位老細的傳奇經歷
開頭仲以為新年老細會放假
點知黎到見到佢真人咁友善...殷勤...完全沒有架子...
跟同工一齊落手落腳..落單、傳菜、執檯...
實在難得!!

老細向我和家人宣傳新年特價餐...
68-->待價-->48
平咁多?
唔洗諗..看餐牌後
即點左紅酒煎8安士安格斯肉眼扒

先上蒜蓉飽+羅宋湯
蒜蓉飽香脆
羅宋湯足料
正!

再上主菜
塊扒...佔左半隻碟咁大塊
勁香紅酒味...
D肉勁「林」
軟棉棉...入口即溶...
超好食呀!!!!!!!

意粉軟硬適中
好香...
用左牛油拌意粉..好滑...(雖然勁肥><)

呢一餐
好滿足
只係48元
有咁好質素既食物
雖然環境唔係咁配合
但幸好年初四..周圍沒有太多人
可以靜靜的與家人共享午餐

就係因為呢一餐
老細熱情既款待
今天年初七
再來多次

今日熱鬧得多
位子也變得迫狹
也沒有特價餐

點了
紅酒煎西冷牛扒跟飯
匈牙利牛肉配煎鵝肝跟意粉

今日有點失水準
西冷扒...好韌...
意粉...冇牛油...
但係...
鵝肝...好食...煎得脆...又唔醒，入口即溶
匈牙利牛肉..即牛肉粒，好味，夠「林」

臨走時老細問我地D野岩唔岩食
仲送左包曲奇餅(見到每檯人都送一包!!!!!)
叫我地介紹多D人去
哈哈
其實食物質素真係唔錯
以咁平民既價錢
就可以食到咁有水準既西餐
但要KEEP住水準真係要花點功夫la!

只單憑老細既熱誠
咁落力招呼客人
只係計人情已經留唔少客仔喇
我會再來的
為你加油!!

今天跟同事去了農家食午餐，自從農家葵涌店於年前開業後，便很少見到傳奇老闆陳興濤先生在上水店現身，今天的菜牌上有新的餐項，我選了這客有香煎鵝肝的煎鵝肝鷄扒意粉試下，其他人分別叫了牛仔粒飯或鷄扒意粉。 現時農家的午餐只包蒜蓉包及餐湯，不再包餐飲，如跟餐飲的話要另加五蚊。 蒜蓉包跟餐湯依然保持一貫水準，沒有随時間跌Watt。

煎鵝肝鷄扒意粉 配 蒜蓉汁
煎香了的鵝肝放在一隻蕃茄上，入口都幾夠香味，不過口感嫌偏稔身一點；至於件鷄扒大件夾抵食，雖然沒有榮式鷄扒般有炭燒的香味，但入口肉身都幾柔軟，味道都算合格之上了。

這客意粉用了鵝肝來煑，取價只是比最平的廿八蚊午餐貴拾蚊，而份量也加大了一點，大家都不妨去農家試下啦！

最近跟媽媽到上水街市吃農家意粉，在上水工作多年都沒有去過這間農家意粉吃。
不過在街市內的熟食廣場上吃西餐都不太習慣，座位一定不會舒適，
加上給予人一種壓迫感，要快點吃完整個午餐就走人，聊天談天一定不宜。

由於在街市熟食中心，四處都是吃十幾塊二十多塊錢的食物，
所以這間以西餐作主打的食肆，價錢也入鄉隨俗，
提供價錢大眾化的套餐，於是我便選了餐單內其中一款的特價午餐。

餐湯一如一般西餐廳，有羅宋湯及忌廉南瓜鷄湯選擇，再配餐包一片。
羅宋湯表面好油膩，加上太鹹，有點難受，
至於那個忌廉南瓜鷄湯，表面好像不錯，但味道麻麻，而且湯身太稀，
有混水之嫌，有欠濃郁。

不可在此不提起那些侍應的服務，原先我是點了黑椒白菌扒牛脷配薯菜，
但後來侍應奉上的餐，居然是隔離枱的黑椒汁牛扒配意粉，
我又胡里胡塗的切了一點牛扒來吃，媽媽也吃了一點，
牛扒整體上肉質尚可以接受，一定比起那些大字頭的連鎖快餐店優勝，
黑椒汁不辣，份量也算可以接受。
我吃了兩口後，才醒覺自己不是點這個餐，然後叫了侍應來，
於是過了一會，我的午餐終於出現，
後來我在享用午餐時，才看見隔離枱的客人收到自己的午餐，
才知道自己錯吃了別人的牛扒餐，想起也感到不好意思，難得侍應依然殷勤接待。

可惜牛脷份量不多，而且面積太細，幸好那些薯菜為焗薯蠻香，為這道菜挽回少許分數。
至於咖哩汁龍脷柳配牛仔肉連飯，媽媽認為牛仔肉沒有牛肉味，咖哩汁普通沒特別。

套餐內不包飲品，要的話熱飲加$3，都算可以接受。

好好味!!!
我同屋企人一齊食
我地食左個香草汁羊架飯、咖哩咸豬手意粉同蝴蝶牛扒拼龍脷柳意粉
餐湯叫左2個忌廉同1個羅宋湯,忌廉湯好香濃,配埋蒜茸包一流!

個羊架飯好味,D汁好香,肉唔會好硬正!
五件羊架每人分D食

咖哩咸豬手意粉初初睇落好肥,但裏面好多肉,意粉有D好似cream味,成個餐都幾好
$32真係好抵!

蝴蝶牛扒拼龍脷柳意粉份量好多,食到我好飽
牛扒我要7成熟,裏面D肉好冧,幾夠味
食晒有D漏
龍脷柳同牛肉比就有D比下去喇,不過都唔錯,唔會又削又腥

食完之後加左一杯熱檸茶,2杯凍檸茶,細杯左D啦
最正係$3加左個香蕉班戟,$5加左個芒果班戟
抵到死!!!!!班戟D cream唔會多到死,可以食到班戟皮味
去甜品店食都十幾廿蚊啦

員工D態度好好,我地成日後加野食,一叫佢嚟就急急腳衝嚟
食完仲有問我地覺得D野食點
好味啦梗係

晚餐平均要$40，
叫左個雞扒意粉，
雞扒入面無味，只有出面有味
意粉 overcook ，無口感
最好的就是 ice lemon tea ........
又貴又唔好食

今天係農家食咗鹹豬手，真係...........唉.............唤...............！！
今日带新同事去試下傳奇人物陳興濤的農家意粉，其實已有一段日子没來食，今次來看看食物品種及水準如何。 去到發覺朝拜的人潮不再，我們很容易便找到一張細枱，坐下後一路也不見侍應現身，多番招手才見有人前來落單，客人少了但服務依然不足，看來不關人手短缺的問題，請店主多多留意改進！

我見餐牌上有一樣新品種鹹猪手，價錢還由三十八元减至三十二元作推廣；之前去捷克旅行時食過非常味美的鹹猪手，印像猶新我不用半個種鐘便解決了它，留下一個美麗的印像； 所以考慮片刻便柯打了這客鹹猪手配意粉試一試，未上枱前我預期碟內最多只有那麽幾塊猪手切片，但上枱時出乎意料之外竟然是一大隻鹹猪手，外形媲美歐洲版鹹猪手，只是表面没有烤肉的焦香味，除了香草、甘筍及芽菜外，還有份量不少的意粉伴碟，記得以前農家的意粉總是偏少一點，這豬手賣相相當有睇頭。

當然我拿著刀叉立即開動，切了一、兩刀吃了兩片有鹹香味的肉片，跟着便發覺這件豬手雖大，但中間是一條足兩吋粗的骨頭，好像腳關節的部位，皮下脂肪及骨膠頗厚，吃多兩啖便覺很膩滯，而且餘下的肉很黐骨，很難再切出來，惟有只食意粉，但連醬汁也覺有很重膠質，不久便吃不下咽了！ 我看這隻是猪腳，完全不是猪手，我寧願只有幾片猪手肉，還勝於這中看不中用的猪腳，幸好羅宋湯及杯凍啡尚算保持水準。

結論: 外形好得，食就唔得的港版鹹猪手！!

昨日，我和媽媽忽然好想吃西餐，便到農場意粉吃。
我們二人都是叫了紅酒汁澳洲巨型牛扒吃，好好味，牛扒好”淋”，又滑，
又多汁，
所以值得推介！
但服務態度則差少少，
例如：
不准你拿多一張”鄧”擺書包。

見街市咁近
評價咁高
就走左黎試左個午餐啦

叫左雞扒意
開頭有個包送tim
食落又唔差wo
點知正餐一黎就知大獲
份量當然唔足夠餵飽我(餐後去左買冷面食)
塊雞扒搞到好似瘦肉咁
一d都唔好味

女友的是牛利
向來鐘意食牛既佢食左兩舊就停左口
轉戰冷面去了

街市之中
呢間奇怪在d位就真係好小
得5張台唔夠....都幾易無位下

今日唔知食咩好，想下想就去呢度試下。熟食中心食牛扒都係第一次，而且之前既食評都話唔錯，令我有理由試下。

羅宋湯好足料又有肉粒，而個湯底好濃，一定落左好多茄膏整。好過椰x閣既羅宋湯，個餐仲有塊蒜蓉包，不過就油左小小。
黑椒牛扒雖然只係6安士，但肉質鮮嫩既牛扒配上可口醬汁都可以補番數。煎到七成熟就最好，唔會太韌又唔會太生。
凍奶茶好大杯，茶味夠濃，奶又剛剛好。好飲。

食完今餐之後，令我知道鋸扒唔一定要餐廳先可以。最令我既深刻係手寫既餐牌，同埋有禮貌既女伙記。實有下次既，但下次應該去葵涌廣場果間。