平時經過見到呢間好多人食, 但太細間, 望落好似好迫咁, 唔太吸引到我入去食, 但今日行過, 見佢d lunch真係比商場入面其他餐廳平, 只係$25, 仲包熱飲, 又唔啱有卡位, 所以入去一試...............

坐低之後, 想睇番是日午餐係乜, 但周圍都冇寫, 要出去買飛果度先有得睇, 因為呢度係要去門口買飛先, 然後拎飛行到最入吧枱果度. 放低飛後, 你可以返埋位等, 又或者執定d餐具, 係全自助式, 好似讀書果陣幫襯果d舊式快餐店.............

果然係快餐店, 其實你比飛冇耐, 大約幾分鐘, 已經叫你出去拎嘢食, 趕時間的真係啱哂...........但當然啦, 呢個世界不嬲都係一分錢一分貨, 除咗杯飲品真係去之外, 食物係室溫的, 但又未可以話係凍lor~~

干炒牛河
又黑又閃令令, 因為好多油, 又落咗好多老抽, 味道反而冇想像中咁鹹, d河粉又碎濕濕, 牛肉又少又細片, 食完雖然係夠, 但只係比d油頂住啫........... 熱檸水
成餐飯最好就係呢杯, 因為夠熱, 如何唔夠飲, 可以唔耐d檸檬整咁爛, 留番沖多杯, 因為出面有水有茶比你斟...........

豉椒排骨河
呢個好彩有d汁, 所以會暖少少, 但都不能接受, 又係河粉碎哂, 個汁太杰, 味道太濃, 排骨又瘦又鞋.............. 凍奶茶
唔太濃, 比餐廳好飲, 但唔夠大排檔好飲

呢度多數都係d叔叔伯伯或男人幫襯, 可能係一個字"平", 但我未必會再貪平食, 只會响趕時間考慮下佢................

今天到來..
全因被平價下午茶所吸引..干炒豬扒河
賣相不算太好..細細碟有三件豬扒..
但又幾好味..熱辣辣唔會油淋淋..
以 $24 來講已經相當唔錯..
不過杯凍奶茶就好普通左少少..

這個「當世無雙」的意思並不是褒義的，而是貶義的。
為甚麼說它「當世無雙」呢﹖

那是因為太CHEAP了，而且味道不太好，可以選擇的款式也不多~
試想想一個漢堡扒火腿飯要是$15：
漢堡扒$2
火腿$2
飯+汁$3，都係$7
咁佢咪賺好多?!
真係好唔抵食~

豬扒細塊而多骨，又不好吃，加上飯煮得太諗，唔掂！！

農曆新年前, 要到沙田年宵巿場工作.
走到對面的商場, 找到了這一家餐廳.

見到鐵板美式什扒飯/意粉/菜, $30, 包熱飲(凍飲加2蚊)
好便宜啊!!!
那就試一試吧.

於櫃台先買票, 再拿票到取餐處.
廚師即叫即做.
等了約五分鐘,
到取餐處自取.

首先,
飯跟扒先分開的(看圖)
鐵板入面包含d 乜?

一塊牛扒, 一塊豬扒
一塊火腿, 一條腸仔
一隻全雞翼, 一大堆薯條

味道算是正常, 入得落口咁,
無話特別好味!
但係真係等別飽!

晚餐有呢個價$,
食到咁飽, 真係好抵!

以Lunch來說，
這餐廳的食品雖然不算得好食，但又未至於難食的地步。
近星期，多次光顧這餐廳，終於發現了兩個特別的地方。
第一，原來不是天天都有午飯架！真係可遇不可求；
第二，原來特餐是有湯飲架！不過先到先得！
所以，尋日我好幸運，有機會飲下湯。
是日特餐，我選擇了洋蔥牛排腸仔飯，
和我中學年代的Lunch一樣，
都是薄牛排，非常易切，
而洋蔥汁是非常「杰」架！不過勝在夠多，一定能夠撈晒個飯！
差點忘記個湯先！
有羅宋湯，稀如水，但又有十足的羅宋湯味道，真係奇怪！

最近兩日，我都在美食軒都食午餐，
一日就食快餐 --- 洋蔥魚柳腸仔飯，
一日就食午餐 --- 雪菜肉絲炆米。
講真，以小型的茶餐廳說，算是不過不失！
雖然沒什麼服務可言，因為好像大家樂、大快活一樣，以自助形式，
先付款，後取餐，但勝在價廉物美。
但是，由火車站行路前往，需時十五分鐘，
以現時天氣來說，絕對會汗流浹背！

近來領匯管理下之商場很多都進行大裝修,禾輋商場也不例外,內部很多店舖都大執位,留下來的多數是大集團連鎖經營之店舖,很多個體戶都不能繼續經營,紛紛遷出.大集團連鎖經營之食店,水準故然穩定,但小店亦有個別特點.
美食軒已在禾輋商場經營多年,雖然食物只是一般快餐店水準,但價錢經濟,火腿通粉早餐只是$15,比連鎖快餐廳店更抵食.
早餐B--火腿通粉,腸仔蛋配多士,餐茶$15
早餐D--漢堡扒,腸仔火腿配多士,餐茶$18
希望大小店並存,百花齊放,食客有更多選擇.

下午茶最平的選擇之一:
$12一個魚旦魚片湯河 +熱飲 (凍飲+$2)
平係平, 但質素極差, d河粉唔係一條條, 係一舊舊的, 魚旦魚片亦好唔掂, 唯一是熱飲中的阿華田叫做可以接受

呢間賣點係西餐..鐵皮餐最多人幫襯..以前25$ 有鐵板餐,可選跟 飯/意/沙律..仲有野飲..上年27$..今年通脹下直頭30$..有個燒春雞餐本身以前好正有成隻比你..而家得半隻..
好啦..今次相隔成半年無叫我諗..再試下..同以往無分別水準..但我話多汁唔該..兩個廚房佬ban住我..唔出聲..好無禮貌..比袋野我拎走時 又包得唔好..結果倒射幾滴..但佢無動於蹤..
結果外賣返定 睇下..係無多汁到..仲覺得同堂食d人一樣..
但凍華田就好彩有味..
以前既話會ok..而家無d改進..但又加價,..真係唔比流汗樣唔得.

特餐波羅雞絲炒飯+汽水15$
首先.飯無鍋氣,又偏向林..波羅硬而無味.好似同碟飯分開左咁.成盒野整體都無味..十萬個失望