又到食午飯時間,今天只冇2人同行,唯有叫同事轉轉新意思
佢話試過呢間唔,即管試試

同事叫了 set lunch a,豬扒跟飯;2大塊豬扒,份量夠,味道一如普通餐廳,不過不失
我點了焗飯,熱辣辣,味道都是一般

座位也算寬敞,30-40 一位 lunch,合格但不突出

今日黎到呢度食下午茶，因為係出面見佢有好多唔同既選擇咁，所以就入左去啦。入到去其實佢環境都唔錯，座位都幾闊絡，不過成日都會聞到一陣陣煮食味。由於我地兩個人太肚餓，所以叫左 2 個下午茶餐再加個小食呀。

唔知點解佢D野飲野食黎到全部都唔係好夠熱，都係凍凍地，所以感覺唔係太好。首先係杯即磨咖啡，其實味道係幾好架，又夠香，但飲落去係微暖，個感覺好怪。另外我地叫左個蝦醬雞粒炒飯，味道唔錯，都幾香蝦醬味，但係炒得唔夠乾身。而且我估佢應該只係用微波爐叮熱，因為又係一D都唔熱，而且d雞肉係勁乾身，無哂水份咁。

我地仲叫左個豬頸肉米粉，呢個算係最好架啦，因為真係熱辣辣，佢無得就咁叮嘛。但個問題係d豬頸肉超大舊，而且好鬼un，有一舊係厚同un到咬都咬唔到，omg! 最後個小食就係蒜蓉包，呢個夠熱夠脆，不過唔夠蒜蓉香味囉。

佢每一樣都有少少問題，味道其實唔差既，佢最大既好處就係好平，唔收加一，食咁多野只係$62咋。

又是下雨天, 嚟到旺角, 周圍都係人, 就走咗入去呢間唔駛等位的

七點幾, 一枱客都未有, 有啲膽心.

兩個人叫咗:
芝士菠菜龍利柳焗飯($4x), 跟餐加$18, 配餐湯, 蒜蓉包&餐茶
芝士火腿雞扒餐($5x), 都係配餐湯, 蒜蓉包&餐茶

又唔係講到咁差喎, 餐湯ok, 個蒜蓉包好好味呢, 焗到好香好脆

個飯同個扒都正常呀, 係啲薯角炸的過咗火, 同埋啲拌菜冇乜味

待應都好快手, 亦有禮貌. 旺角區假日周圍都要等位, 呢度坐得舒服, 食物又ok, 價錢亦合理, 可以一試

不過值得一提, 呢度唔知點解係咁播啲'口水'舊歌, 同個場一啲都唔夾, 仲開到鬼死咁大聲, 有啲影响食欲

果次一堆人去旺角冇PLAN到食咩
行到黎lei間野入面好多位都知唔多對路...
入去叫左幾個餸.....講下最有印象果幾樣....

某焗飯: 閒一下,幾香的,看上去也不錯,吃下去是完全沒有味道
好似一碟濕左ge飯咁

食左個完全唔掂ge飯,諗住叫杯飲品沖下個口
咁就叫左杯唔知stawberry汁定蜜...
杯野一上台真係O晒咀,d stawberry蜜同d水係完全2個layer
係咁撈都撈唔均勻,咁都算....諗住起碼有野飲沖下口
點知佢上面個層d水原來真係水,完全冇味
下面個層d stawberry蜜甜到離晒譜
我自己本身都鐘意甜野,但就完全飲唔落

最後我地order個餐+5蚊會送個dessert
我就叫左個心太軟...諗住咁易整,難食極都有限...
點知原來這個甜品才是最難入口的
個心太軟有流心的,但一入口
d朱古力味好奇怪,不過不算吃不下,
但是重點來了,
吞下去不夠10秒,慢慢有一陣極之濃烈的嘔味湧上來
我們6個人吃一個細細的心太軟都吃不完,因為每人都只是吃了一口....
從未吃過如此難吃的心太軟!

以後也不敢再去了!

芝士焗咖哩雞扒飯 +凍檸茶 $35 (午餐)

因為要焗的關系所以都會要等耐少少但我覺得無問題，因為眞係焗得好香，

不是好似某些餐廳只焗一焗就算。

芝士份量不少、還溶化於咖哩汁內，雞扒都是一般的、肉質還帶有少許實，

不過，個醬汁好食、好送飯，而雞扒已經是其次了

除了雞扒之外還有好多舊薯仔，薯仔都 "林" 。

但最美終不足的是飯，飯質略為 "林"，不夠軟硬適中

如果飯質改善的話，個飯焗出來會更好食。

係女人街行, 好熱 見到呢間店裝修絃好 入去食lunch

好似28蚊個焗飯 ( 芝士白汁魚柳) (凍飲+2蚊好似)

真係唔好意思我記唔清個價, 真係個飯印象太深刻!

首先 , 個焗飯係白飯底冇調過! d飯仲要係軟身!

個汁係好淡 唔夠味!

個魚柳係乾的!

食左4份1真係食唔落去

待應可能知道個飯唔得 , 拎左支辣椒醬比我 ..........

唔係講笑 , 焗飯白&軟飯底已經係錯晒 個汁仲要咁淡又唔好味, 連上面d魚都又乾又冇味

唔係話比支辣椒醬我可以當冇事

我最唔開心係呢間野迫我浪費食物! 平時都唔會咁浪費法. 但真係頂唔到!

差!差!差!

當晚和家人們一夥兒共晉晚餐, 一行 9 人~

餐廳位於女人街旁, 一點不起眼, 若不是服務員到街頭發傳單, 我們並不會有幸光顧...

我們點了 2 個二人餐, 和散叫了些菜式... 一般而言菜式都可算接受.

是日沙律是什果, 青瓜, 火腿, 粟米和沙律醬, 沙律開始 "出水"... 賣相極差...
羅宋湯太稀, 太酸和太辣... 沒甚麼肉香或是菜味...
值得推介的是豬仔骨, 肉質不算乾硬, 味道亦比預計之中出色.

但服務生態度卻有待改善....

只是詢問一句: '為何點的 "鐵板羊" 沒有鐵板上菜?' 服務生回答一句, 當然沒有, "鐵板" 是菜名, 要鐵板上菜要預先要求及加錢.... 我們都呆了.... 明明菜牌上的相片都是鐵板上, 而且菜牌中沒有說明要預先要求....

另外, 臨離開菜館時, 險些要跟店員吵起架來... 為的是不足一百元的折扣....
事源, 我們提出結賬後方記得剛才的傳單上附有八五折優惠券, 所以向服務員後補... 晚餐的原價 $777 (我很記得, 因為我還說笑是 jackpot 數字). 服務員給我們重新計算後, 我們付賬後打算離開, 有一服務員喊停, 是喊停我們, 說二人套餐不能使用折扣, 我們都欣然接受, 準備退回款項, 但他們卻不太友善, 於是我們有意留難, 要求折扣散叫之菜式...

這頓晚飯, 我們有個不愉快的經歷.....

同一個食評我打第二次LA....
上次輕左....

所以呢個愈短愈好....因為冇心機LA...><
兩個人叫左$148的SET...

湯同包:白的就淡淡地，光飲可以，紅的反而同包一齊食好D...

SALAD:呢個係COMMON的水果SALAD..

焗青口:呢個個青口好普通，上菜太快..食個時都凍LA...不過個著蓉真係超好味..

.雞肉Kebab:食入口唔知點解好PIZZA FEEl....因為入面D料同PIZZA一樣...不過又幾好食....

咖哩海鮮焗飯:食個時冇咩感覺，因為已經好飽，又唔係特別好食...食左一半都唔夠放棄左..

PS:個人覺得佢D野最好唔好上咁快同食到青口已經開始飽....><

有樣好有趣的係到家看食評，見到有人原來同我食一樣的，不過佢醒D識打包...><

8月1日晚，兩人到了旺角這間紅蔥頭，叫了一飯一意粉，一個加$18轉餐，另一個加$35有一份皇牌鐵板拼盤

意粉：巴薩酒醋縈鴨胸意粉(聞落&食第一啖似出面茶餐廳的叉燒炒意，漸漸就有一陣酒醋味浮出來，蠻有趣的，是我比較驚喜&全晚最喜歡的一道菜，同埋D意粉我諗係專登硬身少少，因為如像平時的軟身意粉就會太膩也不配酒醋了…但可能油了少許)

飯：芝士焗忌廉牛柳粒飯(好多芝士鋪面，牛柳粒好焾，7成熟少少紅，白飯依然是白飯，像欠了什麼的…可能跟意粉有比較了~)

加$18轉餐：蒜茸包好細塊=.=我最喜歡的東西不合格=.=湯唔夠熱~

加$35拼盤：雞翼無特別、墨魚仔幾鮮不過唔入味、蒜蓉青口一般大但乾身D

總括黎講其實都滿意的~D侍應無乜笑容呢...
聽晚會同其他朋友去食朗豪坊附近個間，之後再為大家報導!

尋晚同朋友仔去咗通菜街覓食，最終就去咗紅蔥頭(都係自己衰因見裡面不是很多人)。
食到把幾火，因為我倆都不是太肚所以叫咗兩樣野。
(一)菇腸蕃茄意<----d意超級碎勁短，都唔可以叫做意粉好以浸咗好耐咁。
(二)奶酪薯條<----呢個仲正，d薯條好似油浸咁，而且有晒奶酪汁又唔講比我哋知拎到黎先講算點啫。

有朋友生日，而且Openrice又有85折coupon，所以就黎左試下。
第一次食紅蔥頭，比想像中好食。
有些少"意粉屋"既feel.....因為都係紅色?!算係"平價意粉屋"
响旺角要食平得黎又好咪既野都真係幾難............
(尤其我地呢D中學生....梗係要平靚正啦！)

4個人去食，1人1個餐........食到好飽!!!

1)3個意粉&1個飯
(意大利卡邦尼煙肉意粉、帶子扁意粉、黑松露忌廉煙三文魚天使麵、沙律牛柳粒配紅飯)

呢度D意粉真係唔錯，尤其個汁，較得幾好！
呢3個意粉：意大利卡邦尼煙肉意粉、帶子扁意粉、黑松露忌廉煙三文魚天使麵，睇相上黎好似一樣咁，但其實3碟既汁都係唔同既。最濃味既係"卡邦尼"汁，跟住係"帶子"，最淡係"忌廉"，我個人試哂3隻，覺得最好既係"帶子"，因為佢既汁界乎濃淡之間，勁好味！而且，其實我並唔鐘意食白汁，因為白汁通常都幾"漏",但係佢呢隻真係唔錯！

2)鐵板一口牛柳

另一推介，上檯"渣渣"聲，中間仲要有一球薯蓉，撈埋一齊唔膩又正！十分惹味！

3)心太軟

「爲今餐飯畫上完美的句號」，呢句slogan好野！真係會令人响無論係幾飽既狀態下，
都會叫既甜品。 等左2個字，可惜真係唔好食！心太軟既要求係一切開會有朱古力漿流出黎，但係呢個"心太軟"唔單止唔流出黎，挖佢先有少少，太失敗了！畫唔到完美的句號XD

P.S. 我地影相果陣，個廚師(因為無人落order)自動行過黎幫我地影相，服務的確唔錯！
有coupon真係抵好多！
所以overall有8個珍

之前去過朗豪坊的紅蔥頭食晚飯覺得幾好食和低食，今日經過女人街就入咗去這暑餐廳食。
入去俾我的感覺還算可以。但侍應們是不是借了關公塊面,個個面黑黑.我點咗個香茅豬扒併魚柳跟薯菜+$4蒜蓉飽和羅宋湯.
上菜速度很快，不夠10分鐘已經上完。
首先湯和蒜蓉飽都可以冇咩特別，接下來我就品嚐主菜，豬扒幾重香茅味，都幾她跟住就是魚柳，本人十分喜愛食魚柳，但是當我食咗第一口，嚴重大失所望，很鯹，魚柳都會鯹有冇搞錯，炸薯菜更離譜，黑過炭，用炭炸的嗎?
在我的的隔離台叫了三個鴨胸炒飯，我自己就冇食過，但聽到他們說好似食粥一樣，太濕了，炒飯最重要應該是乾.
接下來就結帳,我的還可以,我見到有些人叫結帳,經理完全沒有反應,都唔知收唔收到但之後又有帳單過去的.多謝又冇一聲,一間西餐廳這樣服務態度和食物搵鬼去.
和朗豪坊個間比簡直天淵之別，唔會再去食

今天和好朋友到紅蔥頭慶祝生日，找了好一段時間才找到餐廳位置，在女人街的一端，我們卻在另一端周旋了好一陣子，肚因而餓得咕咕作響。
走進人流不多的餐廳裡，環境雖說不上很高雅，但安靜舒適取勝。
我們坐下來後，看了餐牌很久，才決定了吃什麼，侍應的態度良好也周到。

餐湯與包︰
不錯的羅宋湯，湯料很足夠，用匙盛起來滿滿的有菜有蘿蔔，不必加調味料鹹味已夠，餐包像薯片一樣的脆，浸在湯裡才軟軟的，合我口味

芝士焗青口︰
芝士鋪在青口上，很有「芝」味

三文魚芝士天使面︰
芝士溶在天使面裡，不會很鹹，味道又剛剛好，幼幼的天使面上有一個如玫瑰花一樣的三文魚，我和朋友都認爲三文魚偏鹹，淡味一點會更好，但我還是吃了很多，雖然三文魚樣子不夠新鮮，但味道還是吸引我

焗芝士龍脷柳飯︰
以小鐵鍋盛載的焗飯，熱烘烘的上枱，再熱騰騰的放進口裡，很窩心的一口飯，龍脷柳不過不失，還是鋪在面上的芝士使其給加分

飲品︰
沖調的凍飲也算不錯，糖漿是另上，可以自己調較甜味

甜品︰
「心太軟爲這一餐飯畫上完美的句號」，是枱上的一張牌寫著的口號，提示我們不要忘記吃這裡的招牌甜品，本來因爲全「芝」宴的一餐已經很飽了，但既然是招牌甜品就不想錯過，我們二人分享一個心太軟，賣想很吸引，外皮如蛋糕一樣，切開一半，裡面熱熱的朱古力漿如火山熔岩一般流瀉出來，散滿碟的一角落，切一片鬆化蛋糕醮在熱熱的朱古力和旁邊冷凍的雪糕，又熱又凍，口感特別又新奇，甜味適中，不會太甜。真是爲這一餐畫上個完美的句號！

總結這一餐廳質素也算中上，地方適合友人共聚聊天，值得一試！

昨晚6時多在旺角找地方食飯, 之前想試這間好耐, 剛好經過就入左去...

原來想叫$148二人餐, 我計過其實只係平好少, 所以選擇叫其他餐 (唔洗食得太飽)



1) 沙律牛柳粒配紅飯--- 紅飯係茄汁蒜蓉炒珍珠米!! 超級好食!!!
(P.S. 平日我是不喜歡吃飯的人)
牛柳粒唔"鞋", 都OK
西蘭花忌廉湯配蒜蓉包--- 個湯OK濃, 都好味, 但見不到綠色的東西...
湯裏面有一粒粒白色的, 友人話似椰菜花粒
蒜蓉包我冇食所以不評
=> $62

2) 雞肉卡巴--- 之前在朗豪坊分店食過好好味, 黎到呢度一樣咁好味
卡巴裏有雞肉, 生菜, 蕃茄, 自選配料要芝士同熟洋蔥, 卡巴汁
材料足夠, 稍嫌唔夠洋蔥...
但對於唔大食既女仔來說, 這個包唔太滯, 份量又剛剛好~
是日沙律--- 這個唯一唔得...
罐頭雜果加薯仔不是問題, 但唔知落左咩沙律醬, 感覺好滯...
配冷熱飲料, 凍飲唔加錢
=>$48



曾經想加cheesecake(套餐+$20)... 但waitress唔識答那是什麼cheesecake, 所以冇叫 (因為小妹是不喜歡吃凍餅的)


食飯期間見到附近叫芝士焗飯/意粉類, 芝士好足, 好似好好味...

向女人街行行行,都有好幾間好似ok但又未試過,見多幾多款揀下就入去呢間,唔入去都唔知原來間餐廳都唔細.
一坐低,侍應就問我地熱唔熱,之後安排左我地坐一個更涼ge位.
好多2人都可以坐到4人位.不過就算2人位都唔迫,D分隔做得十分好.

野食方面,真係好飄忽...........大家真係要小心d揀~
ORDER左一個SET~

餐湯:
幾淡下,搞到要自己落鹽黎吊番味.

餐包
脆到好似威化餅咁,但蒜蓉味就唔多覺.

醋鴨胸意粉
聽過名十分普通,但比想像中好!
個意粉有d似炒意粉的質感,但冇咁乾身而且帶點醋味.鴨胸係分開煮,所以冇乜特別,如果可以連鴨胸都有醋意,可能有意想不到的效果.
雖然有d蕃茄同伴碟,不過食落就唔多覺佢地d味存在.

帶子拼牛柳薯蓉
估唔到最值$果樣反而唔得,好失望.
帶子,好明顯係舊殼不斷翻炒用,都唔係咩大問題.
最大問題係,d帶子勁"梅",完全唔知想點.個所謂的汁亦都冇咩味可言,似係好浠ge白汁.

牛柳,肉質其實好好,又唔UN,但我地明明order 5成熟,完全錯晒.
都唔知用咩醃的,完全冇味咁濟,浪費左舊肉.冇汁就直情冇味架喇.......

薯蓉
正常,但個面有d位"lon"左d wor!

凍檸茶
以為自己叫左凍檸水,唉,勁無茶味,超唔得!真係好後悔2杯野飲都叫同一種!

甜品
分別要左原味芝士cake同雲石芝士cake~經歷左連續2個下滑,終於有反彈.
原味果個都冇乜特別的喇,不過芝士味真係好好好重,而且個面有d檸檬味(酸).
不過另外果個真係好岩我!!!因為我好鐘意甜食!!!又有d朱古力味,面有一層超簿糖漿似的甜東西.

推介雲石cake俾甜食的朋友.