上次去過食紅蔥頭的下午茶, 覺得唔錯, 今次去到太子, 都有佢地分店, 下午茶時間又到了, 正好讓我再一次幫襯
其中一款下午茶係豬扒雞蛋烏冬, 連飲品都係廿幾蚊, 味道算係中上, 湯味唔係一般茶餐廳的味精水, 有豬骨味架, 唔錯lei
炸豬扒好軟熟, 又夠厚, 係一塊幾好食的豬扒, 結合價錢, 環境, 都係一個幾好的選擇

其實黎過好幾次, 多數係dinner
牛柳粒紅飯 - 好味好味
茄子肉醬意粉 - 有D怪味

建議唔好加$食心太軟
> 好細而且唔係特別好食, 唔值得加咁多$

食lunch的話其實幾抵--> 包橙汁架

雖然唔係特別好, 但overall都OK

約朋友食生日飯，去了太子始創一間叫紅蔥頭的西餐廳，因為訂了位所以有「死角」卡位坐。

叫了個$168二人餐，有湯有蒜蓉包，主菜仲有飯甜品同餐茶，對於兩個女仔嚟講好夠食。食物味道算幾好，都算多選擇。

選擇呢間餐廳的原因是地點問題，太子比較就腳。網上的食評都唔錯就試一試。

走的時候要等位，估唔到間餐廳都幾受歡迎。

唔錯唔錯...下次同老公再去撐檯腳先。

上次無意入左呢間餐廳食過lunch~今次突登返去encore

同埋今次叫左個蜜桃焗雞扒飯+$要埋嘢飲同蒜蓉包

首先講下個飯先: 同上次一樣咁好食, 有好幾舊好大ge雞塊, 足料! 仲有幾舊蜜桃果肉tim個汁好正, 有濃烈ge蜜桃味但又唔會太甜wor~~ 份量又夠, 連大食ge我都食唔晒!

至於個白湯就不過不失la

另外想講下個蒜蓉包, 上次lai食超好食, 又夠熱又夠脆, 但今次好失望, 個包淋晒凍晒之餘, d油仲滲晒出lai...

不過好彩呢度ge嘢飲可以揀鮮橙汁而唔使另收$

如果下次行開呢頭都會再lai ge

曾幾何時，都黎過''紅蔥頭''幾次，記得水準一般…誰料…
今夜替人慶生再臨，感覺如常，食物、服務、環境仍然麻麻…
無驚喜之餘仲幾荒謬。。。聽埋落去你就知！！！<睇相~>

$148。二人餐B。是日餐湯、蒜蓉法包、冷熱餐飲各2、芝士牛油蒜蓉焗青口4隻、芝士羊肉卡巴/加勒比雞肉卡巴2選1、芝士焗蜜桃汁去骨雞脾飯、芝士焗白汁香煎龍俐柳飯、芝士焗咖哩海鮮飯、芝士焗茄子肉醬意粉4選1

羅宋湯、忌廉湯：先不評味道，羅宋湯器皿的兩旁…(請看相)…<無整親真係算偷笑！> 兩個湯都頗稀，紅湯甜味過了些哦…用料普通！

蒜蓉法包：二塊，蒜蓉包不夠香脆，而且蒜蓉味很欠奉哦！

時日沙律：份量不少，主角是粟米粒(多)、配角是紫椰菜、生菜、蒟蒻、少量水果粒，味道一般，略嫌偏甜！

芝士牛油蒜蓉焗青口：熱辣辣~中間有個伴菜同焗薯蓉，焗薯毫無牛油香味，超淡無味。惟一ok的是芝士焗得香香脆脆，少得黎又岩岩好喎，唔會膩，都幾香。味道還可以，過關！

加勒比雞肉卡巴：二大件。卡巴外皮烘得脆脆的，微暖，入面有雞肉、火腿、雜菜、生菜、蕃茄、菠蘿等，也有溶溶的芝士和沙津汁在內，另配上醬料沾伴吃，呢個ok wor，合格！

白汁芝士龍俐柳焗飯：飯面的白汁芝士焗一焗就算，毫無賣相及味道可言，飯焗得太淋了。只有三小塊微煎香的龍俐柳、幾片蘑菇仔，係咁先~連配菜都無=省返。龍俐柳又無味。<靠d白汁芝士？！可惜，白汁芝士起唔到作用囉，可想而知芝士味何來？！唉…真失望，十分同意之前有食家所言，求其搵間茶餐廳既焗飯都好過佢！！>mad:

凍好立克、熱檸水：牛一的人說稀得不得了，全晚我最滿意的是。。。我的檸水<如果檸水都唔掂既話，真係不言而喻囉..陰公朱~!>

食完飯，我就靜雞雞去拎事前先存放在店內的生日蛋糕，繼而奉上，製造驚喜一刻…尚算順利…

之後仲驚喜丫，我真係唔底得一定要公諸於世，同大家笑下，講明先，由始至終無點嬲，但總覺有點可笑和無奈…哈哈，唔知比著你地又會點呢？<去相即明>

跟住，好自然咁請個較好態度的女侍應幫我裝返食剩的蛋糕…咪住…聽埋先…就到重點黎喇~<我邊打邊笑中，都唔知究竟好嬲定好笑，ah，哼~哼~>

戲肉黎啦~~~~開估啦！

等左陣，女侍應拎住個白色膠袋行埋黎，話：唔好意思，你個蛋糕盒同個袋XXXXX(唔多記得佢講咩啦，總之就暗示已經無左啦)，咁依家用個發泡膠盒同你裝返，得唔得？
我：下~~~即係掉左？
女侍應：(支吾以對，有D唔好意思)
我：咁都無左喇，唔係可以點？！

其實以上無稽之事，完全唔關個女侍應事，怪就怪''掉野''個個人，極有問題囉，問都唔問過客人就亂掉人野<極度似某個人>唔通唸我地兩個人食完成餐，仲擦得掂成個蛋糕咩！！

總說…侍應服務態度絕對有修改善空間囉…唉，極速上菜>極速收碟>極速掉野...
<Come on~!各位比d笑容好無？>

至今，在此店和朗豪坊分店，各店均光顧過兩次，<記憶中，之前來此店吃牛扒，一般貨仔；朗豪店的雞扒不錯>如一定選'紅蔥頭'進膳的話，建議你行多兩步過朗豪坊食好過。。。至少出品和服務還算叫好 D D囉！

我有幾何會比'喊臉'丫…想領略下點'喊'法，就即管來試試吧！包你有''驚'喜！

店員說現在不收切餅費，自己搞掂即可！<算是惟一優勝之處嗎？！>

惠顧滿$200方可以信用卡結賬

共$163 <唉，咁平~算數！…唸唸下，又唔可以咁講喎，大把地方以咁既價錢都可以食到好野啦…係咪先？！唉…無悔。算~>

唔係見就近都唔黎。black list !! 唔洗旨意有第三次。say bye bye。絕無下次！

我食完呢間紅蔥頭的心太軟, 好想同大家推介, 因為幾好食

當下午茶時間去, 有多款下午茶餐供應, 款式係眼花暸亂的, 有湯麵, 小食, 飯都有! 食o左一份咖哩豬扒飯, 加十八蚊, 就可以要多個心太軟食了

咖哩豬扒飯的味道都唔錯, 咖哩汁味道合格, 一般的日式咖哩味, 甜甜地, 無什麼好特別的地方去讚, 豬扒的水準都係不過不失, 但作為一份三十幾蚊的下午茶, 都值得去食

精彩的, 係個心太軟, 好有水準! 心太軟的朱古力係好似溶岩咁, 一切開個餅就湧出嚟, 流出嚟的朱古力好香, 有好重的牛油味, 其實朱古力好食係要有比較重的牛油味先可以, 有些餐廳的朱古力都做得比較求其, 所以朱古力的味道又唔香又苦, 紅蔥頭就做得好好了

伴碟的唔係芒果, 而係桃, 比較失望, 都係芒果好食

埋單五十幾, 但係食到好飽, 好滿意了

在補習前吃一個下午茶。

平時也有到紅蔥頭吃晚飯, 水準一向也是不錯。

下午茶也是第一次在此吃。

羅宋湯 :

湯身有少許杰, 味濃, 配料足, 不錯。

羅宋湯雖然很不錯, 但作為一間知名餐廳, 紅湯好飲是應該是基本,而不是加分的地方。


主菜 牛柳紅飯 :

飯身很爛, 像是煮得(放左)太耐。而且牛柳很老,很差。

最好食係伴碟既沙律....


侍應態度也是一個問題。

下午茶時在遠處的幾個Waiter都坐在一角談天看馬報。

只有經理和一名女侍應在樓面應付5,6臺客。

而且在門外看餐牌時,企門口的職員只顧傾計連看也沒看我一眼。

直至我問有關下午茶學生優惠時也應我一聲「是呀」就繼續傾計。

我自問常去紅蔥頭吃晚餐, 水準一向也很好。

晚市的紅飯, 飯身依然不爛, 粒粒分明。

而且晚市的牛一向是信心保証, 不會太差。

晚市侍應服務不算最好但也在水準之內。

只是因為下午茶較平所以就看輕這班消費者了嗎 ?

紅蔥頭, 你難免令人太失望了, 尤其是我這位你多年的支持者。

與Honey在始創行街，順到搵食，見舖外好多人等位，"二人餐"又好似幾吸引，見D位都幾好坐，於是試下，八點鐘等到八點半，終於有位，"二人餐"由$128-hk 至$188-hk，我揀$188-hk個餐，主菜及粉飯有幾個款式可選擇，而我的晚餐如下:

忌廉湯 ，羅宋湯連兩片蒜蓉飽: 味道一般，沒特別
焗青口四隻連薯蓉: 好味，D青口無雪味，不錯
燒豬肋骨，嘩，成呎長，好好味呀，有紅蘿蔔，瓜及炸薯角伴碟，好野味，又有D汁淋上面，正，必食
蕃茄醬雞胸肉墨汁天使麵; 好味，蕃茄醬雞胸肉好配合
芝士蛋糕，律子蛋糕各一小件，幾好，唔甜

***加$6-hk餐飲可以轉特色飲品，我轉飲凍意大利泡沫咖啡，都幾大杯，不過D咖啡味淡D，可能熱飲會好D。

Total : $220-HK 連加一。 我覺得可以接受，因為都幾豐富，如細食者三個人都夠食。 我會再來試其他野。 因為我見隔離台D食品賣相都唔錯。

芝士焗的鮑魚海龍皇飯/意粉

好芝士!
成個飯面都鋪滿半溶的芝士, 仲焗到有少少一點點濃, 熱食時仲可以拉起長長的芝士, 芝士迷必點!
醬汁係白汁, 濃杰度岩岩好, 可以做到醬汁包身。
fillinf 其實係焗海鮮加兩片鮑魚咁, 海鮮都算足料, 件件都細碎。
D芝士真係可以做到啖啖都係!
新鮮即焗好熱, 表面收汁得來又唔乾。
份量真係好大, 大胃王就岩晒啦。
最唔好唔係五十幾蚊唔係套餐, 只有單點一個飯麵, 我寧可份量少d但係跟套餐呢!

父親節去食飯，又冇專登訂位，間食齋鋪又排晒隊要等位
見呢間野冇乜人，又未試過，諗住是但，坐得舒舒服服算啦。

點知真係好意外！！！出奇地好！！！

叫左2個二人set dinner（大約$118-$168）
等左一陣好快上枱！
野食有水準之餘（尤其墨魚汁面值得一讚！）亦好夠分量！！
四個人每人除返$60-70，飽到捧住肚走！！！（本人跟阿爸算是大食的人）

服務亦算不錯。
環境一般 但勝在坐得舒服（起碼一定唔會趕你走），有少少樓上cafe feel。


會再次光臨！！

We ordered two set dinner, one is the "fillet with rice" & one is "Lamb chop with potato wedges".

1. The fillet was COLD and even the rice wasn't fresh enough, worse than fast food chain (e.g. Cafe De Coral)

2. The Lamb chop was overcooked and the potato wedges were not fried enough.

3. desserts were not allowed to choose (there're 5 types of cakes inside the fridge)

男友整天嚷着要打邊爐，今天打個小邊爐以慰他單思之苦！

肥牛雜錦鍋：不要小看這個小邊爐，真的不錯～
炸魷魚蘇：大碟，很香脆可口，好味～
紅油抄手：小小辣，好味～

菜名其實有少許不同，不過我不記得正名，大概這些名字那麼上下啦！

我們想坐卡位，但去到時未有，坐下没久，侍應一見有位便通知我們轉位，service不錯啦！

呢間餐廳真係不知所謂，　個經理正屈人精，　我叫個套餐西冷牛佢個同事落錯單落左碟貴，送菜個陣又唔講係咩。

到 check 單個陣問番點解咁貴佢仲惡人先告狀話我　你咪食左囉，食左啦唔認數呀。我同佢講我叫牛朳佢又攞碟牛朳黎，你 d staff 一句攪錯就要我比多 d 錢？

食飯食到咁谷氣，好唔開心呀！就算餓死我都唔會再去！

如果你想搵個地方開開心心食餐飯千其唔好去！想攪人發洩下嘅另計，梗有一個會瀲嬲你之後再同你大閙一場

由於近office,平時會同同事到這裡食午餐
不建議食燴飯或扒飯,實在一般,永遠不夠熱…

但焗飯不錯,
意粉也ok, 但材料很少….
最建議是鴨胸Ceasar沙律, 好好食
味道很好, 但量也是比較少…
總括來說, 這裡比較suit細食的女士

另, 午餐12:45前order有8折 

試了蜜味BBQ燒豬仔排骨 $72
排骨幾入味,吃剩了還要打包.
巴薩酒醋燻鴨胸意粉 $48
這個真不錯,
覺得意粉好好味
小小酸甜甘香
配上煎得香香的鴨胸
值得推介.
卡巴套餐
有羊肉、雜菜
混合醬汁好正
這裏環境不錯,是三五知己相聚好地方
服務不過不失
我會再來