上星期五o既約會延到星期一，耐不耐就會同Apple出嚟食吓飯、傾吓計。由於我要去太子攞嘢，所以lunch time時喺公司search吓太子、旺角有咩好去處！睇到呢間係食素喎，極少出街用餐係食素o既，咪走嚟試吓囉。

我發現我啲方向感都係麻麻地，明明通菜街係一條大街，點解我都可以搵咗一陣至搵到呢間鋪頭呢？已經好肚餓啦~~~~~~~~~~
入到鋪頭唔係好多位亦唔係好多客人，我哋兩個人都可以坐四人枱其實好想揀麵餐，但好似唔多吸引&轉餐要加錢，所以都係揀番原本啲set會抵啲。因為Apple小姐揀咗咖喱豬扒飯(其實我好想食咖喱o架)咁我唯有揀
滑蛋豬扒飯$32配藍莓汁+$6(飲品半價發售)
先先嚟個飲品，嘩！好多冰喎，搞到杯嘢淡晒都啱我口味o既，我唔鍾意太甜
到我個滑蛋豬扒飯嚟啦~好大碗呀，咁至夠我食o架嘛~哈哈哈！一咬.....舊豬扒好好味，雖然係素，但都好有味道，陣味好似食緊午餐肉，好神奇Apple o既咖喱豬扒唔夠咖喱味，所以我無試到佢嗰碗。我食晒成碗飯呀，但Apple就食淨好多，晒嘢

網友對青亭素食既評價係讚彈參半, 但因為佢地點就腳同我貪新鮮, 我o地都去試食.
叫o左兩個料理 Share.
呢個素肉醬意粉冇一般肉醬意粉咁鹹, 幾好味 ~
而個腐竹麵連湯連菜食唔錯, 但齋飲湯就會覺得略鹹, 但整體o黎講幾清, 都好食.
遲下要試埋其他料理 ~

真係好清淡。
因為我自己唔係太鍾意食肉, 所以揀左間齋野同FD慶生日!
呢間野真係好清淡...淡得好緊要..
但係有扮肉個D 超油...好嚴重!!

我食左個野菌拉面, 其他人叫了咖喱豬扒飯, 叉燒拉面, 肉醬意粉, 照燒豬扒面, 炒公仔面。
真係好淡....接近用水煮面..零味道, D 茹都係無味的!!
我FD 食個個叉燒面, D 叉燒油到出汁..
豬扒D 油 ..好多好多...
炒公仔面, OK 好食的但係太多太多油了。

service 都OK.. D 姐姐一叫就黎, 幾好的。
但係D 野黎得好慢囉...D 淡左D 囉..

我地叫左五樣野，完全唔掂！呢次係雲迪第一次會因食物味道而blacklist既一間餐廳，雲迪對食已經要求唔高，呢間野，仲要差成咁，決定要在openrice俾個。最不滿係，呢五樣野，要hk$174，哇哇......真係完全唔成比例。我地都未食完，有人黎，就收野！無第二次！怒!!! 荃灣果間 "素食新一代"，正好多，又大碟，又好味，服務又好！

早前和吃素的朋友去旺角，她說起有幫趁開這一間，於是在下就跟她去試試了。

在下是食肉獸，但也不抗拒素食的，而且近年素食沒有那麼齋，用料及味道可以滿足雜食者的口味，而這一間一看賣相就知道有料到。

店子不大，和女人街其他的店差不多，但勝在不用等位，旁邊的台灣／西餐小店永遠都要等大半小時，在下心想，未好食到要這樣等吧？！

有一人和二人餐，我們因為想試多一點，於是叫了二人餐，而看一人餐其實也吸引的。

素壽司永遠都是易出事的，因為魚生的質感很難做得好，而這一碟也很一般。

小食我們選了金菇和牛卷及海苔豆腐棒棒燒，前者因為汁濃味搶味，成功掩蓋了和真牛肉質感的差別，後者就像是吃釀豆腐似的，還可以。

什錦天婦羅，這個在一般日式餐廳也有，小批評是炸粉不夠均勻，但炸功還算不錯，沒有太多的油滴出來。

素雞肉炒公仔麵，出色之作，素雞肉有七成似，炒得乾身不多油，比起不少茶餐廳炒得更好！

再加上飲品和像大菜糕的甜品，每人約六十多元，以女人街的消費來說是正常，而不用等位實在是加分。

吃的時候看到旁邊有很多人吃石頭窩飯，香氣噗鼻，而那些素肉看上去感覺不錯，汁也很濃，下次再去的時候應該會一試。

貼心的是服務，朋友有這裡的九五折卡，但忘記了帶，侍應聽到之後竟然就此為我們打了折，這才是留客之道嘛...

如果去開旺角，突然想食素，又或者看到女人街的食肆太多人不想等，都可以考慮這一間。

劍心評分：

食物：80
環境：75
服務：80
價錢：75
整體：80

更多食評歡迎到：http://kenshin.hk

偶爾約一下朋友吃飯，看到這裡門面不錯，又有一些報章的介紹就走進去了，後來才知道這裡都是素食，感覺有點對不起朋友。

這裡的價錢和吃真肉差不多，所以感覺上比較不划算，不過日式素食在香港不常見，就當是吃綽頭吧。

一坐下就奉一整壺玄米茶，反應頗快，但整間店只一個侍應生？晚市時間哦？店不大也要有人頂替吧。

跟朋友商量後點了一個二人餐吃(但有三個人)，餐中有五道菜加甜品，每道又有數款選擇，要選心頭好也要考慮良久的。

壽司拼盤全由師傅拍板，很有神秘感。壽司做得不錯，不會一夾即散，軍艦的紫菜也很爽脆，至於素三文魚呢…口感和真三文魚差不多，軟得來有彈性，不過因為沒有光澤所以樣子很膠，味道亦難以形容地怪，如果將之切成燈影三文魚絕對可以和明漲爭一日之長短。

章魚丸又大又圓又夠熱的，既然是素食當然沒章魚，只是一整粒吃完也沒扮章魚的物體出現，扣一點分。

鐵板牛柳像真度十足，滋滋聲上枱吸引力十足，奇在牛柳卻不是很熱，而且味道…三椒則夠爽夠新鮮。

煎素餃絕對是安全度最高的一道，煎得金黃脆口，餃子皮厚薄適中，而且新鮮熱辣不是整定之作。

芝士海鮮焗飯亦是熱力四射，不過中間焦黑了點。芝士味道黏度皆得宜，可惜份量不太夠拌飯。說到海鮮焗飯自然少不了扮晒蟹的蟹柳，不過份量又是少的可憐，至於其他海鮮我是吃不到喇…

甜品和飲品可謂極品，先說甜品，咬口像大菜糕般實中帶爽，問題是味道太淡吃完也說不出是甚麼來着。至於飲品，友人(長期中雷人士)說要青蘋果梳打，我已經向他施放死之宣告，不過他選擇硬食，結果？嘿嘿嘿！我的死之宣告命中率高達八成，要是老子出口，他便大件事了，分分鐘有BB…般作嘔。所以我選擇做個安全的男人，飲柑桔檸檬，不過還真酸…

買單後侍應生問我們有否vip卡，說沒有就送一張給我們，可享九五折優惠，不過我應該用不着了。

今日又同朋友仔由學校行去旺角四處悠蕩..
繼發現真假公仔難分後..
又再發現另一真假Coverse事件
為了希望學會分真假....結果, 由何文田行去旺角再行到去太子..
最後, 亦唔知點分好...
行到好累...但係又唔想再食甜野...
因為去到旺角第一站食左糖百府既超甜, 甜水...
結果就去找壽司食..
點知, 間間都鬼咁多人...
最後係女人街中間發現一間有素壽司既餐廳
最初一心諗著應該唔方好食, 人都唔多一個...
見到餐牌有圖既野就係其中選了兩樣, 樣子靚仔d既..
點知, 有驚喜..
我地叫左一口豆腐, 豬扒蒿麥麵
一口豆腐炸到外脆內軟...仲好滑...加理一片青瓜咁食...去晒d炸物既油膩感
豬扒蒿麥麵中既素扒, 外型好似方型午餐肉咁, 但係食落口感好似肉咁, 外層係腐皮, 好香口, 蒿麥麵份量多, 麵既軟更程度適中, 仲有好多配菜
服務方面, 好貼心, 每枱有一個小水壺, 阿姐好好人, 不停咁幫我地加水, 而且一直都好有禮貌
價錢係便宜..最後仲送我地一張95折咭
咁既價錢, 有咁既質素, Great

我和朋友三人不想散叫食物,故最後點了四人餐,種類豐富,但每碟份量不太多,$218,加一後每人都是$80很抵食!

芝士海鮮焗飯：十分正,很香芝士味,又不會太油膩　

　芝士焗什菌：不知點解面會有烏冬，有金菇及冬菇，但芝士汁太多，很油膩

　煎餃子：樣子很像真的餃子，煎得很香口，大大件，味道不錯！

　素壽司：整體來說８件壽司的質素都不太好，素三文魚的質感很’水’，得個’爽’字，沒有特別的味道，蘆筍壽司很硬，不好食及不太新鮮，都是吃回真正的魚生壽司

　鐵板牛柳：真是用鐵板上，熱辣辣，有很多不同顏色的黃椒及綠椒來伴碟，感覺很像真的牛柳，不錯！　

　和風炒烏冬：份量都很多，但炒得很油，有冬菇及素肉來炒，味精超多！

　甜品：百香果果凍，很好味，酸酸甜甜，很滑，形狀也很可愛！

　服務很好，但地方很細，又有很多人等位，故吃了一小時半要走人，但整體來說，算是很便宜又飽肚的素食．

28/8(五) 7:30pm
週五的晚上,插進川流不息的女人街,好不容易才覓得一家不用等位的餐廳--青葉.

我倆點了蒲燒鰻魚飯$34,及中華叉燒石頭飯$38;加$6轉定食(餐湯及甜品).

味噌湯--淡而無味的味噌湯...

蒲燒鰻魚飯--味道及質感有七成相近;白飯加入紅米;仍乏彈牙,配清灼的西蘭花及椰菜,味帶不討好的菜青味.

中華叉燒石頭飯--跟鰻魚飯水準不相上下;多了少量飯焦墊底,

椰汁糕--味如嚼蠟,一無是處的糕團!

面如死灰的男侍應,擺出臭臉一副,大概不想幹吧!

下不為例的"青葉"...

放榜前幾天約了朋友吃晚餐，談談未來，由於對方是個素食者，
所以選了這間素食料理，坐下良久才有人招待我們．．．
是晚很想吃咖哩，便點了個咖哩雞肉伴飯（＄３４）
賣相不錯，咖哩不夠香濃，而且份量不足
素雞肉份量略小但味道ｏｋ，可惜吃到最後只剩下飯，比較乾
整體味道可以，但以這價錢（加一後＄３７）在旺角應有更好的選擇！

愈來愈多人喜歡素食，素食店亦愈開愈多，我們食過幾間，還是覺得質素一般。

第二次來青亭，依舊要等，不過店員禮貌周周也無所謂啦，但地方的確淺窄，坐低都隨時會碰到隔離枱那一種。

叫了一個叉燒飯，雖然明知不可能跟真叉燒一樣味，但事實上完全不覺得那是一塊叉燒…朋友叫了鰻魚和雞肉，我們都覺得其實三種食物味道一樣，只是汁唔同。

那杯水蜜桃特飲更恐怖…用糖水溝的，成杯淡到以為飲緊水！杯身還要痴立立，搞一搞杯底的「果肉」依舊無味，跟店員要求換一罐可樂最穩陣，他們肯換…但之後拎著杯野跟我們說：「其實你地未搞喎，ｄ味o係晒下面」，真好笑，不過我們也懶得理了…

總之，無下次…

15-5-2009

以前0係銅記食過素刺身覺得幾得意 (http://www.openrice.com/restaurant/commentdetail.htm?commentid=1914262), 知道旺角有間同類型食店, 又貪玩0黎試試, 還掂之前睇過食評好似都唔差. 3:xx pm 0黎到, 諗住叫一客小食加一份雜錦壽司乜都試 d, 點知落完單女店員走出來一句「無壽司飯呀, 所有壽司都無喇」, 唯有淨食「芝士蟹柳春卷」($18) 及「三文魚刺身」($32).

春卷原來一客得一條 (開二), 真係... 幼身春卷賣相似足沙爹王的脆蝦棒, 入面就係「卡夫」味芝士及「麵粉」蟹柳, 味道可以預計, 不過熱熱的春卷皮竟然可以唔脆, 唔係即叫即炸? 沙律醬亦離奇地淡口, 食到 R 晒頭又皺晒眉頭.

「三文魚刺身」就無得頂咁難吃 -- 「三文魚」係大豆製品, 咬落頗似擦膠, 仲要帶點「出水」及溫溫吞吞, 同「元」字頭迴轉店轉了幾圈都無人認購的極唔新鮮「葷」三文魚有 9 成相似, 好唔好食你話呢? Wasabi 係牙膏, 不過豉油仲嚇人, 溝了好多水, 味道怪異又帶點腥 (???), 我去了「明記」迴轉店 (http://www.openrice.com/restaurant/commentdetail.htm?commentid=116604)?

食到一頭煙, 環境衛生亦麻麻0地, 不過都未夠店員們「極品」,「柄埋」吹水唔執檯之餘, 我同女店員講0野時佢係眼尾都唔 saau 我一眼, 真係「禮貌」至極 -- 定係我唔夠靚仔?

丟低 $50 逃離現場, 0拿0拿0拿係咪衰呢, 貪玩到咁, 而家玩出禍喇!

去完好失望.......

之前俾我發現左一間叫『青亭素食料理』既日本餐廳,
兩位朋友又真係咁偉大,
陪我入去一試

我地滿心期待:::一定要叫『三文魚』剌身,
但落單時為求安全起見, 我地都係揀左壽司!
『三文魚』壽司上枱之後,
我地就知選擇得無錯! 頂! 食緊塊膠咁啊!!!

繼而, 又上左『鰻魚』飯,
我都唔知點形容佢好喇...............3個人都食唔願食哩碗野,
最好味都係西蘭花=-=

然後, 我就試左我認為最『正常』既露筍『和牛』卷,
食個塊『和牛』個時, 我心入面真係爆粗!
覺得自己好似食緊一舊勁多油既黑色物體=-=

最後, 仲有炸『蝦』!
我平時已經唔多好炸野,
都係個句::::成口油!

我滿心好奇諗著一試素食料理,
仲要佢地陪我, 搞到佢地對素食咁反感

對於食素人仕黎講, 呢度係一個值得推介的小店, 食得多傳統齋鋪, 黎呢度試下, 仲算係有d新意~~

我地當日叫咗好多野, 不過我淨係試咗以下的食物:
1. 金菇牛肉卷 - 幾好味
2. 鰻魚石鍋飯 - 個人覺得呢個飯既汁好味過牛肉飯既汁, 好夾味, 鰻魚係食素人仕食開個隻有紫菜包住個隻魚, 一d都唔似真既鰻魚, 食肉既人千萬唔好期望過高; 石鍋夠熱, 有飯焦....Good
3. 牛肉石鍋飯 - 味道一般
4. 肉鬆sushi - 最好味.......內鬆夠dry, 紫菜夠脆口
5. 蝦沙律sushi - 掉走面頭1/4隻蝦既話會好食好多, 個沙律併sushi飯原來都幾夾味, 尚算ok
6. 白汁烏冬 - 一般, 可以唔試
7. 燒餅 - 有沙律醬係面, 唔係和民好咸個種燒餅, 味道幾好, nice
8. 果汁味特飲 - 全部特飲用果汁味糖槳溝水, 隻杯外面仲係"立痴痴", 千其唔好試.....

仲有其他三文魚, 吞拿魚sushi無試到, 因為自己最憎食呢d假肉........

最後, 原來唔記得咗食甜品就埋單走人...........蝕咗添

PS. 呢度地方淺窄, 坐得唔係太舒服; 同埋好多菜式都話無.....有點兒掃興; 建議過咗8:30後先黎食應該會有位

這個年頭鼓吹健康飲食，多菜少肉，身邊不少朋友甚至轉行吃素食。對於無肉不歡的我而言，偶爾吃一餐齋清清腸胃沒有所謂，若要餐餐食的話，就真係No thanks!

跟一位食齋的朋友出來吃飯，為尊重對方，也提議去吃素食。但那裡吃齋好，我真的沒有概念，就交由對方選址，他說旺角有間素食料理店，似乎幾特別，也有興趣一來。

菜牌內見到又壽司刺身又牛肉卷，仲有天婦羅，十足十在吃日本餐咁，完全唔覺得在吃素食。為免卻點菜的煩惱，就要套餐。

四件壽司，真假難分，三文魚甚至連坑紋也做到足，我吃了一件三文魚和吞拿魚，不論口感和味道與真的沒大分別，飯也握得不差，完全不知他用什麼材料做出來的。

隨後上的金菇牛肉卷拼日式餃子，像真度又是驚人。金菇經油炸，再用素肉包裹著，配上甜甜的醬汁，脆口也有點肉味，比起真品有過之而無不及；日式餃子外皮煎得香脆，餡料有點煙韌，幾特別。

炸天婦羅，用上的材料是薯仔、茄子及一些什菜，幾爽口的。粉漿不太厚，亦不失香脆口感，吃不會太油，我覺得可以。

還有鰻魚炒飯，飯炒得不錯，粒粒分明的，不太油，卻仍香口。相信那鰻魚是由腐皮，包點紫菜做成，吃落帶點脆，再加上醬汁，我收貨了。

最後出場的甜品是奶凍，味道偏淡，但仍算滑溜。

或許現在的素食就是這樣，不過對孤陋寡聞的我來說，真是眼界大開，從來想不到像真度會咁高的，當然不可不設實際地要求味道完全一樣。

服務也不錯，招呼週到，這點很滿意。