10
3
4
味道好又點，味道好服務就可以差?可以黑面對客人，比面色客人睇，對客發脾氣?第一次食野有咁既服務，永世難忘!如果職員係唔舒服既請你請假，唔好將你既不滿發給客人，我地係無辜的。
繼續閱讀
呢啲又好味, 價錢唔貴嘅小店, 真係要支持多啲。喺女人街兩邊嘅食肆, 其實好難被人察覺, 唔好話見到記唔記得, 比外面嘅單擋遮住 , 其實真係見到見唔到。我唔知依間店舖開咗幾耐, 但係聽老闆同其他食客交談, 聽到佢地應該係喺度開咗好多年, 經歷過風霜起跌。香茅雞扒飯 - 好味調味。外皮炸得脆, 裏面肉嫩多汁, 加上美味蔥油, 冇得彈。越式炸蝦餅飯 - 炸蝦餅有大排檔風味, 再加上越式嘅調味, 當然唔少得蔥油嘅惹味, 令到飯都食多啲。凍檸茶、熱奶茶亦相當有水準。
繼續閱讀
之前黎過呢到食, 都唔錯, 旺角行完街一個人, 簡簡單食個晚餐算了, 估計唔洗等位。黎到果然唔洗等, 坐低點返個咖哩豬扒飯, 加$2飲品轉做紅豆冰, 都係$44, 真係好抵食。惹味既咖哩汁, 配上香茅豬扒, 豬排軟腍, 好香香茅味, 煎得好靚, 美中不足的是, 飯略嫌乾同硬左小小。加$2轉紅豆冰, 好抵, 紅豆起沙, 不會太甜!
繼續閱讀
今晚約了男朋友來吃這家吃了無數咁多次的餐廳，位於旺角女人街旁邉，非常非常方便，逛街累了可以吃飽再逛過。男朋友叫了個炸扎肉凍檬，可自行以自己的口味加上甜甜酸酸的甜酸汁，在炎炎的天氣吃這個真的令人非常開胃。而因為我近排不太想吃凍的食物，所以叫了香芧豬扒熱湯檬，也是非常美味。然後我們叫了泰式炸蝦餅，這個炸蝦餅外脆內軟加上附上的泰式醬，真係令人吃了又想再吃。因為不想只吃太油的食物所以最後我們叫了清清的腐乳通菜，通菜加上腐乳一起吃真真是非常好味。
繼續閱讀
翠苑大大話話都開左十年以上，作為小店可以生存到今時今日真係唔容易，全靠佢真材實料價錢合理，每次都冇失手，我每次晚飯唔想食飯都會叫佢嘅"燒雞凍檬加沙嗲汁+凍啡"$38 ，抵到爛！次次送到嚟都係整整齊齊唔會天一半地一半，依様嘢係送外賣好重要一項！講返個檬，佢係用一隻大雞肶去燒，次次都係燒得咁靚，生熟又啱啱好，配上超多炸過嘅乾蔥同花生粒仲有新鮮嘅蔥油，最後更係要加埋佢嘅招牌沙嗲汁，依個美味真係冇法去形容，係冇可能響其他地方食得到！仲有佢杯凍咖啡亦係招牌，非常香濃細緻，我覺得好飲過星巴x ! 希望佢可以一直做落去！永遠支持佢！
繼續閱讀