10
8
5
電話號碼
24469131
營業時間
今日營業
11:30 - 20:30
星期一至日
11:30 - 20:30
以上資料只供參考, 請與餐廳確認詳情
今日趕住番工，於是就網上外賣平台叫咗呢間餐廳，打算澳門餐廳叫個焗葡國雞飯應該唔錯賣相唔錯🙈，上面d焗芝士都冇問題，個飯都係炒飯底都好食，但個汁咸到食咗兩啖就搞唔掂，我要狂對礦泉水，直程腎衰竭咁款😀，雞就多數碎骨到咩咁，基本上係食一啖lur一啖😂😂😅講真，去到呢個位，對佢個粉絲時菜已經唔抱咩期望，個菜一開蓋就見到成個面都係肥肉碎粒😳又有d尤魚丫蝦米咁，本以為丫... 今次算足料啦🤔喂唔係丫，食落去一陣油溝味精嘅風味，絕對係要食菜lur水嗰隻，為咗唔好嘥錢（大佬成90蚊個菜🤮），我勉為其難食咗dd菜，最後頂唔順，難食到將d嘢食（？）一嘢車落垃圾房，物歸原處😇依家搞到番工都冇晒心情🙈估計今個月都唔會再叫外賣🤣因為咸到水腫🙃入廠都似👍
繼續閱讀
食左幾十年野，誇張到咁的情況我真係未見過！叫左個焗葡國雞飯外賣，全部都係骨，仲有舊雞翼尖，有無搞錯呀 ！呢間野 ，錢唔係咁賺，你當街坊傻的？盒飯己經細了，仲要全部都係骨！真係無呃人，全部都係骨！如果唔係趕時間，我實攞返盒野畀佢厨房，叫佢自己睇下，玩野呀！邊個仲會幫襯？啲飯又勁難食，仲要唔包野飲都收成五十幾蚊，一盒細飯加少少汁，全部都係雞骨，收成五十幾蚊！我實幫佢宣傳，等全天水圍都知呢間野咁樣賣飯！睇下邊個仲幫襯！
繼續閱讀
***入呢間餐廳前忘記左睇黃藍地圖就入去的***今日同媽媽去左新北江食TEA，因為媽媽比較麻煩，又要坐得舒服又要乾淨但又唔想食連鎖店。行過三盞燈見都符合到媽媽要求就唔理入左去先雖然已經係食TEA既時間，但係呢度既價錢其實同午餐差無幾，大部份既野食都係三十到尾望住個MENU都唔知食乜好，所以就㨂左比較少機會食到既辣魚包辣魚包係澳門名物入面我既至愛麵包有悄悄烘下，又熱又脆，麵包香加上沙甸魚既香，聞到都食指大動再黎個CLOSE UP看看，入面餡料既份量的確唔少！雖然沙甸魚係一定有D腥，但係如果頂得少少腥既人不妨試下食辣魚包因為辣魚包加左咖喱，所以係D辣味遮蓋下腥味係無咁明顯，而且係好惹味的熱辣辣 既辣魚包好快就俾我KO左，媽媽請我食一舊佢個餐既豬扒，都出乎想像的好食醃得夠味又煎得香，雖然係好油，但係好食既野就係唔健康呢度食物既味道都尚算唔錯，但係始終價錢同MENU既配搭唔算好岩我既口味，我都未諗到下次要幾時先會再黎了
繼續閱讀
呢間餐廳開咗好耐，一向食物質素都唔錯。基本上就係炒粉麵飯等等嘅食品。焗飯都唔錯嘅，用餐方式：提供堂食 或 送外賣。輪候時間：平時約15-20分鐘；午飯時段同埋晚飯時段人比較多，需要排隊而且需時更來食品方面：澳門是招牌骨炒河（$38）： 分量充足，味道頗佳。冇跟餐嘢飲既，飲野要散嗌，一點要扣分。總括而言都推薦嘅。價錢唔貴，人均消費：40-60蚊左右。總括而言，美味又出色既食店，咁岩過黎天水圍嘅朋友不妨一試。
繼續閱讀
集會炒麵炒麵份量好多，的料都好多，啲炒麵超脆，啲麵都唔會好油，啲汁都好好味e個炒麵份量都好多，的料都好多，啲蝦都好大隻，啲炒麵都一樣超脆，啲麵都唔會好油，啲汁都係好好味乾炒牛河好油，味道都好淡，不過牛肉嘅份量都好多，啲麵份量都多，不過味道就真係淡左啲而且都好油星洲炒米份量好多，料都好多，啲味道好濃好好味佢唔會好油，又唔會好乾鹹魚雞粒炒飯飯嘅份量唔係好多，不過料都好足，啲料就唔係好食得出有鹹魚味，啲雞就好多，而且仲好大舊啲飯都唔會好乾，都唔會好油，整體都好好味
繼續閱讀