9
13
1
港鐵上水站 A4/ D2 出口
繼續閱讀
開飯介紹
旨在不斷延續日本正宗壽司文化，元気寿司對食材選料尤其講究，務求將日本美食特色原汁原味帶給客人客，盡享最新壽司體驗。
繼續閱讀
以上資料只供參考, 請與餐廳確認詳情
招牌菜
深入敵陣蝗蟲國！發現泊晒戰車係元氣喎，勁過車展啦。Cheap Cheap 地食住元氣先啦，想食千兩要走到尖沙咀啊。我對飯一向麻麻，只能接受 10% 係壽司、10% 熟食炸物燒物拉麵烏冬，餘下80% 都要食刺生架！食量有限，要留足夠位置食好野麻。巨峰提子汁，等足半個鐘先有位，飲啖果汁順返條氣先。巨胸提子汁呀？飲唔出喎，似乳酸提子汽水。炸軟殼蟹，元氣軟殼蟹堅有保證，食足廿十年都沒怎麼改變。不會過咸，不會硬如石頭。趙落軟塾鬆化，甘香微脆。幸運的話，間中仲會有蟹膏呢，好味道。溫泉玉子，見到溫泉兩個字當然會聯想起熱辣辣出晒煙啦，誰知出來的是勁冰凍雞蛋。打出冰凍生雞蛋再淋上淡醬油，全部倒入口中。蛋白跟蛋黃在舌頭上擦過就直跌胃部，只有冰冷的感覺，嚐不到味道呢，溫度過底會影響味覺的呢﹗真係唔知食左什麼落肚。赤海蝦刺生，難得一見赤蝦可以那麼大條、那麼肥美啊 ﹗正常赤蝦又瘦又長，跟牡丹蝦無得比，但自從福島地震後，牡丹蝦變得少之又少了，可憐。大大碌整條赤蝦塞入口，結實帶黏又帶爽，天然鮮甜味道佔據全有味蕾，高質無得輸，超水準表現。和牛壽司，瘦猛猛牛脂欠奉，甜味微弱。軟腍棉棉但牛味極淡，沾上芥辣豉油比較好。極滑質地配上嚥韌飯粒，不錯。他他牛壽司，燒過的牛肩肉份外香口，份外有咬口，牛肉味亦更濃厚。由元氣初開業已非常喜歡他他牛此款壽司，添上蔥花薑蓉增添清新味道，散發芳香氣味。赤海蝦壽司，跟刺生一樣肥美，顏色濕潤立立令，蝦肉爽彈而微黏，鮮蝦甜味出眾非凡。左口魚裙邊壽司，白魚味道雖淡但油脂超級豐富而兇湧，浸滿舌齒之間，甘甜油潤又帶點點結實。燒牛肋骨壽司，此款實在過份平凡，有如大家樂的西冷出品，薄薄的帶鞋帶韌又無味，低於標準啊。辛辣長鰭吞拿魚壽司，瘦猛猛像白紙一樣，沒一絲脂肪紋，每會有震撼的味道呢，失望。軟而腍，味淡而單調，食慣大拖羅的我，此長鯺真的麻麻地。辛辣燒三文魚壽司，大部份菜色都試過晒，已到達要亂點一通的情況。感覺不到的辣味，只有少少咸咸味。燒過的三文魚變得味道較濃，質地鬆軟，幸好還有點肉汁未箱鞋口，合格地過關。螺片壽司，感覺及味道似白色的赤貝呢，非常爽口，泛出微弱的螺肉咸香，一般。
繼續閱讀
上水區愈來愈多大型食肆結業，之前就有麥當勞，宜家就輪到元氣壽司⋯⋯😔😔😔三文魚手卷、鰻魚手卷、軟殻蟹手卷手卷質素依然咁好，新鮮製造，紫菜脆口，三文魚新鮮，魚味香濃，軟殻蟹脆口又不油，鰻魚醬汁加上青瓜絲的清新，毫不令人失望！😁😁元氣的壽司一向都很有水準，在連鎖壽司店來說絕是首屈一指👍👍👍赤海蝦壽司大隻鮮甜，光澤十足；八爪魚爽口不韌；炙燒三文魚和炙燒左口魚壽司，灸燒能令魚味更香，加上新鮮即叫即燒，香氣更濃，三文魚上更有點點黑椒，更覺惹味！😎😎臨走前還派了優惠卷，去粉嶺、大埔的分店有88折優惠，唯有去別處繼續支持吧！😫😫
繼續閱讀
元氣午後之定食不嬲受歡迎，今期換左新餐牌，難得收早，點可以唔入去試下 新配搭有好多三文魚三文魚壽司，灸燒黑椒三文魚，三文魚腩壽司，辣味三文魚，煙三文魚 ，感覺好抵食魚生質素一如以往新鮮，鮮味濃郁，辣味三文魚今次有d辣，煙三文魚，魚香十足，食完之後，魚香依然停留響口中，灸燒黑椒三文魚唔錯既係佢既黑椒同醬汁不太多，味道不會過濃，無蓋去三文魚之味 認不錯 餐仲可跟湯烏冬同螺肉，螺肉份量都唔少，少少辣，爽口，一人已經好夠飽，五十幾蚊有咁好嘅壽司質素，份量又足，點可以唔叫抵食
繼續閱讀
年近歲晚，跑到上水辦年貨，但實在太肚餓，最緊要快，壽司都係一個不錯的選擇，但聽聞稍後會轉型。一支公搵食最方便，先來一碟最喜歡的左口魚背壽司，油香十足，又夠大片，蓋過了壽司飯，就算不蘸點豉油，更加可以感受魚肉的香味。三文魚壽司只是一般，但求醫肚。記憶所及，花之戀人是由紅磡一間壽司店發揚光大，今次外型有點馬虎，魚肉無乜味。帆立貝壽司肉質幼嫩，新鮮已經好足夠。三扒兩撥，食幾件已經走人。
繼續閱讀
每次想食壽司，也是時間不多的，很少會坐下來慢慢吃，唯有選擇這些速食壽司，店今次在上水開工，選擇了這間元氣壽司。每次也喜歡坐在那迴轉壽司帶上，隨便吃喜歡的東西就可以，不用等，食完一餐壽司午餐也只需30分鐘。三文魚壽司，吞拿魚腩壽司，吞拿魚沙律手捲，都是我必定會來吃的， 可能因為肚餓關，每次也會覺得幾好食，雖然明知道不是很新鮮的魚生，由於價錢便宜，沒有太高的要求。其實覺得每一間速食壽司的員工，也非常有禮貌，在上水這一間，也不例外。 對於我來說，可以速食壽司，美味不錯，價錢便宜，已經十分足夠。
繼續閱讀