As far as hotel food and beverage standards go, most would agree that Royal Garden Hotel in Tsim Sha Tsui embodies high standards. While unlikely in the eyes of many given its 4-star rating on rooms, the food and beverage outlets which include Inagiku and Sabatini are well in excess of 5 stars. On the back of the benchmark, we decided to try Le Soleil, Royal Garden's foray into Vietnamese in bringing in the name from San Francisco where it has its roots. Not new by any means, but it was our first time.

Set on the highest terrace within the hotel, it is a comfortable setting with spacious seating, much like dining under the stars but sheltered from the elements. The decor is casual, and even with having to wait close to an hour for my guests, time passes you by easily. The service is decent enough although we notice the system breaking down with the drinks - all of us having been asked twice whether we would like something to drink. Attentive but spotty - but a small snag in the grand scheme of things.

The food experience was overall decent but loses out in wow factor to the other outlets. Perhaps I am just that more a fan of Japanese and Italian cuisine, than I am of Viet. By for those who love Viet, Le Soleil should not disappoint.

Our starter of the seafood and pomelo salad beats the Thai version hands down. Fresher in taste with hints of fish sauce and lime cutting through, the absence of desiccated cocunut as with its Thai counterpart was a welcome change. The seafood used was also crunchy and fresh.

The crispy Royal spring rolls were well fried and not greasy and was fresh to the bite when wrapped in crisp lettuce and dipped in the accompanying fish sauce. Well executed although not spectacular.

The crab steamed in Vietnamese beer was a nice take on preparing steamed crab and the beer brought out the freshness and natural sea-sweetness of the crab. Served on a bed of beer-laced egg white, it was easy to polish off the whole crab without feeling stuffed.

Of course, the greatness of every Vietnamese restaurant must be measured by its beef pho. In this instance, we decided to do the upscale version which comes served with Miyazaki beef. Of course, the well marbled, melt in your mouth piece of meat, added to the decadence of the usually simple dish served at all times of the day, in still largely impoverished Vietnam. No complaints though. The staple of the stock was still well brewed, with enough of the beefy taste still there, made up with various parts of the cow, and served up, including tripe, brisket slices and a bouncy beef ball.

Vietnamese cuisine, being light and non-greasy, ensured we left room for dessert. Their chocolate and banana pudding served up with a soursop sherbet, extended the theme. Light and fresh, it was a nice finish to the meal.

成班同學每次生日都出來一聚, 朋友T話今次唔想帶小朋友, girls talk only! 想選擇了一間比較靜的餐廳, 想起酒店內餐廳但又唔想太貴及走來走去攞野食, 中菜又太悶, 最後在開飯內搵到此餐廳.
到步後, 太家叫左d飲品先, 咸柑蜜有熱有凍都幾好飲.
見到個menu太多選擇, waiter提意我地四個女仔可以order兩個米芝連set menu, 咩都有唔洗煩. 靜係個頭盤已經好豐富, 我最鍾意春卷, 好脆唔太油, 而個燒豬頸肉沙律 (好香). 另外, 海鮮fans的我, 蝦及蟹是我至愛, yummy 但唔太愛立魚, 雖然新鮮. 另curry duck伴garlic bread一流, 飽都要encore. 最後的粉真係唔太食得落要打包.
返屋企後, 老公食左個凍檬都話好, 要我請佢去食多次!

老公book 左呢間le soleil 同我慶祝生日, 點知卻令人失望而回......

我們點了以下菜式:
1 黑豚肉米紙卷: 買相尚可...但味道與口感相當一般!!!
2.柚子海鮮沙律: 質素OK....普普通通.....
3.五味燒春雞:肉質不錯，蜜糖燒烤味道(全晚最好的一道，因其他實在太差!!)
4.椰盅海龍皇焗飯：我從未食過凍的焗飯!恐怖到不能再差
5.兩杯DRINKS及生日蛋糕：OK
埋單：$700(85折)
整體來說....食環境，服務一般.....食物愧為酒店級數!!講味道....有大把好過佢!

豚肉米紙卷(送)
柚子蝦沙律$158
火燒鹌鶉$98
生牛肉牛筋河$68
咖哩蟹$328
蒜蓉飽$30
八五折加一合共$647.90

唔係特別日子都唔會嚟呢度食，咁鬼貴，都係食氣氛，好彩OPENRICE有幫補
個蝦片添食咗超過五次，香脆又帶少少辣，好鬼過癮
米紙卷有香草味，豚肉量都幾多
柚子蝦沙律，個汁唔夠惹味
燒鹌鶉，都係嗌嚟充吓場面，攪吓氣氛，肉帶甜，冇雪味
個河粉好普通，湯係甜但冇牛味，牛筋幾滑唔過韌，幾入味
莫非咖哩蟹走咖哩？完全食唔到咖哩味，如果你話呢個餸唔係叫咖哩蟹，佢個汁係好食嘅，隻蟹都新鮮，食到尾都係冇咖哩味，朋友話好食呀，冇嘢喎，但係我話我叫嘅係咖哩，點解冇咖哩味嘅呢
蒜蓉飽好香蒜蓉味，都脆口
朋友生日，所以有疍糕送，算係咁啦

食物好好味，份量算適中，但大食者就恐防嫌小。


黑豚肉米紙卷 - 春卷皮及蔬菜的清爽質感, 點上鮮美的魚露都是好吃的, 這裡的魚露該是我食過越南餐廳最佳的魚露.

河內春卷香脆熱辣 - 包得結實細緻, 色澤金黃而不焦, 也不會太過油, 餡料新鮮, 蔬菜爽脆 ， 點上又有鮮香的魚露，出色。

豬頸肉沙律 - 新鮮蔬菜爽脆,

越式炒粉絲 - 惹味香口, 也不會太過油.

香葉鮮茄燴牛尾煲- 雖然切得稍為簿了一點, 而且口感是剛好不太淋身也不太硬, 當然汁也是很 好味道.


朋友叫了荷香茶, 曾嘗試飲, 但本人最終接受唔道荷香茶味道. 我較喜歡飲觀音皇或凍頂烏龍茶.

侍應勤於換碟，常常添水，又有禮貌，真的很不錯呢。

今日係一月一度既family gathering，受家人所托當然要搵地方食野啦。為左慶祝某件事，佢地話要食好d喎，咁就係朋友提議之下黎呢度吃一頓啦。

我大概早 4 日前Book位，問佢VIP CARD有 85 折，HSBC CARD又有 85 折，OPENRICE除左85折仲要有小食送添，OPENRICE真係勁.... 但我亦都想問到底張VIP CARD有咩用呢? 佢同HSBC一樣FUNCTION既!!! ><

準時 7:30 去到，上到 3 樓仲要有條樓梯上去架，上面環境實在是非常之好，仲有鋼琴伴奏，真係非常舒服，空間寬敞又靚，為左應節仲掛左D燈籠仔，成個環境幾浪漫幾正架。我地 3 個人，佢安排左我地坐梳化位，真係好好，啱哂要舒服既媽咪呀***

坐低飲杯水之後當然係要快快決定食咩啦，真係肚餓得好緊要呀! 佢先來一個OPENRICE送既小食，就係呢個黑豚肉米紙卷，小小的三粒，叫做品嚐一下也不錯。味道不算特別突出，不太吃到黑豚肉的味道，可是沾了醬汁酸酸的頗開胃。我們另外也叫了一個青芒果軼殼蟹米紙卷，和之前一樣，只是箇中材料不同，米紙做得很薄，有少少煙UN的感覺，生菜很脆，只是青芒果和軟殼蟹的味道也不太強烈，所以感覺不太特別，軟殼蟹雖然較淡，可是炸得很好，一點也不油膩呢。我同哥哥仲一人叫左個椰青飲，味道清甜，算頗大個，飲極都飲唔完，椰肉好好味!

之後叫了一個蒜香牛肉生菜包，這個份量不少的啊。其實配料和之前的差不同，可是這個很好吃呢! 可能是因為加了蒜頭，所以吃下去很香，牛肉味很濃，而且肉質鬆軟，真的很好吃，配上醬汁真的味道一流啦。媽咪每一下都包得靚靚的，舉止優雅地吃，相反我就... 很輪盡呢，哈哈! 這個真的非常不錯。

跟著便是我整晚最欣賞的「蒜蓉牛油焗大頭蝦」，其實佢成個名好長架，不過我只係記得咁多咋，$98一隻，我們當然叫了 3 隻一人一隻啦! 嘩，真係一黎到已經垂涎欲滴，賣相超級吸引，而且陣陣的蒜蓉牛油香味撲鼻而來，我們當然立即食指大動啦。大頭蝦當然大隻，我食完都飽左一半，有好多蝦膏，食落口好甘香，肉有鮮味，無俾蒜蓉牛油搶左佢既味道，真係幾乎殼都食埋呀!

最後便要了一個海龍皇椰青焗飯，這個也是很好吃啦。佢d憲唔算太多，仲食到乾爽既炒飯，有好香既椰汁同埋咖喱味，一D都唔辣，連唔鍾意食焗飯既媽咪都話好食，椰汁味真係幾重架。不過都係屬於較漏既食物之一，我食左半碗到都覺得夠哂數啦。

食既期間侍應勤於換碟，常常添水，又有禮貌，真的很不錯呢。現在想起大頭蝦還是念念不忘，有機會一定要再來大吃一頓。=)

老友生日，想試新地方，見OPENRICE有八五折(3-4人)，又有小食and Birthday Cake送，加上米芝蓮推介之一，於是一行三人揀了Le Soleil。

食物好味，份量算適中，但大食者就恐防嫌小。

招呼也OK，但有點不夠人手，加上數次拿錯別檯食物給我們，有點扣分。

價錢方面主食約HK$150至HK$250，話哂 5 stars Hotel，可接受。但要一提就是我的飲品叫 MOJITO 要HK$90一杯，略貴。

順便一提，送贈的fresh cream Birthday Cake味道也很好，食唔哂打包走，包裝重鬼咁靚！

有幸參與這個期待已久的米芝蓮級越南菜大局, 好些食友都已介紹過當晚的菜色了, 能一次過試勻餐廳的名菜, 當然要讚揚一下眾搞手的心思。

長話短說, 寫寫些納納雜的東西好了。

Le Soleil 是法文, 是太陽的意思, 所以店招牌上也有個太陽的圖案。不過店內的佈置其實是以蓮花為主題的。桌上有蓮花燭台和新鮮蓮蓬, 四周也放了銅製的蓮花擺設。

最煞食的賣點, 當數望正酒店子彈電梯的超開揚中庭位置。還有樓下自助餐廳「順便」為我們伴奏, 氣派十足。

叫得做 tasting menu, 當然是樣樣試少少, 但原來都好飽的。

Welcome Drink
清補涼特飲 - 估不到越南菜也有這種飲品呢! 內有龍眼、薏米、蓮子、海帶等, 很是清甜! 以酒杯盛著, 倍添型格。(吊在杯邊的是玉竹。)

跟著的可以算是 Amuse bouche 吧, 是放在湯匙上的一口版檬粉, 原來是用來試魚露的。有說這裡的魚露該是全港最佳的, 我見識少, 也就看看有什麼厲害。個人的感覺是甜了一點點, 不過酸度也夠 (這裡是用檸檬汁調魚露的), 反而每人都有一碟的私家魚露 (就是圖中蓮蓬旁的), 加了點點蒜蓉, 更對口味。

前菜
(排的美美的一盤, 以下為試菜序)
青芒果魷魚沙律 - 先來兩味清鮮的沙律, 青芒果爽脆, 酸酸地很開胃
柚子海鮮沙律 - 我相當喜歡的越南沙律之一, 可是份量太少了, 有點意猶未盡
黑豚肉米紙卷 - 肉香濃郁, 配合微微甘澀的生菜, 夏天吃最好了
河內春卷 - 材料很多, 不過沒什麼驚喜
脆炸雞翼 - 已起了半邊骨, 容易食
堤岸特式蔗蝦 - 靚靚仔仔, 那支蔗咬落還有少少甜味的, 蝦肉也有嚼頭。席間食有提到佐敦老趙老店的蔗蝦更好吃, 等我又放落 wish list 先
越南鮮蝦酸湯 - 推介之作 , 雖然可以再酸一點, 不過加入香味濃郁的香茅之後, 味道得到進一步的提升 。湯內有些少菠蘿粒, 難道是迎合西方口味的做法?

主菜
(餐廳一次過要預備我們 50 多人的菜, 在在需時, 不得已下已放涼了點啦)

蒜香牛油燒越南大頭蝦 - 很大隻, 有不少好香的蝦膏 , 蝦肉結實, 鮮味雖不太明顯, 但有牛油蒜香搭夠, 實在不錯吃
五味燒法國春雞 - 相比之下就顯得較普通啦
香葉鮮茄燴牛尾伴蒜蓉飽 - 我和附近的食友不吃牛, 我就把牛尾送了給腹肌兄; 侍者見狀即為我們轉成咖喱羊膝, 很細心 ; 這個羊膝也不俗, 咖哩滑滑帶甜, 只是伴吃的蒜蓉包有點更和乏味, 還是用來點咖喱汁好了
香茅燒風鱔 - 肥美肉厚的鱔帶著討好的香芽甜香, 讚呀!
越式炒越南龍豆 - 還有點類似椰菜苗的東西同炒, 幾得意


麵點
河內生牛肉湯河粉 或 順化豬手牛腱湯米線 - 我吃的是後者。有一盤香草 (該是金不換和鵝帝) 芽菜和青檸另上, 供我們自行加在湯裡。湯頭濃鮮, 個人還是最愛各式香草飄來的醒神氣味。豬手和牛腱各有一片, 豬手薄薄的似燻蹄, 牛腱我就不太懂欣賞了。在越南餐館吃米線, 今次倒是頭一遭呢。

甜品
香茅荔枝果凍 - 獲得眾食友一致讚賞的一道, 飾以金箔, 很有貴氣。杯邊有新鮮香芽一根, 看來像雞尾酒。是晚香茅獨特的清香貫穿整道宴席, 甜品也不例外, 香芽糖水很是清爽, 但就是有一點不夠凍。荔枝果凍其實不差, 只是香芽味太搶鏡了。

在報紙電視上見得多, 今晚才第一次跟他打照面的大廚黃先生滿場飛跟大家打招呼, 這晚各位廚師們實在是勞苦功高! 謝謝啊!

又是吃得高興的一夜, 認識了一些新食友, 又得到不少寶貴的飲食心得, 就是參加大局的好處了。

出席了這次的東南亞菜巡禮第二炮位於Le Solei 的飯局.一向對越南菜頗大興趣,但是在香港的酒店內吃倒還是第一次,在意盧結業後已沒有再吃到感覺滿意的越南菜式!今晚能一次過試到這麼多款的菜式真的要多謝這次飯局攪手的精心安排!
越式清保涼----比港式的清甜而且甜度適中.
因早了一點來到,在座期間突然聞到濃郁的碌冧味道!原來侍應在每檯派發大厨特調的碌冧,配以一口檬粉用作試味,入口很重鮮味,微辣不會過咸.味道可能是暫時吃過最好的!
頭盤
青芒果魷魚沙律及柚子帶子沙律----味道清新.
黑豚肉米紙卷----米紙和其它店吃到的不同,這裡的比較薄及煙韌一點.內裡的生菜新鮮爽脆.
河內春卷----餡料可以用迫爆來形容!每樣都切得很幼細,咬落香脆不油膩.
特式蔗蝦----蝦膠鮮味彈牙,可惜甘蔗咬落亳無甜味只淪為裝飾品.(近年已沒有吃到過蔗蝦中的蔗足有甜味的)
脆炸雞翼----印象最深的一款!賣相精美,起了單骨來炸,雞皮乾爽脆口,雞肉入口嫩滑.
越南鮮蝦酸湯----很奇特的天然酸味!飲落不嗆喉又不會酸到眼都濛,蝦肉新鮮,是很開胃的一款湯.
主菜
五味燒法國春雞----法國春雞的嫩滑早已試過多次,(係唯一一種連雞胸都會食埋的雞)反而對那個調味興趣較大,濃味的多種香料食落感覺複雜.
香茅燒風鱔----厚厚的一大片!肉質爽無泥味,最欣賞是那層皮的膠質,是全晚的最愛!
香葉鮮茄燴牛尾----肉質淋及入味,可惜比其它的比了下去.
蒜香牛油燒大頭蝦----蒜蓉味重肉質是爽的而且頗多蝦膏!(本來有兩片蒜蓉多士是跟牛尾的,把大頭蝦的蝦膏刮了出來塗在多士面吃!感覺仲正!)
炒龍荳---越南特式蔬菜,感覺似豆角和密糖豆的混會體,幾特別!
生牛肉湯河粉----迷你版的火車頭!有牛肉、牛筋、牛丸、牛柏葉,湯底濃厚,河粉滑溜,加多兩片金不換及辣椒粒,雖然已經飽晒都清到見到碗底.
甜品
香芧荔枝果凍----面頭有一片金箔,香芧糖水的濃烈味道完全蓋過了荔枝果凍的味道.如果冰凍一點效果會更佳.
和一班初次見面的食友說說笑笑渡過了一個愉快的晚上!

25/JULY晚飯, 之前有食過入午餐印象不錯,所以相約友人一共6個再試晚飯,
因為是6個人所以是晚散叫自由發揮, 冷盤類如下:
黑豚肉米紙卷- 有肉味而且肉也頗多, 一口過有點勉強
牛肉檬粉生菜包- 相當出色, 無論賣相到味道, 都很一致
軟殼蟹青木瓜米紙卷- 可能我的那卷內的軟殼蟹剛剛比較少,吃不到太多軟殼蟹的味道, 反而青木瓜肉就感覺到,不過吃油炸的東西襯點酸酸的是很自然而然的味道,
蒸粉卷(是OP優惠卷送的,所以只得四件)- 雖然說是贈品但也交足功課抵讚
大柑葉牛肉卷- 牛肉味重,這個菜是當晚唯一一個只得四件唔夠分的餸,當然一開二咪夠囉, 不過個人還是喜歡黑豚肉米紙卷多D
蝦醬乳鴿(廚師推介菜色)- 這個比較失色是面的色雖然是啡色吃不出蝦醬味道,鴿本身較細隻肉不多, 其實同中式的一樣, 炸是也, 一人食半隻三兩下手勢趙完,
金不換炒花烚(廚師推介菜色)- 這個也比較失色, 花烚尺碼只是街市的”中碼”貨色, 十隻內有兩隻唔開口, 無形中分量細了, 炒功本身無問題, 味道甜不辣亦調得恰當,只是連續兩個廚師推介菜色都是麻麻地菜式,
炒龍豆- 主角龍豆做形特別, 雖然有些少似泰菜裏的一種疏菜但明顯比泰國的幼身而且內有豆,不過豆太細了食不出味道來, 不過豆本身有一種隱約的苦味, 而這個龍豆菜其實也只不過綽頭嘢換了是炒白豆角或者雜菜也會同樣好食,因為根本炒的汁料就好味, 所以換了是哪一類的沒有什麼水份的菜都會好食,
咖喱羊膝- 肉質很淋身, 汁也很夠味, 開頭食還覺得汁比較稀身, 但食完羊膝後再來蒜茸包時已經開始變杰, 變杰了更好味, 尤其用來點包或者送飯,
香葉觧茄燴牛尾煲- 雖然切得稍為簿了一點, 而且口感是剛好不太淋身, 當然汁也是很好的,另外叫的蒜茸包OK啦$30.00, 白飯$15.00/個
海鮮椰汁焗飯- 海鮮份量足, 有人嫌飯的汁過多太濕, 但個人認為OK,味道也鮮,
不過, 咖喱羊膝同牛尾煲的容器(黑色陶鍋)比較粵式酒家格局同周圍環境有點不協調, 如果換上其他更有特色的容器就更好了,
總括來講,服務算是不錯了, 分量當然不能說”大”因為是酒店新式菜館,
而我們剛好一行六人, 上來的菜全是6件一碟,剛剛夠分唔知道是刻意安排定咁啱是這樣呢?如果是刻意安排就真的是算細心了, 因為叫的都是招牌菜及刻意不
ORDER SEAFOOD是日每人二百大洋, 當然也是用了OPENRICE COUPON打八折才會這樣抵食啦, THANKS FOR OPENRICE ANYWAY!

jul 27, 09嚟食咗大局,攪手安排咗tasting menu,試咗以下咁多款 :

1) 清補涼特飲
-先來1個頗帶甜意同小凍嘅清補涼
-也不錯

2) welcome snack
-好在食友提點,唔好+太多碗內嘅魚露,否則就會過鹹
-1口過嘅小食

3) 河內春卷+黑豚肉米紙卷+脆炸雞翼+青芒果魷魚沙律+柚子帶子沙律+堤岸特式蔗蝦
-每樣細細件,真喺貴精不貴多
-先由青芒果沙律開始
-最有印象就喺個春卷同柚子沙律
-其他當然唔難食,但唔會好有驚喜

4) 越南鮮蝦酸湯
-呢個湯酸味為主,但唔會令人眯晒眼,又帶d鹹
-隻蝦好爽,又有鮮味
-碗內嘅瓜片似喺水瓜類

5) 蒜香牛油燒越南大頭鮮蝦+5味燒法國春雞+香葉鮮茄燴牛尾伴蒜蓉包+香茅燒風鱔+越式炒越南龍豆
-呢盤主菜,最喜歡喺個燒風鱔因為佢嘅肉既厚且彈,又結實。香茅味很濃,亦惹味,所以如果有泥味都會被蓋過呢
-而春雞嘅表層就充滿蜜味,甜甜的,也不錯
-綠色嘅豆條,應該喺越南出產嘅菜蔬,食落爽爽的,好特別
-最普通就喺隻蝦同個蒜蓉包因蝦肉並唔爽,反而個蝦膏就綿綿的。個蒜蓉包就唔多脆

6) 順化豬手牛腱湯米線
-有呢款豬手牛腱同生牛肉湯米線揀
-要咗呢款少見的,但我嗰碗除咗牛腱外,都搵唔到豬手片
-有食友2款都試過,就覺得牛肉湯嗰個好味d因濃底比較惹味,又有牛肉片,牛丸同牛柏葉

7) 香茅荔枝果凍
-好奇怪點解好似水咁嘅,原來杯內只有2粒喺荔枝果凍
-放了1小條香茅同小金箔作點綴
-果凍喺比較腍身,唔會好似有蒟蒻咁有彈性
-水嘅部份似有點薑湯嘅味道,又有溫溫嘅香茅味
-多謝食友換咗佢嗰杯比較靚d比我影相

8) dessert wine
-我都搵不清楚究竟喺店內供應定喺食友帶來
-酒精含量只喺2.5%,入口甜甜的,好易飲

* 終於又試過1間米芝蓮推介店..........每道菜都唔會難食,不過就無邊幾味做得好令人讚嘆

百味紛陳的調色板是飯局後在腦海裡浮現的景象
聚會裡誰都不認識,食是共通語言, 就從這裡開始:
前菜:
黑豚肉米紙卷: 春卷皮及蔬菜的清爽質感, 配合調味細緻的沾醬, 是個好開始
河內春卷: 大小適口, 包得結實細緻, 色澤金黃而不焦, 餡料新鮮, 蔬菜爽脆
芭蕾雞沙律及柚子海鮮沙律: 兩者用料不同, 但外觀及質感相近, 擇其一即可
脆炸雞翼: 烹製時已反出雞肉, 是顧及食味及食客儀態上佳方法
堤岸特式蔗蝦: 蝦味鮮, 竹蔗甜
湯品
越南鮮蝦酸湯: 湯色橙紅, 湯底的酸與蝦的鮮互相呼應, 尚有不同的香草, 是美妙的合奏,
一口份量的前菜與味道錯綜複雜的酸湯撫平了飢餓的腸胃, 是時候讓我,理性地品嚐主菜
主菜
越式炒越南龍豆: 是越南本土菜蔬, 開了眼界
五味燒法國春雞: 烤得外脆而內有汁液, 調味中仍能嚐到雞味, 嫩而無渣
香茅燒風鱔: 香茅能去鱔的腥味, 烤得香脆而不乾, 去骨乾淨
香葉鮮茄燴牛尾伴蒜蓉飽: 牛尾炆得軟而有彈性, 調味適口
蒜香牛油燒越南大頭蝦: 大頭蝦是難做得好的, 小的肉較有彈性而少膏; 大的多膏, 肉質卻又不好, 是兩難
主菜均是數口份量, 腸胃沒負擔, 調味細緻而平衡, 但燒物佔了一半, 若能讓我們多嚐其他美味, 就更好了

想不到, 單尾仍有佳作, 麵點二擇其一
河內生牛肉湯河粉: 湯色清徹, 牛味濃(沒有點, 向鄰座討了一口嚐味)
順化豬手牛腱湯米線: 那口湯真正好, 湯色清淡, 但有濃厚的雞鴨的香氣, 剛好Chef Dennis 在席間與食友閒聊, 忙問他配什麼來吃才好, 啊, 什麼都不用加, 喜歡的話加兩根豆芽, 幾片紅椒, 也就好了。那湯叫我差點忘了尚有豬手和牛腱
甜品
香茅荔枝果凍: 十二分的清新, 淡綠的香茅糖水甜度適口, 香茅味濃郁, 大家都乾得一滴不留, 荔枝果凍成了不起眼的配角, 但, 大家都同意, 此品凍一點更好

是夜食物比前更好, 調味複雜而平衡; 侍者的服務是有效率的, Chef Dennis 的溫文有禮及對食材的熟悉更叫人欣賞; 話匣子一打開食友們輕鬆地交換飲食心得, 在樂聲與歌聲襯托下也不怕騷擾其他客人。但, 最叫我難受的是----
有 滿 桌 的 食 友 們 帶 來 的 美 酒 在 向 我 招 手, 我 竟 不 能 享 受!
為食而來, 為食而去, 有緣再聚

名氣，Le Soleil夾著米芝蓮一星嘅名氣，雖然話係米芝蓮一星唔一定係最好嘅保證，但相信唔失禮得去邊！

穿過地下、一樓、二樓，哩到三樓，真係別有洞天，酒店中空嘅設計，Le Soleil無樓底無天花嘅環境，消除晒所有壓逼感，加上餐廳以花園式設計，令人感覺仿似置身於大庭園當中！最好揀靠外排嘅深啡色藤椅坐，更加覺得悠閒無比！所以，我都同太太趁著星期六收工後，哩依度鬆一鬆，享受一餐下午茶先！

此行主要都係志在一試酒店級+米芝蓮越式美食，所以揀咗晏晝哩，再者，佢哋有個超值登陸米芝蓮套餐（Michelin Set），睇落幾實惠，$88包括：前菜6揀3，湯粉3揀2，仲有一個是日精選甜品，不過唔包飲品，但加$28就有一杯金桔蜜或青檸梳打。前菜我哋揀越式春卷、越式脆炸雞翼、大柑葉牛肉卷，全放在一個大白色方碟，件件都做得小巧精細，但味道無賣相令你咁有印象，總係唔覺得自己食緊越南嘢，正如越式脆炸雞翼，食完都遺忘係咩味道，食出越南嘅味道，可能就係碟上那兜魚露！湯粉選上酸辣蕃茄海鮮湯檬，唔知點講好，唔係唔好食，只係覺得正正路路無咩特別咁。奉送嘅是日甜品，就係芒果涼粉，相信都無咩特別要講！加多杯特飲，連加一，要百鬆D哩見識一吓米芝蓮餐廳，都可以話係無妨！個套餐以男仔計，都係食你唔飽架喇，所以，唔可以用份量哩衡量個套餐抵唔抵。

除咗試咗佢個超值登陸米芝蓮套餐外，仲點咗個Tea Set，$120位，有越式香茅牛肉三文治、蒜香脆蝦生菜卷，跟住就係甜品4揀2，我哋要白酒火龍果啫喱伴石榴慕思、朱古力香蕉布甸伴刺番荔枝雪葩，依個餐包嘢飲，既然有得揀越南咖啡，就梗係要試吓佢啦！初時諗住收得$120一個tea set，就算食你唔飽，都應該頂得吓啦，況且又有越式三文治、又有生菜卷，但哩到覺得有D「賴嘢」。同個超值登陸米芝蓮套餐一樣，大賣精緻，用一樣嘅大白色方碟，將上述嘅食物放在一起，睇起哩真係擺得好靚，好有法國菜嘅美感，而個別食物嘅造型都好有心思，賣相方面真係俾足100分！食味？又係唔會令你有食緊越南嘢嘅感覺，一樣唔係D嘢唔好食，只係少咗食越南嘅味道，好似越式香茅牛肉三文治同蒜香脆蝦生菜卷，兩者都好好食，前者牛肉煎得柔軟，夾在生菜、洋蔥中，配合焗得微暖而脆身嘅薄法包，卡嚓一聲，應聲入口，哩個較有越南嘅味道就係源於那藏晌牛肉中嘅香茅味；而後者，同樣好食，蝦身煎得爽口，有朕朕蒜香，夾在新鮮嘅生菜卷中，一啖一啖索索聲，要數到有越南嘅味道就係個D醃咗嘅蘿蔔絲同米粉絲配料喇！不過，份量確實少咗D，唔夠喉！而兩個甜品其實都好正，白酒火龍果啫喱伴石榴慕思，下層係白酒啫喱，中間隔一層火龍果粒粒，面層輪到石榴慕思，其實好多時食自助餐都有見白酒啫喱，所以唔係咩特別嘢，但就鍾意面面嘅石榴慕思，富石榴香，慕思做得幼滑，咁就已經好夠！至於個朱古力香蕉布甸伴刺番荔枝雪葩則估佢唔到，個樣幾得意，朱古力香蕉布甸味道幾有層次，朱古力同香蕉味都平衡到，唔覺互相太搶，放晌側邊嘅刺番荔枝雪葩（個名無打錯，上網查番先知佢根本唔係荔枝哩），酸酸甜甜，幾醒神！最後嘆埋杯越南咖啡，第一次飲，有D手忙腳亂，因為要自己搞，要等佢慢慢滴漏，又唔知滴完之後掂，所以睇住隔離枱點做我就照跟住做，又幾香濃喎！不過，都係個句，唔會令你嘩一聲咁驚喜！

穿過熱鬧的自助餐地段, 步上隱敝的樓梯, 到了La soleil。
侍者領我們到預訂的座位, 在裝飾著蓮花的小河邊, 燈光柔和, 襯著樓下傳來的60’s and 70’s,實在是與老友憶舊的好地方, 更別說那極高的、少說也有十來層的、直達琉璃天頂的高度, 讓不大寬敞的店面, 多了一分閒雅, 侍者行走其間也不覺侷促
點了米芝蓮套餐, 因要駕車, 只好點啤酒
吃食來了, 米紙卷最是清淡適口,春卷皮脆但餡太多,吃起來滿口皆肉, 有點太滿了,縱有魚露生菜也無補於事。烤大蝦是預期的鮮甜爽脆,但缺了大頭蝦的甘美蝦羔, 總是不完滿。烤魚整尾約有男士手掌大小, 烤得完完整整的, 挺神氣的, 先吃一口, 腥得緊, 肉質也不好, 也忙加上青檸和魚露, 是天堂和地獄。
一邊想著來杯越南咖啡, 樓下傳來整晚風趣幽默會唱廣東歌的外藉歌者說, …dedicate to the King of Pop, Smile… 面對著生命的總總惡夢, 唯有笑著去擁抱它
食物是好的, 侍者是有禮的, 價錢是十分合理的, 更無話可說的是環境和氣氛

要組織一個飯局，budget不多，最好又是在酒店，看似簡單，但原來並不易找。好一點的酒店自助餐都超出了budget，fine dining更加想也不用想。腦海突然出現帝苑酒店Le Soleil名字，見OR又有8折coupon，就建議來這裡。

餐牌好像只有一個米芝蓮的二人套餐，當然不夠食，倒不如叫 a la carte好了。每人點一、兩個菜，咁樣應該大家都岩食。

點菜後先來飲品，有些想要椰青，有些則要梳打，各有所好。好耐冇飲過椰青了，清甜解渴，又多肉，不錯。餐前小食是蝦片，香脆，微辣，很對辦，一陣就被大家掃光。

黑豚肉米紙卷是這裡的招牌菜，亦是我的選擇。米紙的煙韌度剛好，但嫌豚肉份量太少，但點上鮮美的魚露都是好吃的；西貢春卷香脆熱辣，也不會太過油，餡料有爽口的蔬菜，又有鮮香的魚露，出色。始終剛炸出來的春卷，點都唔會難食的。

牛肉生菜包更有驚喜，除了是配上有水準的魚露外，牛肉味很香很濃郁，再用爽脆的生菜包裹著，啖啖都是爽口味美。

炸軟殼蟹就有點失準，還記得上次來吃的是香脆多膏，反觀是晚的軟殼蟹，雖然粉漿不多，卻不算特別香脆，又欠缺肥美的蟹膏，蟹肉甚至有點韌，還好的是加上了配菜中和油份，但總的說是達不到我既要求。

要照顧吃辣的朋友，點一份咖喱吧！牛和豬都已經叫了，不如來一客咖喱羊膝，相信會好味。的確，這份咖喱是充斥著咖喱和香草的香味，未吃已經滿足。吃下，除了羊膝肉嫩之外，更嚐出椰汁的香，幾惹味的，用法包配咖喱汁吃，更為滋味。

吃罷香濃的咖喱，跟住來的是味道清新的柚子海鮮沙律。柚子肉多，不會太酸，加上爽口既魷魚、鮮美彈牙的帶子，是既清新又醒胃的一道菜，我很喜歡。

椰子炒飯，有豐富的海鮮，和清新甜美的椰汁，可以接受；而全晚最出色的，就是最後來的炒龍豆。這種豆我第一次吃，原來味道是很鮮的，質感爽口，從不愛吃蔬菜瓜果的我亦吃了很多。

吃了八個菜，本人大致滿意。但大家似乎不太喜歡，餸菜還未上齊，大家已說要搞下場。

帝苑VIP卡有八五折，而OR的coupon是會八折，OR真厲害！不過，咁我申請張VIP卡有咩用呀? 始終覺得這promotion是有點不當。