重慶口水雞紅蕃薯粉(微辣) $25 送飲品

我是紅薯粉的粉絲，有次行開經過見有這間店，一於試試。

紅薯粉不粗不幼，煙韌有口感。至於個湯可能我叫重慶酸辣湯微辣(因為怕怕勁多辣椒油)

還可以但湯底味道不夠豐富配菜有芽菜、炸菜。

口水雞就不合格來到時都未解凍，我明白口水雞不會熱辣辣食，但都不能夠凍嘛

就算我放落個湯處浸浸先食都不太大幫助。雞肉本身就毫無雞味可言，純靠個醬汁帶出

味道來，而個醬汁味道算是可以，但我總覺得雞太凍點都無用

自從晌深圳食過川菜同酸辣粉之後...
我就成日心思思去想食...但香港好難搵到一家比較正宗o既食店!

約大半年前...屋企果頭開o左間食重慶燒烤...同埋一間食酸辣粉口水雞o既食店~Good呀!
同我晌深圳食o既非常相近...而且好香口...
夜晚零晨時份唔知係咪晌度煮辣油...好香~香到好想飛落街食返個宵夜~

剛好同同事講起...佢話佢屋企附近都有間好好食...就係川粵!
一路講一路講...一直都無機會去川粵試吓~琴日終於去o左啦~

一去到好彩唔駛點等位(同事話七點幾等位等半個鐘o架要~)...
行入去己經聞到我渴望己久o既辣味...嘩~好吸引呀~
望吓隔離左右果d枱...
嗯...口水雞好似好吸引...酸辣粉一定要叫...但又想食涼粉...仲好想試吓個蒜泥白肉...
我次次食親o野都係咁...哩樣又想叫...果樣又好想食...
但同事話哩度個粉好大碗...所以唔敢叫兩個粉...怕食唔哂~

我o地叫o左:
1) 酸辣粉(少辣) - 一般! 個湯好普通, 唔夠酸! 食落一d都唔吸引!
2) 麻辣涼粉(少辣) - 可能我當哩個係小食...所以一條條個感覺無咁好...少少麻...少少酸...味道普通.
3) 口水雞(少辣) - 初初入口覺得還可以(可能係太耐無食o既關係)...雞肉ok...少辣...但唔香! 無我食開果種口水雞果d辣油o既香味...食食吓仲覺得偏咸添~
4) 上湯蘿蔔 - 好清好甜...

結論: 雖然傷心酸辣粉係貴d...但確實各樣o野都好食得多...酸辣粉同口水雞都香好多...食完哩度之後覺得有d失望...

米線我o地無試到...但本人比較喜歡吃煙煙unun質地o既米線...我見川粵果d係發漲o左果隻...所以應該都唔係好o岩我...

之前同事都試過傷心酸辣粉...佢話比較貴...個粉又好細...但個夫妻肺片好正! 正過川粵...我無食過夫妻肺片...因為我唔食牛~
我覺得夫妻肺片同涼粉等等果d既調味都差唔多...
之前食過傷心酸辣粉o既涼粉...係比川粵好食...所以哩個就可能係我同事話傷心酸辣粉o既夫妻肺片好食o既原因...

紅磡區川菜其實只有兩個選擇, 不是聯川, 便是川粵. 每當辣癮起而人在紅磡的話, 我都會到川粵. 坦白說, 講正中, 講味道, 可能聯川比較好, 但相比起聯川, 川粵至少企理一點, menu易睇一點....

每次必吃是口水雞薯粉. 口水雞的雞本身其實很麻麻, 極冇雞味兼偏肥, 但因為醬汁好味搭夠, 香、麻、辣三種味道齊全, $25有雞有粉送凍飲又可止到辣癮, 仲想點?

還有其他推介
麻辣青瓜, 不錯
麻辣涼粉, 醬汁好, 但涼粉偏林
水煮魚, 雖然是鯇魚, 但以$60的價錢我覺得不錯, 當然我最掛念是當年銅鑼灣滿江紅的水煮魚.

值得一提的是川粵已經在機利士南路開分店, 價錢比舊店貴幾蚊 (試乎菜色而定), 但會比較企理乾淨.

工作關係路過紅墈, 見有麻辣粉, 即時走去試試。

張點菜紙複雜到呢.......連我個friend都睇唔明.....都唔知點解要整到咁複雜... 幾經辛苦終於點左碗粉等食。

服務? 差就梗架喇, 想點吖~~~ 無鬧人已經ok。

叫左小辣, 不過只得一陣麻香, 無辣味~~~ 而且都幾淡, 無咩味... 所以要再加豉油同醋調調味。

友人點左碗清湯底就更加係淡過清水, 無味都飛起....

木薯粉ok~~ 幾好味~~ 好過食米線。

總括而言, 食物水準一般中見平淡。

水煮魚片:水煮鯇魚片，以$60這價錢與其座位狹窄快餐店環境互相配合，其實水煮食物已經被辣椒蓋過原有食物的鮮味，因此，只靠食出魚肉味有沒有“霉爛”就知，噢!這裡魚片無問題。

配菜有黃芽白和大豆芽菜全都很新鮮爽脆，沒有辣味。

酸辣粉:本港很少食到重慶酸辣粉，中辣完全不辣，只有花生碎和肉碎的酸辣粉，粉條有質感，有點似意大粉，意大利粉則較軟身。在大陸食過重慶人煮的重慶酸辣粉，味道較濃，不知是否材料有別。

担担麵:配料有鮮腐竹、魚皮鮫、脆皮腸、菜芯，除了鮮腐竹以外其他材料全部不好食。

每款配菜加$3，超抵價。

凍檸檬茶，太多冰，飲到一半後再飲已沒有茶味只有難飲極的冰水味。

一位女侍應生態度很友善，不像在 openrice 所看到其他人遇到的服務態度差又沒有笑容的侍應。

間野好似唔休做咁~
D店員既態度真係差到冇人有!

我一個月前都諗著食, 不過食唔成~ 因為D店員態度好差，劃好紙仔又唔肯收! 仲聽到有檯問佢要等幾耐，佢話好多人，仲要等十分鐘喎! 聽到咁仲唔走人咩~~~

今次又鼓起勇氣再去，人唔算好多，心諗應該冇問題喇掛~
點知一入到去就撞正個黑面店員，招呼都冇，掂行掂過...
好~我忍!
坐低後叫佢執檯，竟然黑面，唔駛掛~
去到點菜，又冇人理，望(bear)左我地一眼又都冇意欲行過來
去到呢到已經好想走~不過被友人勸止，咁唯有繼續等啦~
等左20min先有碗麵食
我食口水雞紅薯粉，味道... 好一般~
要我受咁多氣先食到碗咁普通既粉，一定冇下次!

真係好唔明點解有人會讚果度既店員nice~ (唔係呀fa~)

店內發現一件趣聞: 晚飯既小炒要自備食具 XD 真係威喎!

夜晚o係club house游完水
覺得好肚餓
又好耐冇食米線……

於是坐低就叫左個口水雞米線，小麻辣，+金錢肚、大腸

個米線黎到果陣，個樣好麻好辣咁
但食落麻味係夠
辣味都ok,飲湯果陣最覺
但連埋米線食呢，就覺得米線冇果種麻辣味囉
米線還米線、湯還湯咁……

豬腸同金錢肚冇咩味
係口水雞好少少，肉質好嫩滑
但都覺得汁還汁、肉還肉咁

我咁為食都爭D想放棄碗野……
為左麻ge感覺，我比個OK啦

同埋有機會都會試埋其他小菜ge...

今天食完時新後仲好想食野, 甘就來到川粵
我地叫了
1. 口水雞 ($19)- 正, 辣得過隱, 皮滑肉嫩, 雖然無咩雞味, 不過真係台台都會叫既食身.
2. 白肉($19) - 好食, 不過唔夠辣, 我把肉浸口水雞既汁內, 真係正到不得了. 越食越有麻辣既感覺.
3. 酸辣米線($25) - 牛肚好淋, 肉碎好味,米線好似飛過水, 食緊既時候唔會好lim住d牙.
最緊要個係個湯底真係食得出酸及辣及係有層次的.

店子細細, 加上要食辣野, 所以d人係會食得比較慢. 唔想等既朋友真係唔好向peak hours來. 不言只會等到一肚氣.

p.s. 店子既冷氣temp控制得好好, 不會太冷又不會太熱. 要食白飯既人士可以自己帶飯來.

呢間口水雞真係.......無得彈呀

大大話話係紅磡住左兩年,紅磡都真係一個幾多抵野食既地方
但我都keep住一星期幫襯兩次以上
"口水雞米線中麻辣"一年真係講左唔少次

食極都唔厭
原因係咩?
雞香, 辣同麻既感覺好match好balance
岩岩好

不過都有其缺點就係大細問題~
地方唔夠大
所以除左米線辣令到我熱之外
環境都令我熱到出汗

店員nice,真係好nice~
有時叫外賣佢地得閒都會行出黎同你吹下水

除左呢隻雞
仲有好多其他正既辣野
肥腸啦肺片啦白肉啦~等等等等..............
真係推介

俾老闆娘叫左好耐...叫我上黎寫食評...終於記得寫啦

大大話話黎依度食野都大半年..因為佢近poly..好多人都特登落黎食~當然我係其中一個啦~

黎依度一定要食既就係口水雞啦!!!!因為真係好好味...我個人就鐘意食雞胸~因為真係比較好味...你可以叫佢地俾雞胸你..因為老闆娘同埋d 員工都好nice...

環境方面雖然可能麻麻..但係我覺得野食好味搭夠~
聽老闆娘講遲d會開多間分店..應該都靚d架啦!!!!

價錢方面呢...我係一個特例, 我比較大食..我又要食一碗野加一碟口水雞小食再加一杯凍飲, 但係都只係43蚊
d正常人應該25蚊就可以好飽架啦^^

本身去「時新」食，之後因為太多人，所以就是但搵左呢間食喇。

入到去個時已經四點幾，一坐低個老闆娘就係咁催我地快D嗌，因為佢話個師傅要走WOR.

咁係好急促既情況下，咁就嗌左下午茶餐 - 炸醬腩肉紅薯粉 (小辣)

開頭食食下都無唔覺得麻，但之後就愈食愈麻，個咀唇好似無左感覺，但係就唔覺得辣WOR，碗粉好熱~D粉都好好味，可惜D腩肉係燒肉切成..有D失望。

環境同MENU就比較污糟，座位比較迫狹。 因為環境污糟，所以座得唔係好舒服。

MENU上寫著「歡迎自來白飯，外來食品及飲品另收...」 這豈不是自相予盾@@

紅磡真係廿年唔黎一次
周圍D路都唔識行
原本想搵漢堡包, 不過搵唔到變左食米線

一點左右去到, 門口已經有人等緊
但個阿姐淨係識叫人等陣
又完全冇反應....D人就咁走左
相反, 有個大叔就好好人, 同我地講就快有位,
已經執緊野比我地坐, 我諗呢個似老闆多D

我點左個口水雞酸辣米線, 男友食魚鬆米線
1人叫左1杯凍檸蜜
環境都幾迫下, 1黎係要搭枱(多人冇計)
2黎就係D枱同櫈都好細....入面又熱
D MENU立立痴痴.....

幫我點野食既大叔真係幾好人, 雖然好忙
但全程都好有笑容

個米線上枱時, 好明顯見到碗野係有D紅色係面度
對於我呢D唔太食得辣既人講, 都有D擔心
米線比平時食既粗少少, 我見舖頭D盒寫住XL粗
食落都有少少新奇, 粗粗地+硬硬地
個湯好辣呀, 我已經揀左最少個種辣都食到流汗,流眼水
個口水雞幾入味, 可能係凍食所以呢種辣反而幾鐘意
D雞既份量都有幾多架, D肉都好滑, 幾好味

男友個魚鬆就好普通啦, 同街買D魚片差不多
佢話係比較咸少少咁, 都OK
我地仲叫左個淨蘿白, 好似$8 有個細碗裝
D蘿白好林好甜, 男友話送辣野最岩喎
佢本身鐘意食辣, 所以覺得幾岩佢
但我就一啖面一啖野飲先食得晒成碗...HAHA
鐘意食辣既朋友應該可以試下

對於唔中意係POLY CANTEEN食野既我地黎講 川粵變左係我地既私家CANTEEN
呢度既麻辣同川王比起上黎冇咁麻 辣度差唔多 坐就坐得舒服好多亦都好乾淨 價錢方面亦都好大眾化 仲有部電視 如果唔係繁忙時間 同朋友係度坐耐D傾下計都冇問題
同同學每次黎都係食口水雞米線 佢有少少花生碎 但係個味好輕 其中一位同學平日聞倒花生味想嘔 但都好鍾意食呢度既口水雞 辣度方面建議第一次黎既先試小辣 平日食開辣既就食中辣先 唔好一黎就大辣 見過有人叫左大辣之後筆番成杯辣椒出黎..浪費哂 雞係雪雞當然唔好期望有好重雞味咁 但係調味方面搭救 25蚊一碗米線 晚飯時段前會包埋野飲 咁既價錢黎講食物當然係超值 除左米線之外其他小食都唔貴 涼菜好似紅油抄手等會全日供應 但係如果想食熱川菜就要等晚市喇
老闆娘係好好人既四川人 我地中意食雞胸同佢講聲佢會幫我地特別寫低 冇咁忙果陣會坐低埋一齊吹下水 永遠唔會催你食快d趕你走
呢間野舖位唔大 如果係正常飯餐時間黎多數都會滿左 要係出面等一陣 老闆娘話準備係附近開分店搵緊舖位 到時我地班長期食客就唔使成日等喇

原本諗住食另一間川菜 但係點知冇開
於是就去左呢一間 外賣拎走
叫左1個口水雞米線小辣+酸辣粉+夫妻肺片+蒜泥白肉
拎番屋企時已經聞到好香!!

之後第一啖...wah!樣樣野都已經好麻__

個米線 好麻辣呀___食唔到d雞味喇!!
之後酸辣粉仲麻呀..
男朋友話2樣野好似有d公仔麵味..但係我條利已經麻到冇感覺喇!!

,不過個夫妻肺片我覺得幾好吃!
辣辣地.,幾有咬口!!

但係個白肉就咸左d..
咁麻都食到好咸____

ahha!!不過呢餐食得都幾剌激!!

一次偶然機會試咗就好似上咗癮咁。
我住附近，平時食開對面既洽興，貪佢夠平。
見呢間米線啱啱開檔，响出面見到價錢都唔算貴，咪入去試吓新野。
第一個感覺係有啲多餘既半自助形色：要人寫點菜紙，又唔係乜大酒樓．．．直接同佢講食乜好過啦。食咗幾次都慣咗。
第二係食飯時間好旺，一個人就點都要搭枱，同埋叫咗野有排都未有得食。所以我通常都係响一點前去。
夜晚仲誇張，幾十人响門口等位。

佢啲米線麻味好正，响等二度我都未試過。啲湯度有啲黑色外形似胡椒粒既，一咬落去成口麻痺。好過癮。仲有食完之後好似上腦咁，個頭涼沈沈，對於我地呢啲返ｏｆｆｉｃｅ既成日做到頭痛係一大享受。

我亦都試過其他米線，人地啲係用辣椒粉而呢度係辣椒油。我由微辣食到中辣，都好似唔係好夠辣咁。佢地既辣油係自家制，加咗大量辣椒皮，同埋好香，同時滿足人既味覺同嗅覺。

食過佢啲米線之後，直頭對對面間洽興無灑興趣。因為湯底、餸料同麵線都相差太遠。雖然價錢方面係貴啲，但係計埋份量同質量，真係好值得。

仲有佢有個午市特價，叫米線送野飲。兩個餸既米線連野飲都係hkd21落樓。