入大坑去順興食滑蛋之前，見到無名炭爐伯伯，冒住飽肚食唔到野，都決定買一底黎食。其實行過不下十次，都未見到阿伯開檔，今日三十幾度，酷熱天氣，阿伯係街邊用炭爐賣雞蛋仔，又怎會有幫襯支持的理由。

剛好整好一底，唔洗等，即刻有得食，外面脆度就一般的，不過咬落口每舊都係蛋餡滿滿，係雞蛋糕黎的，蛋味十足，每舊蛋餡都滿滿好似蛋糕禁樣，好耐都未試過食一底雞蛋仔有飽肚既感覺。

街邊檔而家少之有少，$10蚊底，行過真的要支持下。

伯伯話佢買得好平, 到依家都仲係買 $10

啲雞蛋仔外表唔係凈黄色, 略帶灰黑
食落有啲那口, 好似落了好多梳打化既感覺

見伯伯咁又唔好意思退$, 最後成包掉晒

現在諗反...都幾污穢, 因為個擺檔位置幾大麈...

由銅鑼灣道轉入大坑搵食，有緣地遇見雞蛋仔伯伯，二話不說，便要了一底。

新鮮出爐的雞蛋仔粒粒脆卜卜、脹卜卜，餡料十足，只需十元，就可以買到一底粒粒雞蛋糕，絕對超值！ 伯伯唔只有heart，仲好細心，當佢遞雞蛋仔俾你時總會加一句「最好依家食」。

見伯伯企係爐後面加炭、撥火、睇火，眼前就只是專心做好底雞蛋仔，這就是「專業」。祝伯伯身體健康！

真係估唔到街邊雞蛋仔都有咁多食評，但平心而論，其實依度嘅雞蛋仔都係一般街邊貨色，而且阿伯又唔係成日擺檔，真係名副其實可遇不可求。最慘係人多要買嘅時候又係要等，我通常都冇咁嘅耐性。咁多哈哈笑相信有唔少係同情分，無可否認街邊流動熟食小販都算係港人嘅集體回憶。

每次路過大坑都會去幫襯炭燒雞蛋仔伯伯；一來敬佩他老年仍用自己雙手自食其力，二來他烤焗的雞蛋仔確實好吃，食味絕非一般電爐雞蛋仔可比。

今天車泊在浣紗街上，走了兩個街口到大坑頭段找阿伯。好彩今天天氣好、老伯有開檔。去到已有幾位人客在輪候，我也就在旁邊等。見老伯熟練地把炭到爐上(老伯說現在炭的價錢貴，要四百多元一擔) ，把麵粉蛋漿倒進雞蛋仔模裡，把模合上搖勻再翻轉，然後放到爐火上；兩三分鐘後再把模轉到另一邊，直至雞蛋仔烤焗好。看起來步驟不是太繁複，但是在那十元一底的雞蛋仔背後隱藏著很多功夫。如何使到雞蛋仔有蛋香，如何做到雞蛋仔內有層鬆軟蛋糕的質感，少說也是老伯從一九八二年開檔至此的功力，和他肯為那區區十元的貨品，用上三底四隻北京蛋調配出來的成果。現在的雞蛋仔也從以前濃甜的，改良至現在的低糖口味。老伯真也照顧到客人口味的改變。

老伯說朋友笑他傻，為什麼用上那麼多真蛋，成本可就增多了，但他還是堅持要保留原有風味，不想他的雞蛋仔淪落到如很多坊間只有一層沒香味的黃色麵粉衣。

雖然想自食其力，但老伯上兩個月仍舊逃不過一星期連續兩次被食環署檢控，連工具和木頭車也賠上，每次損失近五千元，真要賣上一千底雞蛋仔才能抵銷。期望食環署能酌情處理同類事件，使這些自食其力的老人家能繼續用自己雙手去賺取生活。忘記一提，雞蛋仔伯伯今年已經七十三歲了。

一邊等、一邊看著一底又一底香噴噴的雞蛋仔出爐。一二三四五六七八…….我要的那兩底終於到手了……嘩, 很香、很鬆脆，還有內裡那層軟蛋糕的口感，很滿足。

如要幫襯，最好中午時份。老伯害怕被檢控，每天只敢開檔約三個多小時，而且只能在晴天。

今日做野順路行去大坑食Lunch，經過嗅到炭火味先知道炭爐雞蛋仔喺度，未食過即時買一底試試，等製作時同亞伯傾開原來佢都試左好耐先試好個用蛋份量。
打開一食果然蛋香撲鼻，而且質感好似蛋糕咁鬆軟有彈性，同同事兩個人食一底都已經半飽左。下次經過一定再食！

今日同老媽去勝手食完午餐已經反肚！沿途行去天后站，景然比我地見到傳民中的炭爐雞蛋仔點都要買嚟試吓。當我地研究緊買幾多....食唔哂拎返屋企食時....伯伯好專業咁話:如果你地唔係即刻食就唔好買啦，拎返屋企唔好食呢。咁我地打算買一底 share, 伯伯繼續話:除非你地有焗爐。嘿嘿嘿我地就係有，最後買咗一人一底，即時食咗幾粒，外脆內軟好香好有蛋味，同平時食的好唔同，我覺得有點似蛋糕。伯伯話四底蛋仔用三隻蛋唔怪之得勁蛋香。平時食的有些只用香味同色素最後測試結果係返屋企用焗爐焗返，一樣有外脆內軟的效果。掂掂掂！

二月下旬

個人覺得雞蛋仔是否炭烤還是其次，最重要還是蛋與粉的比例，是問吃到每肚都是粉而乏蛋香的脹胃雞蛋仔怎會好？

是日同好友David到大坑搵食，路過見到炭烤的雞蛋仔，就買了一底來吃，大概是日區外客不多，結果雞蛋仔是燒定的，不夠熱吃起來就欠脆卜卜的最佳風味，但蛋芯豐盈有蛋香，並留有烘焗過的味道，比起大排長龍的北角雞蛋仔高幾班。

David說星洲不常見此品，這個他亦覺得真材實料，熱吃風味會更佳。

終於一試大坑伯伯即製的雞蛋仔，金黃渾圓的外表和香氣很誘人，吃落口果然是另類的雞蛋仔，因內裏是充實的，像蛋糕仔般味道。而且不能當小吃，很飽肚的。吃不完帶回家，再焗熱，也是脆香的。

買左雞蛋仔喇!!!!!!!
等左四個人先到我,,,,
冇計喇要食好野就要等喇,,,,

見到伯伯好順純熟,,,,,,,,
張ｄ蛋槳平均咁倒響個鐵板到,,,,,
<div id="FB_HiddenContainer" style="position:absolute; top:-10000px; left:-10000px; width:0px; height:0px;" ></div>ｄ火控制得岩岩好,,,,,
整出黎個雞蛋仔顏色完全係一樣,,,,
唔會太噥!!

食左一淡,,,,
好似食蛋糕咁 : )
不過我覺得佢唔係太夠甜,,,,
可能呢個係伯伯既特色喇 : )
唔錯唔錯!!!
伯伯努力呀!!!!!

阿叔好勤力, 成日都開檔. 又好口.

雞蛋仔好足料, 裡面係實心既, 唔會好似其他咁得一半有料, 另一半空心. 食落似蛋糕仔, 蛋味好重.

其實我好少食雞蛋仔 ...
個日見到阿伯用炭爐整雞蛋仔咁得意
阿伯好有禮貌...
雞蛋仔 好脆又飽肚...正......
好佩服阿伯上左年紀仲咁叻....哈
誰敢說老人家無用.

趁今日不用趕上堂，便去找這個伯伯買一底。

先前找過了幾次，總是時間不對，遇不上他。

這裡是用難得一見的碳爐，而且鷄蛋仔是實心的，不會像坊間的空心。

把鷄蛋仔一粒一粒的放進口中，蛋香在口腔中迴盪，吃得出當中的心血和傳統味道的樸實。

不過美中不足是稍為乾了點，不過花十元當午飯吃也很化算。

溫馨提示：伯伯一般由早上十一點開檔至下午四時左右，一般十二時至一時多是人流較少的時間，他會預先做定囤積起來。想吃新鮮熱辣的鷄蛋仔，最好在兩時半後人流較多的時間買，不然就在他一開檔就幫他買

我有經驗喇, 上次Mon 3:00pm, 今次Sat 2:00pm, 我已經掌握到伯伯開檔時間, 但始終唔敢開口問佢幾時休息

今日去到要排隊呀, 等一陣就到我喇, 見到伯伯間唔中加炭加炭, 第2度真係好少見到架.

至於雞蛋仔呢~外層脆脆的, 裡面軟淋淋, 仲要好有內涵添, 食得飽人架! 但我愛甜, 如果佢甜d就更好喇

踏入了秋天，除了有時令的東西吃，也可以吃到在大坑附近擺檔的阿伯炭爐雞蛋仔，大熱天時是冇得吃的，前幾天也搜尋過，但沒有發現伯伯的踪跡，今天在去天后開餐途中，竟然遇到了他，真幸運！

此處沒有複雜不同味道的雞蛋仔，但就又是夠古法，現在古老當時髦，一於吃一底用炭爐做出來的雞蛋仔，看看會是怎麼樣。只是走近那車仔，已經感受到那兩枱炭爐的威力，很熱烘烘的，怪不得伯伯夏天不開工了。

要了一底，也是新鮮滾熱辣的，可能是由於火力夠猛的關係，雞蛋仔的外層很脆，咬下發出卜卜聲，咬開一看更是不得了，內部是填滿了如蛋糕的餡，我真的從來未曾吃過雞蛋仔的餡是這樣的，首次吃到根本就如蛋糕的雞蛋仔餡，這可能是因為其蛋漿的配方之故，據我的觀察所見，其蛋漿的黏稠度很高，黏得如半融化的芝士一樣，所以估計麵粉或發粉在蛋漿內的濃度是比一般的高，才有這樣的情況。可是坦白說，那雞蛋糕好吃嗎？普通而已，但皮夠脆，而且內藏滿滿的蛋餡，已經是很不錯的了；另一方面，雞蛋仔的蛋香也算挺強，比太安樓的蛋記及北角的利強記強一點，跟紅磡的媽咪比就還是稍遜，但始終是各有特色。

有幸吃過已是褔氣，也希望伯伯加油加油，繼續維護我們香港的飲食特色。