之前應承左我Brother黎粉嶺食日本野.今日終於實現到.

未入餐廳之前已經好有日本feel. -,-
一入到去.個感覺好舒服.又唔算太多人.
侍應都好有禮貌.門面工夫做得好足.
由於我太肚餓..諗著叫著幾碟sushi食著先.點知拎起張紙就出事喇..壽司部分.唔可以話好好食.但都唔錯的. 三文魚刺身.令我最失望..
未試過食到唔想食..魚奶湯.味道不錯.下次會試埋其他湯. 和牛粒串燒.欠了檸檬~~
價錢貴了點.味道不過不失.

因為我唔睇價錢叫野食.結果兩個人410$埋單..
下次都會再幫親.因為環境真係好舒服.
一定會記得睇價錢叫野食喇. XD

我自己住在附近, 所以一個月都會去食一二次, 老實說這店可算是新界北坐得最舒服的日本食店, 地方夠闊大而不會有壓迫感, 和朋友食飯傾計是不二之選. 食物的話, 魚生, 壽司和拉面等只是一般般, 不算差也不算好. 以價錢來說算合理吧. 個人覺得反而是炸物和火煱等不錯, 晚市的火煱套餐也很抵食, 而最有驚喜的倒是甜品中的"心太軟". 比很多西餐廳都做得好. 以平均一百左右的消費來說我覺得是交到功課的.

粉嶺之最..不是話呢間店最好食的意思,而是在粉嶺食日本菜..呢間店計環境..坐得最舒服.店內面積很大,而賣的食物.種類很多.除左日式壽司.pizza..仲有火鍋..同扒類等...而店員的服務屬於不過不失




當日..我點了一個午市套餐.72元加3元飲品食物有....刺身.飯...蕎麥麵..
首先.講飯同蕎麥麵...上枱時凍到似剛剛雪櫃拿出來的,而飯我相信是壽司飯...不單止凍.仲有點酸
至於刺身..不會雪得過硬...又不會腥.只是有點似超市出品...無味道的.......72元而言我都接受...


三文魚薄餅68元...反而最好食...
熱度都係唔夠...不過..卜卜脆...而個三文魚同沙律醬好夾.....成個pizza...份量足2個人食....呢個食物合格


鹽燒魚.我相信係叮出來...成條魚..好難夾...又凍.味道又有點腥..差!


最後的甜品...其實係雪榚餅...好細..仲要勁難入口.入口後味道過甜....

呢個地區日本食物很少.當天星期日.其他店難搵位...我先光顧呢間.食物不好..也能接受.在粉嶺區食值中級...

一向都會係星期六日同屋企人去食...記得初時去赤川服務超好...落單好有禮貌^ ^...臨尾仲會問下你滿唔滿意d野食..上菜時間好快.......不過最近換左人..服務冇咁好..但未去到差既地步o_o
食左超過20次...赤川都吸引到我...因為佢定時都有新菜式^ ^

好la...野食方面..唔suggest 叫壽司同刺身太多..因為佢主要好食係料理...壽司同刺身真係一般
咁有d咩好食??
10星推介*******************************(鰻魚芝士蛋卷)
蛋包住鰻魚...面頭淋上芝士...好有火花...
其他推介:
pizza
燒章魚筒
羊架
石窩飯
不過價錢真係唔平嫁....唔好叫飲品同甜品會好d

第二次食這家店，比第一次而言，水準有點降低了。是晚點了壽司、一個卷物、兩客飯。先說壽司吧，點了十一碟，魚生材料尚算新鮮，可是最失望的那些壽司飯過凍和乾硬，就像隔夜飯的口感，大大打了折扣。不過以十元吃到三文魚壽司，我都覺得係抵食的。來了一客海膽卷物，海膽則不夠新鮮，腥味較濃。也叫了兩客飯，分別是一客海膽帶子燒飯，同樣飯太凍太乾硬，海膽不新鮮，唔好食的。另外一客，咖哩豬排石鍋飯，則叫人驚喜，豬排炸的剛好(不過D 油可能唔夠好，炸出來較沉的顔色)，炸粉那層是薄薄的，吃起來，外脆內嫩，很可口的。石鍋飯本身也夠熱，有自然的飯香，這客飯不用$50。整體而言，以這客飯為當晚最好吃的，如果可以加多隻温泉蛋就更加好。計埋每人100蚊，這店地方闊落，空間感十足﹐計埋味道、舒適感，是抵食的。

成日經過見到赤川個門面咁有格調都心思思想試下, 今晚就拉埋男友來食晚餐.

一入去見到都8-9成full, 但侍應都安排左4人卡位比我地, 坐得好舒服.

今晚我地食左:

櫻花魚生沙律: 魚生有好多款, 有三文魚, 吞拿魚, 八爪魚, 墨魚, 鮑片, 蝦. D 菜又好新鮮, 配上酸酸地既日式沙律汁, 好開胃!

赤川極上壽司盛合: 見佢係用另外既餐牌寫開, 可能而家做promote先有. 1 set有8件唔同既壽司, 件件都新鮮同大件, 覺得比起其他連鎖店既壽司好食.

鮮茄海鮮鍋: 海鮮既種類都好多, 有青口, 蝦, 魷魚等, 湯底有濃郁既蕃茄味.

見到其他食評話d服務唔太好, 都唔係呀~ 當我問侍應赤川極上壽司盛合即係有咩壽司時, 佢唔單止好詳細咁答到有咩壽司, 仲講得出咩壽司用咩汁配. 有進步真係好, 希望可以keep住啦.

今天我家小弟提早放學
難得老媽和姐姐都在家
媽媽提議和我們去吃赤川
再次光顧 感覺依然很好
這間店其實是我家小弟介紹給我的
我第1次跟媽媽光顧的時候還在猶疑開在這個地方會不會沒有客人
事實剛好是相反
我跟家人閒日去赤川吃午餐吃了2次
2次都很 Full ~
真是意想不到 ~
而且我覺得味道水準也很高喔
尤記得上次點那個札晃咖哩吉列豬排烏冬
實在是驚喜之作 !! 咖哩夠辣!! 烏冬很明顯是手打烏冬, 非常彈牙~

這次因為4個人的關系 所以點了很多東西

Set lunch 方面:

我: 汁煮豬肉飯石鍋燒 + 野菜沙津 +3點刺身 + 冬瓜豚肉清湯 ($ 36)
石鍋燒其實就是石頭飯, 上桌熱辣辣
可以做成飯焦

老姐: 三文魚拼蟹子魚生箱押 + 前菜 + 冬瓜豚肉清湯 + 茶杯蒸蛋 + 迷你湯烏冬 ($ 38)
箱押 大大件 塞滿蟹籽
茶杯蒸蛋倒是不會欣賞
烏冬也是一樣彈牙

媽媽: 北海道雜錦魚生飯 + 前菜 + 冬瓜豚肉清湯 + 茶杯蒸蛋 + 南瓜天婦羅 ($ 45)
整個魚生飯就是很新鮮 價錢不算貴
可以一試

老弟: 香濃蕃茄豬排湯烏冬 + 粟米沙津 + 三文魚壽司2件 + 凍奶茶 ($ 26 學生免加一)
蕃茄湯底果然很香
媽媽吃了一點烏冬也說烏冬裡充滿蕃茄的味道
附送的三文魚壽司比散點小了一點點

值得讚的是 冬瓜豚肉清湯 的湯底夠清
喝完不會像喝味精湯一樣

壽司方面, 基本上都很新鮮又大件, 我覺得比同區的明X, 元X 壽司好很多

蟹籽手卷 ($16)
蟹柳壽司 ($12)
三文魚壽司X 2碟 (共$20)
甜蝦壽司 X 2碟 (共$32)
帶子壽司 X 2碟 (共 $40)

吃完以後結賬時還附送o者喱甜品 ~ Good!

美中不足的是服務態度只是不過不失
我覺得侍應生都不太夠 Lunch 時間只有幾個侍應滿場飛 ~

因為屋企近而爸爸媽媽都唔鍾意出遠街既關係
每憑爸爸節媽媽節爸爸生日同媽媽生日都會黎呢間赤川慶祝架！
因為爸爸鍾意食拉麵媽媽鍾意飲三文魚頭湯

今次都不例外！媽媽生日！一家人一齊去呢到慶祝！
味道好, 只係可能味精既關係...食完好口喝啊!!
但都可以接受！算不錯既選擇啦！

特別想為大家介紹：

咖哩豬排石頭飯
係改良左既版本, 因為個汁變左分開上, 食個時就好似鐵板燒咁, 要自己淋上去
除左幾好玩之外 分開汁上, 好似D汁多左！
以前都冇汁剩, 依家重剩半碗, 我重用黎試下點壽司食tim XDD

海鮮炒烏冬
材料十足!有魚、八爪魚、帶子、蝦、青口等等
食落唔會覺得空虛呀
其實我地呢外重叫左海鮮薄餅架!
我地一家人覺得好味過三文魚薄餅, 因為厚D同埋材料就同炒烏冬一樣多!
而三文角薄短就好似紙咁薄, 但係就好脆!
所以各花入各眼啦!

至於座位方便, 今次去左一個比較大既位置, 外面有幕布半遮住我地咁
都幾舒適! 坐得好鬆動! 又唔會同其他客人太近, 可以自己影下相咁
隔離都坐住一班年青人聚會, 即使人數比我地多, 但都見佢地坐得好鬆動

另外, 雖然一直都聽聞赤川服務唔好
但今次係本人覺得最好既一次, 雖然之前都未遇到唔好既服務生
我以為男侍應會比較隨便, 但今次有位侍應竟然開口好有禮貌
令客人感覺舒服, 我地想要熱水, 就即刻俾一壺熱水我地
因為我地坐得比較入, 佢就放落一壺叫我地慢用

之前大家有咩不滿地方既, 不坊再去一試

難得入到粉嶺
路過門口見到幾漂亮~~

‧先講下門面~ 個裝修幾好~ 卡位好寬倘~
D位隔得好開~唔似出面果D鋪頭因為店好細﹐D人講住野就成個街市甘~
坐得好舒服~可以傾到計~~

‧D waitress 好有禮貌~ waiter就差少少~~ 不過整體係OK既~

兩個人叫左﹕
明太子沙律卷﹕口感好得意~ 配答得幾好~壽司飯唔錯~
海膽魷魚卷﹕無咩特別~
火焰帆立貝壽司﹕我以為係生既帶子火焰個面~~ 不過turn out 都OK~
火焰海鰻壽司﹕呢個超級好食~~
玉子壽司﹕玉子呢家野唔係間間做得好~ 呢間都ok~~其實好過一D 大既連鎖壽司店
劍魚腩壽司﹕幾好食~ 無咩根~
左口魚邊壽司﹕呢個真係要讚﹗ 峰壽司.板前..板長..千兩果D係好薄博1-2片仔~但呢個係好厚身~因為呢個魚邊主要係食個口感~如果好食既係會爽口~~所以系呢間食都唔錯~~~~~~~
醬燒黑豚肉石鍋飯﹕ 上臺既時候熱辣辣~味道好香~D豬肉片厚切~ 好入味~ 配飯一流~~~
七味軟殼蟹反卷﹕唔需要點任何野都有味道~~ 個蟹炸得脆~放耐左少少都唔會變林~
(飲品) 綠茶yogurt drink﹐芒果yogurt drink ﹕ok la ~幾號好飲既~~~

整體來說~ 裝修好漂亮~ 服務好好 (其中有個女侍應好有禮貌﹐我已經填意見卡讚她) ~~~食物係好食 (當然唔係同D貴價野比)~~~

會推薦比朋友

赤川開頭開既時候已經想去試一試,不過之後見食評麻麻地就無去到!今日起附近又出左糧就去博一博!!

首先環境都唔錯,都唔會好迫咁!!服務都唔錯,因為條魚我地食到大半先發現魚背唔熟,佢都好好咁同我地換~

菜名我無點記過~
最難食既係串牛俐,無乜味,好似人地燒肉搭條牛俐O個D味!!
最好食係原條燒既香魚,魚身唔會話燒到乾晒柴,味道有D似秋刀魚,熱騰騰,正!

其他都一般,無乜特別~