自助餐愈來愈似經濟指標，經濟好就自然多人，遠至東涌酒店可以連爆幾個月場，10月預訂要過埋年先有位，莫非東涌D人唔興返屋企煮飯？近近地君悅酒店個泳池燒烤自助餐亦要早一個月訂位，如果撞啱落雨仲要取消，喂！兩條友連加一要千五蚊落樓個喎？香港真係咁好景？

咁不如試下個即日仲訂到位既世紀酒店，餐廳地方寬敞舒適，侍應服務亦係酒店級水準，問侍應乜野咭會有優惠，侍應答不論現金或信用咭付款一律八折，兩條友都有八折咁好？

頭盤冇生蠔，有刺身，八爪魚，三文魚，吞拿魚等幾款，款式少，但非常新鮮味美，其餘蟹腳，大蝦同翡翠螺，你唔好祈望會有任何味道，中湯，西湯都唔掂，
尤以中湯雞絲生翅最難食，當然，冇人白痴到以為會用真魚翅，但係都有啖雞湯飲下掛？結果同飲水一樣，我非常懷疑廚師有冇試過味架？

熱盤以鵝肝汁牛柳最惹味，羊架亦香口嫩滑，燒火雞當然又鞋又冇味，其餘陪跑有咖哩雞同抄幾碟菜，蒸條大大條又韌又難食既魚等等，燒味檔D 乳豬皮脆肉嫩，幾有驚喜，燒牛肉夠甘香仲有多少脆皮，屬於水準以上之作，即制pizza 睇見都唔想食，仲有三個即叫即整檔口，一個粉麵檔冇乜興趣，一個叫亞洲小抄，有中等size 嘅虎蝦，先烚熟再用咖哩汁炒一炒，蝦肉又霉又冇味，失敗到極點，第三檔係即製梳乎厘，三檔中以呢檔最好味。

最後到甜品同生果，甜品款式少又唔好食，唯一可以讚嘅係每款都好細件，每件一啖，唔好食都食晒咯，唔駛浪費咁多食物，生果類，西瓜同蜜瓜都冇咁味，反而哈密瓜非常清甜同菠蘿酸得黎好鮮甜，好適合食肉類時減低口腔內肥膩感覺。

其實一直都冇問過價錢，到埋單先知兩條友先至合共五百大元，雖然以自助餐黎講並非高水準之作，但係以咁既價錢，你仲可以要求D 乜？

上星期去吃自助餐﹐兩位己經有平﹐不過一分錢﹐一分貨，食物種類不多，但都好污穢﹐Ｄ柸有污穢物，附近ＤTable都有同一情形出現。

百零蚊o既buffet,其實一開始已經無要求d乜...
食物款式都幾少下...
刺身好少款,好似得3款...都ok新鮮gei...但有部份有根...勝在refill得快...
冷盤只係試左個青口,都ok...本身想試埋個螺,但同行o既試過之後千叮萬屬我地一定唔好試...所以都係無試到...
熱盤方面,個人比較鍾意個咖哩...用黎點個薄餅都唔錯...
其他熱盤都叫ok咁la...
佢個鵝肝多士,食第一啖都仲ok...再食埋落去就真係唔得...好油好油...><
個南瓜湯係完全無南瓜味gei...好似普通忌廉湯咁...

到我向來最愛果part---dessert...
呢度d款少都唔到講...少得黎仲要有部份係好難食...
向來乜甜品都唔放過o既我,就算個野唔好食我都會食埋佢...
但今次真係食唔落口...
除左個cheesecake可以食晒之外,其餘都只係試左一兩啖就放棄左...

總括黎講,其實唔係話好差好差...但比百零蚊又食唔到自己鍾意o既野,我會選擇佢食放題...一來鍾意食日本野,2來點講都好,choices都會多d...
以同等o既價錢,我會揀去一生食law...

p.s:基本上佢大部份credit card都有15% off...所以折完每人為起都係around $160...

尋晚去食BUFFET, 依家推廣緊'蟹' 晏, 菜色多數蟹為主, 都食得滿意, 咁既價錢, 都數抵食!!

魚生: GOOD! 好味, 好新鮮! 淨食魚生都抵!

青口: 鮮甜!

凍蟹: 一般, 但通常凍蟹都係咁!!!

沙律: 好味! GOOD!

熱葷: 條魚~~好滑! 炸蟹球: 好味道!
南瓜湯: 好濃! GOOD GOOD!
焗長腳蟹: 啖啖肉, 但好快冇晒, 不過都好快加!

其余有蟹肉燴意粉/焗蟹肉時菜/燒雞/炒飯/咖哩/印度燒餅/燒牛肉......都OK!

粉麵檔: 冇食到, 因冇咩特別!

甜品: 麻麻地, 但都有成七/八款, 有個賽傍蟹批, 聽落個名好怪, 都幾好食!

雪糕: 一般

服務唔錯, 成日都TIM水, 同埋好有禮貌!

星期五每人大約都係$160(HSBC/渣打-8折), 算抵食, 咁既價錢, 食同咁多野, 同埋大部份食物都OK, 仲想點, 好過一D貴又唔好食的BUFFET!

have tried the lobster dinner buffet

but noted that the 龍蝦is frozen one which the quality is poor (even a fresh prawn is much better)

also, very limited choice for hot item and the dessert is not attractive !

on whole , will not try again

星期三晚,大約6:30pm左右來到,當時都不是太多人,但係去到7:00左右,已經約有八成滿!

刺身~選擇雖少!但很新鮮!

生蠔~好新鮮!

龍蝦~本人敏感不吃!所以不知道!

天婦羅~外脆內熱!

熱盤~選擇不多!味道一般!尚算及格!

甜品~味道ok!特別係芝士蛋糕!

整體感覺:$168蚊可吃到生蠔、龍蝦,真係幾抵食!

生日朋友請食buffet~~
可能係閒日去，人唔算太多~~^^環境幾好。

果度既青口好好吃~~加埋紅酒汁就更加鮮甜^^
魚生都好大塊，不過有少少雪得過凍
生蠔要另外order，勁大隻同新鮮，可惜本身同朋友都唔係好食生蠔，所以都只係食左幾隻就收工~~
要讚既係當晚有芝士焗蝦，好好食!!
甜品方面我覺得個芝士蛋糕同佢d雪糕都ok呀~~^^

總括來講都幾好~~最重要係同朋友仔食就食咩都咁好味啦~~^^ thanks for the dinner~~^^

小豬有好介紹.唔去試下都唔得,去之前做足準備,又比我地平時食晚飯嘅時間早咗.約咗小豬响new york門口等,跟住慢慢行過去,去到都係7:00左右,但都有好多人,可能地方唔大啦,其實價錢真係好超值,因為响香港區,只需百幾元,食物質素都幾好,款式唔多都可以体諒,食得我好開心,小豬都無介紹錯

前幾日聽個朋友講"世紀酒店"自肋餐好正，D牛扒好正，D生蠔係要同侍應ORDER既，上檯時仲有冰墊低傢，佢講到咁吸引當然要試下啦，問過HONEY之後我地就決定星期五去食。原來1月份開始做緊"任食和牛"，整體黎講各款食物都OK，幾好，食物種類轉得好快；
推介(一)"牛扒"-好好味，好有牛既味道，好香，好正。
推介(二)就係本人最鍾意食既"魚生" -有4款選擇，好正，好大"舊"，源源不絕咁供應，正！
推介(三)"生蠔"-真係要同侍應ORDER傢，生蠔都唔差...
咁既價錢可以食到咁多正野，抵啦！
($168/PERSONS+10%, 另2-4人,85折；5人或以上8折)

一個自助餐o既高低，就要睇D料新鮮與否，廚房refill得快手無？同埋有無回本之作。
Well, 以一個中價午市自助餐黎講，你千祈o吾可以心存厚望。搵食場地較細，但勉強容納到壽司刺身、生蠔沙律、BBQ、粉麵、熱葷﹠甜品，其實要有o既佢都有。
刺身點都一定會新鮮，皆因生野，o吾鮮o吾得。那邊廂BBQ帶子同三文魚就。。。萬般無奈，眼見D生帶子成pat野咁攤係個殼到，點回本呀？(聽老細講以前有小龍蝦ka a aaaa...)
唯一要讚o既，係屬燒肉眼扒，雖然起初誤會係薄切肥牛，但卻可以保留口感，o吾痴牙亦o吾un。
熱葷穩打穩紮，主打廣東菜，無乜驚喜。
坦白講，呢到D甜品只可遠觀而不可褻玩，因為可能巳經被人蹂躪完畢。儘管款式不少，有聖誕布丁、聖誕cookies(同埋聖誕裝飾tim)、雪糕、cheese cake 、朱古力mousse ,etc.
但都只可望梅輕嘆，因為味道未到家。睇番以前，有new york cheese cake等貴料Do既cake, 又有天婦羅，宜家縮哂皮囉！
講真，今次都幾失望。

今晚同朋友去食，選擇左呢間，因為上過來睇發現幾好。點知一去到就發覺環保很吵，出去行一圈發覺食物選擇勁少，開始有些失望啦。

首先前菜得煙三魚叫好食少少，其他例如沙律，青口，通心粉就好普通啦，凍蟹一d都唔凍，一d鮮味都無，沒有太大的驚喜，我自己係屋企煮都好食過佢。魚生得三文魚和吞拿魚，兩者都不是太新鮮，而且一d都不甜美。

熱葷得幾款選擇：有粉葛鮫魚湯，哇d湯好淡好似飲緊水咁，雞好肥而且有成盤肥油浸住，見到都驚。"老"水鴨真的很老，又肥又"鞋"。最激氣係d魚，勁多魚鱗，而且又"聲"。重有一碟就係咖哩牛肉，我無食過因為望見就唔開胃。之後都算啦，都未有野落肚，見到有炒飯，諗住食碟炒飯走人，點知d飯好干好硬，一d味都無，我勉強都係食左兩啖。

最後甜品啦，都係得好少，賣相極之核突，因為成個cake唔係事先分好，要自己分，d人就係度自己分，搞到成碟cake好核突。紅豆沙簡直就係極品，就好像隔左幾日咁，差d反胃。最經典裝雪糕d碗係熱的，都未返到位已經變成奶昔，而且係無匙"更"供應。

生果得西瓜菠蘿同木瓜，得菠蘿好食，其他就一般啦。

成晚都無音樂，得d人係度大聲講野，好吵。不過d侍應態度好好，我見收碟都好快。不過我都係第一次食puffet要空肚走lor，不過鍾意食菠蘿的人不防一試，因為我只會推薦只食菠蘿。

一心想試港島區平價中午Buffet ﹐上來搜尋一輪後﹐選了這家﹐結果冇特別失望﹐但亦唔算好滿意。

星期六12點半到﹐成見餐廳只得幾檯客﹐咁都好﹐靜靜地唔使比人嘈住。

熱盤數量不少﹐有約十款﹐冷盤就少D﹐只有凍切肉、三文魚、魚生﹐另外有壽司﹐麵檔﹐和即切的火腿等。

熱盤的味道一般﹐三文魚尚算新鮮﹐但蛋糕就差好多。

至於服務﹐可能人客不多﹐所以侍應收碟幾快﹐態度都唔錯。

現在價錢係$138一位﹐但可以玩轉盤遊戲﹐折扣由七折到八五折﹐我就轉到八折﹐即每人$121(連加一) 。

餐廳的落地玻璃對正外面的舊樓﹐景觀麻麻﹐而且中午時分﹐外面的好猛﹐所以不需要選坐窗口位。

昨晚老細請食buffet,7點半去到,座上客都有8成;睇食評話呢度d buffet好掂,但試過後又不覺得是這回事.

第一點:食物款式吾多

第二點:食物質素差,生蠔吾新鮮,燒蝦d蝦肉霉既;燒牛排十分乾身,一d都吾juciy;blueberry cheesecake簡直可以用"垃圾"2個字黎形容!無cheese味且一d都吾滑,比一般港式餅店既還要差!個cream seafood soup淡而無味,淨系飲到奶味,d蜆肉非常韌.

第三點:refill速度慢,鮑片只供應2round,之後取而代之既tuna又系次等貨.

第四點:服務生收碟速度亦慢,最差勁既聽到個"阿差"廚師(車仔麵及grill檔)被個香港廚用粗口鬧"你燒咁多帶子把X咩!"之後個阿差即刻好無奈咁say sorry.呢度話晒都系一間有星既hotel黎架!

唯一可取之處系個咖哩什菜同糙米飯較好食.

朋友聚會...選擇左呢間自助餐廳...都幾多選擇...有生蠔, 不過好mini size, 魚生有三文魚, 鮑片同鯛魚...三文魚好肥美..不過要排隊囉...熱食都唔錯, 有桂花魚, 炒飯, curry 等等...燒牛肉, 天婦羅, 仲有即煮麵, 甜品種類都幾多...有泡芙, 好多不同種類蛋糕, 仲有芝麻, 芒果, 巧克力同green tea 雪糕...價錢真係超值...$188 仲有抽獎..最少可以囉到85折..我地好彩抽到75折..所以賣單都不過$155...總結..呢個價錢算係超值..

好少食buffet, 有次係公司請食lunch buffet, 先同同事去食, 食左約45分鍾, 食左4round左右, 都食唔晒d食物, 佢有sushi, 有4,5 類左右, 不過qulity就一般, 有生"豪", 熱野都唔錯, 冇"差"燒, 魚蛋呢d平野, 有"足"筒慢魚荷葉飯, 超正, 食物都好好味...

但.... 佢地既dessert就唔係幾得, 可能我真係冇食真(太short time就要返公司), 有樣野小心. 就係佢個lunch buffet (1-5)就包一杯drink, ..

Anyway, 係呢d高級hotel, 一百蚊多d就食咁多野, 超正