我爭扎好耐去唔去呢間日本嘢同阿媽慶祝生日, 之前openrice d 評語好差, 但有個朋友又話好好味, 結果都去咗! 哈, 又唔係咁差, 唯一係隻炸蠔細d, 海膽唔夠鮮味外, 其他都有水準! 有自己燒既牛肉, 勁好味, 好"林", 火鍋有幾種湯選擇, 6樣食物選 (蠔, 鮑片, 肥牛等), 又夠味道 我們四人都鍾意食鰻魚, 牛舌, 魚生, 炸蠔(雖然細, 但好好味), 胡麻沙律, 燒三文魚仲有佢地送既鵝肝多士! 當然最高興係有壽司蛋糕送俾我阿媽
另外地方又大, 報紙有coupon, $168變$148一位, 繁忙時間食足幾粒鐘, 有免費汽水任飲, 仲想點?!

和兩個兒時的朋友短聚, 因為家住好近九龍城, 有時經過都心思思想去試下o

我們選了星期六中午12am - 2:30pm 時段, 入內坐位濶落, 坐下已送上茶水, 落單食物快來 亦樣樣齊, 枱枱都送的sashimi 好新鮮 三文魚 好正! 茄子和南瓜天富羅幾好, 唯獨羅白容唔夠, 要叫waitress幫忙問廚房攞, 亦好快有 ^ ^ , 我同另外一個fd 都好好牛肉, 叫了一口牛肉(要自己用鐵板燒, 一碟大概有8-10粒(唔太細粒), 烤牛肉好快食得, 吃下第一口 已經哂嘴, 入口即溶 好有牛味, 立即叫要再來多一客一口牛!!! 我們中間都仲叫了好多嘢食, 其間waitress 不斷加茶, 收碟 和走埋來看人客有冇咩需要, 服務幾好, 另外我們+$28有細板海蟾, 不過不失, ... 最後我們點了火煱, 生牛肉和生蠔, 好快已來爐, 牛肉和生蠔料, 有菜底和"舉弱面食, 一樣啦! 牛肉好得, D 菜好新鮮, 我們都會再來, $88 中午放提, 好okay呀!

我們食到最差的有:
炸蠔 (粉太多, 蠔太細隻),
燒牛舌 (賣相太似午餐肉),
串燒雞軟骨 (應該唔係串住燒 係用炸粉炸的)

今次是我第一次寫食評，因為實在太睇唔過眼....
首先，D野嗌極都唔黎....
我地八個人，但係有好多段時間枱上面竟然可以冇野食....
平價及飽肚GE食物就係咁黎.....
蝦天婦羅就嗌左幾次都唔黎....
刺身就寫極都係黎o個兩三款...
總知呢度都唔係放題..
係佢地選擇想俾咩你食..而唔係你地選擇食咩....
總知就係想你食飽快D走人.....
第二，侍應服務態度惡劣，經常視而不見...
見佢地跟進下D食物..佢地反而叫我地寫過...
寫左幾張之後竟然又話冇野未黎...
第三，地點唔方便，九龍城其實大把選擇，唔需要o係O個度食..
雖然佢D野食OK...但係就完全冇誠意..
點解要去俾$受氣le!!!
咁做落去肯定會好快執...
行番大久保條路...

呢間野放題完全地唔得.

果日LUNCH有時間 見到拒D人派傳單 表面好多野食(紙上ONLY)

入到去 第一份刺身不錯. 點知原來系送既 唔系我地點既

我地叫果D刺身 80%冇供應 見到BAR台有供應的 經理居然可以話冇得賣(改左/LUNCH冇)

有果D都唔多新鮮(要叫人來退反的)

最不滿的是炒飯 3個人去 果碟飯夠5個人食 但其他野就勁細碟

一D好普通既野都冇 例如支豆/曼魚/

呢間野簡直穩笨!!!!!
唔值得去

今日聖誕節，之前一晚玩到好夜先返屋企，一早亞媽就叫醒我話約左好多屋企人一齊出去食野，咁好啦，見係聖誕節咋！

去食之前都睇過依間鋪既食評係麻麻，所以都唔抱太大期望，今次就等我分幾點去評分啦：

1.) 由於我地太多人喇，所以就分左2大台，不過都係隔離，雖然分左2大台，但台號都係得一個，所以第二台叫既野食，就永遠送晒去第一台。直到我地建議，佢先話分2個台號比我，不過.....野食照舊去晒第一台.....

2.) 有一位右手虎口位置"畫左公仔"既男侍應，態度奇差！我地明明冇叫既野，就格硬放落黎，我地表明冇叫到，佢就一張單對埋你到度話"我跟單出架"，我地再表明"我地叫既係冷烏冬，唔係熱湯烏冬，佢再一句得埋黎"係咪你點錯呀？！"..............嘩！真係如果唔係亞媽禁住，都已經同佢開左火，我地3個人，分3次點，都係點"冷烏冬"，又會3個人同一時間都點錯囉，唔比你同事入機個時入錯架！

3.) 剛剛以上既對話，有一位西裝經理同一位打呔男侍應目擊，不過佢地唔多理我地，只係望一望就行開！......原來......依d就係service！

4.) 刺身....只係食左一碟咁大把，而且仲係一坐低就送比你食個碟；講真，個碟刺身真係唔差的，不過有咩可能係2個鐘頭入面點左好多次不同既刺身都無黎到架丫？唔通又係我地點點錯野食？

5.) 有彈一定有讚，有2個女侍應真係好好，一個媽媽feel，我地叫親佢，佢都笑容滿面問有咩幫到我地；另一個就比較後生d，紮馬尾既女仔，佢又係好好態度！抵讚！

總結：同之前有位食家講既都係一樣，九龍城好既野食大把，如果你地唔改善你地既服務態度，被淘汰係必然既事；放題....的確好多香港人都鍾意食，但你地咁既態度，真係寧願坐車出旺角食！

個fd去過話好好, 但網評出奇勁差...搞到我未去之前都驚驚地..去完之後真係要幫口平反下...
首先, D人話service 差, 我反而覺得超好...
我食食下唔小心趺左筷子落地, 都仲未開聲要多對, 個靚女waitress 已經好細心好快手地扐過對新筷子俾我....
見我個fd 唔飲汽水只係飲熱茶, 又好自動自覺幫手+茶, 完全唔洗我地叫...
見個鍋少左湯, 又主動問要唔要+水...火太大, 又走過黎"教"細D火, 又勤收碟, 又幫我地換乾淨碟等等.. 咁好ge service..真係冇得彈...

其次, 食物方面
因為未去之前完全冇期望之下, 所以冇帶到相機影相....但食物大部份都好好食....三文魚同其他刺身都好新鮮, 好神奇地有樣叫蘆薈刺身, 去過咁多間放題都係第一次見(可能係我大鄉里), 雖然個名叫刺身, 但其實係蘆薈粒, 好清甜 (狂叫)...仲有枝豆, 我地唔食陣"衣"淨食粒豆, 再加多D 鹽上面, 好香好可口 (狂叫), 芝士年糕一D都唔漏, 有D煙韌同好香, 雞軟骨唔太油又好易咬好好味, 點左3次,如果唔係怕熱氣, 都會狂叫... 雞肉串燒個FD話D汁甜左少少, 但我覺得OK! (可能我鐘意食甜野la~ha) ....蝦天婦羅都好好食, 可惜仲有其他天婦羅冇試到, 因為個肚太飽了..雖然好想再試但都食唔落...唯有下次去再試la...仲有得打邊爐同自己燒鐵版燒...不過我冇食到, 得d fd有食, 所以不作評論..最後, 食到飽飽先知道仲有甜品送...又心思思想食下...係紅豆沙糖水
另外, 都有少少不足之處, 辣味抄蜆D肉都幾細粒..."饅魚飯"D饅魚都幾多骨下...不過其實我本身係想叫"饅魚抄飯", 冇睇清楚張紙之過...>o<...d 飯要自己哽哂去! 但總括而言, 我同朋友都好滿意食物質素!

第三, 價錢方面
我地由6pm食到9:30pm...因為朋借左張VIP咭返黎, 可以免+1, 一人只係$168, 又冇一般放題只係食得兩小時ge局限, 真係食到我地食唔落....

第四, 漏單情況唔多, 可能今日唔算太多人...上菜速度亦都唔錯

第五, 聽聞傳說中有個變態女經理, 不過我今日見唔到佢...好彩....

我係今年四月左右去過一次之後，真係決定唔再用佢既優惠券，唔會再去佢度食。都係因為今次同屋企人去左九龍城行下，先有番想頭去試多次，希望大有改善。（怪就怪我自己太鍾意食放題了．．．）

咁訂左六點半入去，成間野得兩張枱有人坐，而我地坐低左無耐，又係咁多次都係咁既問題：「先生，試唔試下食膽啊？」我地話唔駛之後，今次仲要「加強」攻勢，有另外兩個人再問番同樣問題，去到第三次個陣，我已經話：「我地咪話左唔駛囉！」學我媽咪講，食海膽就唔會刻意黎放題啦！

之後我地就點野食，唯一可以讚下既，就係佢既食物款式變過，而且多ｄ新款，認真唔錯！　讚完又鬧番啦，當我地交左張單比ｄ侍應，佢地竟然話我地點得太多，話成張紙只可以點六樣野（因為我地得三個人）。下？刺身：三文魚、甜蝦、希靈魚、八爪魚、赤貝、魷魚。夠啦！已經六樣啦！就想一次過叫埋壽司、炸物？唔駛諗啦！因為佢話要到左先可以再入單bor．．．．

我食過咁多次放題，都係第一次見到間咁樣既野！半年前黎個陣，佢地見我地點左某個quota之後，佢地先至會開始「炸型」，成日比藉口話我地點得太多，但係今次竟然不進則退，一黎到就我地點得太多，又話咩任我地寫份量，我寫左要十塊三文魚，最後咪又係得個三塊！

之後連續幾次都係咁樣比人限住，咁你做咩放題姐？又唔比人地任叫，我地咪叫個經理黎投訴，個經理竟然話：「無！無ｄ咁既事！」真係比佢激死，佢就話比番我地任叫，之後我地咪試下得唔得，一陣間又係比人話點得太多，我地咪即刻話：「你地經理比嫁bor！」佢地即刻無聲出，咪又係幫我地入單．．．．

雖然佢有好多優惠券同推廣，但係服務方面佢都未做得好，又做唔好「放題」既狀態，叫人地點樣去支持佢呢？佢既吸引程度已經大減，成晚都有半個場唔駛開，另外一半場都坐唔滿。（我諗無綫台慶無影響咁大啊？）不過，我都要讚下佢既食物係好有特色，而且刺身都算新鮮，ｄ款都算多．．．．．

食埋呢次之後，睇下會唔會半年後又去「測試」下，睇下有無改善？不過，我諗自己唔會再去了．．．．．．

尋日係飲食男女見到呢間野2周年紀念 推出中午時段48蚊任食優惠
今日走去同朋友試下
一坐低 有伙計走黎問係咪88蚊任食 我話:下? 唔係48咩
個伙計即刻黑面之後收起我地d單 話48只有壽司食
我話: ok 冇問題啊
點完比張紙佢 佢又問 你地嗌咁多食唔哂要逐樣計啵
up左一大輪 我話我地食得哂 好肚餓 我好想佢快d上菜囉
之後佢行開左 又到大經理行過黎重新講多次
我依家冇錢比咩 我出去出面隊蠔 次次30隻都係咁啦
睇我瘦就串我食唔哂?! 我依家比48蚊唔通我唔係客人?
佢話我地嗌左100件 要食哂先好

等左15分鐘先上第一碟 佢地送既頭盆 有8件壽司
我一食就知點解佢話我地食唔哂
壽司冇落壽司醋 有既.. 可能少少 但我食唔到
d飯好痴 食落成舊"囉"米飯咁
冇問題 我好肚餓 我真係肚餓到食左30幾件
蟹子壽司 d蟹子好苦
沙律多醬冇料 真係食醬咩
鰻魚切埋d邊邊比你 係人地唔要果d邊邊囉
之後佢同我講 d野食到齊

我啞左 算數 走人
齊頭每人52.8 一仙都唔比多佢

未食過一間日式料理既餐廳可以係難食到咁，冇心機整野食，服務態度部份十分差，咁既食店，可以點算。

話說星期日同屋企人食飯，阿媽話呢間野有優惠卷加上佢食過幾次都幾好食，雖然佢咁講，但我其實都有d保留，但佢老人家想去呢間野食，咁我將就下啦，點知.......

四五點訂左位，六點過到去，當然未有咁多食客啦。坐低後，當然好似之前既post咁講，有個妹妹仔食你試下二十八蚊既海膽啦，既然又唔係貴，咁我都要左一客試下既，其實唔太差，又唔係特別好食，二十八蚊係咁上下啦。

我覺得最奇怪既係食日本野，點解食食下，自己隻碟有好多湯汁......咁係因為佢又有燒烤，又有火鍋，感覺好奇怪。另外差既係壽司，飯又硬又冇味，一夾就散，再夾再散。

見到order紙有火炙三文魚腩壽司，咁我問侍應哥哥，可唔可以order三文魚腩壽司，咁廚房就唔使用火槍燒啦，點知佢答我: 因為係任食既，所以d菜式係整定架，冇得變架。我答: 下，d野食係整定架? 點知佢都話係...........

好，之後諗住問下經理，睇下有冇一個可以令人滿意既答案，點知換來既係成餐飯既一肚氣。
我同樣問題，男經理答: 冇架，d野食都係整定既，你地宜家食放題係咁架啦(佢老板，咁既答案令我更加火起)，不過我今次幫你同廚房講下啦，不過做放題，d廚師唔會聽到我地講野架(廚師聽唔到野??定係只係唔聽你講野??咁你做乜鬼經理??)
其實佢態度係極之差，我差d想破口大駡，但話晒我都係個斯文人.......

仲有d大閘蟹.......真係多謝晒，又冇膏又細隻，食左等於冇食，送既不如唔好送。

埋單時佢仲俾優惠卷，我都係還返俾佢，以後唔會再黎囉~~~~~~~~~~激死我。

唯一好處係有個小肥妹妹好好笑容，就只係呢樣可以讚。

雖然已經係4月食,但因為覺得真唔錯,所以一定寫!
一早知道呢區好多食美食,但因偏愛食日本菜,又見報紙介紹就決定黎!
但地點都幾難找.....因為唔識路,都找左好一回!
唔算多食物,而且因為人少,所以叫既數量不能太多!
但見有得打邊爐同可以自己玩迷你鐵板燒,都幾得意同新奇!
刺身食左幾轉都幾新鮮同好大件呀!可是每次的份量都好少,食得唔喉!
佢有個魚湯都超好味!我飲左幾碗,而且飲得出佢地真係用鮮魚煲,唔係味精水!!讚!
但熱食就差左d,炒蜆類多過肉!東坡肉就幾入味!
火煱配料雖然少,但都幾新鮮!
壽司除左係舊好散之外,都冇乜問題!
咁啱4月係每人送一件羊扒,呢個都好味!夠熱~
迷你鐵板燒自好好玩~但金真係熱就好鬼耐,因為只係靠個小火,需時都幾多!不過牛舌朋友話好好味,叫左幾次~可能自己有份燒0掛
串燒係唔夠熱!
同埋呢到既侍應不足,經常冇人理!
一定會再去!!!!!

十個差.......:

炒雜菜好似用油浸....
炒飯無味...
壽司唔好食...d 飯好硬...
叫左碟長腳蟹壽司...D長腳蟹超級"乾爭爭"
炸物好油...同埋炸左好似仲難食過唔炸
刺身麻麻地..有d 唔新鮮...
d Waiters 服務態度麻麻...


一定唔會再黎哩間野食囉!!!!
價錢唔算貴~~但食物質數真係超級差....

i visited the restaurant twice..also dinner buffet..for me..it's really ok woh...

sashimi is fresh.....staff is fine (of course i will not expect 5 stars service)..no order missing at all..even i ordered only one stick of chicken skin..also did not miss...

all orders arrived my table within 5-15 mins...

so strange that it got so much poor comment..or lunch buffet got big difference with dinner one?

一行五人黎食放題.......

刺身選擇不少而且鮮甜......有三文魚..甜蝦...北寄貝..甜蝦...希靈魚等....
蟹子沙律用上我最愛的"bb沙律醬"....特別好味
蟹棒壽司:如果蟹棒上面有d沙律醬會更好...
蠔鍋: 蠔都幾新鮮...湯底甜甜地..有適量配菜....不錯...
炸物:頗油膩
罐裝可樂...雪碧任飲......

題外話一代o係openrice 有好多喊臉.....
親身試過後都唔係咁差......
而且都座無虛席.......
咁點解會有咁多喊臉.....實在不得而知.....

爲了打呢篇野...先開個AC
希望有意去呢間野食..真係請三思..三思..再三思

本身山長水遠去到食日本放題
第一次去呢間..門口標的價錢很合理,閒日$168+1
一行7人..比左間房..環境都好舒適
1.點知,一入去...間房係臭的
好地地一間有冷氣房都要放風扇..仲要壞既
2.服務態度勁差
落單幾次,叫十樣野食,泥三樣
每次催單都當無到,聽唔到算數,總知扮唔記得
WAITER咁拎住個盤,都可以跌晒D食物落地,總重要係佢又扮睇唔到,
D食物係地下照擺唔理,等發臭
食放題要食到每碟食物相隔十幾分鐘泥一兩碟,慢到呀
3.食物質素勁差
未試過食日本野差到咁..
壽司...飯硬兼諧..跟本就食唔落口...百佳D壽司都好食過佢
小食
D熱食炒粉麵...拎過泥一食落口係唔暖又唔熱..
有D食物又苦又霉...唔知想點
佢送現金卷比我都比返佢....一間根本唔會食既餐廳
真係好難食

壽司d飯唔知點解可以咁難食,
又大舊又''鞋'', 冇諗過有壽司既飯係會難食..

$48午餐既選擇本來都唔多. 咁我都算喇始終佢咁平.
但係d選擇少得黎, 當中仲要有3,4樣比較貴既係冇得供應!!
令到選擇更加少.

開頭個頭盤d野幾好~~ 幾新鮮~~
點知愈嗌d野愈難食.
尤其係三文魚.
黑哂不特止. 仲要咬唔開!!
第1次食唔可以1咬咬得開既三文魚.
搞到我即刻dum底唔敢食.

總括黎講果度d壽司,
係可以用<吉x島同x佳超級市場既壽司都好食過佢>去形容!!!!

果度d人又衰.
在場有1個日本人(?) 我唔肯定. 總之係外國人.
問左好耐又揀左好耐.
我聽到有個員工行開左之後細細聲話"幾廿蚊都揀咁耐"
雖然唔係對住我講,但係我聽到都好un耳.
衰到咁都有.

總之依間野無論如何都唔會再黎!!!!!
下次都唔會貪平!!!!!!
今次當買個教訓!!