呢日去到沙田，心血來潮好想食呢間。都好耐無食過呢度既漢堡，但上次唔
記得加牛肉汁，今次記得啦。雖然係放飯時間，但人唔算太多。

牛肉煙肉芝士漢堡牛肉依然美味，好有肉味而且juicy相當。那塊微溶
的芝士真的美味，唔似得那間強調足三兩的漢堡店的芝士和牛肉是無乜味。
這漢堡的水準絕不是與那\間漢堡店可比較的。
炸薯條雖則是很普通，但炸薯條係新鮮炸既。好有薯味又夠熱，
呢先係薯條嘛。
牛肉汁雖然要加五蚊先有，但好濃既牛肉味已值回票價。用黎點薯
條就幾好食架。
藍莓奶昔真係無浪費我既二十大洋，好夠奶味但又唔會無哂藍
莓味。真係好好飲。

雖然價位比其他快餐店為高，但食物質素高人一等。間中食下都可以既。

今天和女朋友到沙田，逛街前當然要去補充體力，沙田新城市的食肆不少，不過中午時份，到處都人頭湧湧，想不用等位，不是沒有，相信Triple O會是其中之一。一提到Triple O，第一時間不是想到漢堡包，而是想到奶昔（詳情請參閱食評---《誠意推介》）即然女朋友沒異議，於是我們便向Triple O進發了。

如我所料，Triple O果然不用等位，正當我和女朋友想著吃什麼的時候，我看見一張醒目的Poster，宣傳最新推出的OOO魚堡（雖然Triple O的漢堡牛肉一向有口佳碑，不過即然有新款式，加上是魚堡，那就一定要試一試了）女朋友付責Order，我就要了一個OOO魚堡Combo，當然外加一個藍莓奶昔。結果回來時發現女朋友原來亦叫了一個OOO魚堡Combo，不過她則要了Zero。

OOO魚堡

單看賣相已經知道份量十足，包裝紙外附上一块檸檬（根據宣傳牌上所示，精選優質紐西蘭魚柳，鮮嫩無比，灑上醒胃檸檬汁，OOO！）既然如此，當然要跟足指示，吃前先灑上檸檬汁了（雖然我不太信這一套！）打開包裝紙，看到包及魚柳跟包Size相若（不會出現一些漢堡包店，廣告的魚柳大大，實際則縮了水的貨不對辦現像）看得出魚柳相當新鮮，色澤金黃；用油新鮮。灑過檸檬汁，一口咬下，麵包新鮮鬆軟，魚柳香脆鮮嫩，配合沙律醬，吃出淡淡的魚肉味道；加上大量的新鮮生菜及檸檬汁的調味，味道非常清新，OOO！

薯條

第一次和女朋友各叫一個Combo，原來兩份薯條也有相當多的份量。薯條是粗身的一種，色澤金黃，單看就知道新鮮香脆。吃著外脆內粉，薯味濃郁。加上一支Heinz茄汁放在枱上，放多放少任君選擇，的確比一些加大薯條也只給一包半包的茄汁來得闊綽多了。

藍莓奶昔

藍莓奶昔入口香滑，奶味濃郁，但沒有掩蓋藍莓的香甜，甜度適中，那種Creamy程度，令人一試難忘。再次印證了即叫即製的新鮮奶昔與預先製作的是有天壤之別的，額外加二十個大洋總算沒白花。

其實一直沒有留意Triple O原來是沒有魚堡的，今次新登場的OOO魚堡真是不鳴則已，一鳴驚人。質素是眾多連鎖漢堡包店中首屈一指的。相對於其他牛肉，豬肉或雞肉，魚柳的清新宜人的確如別不同，令人回味再三。近期正值某漢堡包店推出十個大洋一個魚柳包的超值選，相映之下，OOO魚堡以四倍的價錢推出市場，不過在重質不重量的情況下，OOO魚堡所帶來的滿足感絕對比十個大洋一個的魚柳包超出四倍，OOO！

Berlin

(1) service

叫左個 BC Burger set meal
個 cashier 服務嘛嘛 , 有小小黑面
同MOS一樣, 有人送個餐黎你張桌子, 呢點我鍾意


(2) BC burger

價錢貴一倍但冇乜特別 , 不過 size 比 burger king , M記 ,..D大
( 我住外國時 , 成日食BK , M記 )

(3) French Fries 法式炸薯條

size 大 , 味道一般

Overall

都係得個大字 , 味道一般

ps : 下次會試埋個 mushroom burger

叫咗個 Mushroom Burger Combo, 餐飲轉 藍莓奶昔，個包嘅份量實在好大，加埋薯條真係飽到不得了。而且個 Mushroom Burger 都幾油膩，見到個面包索晒啲油，不過啲Mushroom 同個漢堡確實係好好食。

藍莓奶昔 - 就無想像中咁好味，只係比一般奶昔無咁甜，同埋感覺新鮮啲，不過就無咩藍莓味，要加二十元就真係好貴咯！

5-9-09

放工後到沙田, 已是3時了未食午餐, 友人連早餐都未食
星期六的沙田, 四圍都咁多人, 好難搵位

友人order了深海魚堡餐, 仲加多一個18元5粒的puff
個burger上放了一舊lemon, 同d魚柳一齊食, 好正!!!
可能我孤陋寡聞, 真係未試過咁食, 魚柳咁食能夠帶出魚的香味和脆口~
正!
但友人話triple o 的主打都不是魚柳, 下次都係食返牛肉burger好d~~
佢的薯條好遲上, 可能佢等一堆order先一齊炸, 新鮮點掛~

而佢果個puff, 雖然同triple o有點九唔搭八
但佢個味又真係幾好, 賣相又不錯
puff內的cream很凍, 而puff上的白色野不是cream, 而是會融的雪糕cream
加上d朱古力醬, 真係好食~~

其實, triple o 雖然好貴, 但是佢都有佢的價值的~~

今日同個FRD去食BURGER,我地叫左個蘑菇漢堡SET， half 同個FRIEND一人一半，再加左個MILKSHAKE， 首先講講個milkshake, 幾好味，好濃，但系我怕肥，所以就系飲左一啖～～·薯條系厚身連皮炸既，可能系個薯條厚啦，所以唔脆，反而有D粉粉地·～～個人比較PREFER BURGER KING'S既薯條，burger king's既薯條真系好脆～～講翻個BURGER,幾好，真系有D 大，無錯，真系幾juice囖，蘑菇都OK多·～個包超軟， 總體來講OK啦，希望薯條再脆D啦·～～·下次我想試下銅鑼灣果間既burgeroom啦～·

次次去親都係食個BC BURGER .. 因為太好味 >333333<
本人因為中意食厚切FIRES .. 所以更加對TRIPLE O 情有獨鍾 ..
之前SELL過一隻牛肉汁FOR FIRES架 .. 但係就覺得無咁夠味 .. 聞就好香 ..
最鍾意佢細心地將酸瓜分開 .. 因為本人唔中意食酸瓜 XD
個MILK SHAKE 都好好飲呀 .. 不過貴左D囉 .. 如果有得係個MEAL度加$轉就好D .. ANYWAY .. 我會寧願俾多D錢食好D既BURGER都好過食M記 ..

男友是個嘴刁的人，也捨得吃，
可是我想他儲錢，而且以前我介紹佢吃貴野，都是彈，
於是近來開始搵平野食，效果好好，聽到佢讚我都開心。
原來，不用花錢吃貴野，也可以吃到好野的。

某天行沙田，正在想在市廣場頂樓吃，或地庫吃。
結果選了這間（其實一早想試）

快餐食物俗稱垃圾食物，5X-6X一個MEAL其實幾貴，二人吃了$12X元，是麥記幾倍，但係好值WOO。

魚堡-好味！好有細個吃魚手指感覺，但是更好味！厚厚的魚，外表很脆，有兩個脆位，一個自己吃，一個俾男友，佢都話好正！（本來佢係吃這個的）
煙肉漢堡-就好似睇味吉楊一咁，佢咬一啖，呆左，我男友讚好味過BURGER KING好多(機場那間)，當然後來覺得我的魚堡更更好味，上面的大酸瓜我吃，正。
汽水-男友竟然連汽水也讚好味，真誇張！我用魚堡塊檸檬做自製檸樂。
薯條-好香薯味，男友中意吃連薯皮的，不過要快D食。

食完好開心，第一次聽到男友有讚冇彈的，仲要幫食店講說話，話雖然貴麥記咁多，但份量大得像吃了二個麥記餐。
不過，建議一男一女吃，一個叫餐一個叫包同汽水好了，因為份量太多啦。
食完這次後，每次去麥記都會諗起呢間，好想再食呀！

那天女朋友到沙田辦點事，我們相約到沙田逛街，原來女朋友一直未有吃飯，時近四點（女朋友應該餓過頭了）本應這個應該是食Tea的最佳時間，可女朋友卻想吃Triple O（但她又吃不下整個套餐．．．．．．）不過說起Triple O，我最想試的不是它的包，而是它的藍莓奶昔。（朋友曾介紹說Triple O的藍莓奶昔相當好味，可久聞其名卻無緣一親香澤．．．．．）因此聽到女朋友說要吃Triple O，相想來也不壞，我可以因利成便試一試那杯享負盛名的藍莓奶昔。（奸笑！！）

Triple O在沙田新城市廣場來說算是較容易「搵位的食肆」，要知道其他食肆在這段Tea Time的黃金時段也是人頭湧湧的。我們找到座位後，女朋友便出去買食物了。女朋友買了一個Mushroom Burger Combo，跟餐會有薯條及加二十個大洋轉了杯藍莓奶昔（女朋友一直在說藍莓奶昔很貴．．．．．．汗）

Mushroom Burger

女朋友未吃飯，因此主力吃Mushroom Burger，不過女朋友也給我試了兩口。麵包很新鮮鬆軟，漢堡牛肉即叫即煎，味道很香，吃著很有肉味（跟一般普通的連鎖快餐店的漢堡包的確有相當大的分別），漢堡牛肉本身亦很Juicy，吃著很多肉汁，味道相當吸引。Mushroom亦非常新鮮，吃著充滿新鮮磨菇的香味；配合香濃味美的漢堡牛肉，一清一濃的配合，相當搭調。（這個Mushroom Burger的味道真的非常好，不過始終女朋友未吃飯，我也只是淺嚐兩口就沒吃了）

薯條

看似不多但其實份量不少，女朋友吃罷Mushroom Burger後已飽了不少，因此我就幫手吃些薯條吧。薯條炸得非常新鮮，薯條夠粉而充滿濃郁薯香。茄汁用上Heinz ，女朋友說Heinz的茄汁味道較好，酸甜有緻，味道較其他品牌優勝（嘴尖的女朋友可是相當講究的）

藍莓奶昔

我和女朋友喝過一口後，直有驚為天人的感覺。藍莓奶昔冰凍香滑，奶味濃郁，但仍不失藍莓的清新香味，甜度適中；奶昔是即叫即打，而非預先製作，因此入口特別香滑Creamy（如果是預先製作的話，奶昔中的水份容易浮面，入口感覺轉差，味道出現濃淡不均的情況）奶昔能做到如此水準，相信是用新鮮雪糕及鮮果打製而成（自問飲奶昔不多，不過Triple O可說是我飲過最好喝的奶昔了）

Triple O的價格並不便宜，一個Burger動輒索價四十多個大洋，但我覺得它的質素對得起這個叫價（普遍的漢堡包連鎖店我也有光顧過，McDonald, Mos Burger, Freshness Burger, Burger King等份量及售價均各有不同，雖然Triple O在當中佶價最貴，但在性價比的前提下，我對Triple O性價還是有相當高的評分）Triple O有自己的分店，在Cooked Deli亦有分店，本身覺得獨立的分店會比較光潔及舒適，坐位亦較佳（沙田，灣仔及中環分店均是獨立店）漢堡包本身質素高，但Size亦很大，食量不太大的看官有可能會吃不下，又或者吃過包後已經沒有餘裕再吃薯條了．．．．．．藍苺奶昔絕對是我的誠意推介，各位看官如喜歡奶昔，絕對值得跟餐加二十個大洋轉奶昔試一次，就知道箇中虛實了。（雖然單點奶昔更要三十多個大洋，但如果想飲高質素的奶昔，我會願意負出這個價格的，畢竟不是什麼地方都能提供一杯如此令人回味的奶昔呢！）

OOO's 一直係我心目中都算係名列前茅既burger，見好耐無食過佢，今日還掂要去開火車沿線，就諗住特登去食下啦。

去到都唔係好多人咋喎，由於我並唔好薯條，又唔想飲汽水，所以淨係叫左個mushroom burger食。
個包一黎到掂下佢，真係好熱辣辣呀，要吹涼一陣先食得，哈哈。有塊大青瓜，我將佢擺埋係個包入面一齊食。食第一啖真係有滿足既感覺，佢有好多磨菇呀，d磨菇周圍飛，就咁食d磨菇都覺得好好味呀。

佢個包好juicy，有好多汁係入面，一d都唔會有乾既感覺。不過我覺得唯一有樣野唔好就係塊牛肉好似煎得耐左少少，過左火，有少少乾既感覺。但佢本身係好有肉味的，所以overall黎講都係好味。

不過所謂一分錢一分貨，佢一個包仲貴過人地一個餐既價錢，咁我覺得佢當然要俾返咁上下質素既食物我啦，如果唔係邊會有人幫襯佢呀??

臨新放榜~同個朋友一齊去左沙田搵食
一直都好想試下Triple O's d burger!!所以就去食囉!~
點左個雞扒包餐跟可樂~跟住佢就會比個號碼牌你,你坐定定等佢拎比佢就ok=)
不過講真~有d失望~因為佢塊雞扒好"鞋",而且冇咩雞味~~係個汁補救返!!(酸酸地~好開胃!)講埋d薯角~我feel都ok~不過唔係脆,比較淋身~但係熱騰騰食完真係飽到上心口!!
下次去一定要試下佢個mushroom burger!!我諗應該會好味d!!~~~~

今日經過這間餐廳, 見有好多人正在食這個貴價漢堡, 心想一定有原因, 於是即刻坐低試試, 它的價錢比老麥要貴一陪有多, 我揀咗個魚飽套餐, 有一個魚飽, 有杯機充可樂, 一盒薯條, 打開個飽時, 嘩, 第一個飽唔熱, 第二包住魚柳嘅炸粉厚個塊魚, 而啲炸粉又充滿油, 真係一啖都唔想咬, 買餐時個職員仲問要唔要芝士, (加芝士係要加十蚊, 但個職員無提過要加錢), 塊芝士薄到風都吹得起, 又無芝士味, 加咗等如無加, 實在太另人失望!!!

未試過嘅朋友真係唔建議試, 成個餐要73蚊, 但無收到價值73蚊嘅嘢!!!! 實在不應鼓吹不良餐廳繼續經營!!!

每次經過想食Triple O's
但最後都會走左去格黎o既crysal jade

今次終於的起心肝一試

叫左個<煙肉芝士包餐>
煙肉好碎好香
牛肉好JUICY

漢堡包黎講價錢算貴
但係絕對比MOS BURGER &BURGERS KING好味好多
下次一定會再黎過

不過我唔鐘意食厚切薯條
所以覺得唔好味

吃過2次triple o's了

**第一次試mushroom burger........
真係好大個包呀
-mushroom份量夠,又多汁^^
-beef patty唔算厚,但面積大補番數
-薯條....終於真真正正食到有"薯"味既薯條!
m記個d.....食一條口渴到要飲3啖水
呢度嘅好厚肉,食完你真係會覺得填滿左個肚
而唔係食左幾斤鹽

**尋晚去左食original burger
份量依舊十足
-呢個包有beef patty,lettuce&tomato
感覺上fresh d
-上次飲coke,今次熱咖啡
杯咖啡好滿!
加左creamer之後要好小心,因為滿到好易瀉

**偷食左小小魚堡, 好鮮味!
我決定唔再去m記

** service ok,因為嗌左4個餐,個staff重複左2,3次邊個包打邊個包
唔駛混亂 (雖然張包紙印住係咩包)

去到沙田行街,見到有Triple O's 喎,突然好想食Triple O's 既薯條呀~
外皮脆卜卜,又熱辣辣........!!粗薯條真係好食好多~

感覺上個飽唔夠新鮮,好似唔夠熱辣辣,扒肉汁一般唔算太多,沙律醬汁依然美味.

都係尖沙咀果間好味d