好耐以前聽903介紹已經好想食，但一直都冇機會，今日去灣仔考試，經過，終於有機會一試。(其實唔係好sure 係903講個間)

叫左
1.雞扒+司華力腸芝士撈丁

個芝士汁好好味，唔會太「漏」，個麵都好重芝士味
芝士汁份量岩岩好，食完個麵o的汁岩岩冇哂，唔多唔少。

但雞扒+司華力腸好一般，芝士味唔重，司華力腸仲要係「錄」唔係煎。個人覺得煎會好味o的。

2.熱華田

冇咩特別，正常一杯華田

呢間野冇咩野揀，主力sale 芝士麵同番茄餐，雖然係咁，但佢的芝士麵真係幾好。

P.S. 不過可能係因為我冇食過其他地方的芝士麵所以覺得好好味 ^^

之前係附近上堂，夜晚 9 點幾先落堂。

係呢條街來回搵野食既時候，就係呢間舖頭門面貼的明星相吸引左我入去。

一入到去，全是唔太紅的藝人的照片。

見到牆上報紙的介紹，我也姑且叫了芝士汁芝心丸雞翼撈即食麵加熱檸茶。

感覺個麵就係靠 d 芝士汁暖住佢的，個芝心丸亦都唔係太熱，明明我見佢係即刻煮俾我的...可能怕我燙親。我覺得呢個麵就唔算好特別，不過芝心丸我係出面又好似未食過佢呢隻，一試都無仿。我自己就覺得 $36 會多少少野，見到佢將隻本身已經好細隻既雞中翼，再切開一半上，熄份量令我真係有 d 錯鄂左一下。

同其他網友意見差唔多唔係好抵食，貴左少少，我覺得試一次都無仿既。

行過諗住都有d人食wor~又好似幾多明星食過~應該ok卦~
就咁入左去~睇餐牌已經覺得被呃ga la~得幾樣野食~
叫左芝士豬頸肉撈公仔麵~凍O檳~
O檳超冇味都算~當係多冰~
個芝士撈麵仲話招牌~"lam"到爆~得有芝士gei先有味~
仲要收成40蚊~荼餐廳都好過佢!!!

要左碗豬頸肉芝士麵 + 凍ovatine
芝士幾香幾濃 撈埋公仔麵依個配搭係幾新鮮
不過如果整熱少少就更加好
反而係個豬頸肉格格不入...幾爽不過佢好大陣蜜糖味...
芝士既咸味加埋豬頸肉既甜味幾怪下
同埋個汁冇gum漏應該會好d..

食完未至於覺得驚為天人..
不過try下都無妨 , 因為份量唔算多..而且芝士有d漏

$38有些少貴...不過都幾特別,可能會再光臨的!!

碗野擺上枱時真係覺得好鬼細碗，個汁比我想像中好少少，其實幾有新鮮感，
有d似食緊龍蝦伊麵既感覺，不過豬頸肉切得太過簿了，好似食普通豬肉片咁，失望呀

另外叫了鮮油奶多，好味喎，又唔貴，其實個餐牌都係貴在加左”芝士”兩個字既產品o者，
下次黎或者食其他野會覺得抵食d

好在我杯凍奶茶又幾好飲喎　今日人少少坐得好舒服

放工去食 dinner, 時間仲早, 唔爆.

芝士汁撈公仔麵 (雞扒+司華力腸) $32: 個芝士汁好味, 不過天氣凍, 好快已經唔"醬", 硬硬地有 d 難撈. 食完超級滯, 強烈建議唔好配雞扒 and 司華力腸!!
沙嗲牛肉包 $20: 好普通, 唔夠醬, 可以再濃 d. d 牛肉好明顯落左鬆肉粉, 差!!!

兩個都跟一杯 hot drink, 叫左
熱菜蜜: 唔夠蜜, 水太多, 茶餐廳都好飲 d.
熱奶茶: 太重奶味.

overall 都不太滿意, 有 d 唔明點解咁多 magazine 訪問....
如題, only 芝士撈丁值得試一試.

星期日睇完亞叻個飲食節目, 第二日剛好經過灣仔, 見到一間叫 "新記" 的食店入面貼了不少明星照片, 於是再看看餐牌上的豬頸肉芝士汁撈公仔麵, 估計是昨晚電視介紹過的食店. 雖然當時還未到 11:00am, 但都要試一試.

Thxdtsdd 點了一碗豬頸肉芝士汁撈公仔麵加凍啡, 當時只有 Thxdtsdd 及另一檯客人, 不過都要等了 10 分鐘才有得吃, 做食物的效率不高.

這碗豬頸肉芝士汁撈公仔麵雖然很細碗, 但都幾好食, 特別是香濃的芝士汁, 吃落絕對有類似吃龍蝦伊麵的感覺, 至於豬頸肉都 ok!

這頓早/午餐盛惠 $38, Thxdtsdd 覺得雖然幾好吃, 但就略貴了, 而且碗麵太細了, 女士吃都 ok, 如果男士用來當作午餐一定不夠的.

見鋪仔細細,但就人頭湧湧,就諗應該唔差啩!見呢度招牌貨似乎是芝士汁撈公仔麵,我揀了雞扒,金菇芝士汁撈公仔麵,凍咖啡(比較甜)

芝士味都算濃,而且食完唔會太漏,至於雞扒和金菇就冇咩特別,普普通通,至於價錢也差不多,我係第二度食都要大約這個價錢,但嚴格d來說,這款食品又真係唔駛太高技巧都做到嘅! 整體來說,唔算太大驚喜,唔知下次叫川椒牛肉撈麵會唔會好d呢??

我食過兩次，都係芝士公仔面撈豬扒牛扒，成pat芝士連d肉塞入口o個陣又甜又咸又濃又杰又牛奶味又肉味令人滿足，食多幾啖係會膩但你都差唔多食完啦，我唔覺得$3X係貴~~~

夜放工, 又是時候到灣仔區尋食了, 在交加里一帶, 特色食店不少. 有好幾家店都人頭湧湧, 有吸引地方, 但人多多, 地方淺窄, 始終是一個拒我於門外的理由.

轉個彎, 一樣小食店林立, 留意到一個特別的招牌, 芝士公仔麵....又幾有新意. 咁當然要試下.

用得黎做招牌, 當然是今餐首選 豬頸肉芝士麵

一碗, 芝士鋪面的一碗野, 甚是特別...用筷子撩開, 公仔麵在底, 芝士蓋過公仔麵及豬頸肉, 豬頸肉食落非常甜口, 芝士味加上去, 果然好特別的一個配搭.

食完去一去188看看, 沒有收獲.

久聞其名,今日終於去左試,原來下午茶唔包芝士撈,要左煎蛋，鷄扒芝士撈公仔面，份量好似少左D,芝士又好似少左D,因我期望係勁多芝士，食食下芝士已經索晒，其實咁既一碗面根本唔值咁既價錢，其中一個男店員，肥肥地個個成日係門口食煙，D煙仲吹番入來添，佢純粹賣創意je,我都係純粹一試，應該無下次．

好肚餓呀! 友人I 同im so hungry約我食飯提意去食芝士撈丁! 啱晒~ 可以滿足我肌餓既慾望

穩陣d要碗豬頸肉芝士麵 + 凍奶茶
芝士幾香幾濃 撈埋公仔麵依個配搭係幾新鮮
如果熱dd就更加好
反而係個豬頸肉格格不入...幾爽不過佢大蜜糖味...
芝士既咸味加埋豬頸肉既甜味好怪
雞扒應該會好d

食完都幾飽
不過冇講到咁滯 因為份量唔算多 只係芝士有d漏
定係因為我依排食大左個胃??

友人im so hungry的雞扒+蛋芝士麵都好似幾吸引
如其他食友講 蛋係溏心的~

$38有些少貴...不過幾特別可能會再光臨

下午茶時時段，經過呢度

見到森小d相，記得dj們都講過豬頸肉公仔麵好好味

於是就貢左入去試

最出名o既芝士豬頸肉公仔麵 就冇下午茶特價

賣$36蚊 連一杯熱飲

我本身好鐘意食芝士焗龍蝦d 芝士

但係呢度個感覺唔似果d...似係芝士加白汁咁，所以感覺都唔係好膩

有機會會去食多次尖沙咀總店

下著大雨的午飯時段，別人都躲在室內叫外賣之時，正正是街上路人稀疏的時候。上星期因為時間夾不上來和跟同事去用膳，所以來這裡試菜的日子一推再推，終於今天有機會了~

小店的位置著實有限，還好人少而不算迫夾。坐下後看看牆上的餐牌，不太想要豬頸肉而改要雞扒和煙肉。

凍奶茶忘了要少甜，最後奶茶變成了糖水，喝了幾口後實在受不了。令我罕有地要，棄之~
主角出場，碗一放下便一陣強烈的芝士味撲向我來。這個高卡路里的麵食份量看上去雖少，但是實質是重量級飽肚能力。煙肉的煙燻味溶入到芝士中，味道自然多了一分層次感。公仔麵是我喜愛的有點煙韌，麵身沾上芝士汁後就如像吃芝士般，味道實在濃到不得了。

價錢方面不算便宜，不過其獨特味道也算是值得多付一點錢的。

早排睇到KC兄有關芝士麵的食評，朋友又在Blog上話剛食完新記芝士麵，搞到我心郁郁，於是放工一條友走過來食碗麵。

二話不說來一碗豬頸肉芝士撈丁，雖然麵不是太大碗，但芝士鋪滿麵上，未食已知會十分漏。撈勻，吃下，芝士確是香口，豬頸肉亦淋亦入味，味道是不錯的。不過一如所料，太漏，吃完一碗後不太好受。

一杯凍檸茶消消滯，簡簡單單又是一餐。