補返之前既食評~

星期五晚約好朋友仔食飯....7:10pm到竟然fully booking, 如果真係要食就8:15pm交枱..
好lor, 一個鐘都ok

一入去個裝修幾grand, d野一定唔平

兩個人叫左:
鴨舌: 冇為意佢係事先撈左d芥辣....攪到好"公nose", 越食越感動, 不過鴨舌相當肥美~

樟茶鴨: 得兩個人所以叫半隻, 份量不多, 但肉質唔錯, d皮好脆口, 有d包仔拌碟, 又有醬點(係片皮鴨既醬), 其實同片皮鴨一樣, 係多左d肉 je~

兩面黃:好似炒米粉咁, 上面有蝦仁,芽菜, 冬菇絲....好淡口, 唔推介

豆酥魚: 好正呀, 雪白既盧魚上有一pat好濃味既醬(係好似麻醬既味又爻仗夾雜左d豆蓉), 有三條露旬伴碟

盧打滾: 係甜品, 其實係甜薄餅包住椰絲同花生, 不過佢係即做既熱辣辣, 都ok ge

用ae card兩個人有半價, $286埋單, d waiter 服務好好, 成日加水又幫我斟茶~

行街前ＢＯＯＫ位，７：３０去食。

佢比左個二人位，係出口附近，每次有人開門都好熱，叫人轉位，即轉，ＯＫ啦！

食物：
醉雞 - 酒味道唔錯
小籠飽 - 味道一般, 上湯很小
賽螃蟹 - 蛋白味不錯
餃子 - 煎得幾好

可以再試

今日約了班朋友去左平時好少去的銅鑼灣吃飯(因不是港島人啦)，原本想吃囍宴，去到先知裝修緊，臨時轉場，去了食通天，又接近間間到冇位的情況下，入了洞庭樓。

其實我自己就食過一次，但我的朋友就未試過，咁就三人叫了四個餸啦

鮮茄蝦仁鍋巴:好食，因個汁夠熱，鍋巴冇油味
樟茶鴨:好香，第一啖似食脆皮豬肉乾，但D肉出奇地嫩，不過背部肉少
砂鍋雲吞雞:湯清甜，雞肉嫩但不肥，不過都係雲吞好吃
蒜蓉粉絲津白:清清地，不錯

但可惜的是沒有時間叫甜品，不過可以坐好耐都不用催交枱值得一讚，有時出街食飯就是求可以享受一下食飯歡聚的時間^^

與女友的家人吃晚飯，當然要挑一間坐得舒適，食物質素穩健的酒樓，其實也不難選的，在美心集團中挑一間就成了，準沒錯的，但往往也當然不會有什麼驚喜，今天我和女友挑了位於時代廣場的洞庭樓，地點方便易找，環境舒適，價位也不會太過份。

大家也準時來到，見在場裝潢真的很是華麗，心想果然是美心集團的酒家。此酒家賣的是湖南菜，即湘菜，大家可能也知道，此菜系跟川菜一樣也是辣辣的，但跟川菜不同的是，除了辣，它們的菜式也是很有鹹勁的，而且油重色濃，茨大油厚，鹹辣並兼，但再看看餐牌，除了正宗的湘菜外，也另有很多不同的菜，比較清淡，正好合大家的胃口，所以美心酒樓的好處也在於此。

經過一番議論後，最後決定點一個一品窩，是湯類來的，有口湯喝喝，是一個好的開始，另外再點上數樣小菜，分別是醋溜魚塊、雲南小瓜山珍菌、咕嚕肉及三杯雞，另再來一些澱粉質，分別有點心代表的煎鍋貼，麵的代表是牛肉擔擔麵，最後是飯的代表揚州蝦仁小蔥炒飯，也應該是夠吃的了。

先喝口湯，一品窩內有津菜、粉絲、金華火腿、竹笙及花膠，也當然的是有高湯，湯以豬骨熬出來，喝起來滲出淡淡的豬骨香，味道偏淡，豬骨味也不夠強，但隔油的功夫做得很不錯，而且全無味精，也是值得一喝的湯，加上津菜粉絲煲得軟腍，竹笙爽口，花膠有咬勁，六個人分每人也可有碗半的，也蠻抵吃。

首道來的菜是較開胃的醋溜魚塊，魚塊有咬口，肉質爽爽的，不是梅腍腍的貨色，明顯地是以新鮮魚起肉，絕對是誠意之作，而魚肉表面沾了黑醋煮的茨汁，帶有微微滬式黑醋香，雖然濃度不高，但香味很夠，這是用上好醋跟次級貨的分別，而伴炒的木耳爽口，整體來說絕對是有水準的作品。

再來是吃一味雲南的小炒，是雲南小瓜山珍菌，此處的小瓜，吃下口根本是翠玉瓜來的，而珍菌分別是蘑菇、白靈菇、雞脾菇、牛肝菌及鮮冬菇等，再加一點甘荀片及芹菜，與醬油及茨汁同炒而成，令我稍為驚訝的是竟然沒有雲南特式的茶樹菇，但吃下每種菇菌也是鮮嫩，沒有梅梅快爛的感覺，而且鹹度剛好，熱騰騰的來吃，也不會難吃的吧。

之後來到食肉獸的世界，先來被品嚐的是咕嚕肉，製法也不用多說，因為此品也絕對是港式的小炒也是常見，吃下一口，外脆內軟腍，肉塊炸得夠脆，內部的豬肉不嚡口而有點肉香，汁也是煮得酸甜平衡，但稍為要彈的是有太多汁未能扣上肉塊，是火侯的問題吧。

另外的肉類小菜是三杯雞，也很合香港人的口味，啖啖雞脾肉，真的疑惑從哪兒來咁多雞脾肉，而且雞脾肉雖嫩口，但沒有雞味，也幾可肯定店家是用雪藏的雞脾，莫非真的是大勢所趨？始終雞煲來說，個人反比較欣賞每個部位也有一點點，但煲菜來的時候熱騰騰，鹹度也夠，茨汁也全焗進了雞件內，所以也是好吃的，但稍嫌酒味有點不夠，絕對是有至少上述兩個地方可作改善。

最後也來吃吃點心，煎鍋貼煎得脆底香口，在內的肉餡豐，吃一口也真的美味，比外邊很多所謂上海點心的專門店好，但若肉汁多一點會更好。

六個人也點了兩碗牛肉擔擔麵分吃，由於女友及其家人怕辣，所以辣油另上，怎知店家是來一個辣油及牛肉也另上，本人好辣，在大家分到自己的碗內吃後，我就為那些辣油包底，怎知下了兩碟辣油也不是很辣，而牛肉也鹵得入味，瘦肉佔了九成，所以較為健康，但就有點點嚡口，而那辣油內同時有花生，為此麵帶來擔擔麵的味道，可是完全不夠香，要吃擔擔麵，也要到詠藜園四川菜館。

揚州蝦仁小蔥炒飯絕對是飽肚之作，六十八元大大碟，蝦仁爽口而雪白，有如玻璃蝦球一樣，製作認真，而炒飯的味道清淡，但也夠味，但奇奇怪怪的是，炒飯當中竟有西式的煙燻腸粒，吃下每口也有煙燻味，而且飯粒也太硬，有少許生米的情況，炒得乾身也是徒然。

吃過鹹的，也要補補甜胃的貨倉了，今天大家就決定小試芋泥豆沙煎餅，煎餅內同時有芋泥及豆沙餡，面頭撤上如糖不甩的料，有花生、芝麻、椰絲及糖等，咬下一口，煎餅煎得香口，熱熱而有點脆，雖然在內的餡不太多，但是豆沙也是幼而香，芋泥也磨得幼，所以也是一致讚好。

最後結賑大概九百多元，不用一千元，也是可以的，當然也在此祝母親節快樂，女友家人大家也身體健康。

行完街街, 又想起這家美心旗下的中菜, 差不多一年未來過, 字母白金咭依然兩人入座就有半價, 又來嘗嘗吧!
地方依舊華麗非常, 可能是星期日晚上, 八時許已有頗多吉枱.
想吃炒鱔糊, 落單後不久侍應走嚟話已賣哂! 真失敗!
我們最終叫咗:
生煎飽 - 飽餡味道略淡咗少少, 麻麻地!
小籠飽 - 咬落口味道一般, 內裹上湯不足
醋柳骨 - 入味非常, 但d肉好鞋口.
賽螃蟹 - 蛋白味道炒得剛好!
蒜蓉粉絲津白 - 跟餐牌的圖片全不像樣, 但味道就唔錯, 但此菜似廣東菜式多d!
整體而言, 此店的食物還有很多改善空間, 真希望下次再來時, 可以令我有d驚喜!
五個餸埋單二佰蚊, 都算抵食! (有咭先至係咋! )

上星期六皇太后來電吵醒本來仍在睡夢中的我
說知道洞庭樓lunch在mon-sat都是50%off
要不要去吃lunch?
好吧雖然是難得的假期 但皇太后的要求(命令)又怎能不從?

上星期六的時候我們一家叫了
北京墳鴨 -- 基本上鴨算是偏瘦 可是仍可一嘗
砂鍋雲吞雞 -- 一般貨色
毛豆百頁-- 一般貨色
海鮮wo巴 -- 湯汁足料夠味 可是我不太愛吃wo巴.....
蝦仁炒飯 -- 一般貨色
吃過後皇太后要求下星期要再吃一次 我們也只有無奈地點頭
price: around$400

所以今天又去吃了lunch....
燒豆府尖筍-- 一般貨色
富貴牛腩 -- 等40分鐘絕對是值得的= =+.....
蜜糖火煺 -- 這個也不錯 皇太后的至愛
油蔥面 -- 面身偏軟 還可以

以50%off的price
實在是很便宜的選擇

朋友生日，在銅鑼灣食中菜又想坐得好D，我諗Times Square最方便又多選擇。中環間洞庭樓我試過覺得唔錯，Times Square呢間環境餐具幾靚，女仔多數都會鐘意。

麻辣海哲 唔麻又唔辣。

醉雞 味道都唔錯

左中棠蝦球 味道好好，不過真係唔夠辣

麻婆豆腐 豆腐好滑，個汁又好味又香，送飯一流！不過又係唔夠辣！

豆酥魚 每人一件，魚肉嫩滑，豆酥蓉好香口，好好味，不過女仔可能嫌"滯"

北京填鴨 唔會好肥，片得夠薄，不過個薄餅可能失手，太厚太硬啦！

蒜容粉絲津白 食第一啖已經覺得好似食緊蒜容粉絲蒸扇背，味道唔係唔好，不過感覺怪怪

雲腿百頁 雲腿都OK，百頁普普通通啦。


總括黎講食物都有番咁上下水準，不過我幫襯當日起菜真係超慢，人手嚴重不足。想加order加熱水舉極手都冇人應，又或者應完都冇人跟進。服務同一般美心集團酒樓差幾班！
我地一行九個人女多男少，當日AE白金咭有七五折，酒水茶錢冇折，埋單$1250。

坦白說, 不太清楚湖南菜同其他菜的分別, 一心只想試試金滿庭以外的小籠包, 所以就黎到洞庭樓試試

食通天向來人流多, 等位也是意料中事, 幸好時間早, 唔係等好耐, 幾分鐘就有位

地方很寬敞, 比小南國坐得舒服, 餐具也很美, 留下幾好既第一印象

看看menu, 很快就決定了食物

小籠包: 一籠6隻, 挺不錯的, 皮也算薄了, 肉汁亦夠, 幾滿意

朋友想食水餃, 有好多款, 最後選了大路既菜肉餃. 我對水餃麻麻, 總覺乾巴巴的不如小籠包. 不過呢度既菜肉餃都算不錯, 皮滑嘟嘟的不會太厚, 餡也很新鮮

想吃點辣的, 叫了個羊仔柳乾鍋, menu上有一隻辣椒
辣度屬於小辣, 羊肉好惹味, 伴碟的椒同蒜子也同樣好吃

整體黎講呢餐響洞庭樓既晚餐都幾滿意, 有機會會再幫襯

已不是第一次光顧了... 最近午市有優惠小菜餐牌半價!之前和老細,爹娘都來過,就是尚未跟蝦子餅來.所以特意再來!這些日子先訂位最好.
先叫來一壺龍井,味道散發着淡淡清香.午餐會吃得太飽...
我發版叫了...蒜泥白肉,湖南脆牛腩干鍋,豆酥魚,當然少不了甜品金陵驢打滾
蒜泥白肉 - 蒜香帶微麻辣而不肥,味道不錯!
湖南脆牛腩干鍋 - 牛腩脆脆口感特別,牛腩干脆但韌,香脆可口稍嫌熱氣D!
豆酥魚 - 每次指定菜式!半價更覺抵食豆酥醬鋪在厚厚的鱸魚塊上,鱸魚入口滑溜,豆醬味道濃郁
為了吃甜品不得已有所犧牲,原想多叫個菜也得先叫停
這个又是我的指定菜式...愛吃糯米糍的食友仔一定要試!煙韌得嚟又會脆脆哋?!入面有花生碎,花生粉同椰絲.好味!
有優惠好抵食...我會再來呢!

水煮牛肉和左宗棠蝦份量中等 但素菜那碟寧舍小, 雖然是湖南菜, 但未辣到和麻到入唔到口, 總是覺得已經遷就了香港人口味, 還叫了三碟前菜(其中一個是雞絲粉皮) 一個甜品叫爐打x, 忘記個名, 一個鮮蝦線麵 全部質素平均都可以, 麵的粉量約2個即食麵咁尚下, 蔥油餅做得脆

美中不足是指 :問過什麼卡有折扣，　他們只說是ＡＥ　但並沒說是白金

前几周刚刚有3个法国客户来香港想吃些有不同地道的中式菜，但不要吃广东菜，老板建议去时代广场的洞庭楼。因为他去过认为地点方便，装修风格不错，所以便推荐我们过去！
真的是很不错门面玄关有水，进去有两边厅很不同的风格！我们选了坐小厅安静点好说话！服务员很有礼貌送上小吃，我们点了海蜇头，口水鸡，砂锅云吞鸡（半分），香脆牛腩，炒津白，小龙包，肉丝炒拉面，吃到很饱连甜品都吃不下！但是法国人喜欢最终点了煎蔰泥饼。
餐后他们都说是DELICIOUS！ 所以招待客户朋友这是不错的选择！

第3次黎食衣度，食物係幾特別，唔駛成日食黎食去都係個D點心。不過我覺得衣度D service非常唔得。今日去食，2點幾，人唔算多，我地已經book 左位ga la, 重要俾門口位我地，咁都算la, 一黎就問我地要唔要D咩special 水，例排梗係唔要，之後睇餐牌，都要幾十蚊。放低完茶之後又放左2碟前菜2碟辣椒，大佬呀，我地得5人咋，駛唔駛4碟野，重要我地唔係第一次黎(十八元一碟前菜,十五元一碟的辣椒)，梗係同佢地講唔要辣椒。前菜係一定要俾, 辣椒就唔係。算la, 跟住上菜都好有問題，我地無叫ge野食佢地照上枱，同佢講番la, 因為怕隔黎枱會上漏左，但個waiter一黎就問"咁你地要唔要呀", 我地唔要之後佢地又係我地後面講野。
衣度ge服務水準非常需要改，響時代廣場開店，又收得唔平，點吸引人地繼續幫襯?

又是星期五HAPPY 時侯，約晚上七時幾訂枱，要8:30才又位，來到都要等，只因今晚想食中菜，而此間又是我所喜歡，值得。

要推介口水雞$72，只因怕辣，上次午飯時待應提議麻辣汁與雞分開上，今次照做，麻辣汁香濃而麻，唔係太辣，食完雞後，汁備用點其他菜食，所以汁是主菜，忘記了雞。

再來豆蘇魚$40一件，叫2件，ICHIBAN，深海鱸魚，白雪雪滑滑lulu，加上啡色炸脆豆蓉鋪面，外香內軟，口感一流，顏色對比，構成別緻藝術品。

其他類似糖醋骨，忘記名子，酸酸甜甜的排骨$65，花雕蟹$188，夠酒味，香，蟹新鮮，脾夠肥美; 環境，餐具，服務，真係樣樣都好。

當日往洗手間的途中經過酒吧處,看見一位四眼女生正在切生果,但她當時沒有配戴手套,實在很不衛生.當我如廁後折返還看見她用手把生果放入口中.我想經過這處的都會把她看在眼裡.沒想到在這還算高級的美心食府會看到這不可能出現的一幕
這餐館其他(服務,食品)都)還算合格只是對這一幕很失望

餐廳裝修、環境和服務都唔錯。至於食物就一般，未必會令我再幫襯。其中一味招牌菜豆酥鮮魚，個豆酥很甜(可能傳統應係咁，但我唔喜歡)，但魚都幾滑和鮮甜。不過以佢既裝修和環境，價錢都算合理。合唔合味就自己試下。另外蔥油餅都ok，我覺得蔥可以再多些，會更香。風沙雞唔夠嫩，皮又唔脆，麻麻。甜品唔知係唔係叫芋泥餅，個皮幾脆芋泥很香。