3
0
0
因為最近成日反胃, 所以屋企食完飯先出街食今日約左呂生等人去呢間野食一行五人, 因為遲大到關係, 我叫佢地點菜先, 唔洗等我我去到佢地食緊蠔仔粥, 因為要戒口, 所以無食到睇落都唔錯喎!~ D 蠔仔幾新鮮第二味係芝士大蝦伊麵, 一樣無食不過賣相唔錯~第三味係芥蘭炒牛肉, 食左少少, 都夠鑊氣~!! 第四味係蒜蓉粉絲蒸白菜(其實即係紹菜) 蒜蓉味好香, 粉絲因為胃唔好都無食到白菜好嫩好好味~~第五味係壓軸! 冬菜XX蒸馬頭魚(忘記左個名) 好鮮甜, 熟得剛好又唔會老証明師父有功架~可惜佢開得位置有少少偏, 但我諗都會叫D 朋友下次食飯再黎呢一間希望下次胃會好返, 真正全面地試一試手藝LA~店中枱唔算多, 都坐到廿幾人, 而且店面幾乾淨家庭式經營都算係咁, 服務態度中等, 尚算勤快~廁所係得一個, 雖然唔算污糟, 但希望佢快D整好個水箱XD
繼續閱讀
之前聽朋友提及附近有家食店,招牌賣客家菜而且幾美味星期日黎幫襯,環境比較細,而且比較靜,我諗主因係好少生客識得黎呢到通常都係附近既居民先識得黎呢到幫襯,叫左碟干炒牛河,凍飲加兩蚊,見到佢地招牌菜係走地雞就叫左半隻黎試下,雖然80蚊半隻,不過食完之後覺得物超所值,呢間店舖雖然細,不過麻雀雖小,五臟俱全入面賣既小菜,炒粉麵幾頁紙都寫唔完,先講佢地既干炒牛河,熱辣辣,一入口,口裡面已經聞到陣陣鑊氣,比一般茶餐廳更加出色,其次佢地既凍檸茶沖得夠清澈,唔似某啲茶餐廳一上枱未篤檸檬茶水已經混濁,最後佢地既走地雞,雖然無問佢地係咪新鮮雞,不過新鮮抑或冷藏,對於嘴饞既我一食已經知道係新鮮雞,雞皮同雞肉之間唔會有過多脂肪,咬落軟綿綿而且陣陣雞既鮮味湧入心頭,中國人做雞果然有特別多既方法聽聞佢地係家庭式經營,招呼唔錯,能夠做到咁既水準,比某些所謂餐廳有過之而無不及
繼續閱讀
um...如果鍾意食雞的人可以去一試....因為他們的雞是走地雞好香雞味同肉質比其他雞或雪藏雞實肉d...所以我覺得好食好多...如果食開雞既人可以會覺得d雞琳身好食d......但我食左覺得他的雞好香好好食....肉質好好..你們愛雞朋友可以去食下呀....
繼續閱讀