一顿早餐
一百多元
姑姑吃完饭
悄声问我
他们可以天天这样吃吗？

我不知道

但我知道，我不会自己来
因为我亲手做的爱心早餐

丰盛美味且合算的多
————————————
果壳苏三饕餮走四方
餐厅名称 美心皇宫
餐厅地址 香港旺角太子道西193号新世纪广场8楼
交通 旺角东站新世纪广场直梯坐上去
餐厅电话 00852-26289668
营业时间 07:30-23:30
就餐时间 2009 年 1 月 27 日 9 时
第几次用餐 第 1 次
可否刷卡、八達通 现金
共几人用餐 3人
总花费 差不多140元
如何知道该餐厅 姐姐姑姑住在帝京酒店，在新世纪广场吃了好几次。
用餐目的 早餐
菜名 肠粉 糯米鸡 叉烧包 肉肠卷 还有一个粥
价格 每一个的价格不太清楚，反正五样东西加在一起连服务费是140块。
评价 已经不记得肠粉的馅儿了，应该是牛肉或者猪肉吧。没什么印象，因为味道很一般，我对肠粉也不感冒。 糯米鸡很好吃，小小糯糯的，味道咸甜适中，软糯不黏牙。 正常叉烧包，比一般的大一点，一笼只有两个。 肉肠卷里面的肉肠是腊肠，真好吃，我以后也要自己做这个给老公吃。 粥的名字也不记得了，碗非常大，三个人分都够了。
环境如何 好大啊，几百桌，老头儿老太太们好多人啊——大家都爱喝早茶啊。我们隔壁桌的一个老先生穿着西装打着领带看报纸，姐姐看他觉得很好笑，穿得那么正式喝早茶看报纸。嘻嘻，这也许是老一辈香港人的生活态度吧。
服务如何 没有等位置，当时去的时间好多香港人都还没起床呢。点心车来来回回就那几个，服务员听的懂普通话，有的不知道是什么东西，问她们，会很认真的介绍。结帐很快。
卫生间如何 没有去卫生间。
餐厅特色 不是冲着餐厅特色去的，就是一个吃饭的地儿。
用餐后的感觉和建议 没事应该不会再去了，城市大学的中餐厅下午时段比较便宜好吃啊。

星期日12點同未來姐夫&家姐&阿媽黎飲茶, 多人等位到嘔, 等左2個鐘先有位, 真係誇張~

蟹粉小籠包(完全冇湯任何一家食肆都好過佢)
柚皮排骨(入味又唔太肥but not my favourite, 食柚皮好d)
帶子腸粉(一粒帶子都食唔到, 又唔覺特別滑)
脆麻花(炸到好乾, 一d都唔鬆化)
菜苗餃(得3隻冇我份食佢地話冇特別)
珍珠雞(都係有3隻, 好似叉燒味碎肉, 糯米太過少!!不過食落幾軟熟)
燉奶(唔太甜都滑, 成餐最好食係佢)
烚芥蘭(爽脆清甜唔油)
燒賣(幾實肉冇呃秤算ok啦)

P.S. 最想黎食既麻蓉飽等極都冇, 想食叉燒飽又冇....如果可以比我落order就好喇...
呢餐茶埋單$3xx, 如果貴得黎好味唔緊要, 要等位得黎要值得先得, 依家乜都唔係, so呢間野真係要bad list左佢先得~
未來姐夫其實黎過幾次飲茶都話好架, 我相信佢係今次係失準啦~

放學後與家人相聚
家人已在旺角美心飲茶中....

午飯時間門口多人排隊，幸好家人已有位子，不用等位！

此處的點心選擇比屯門的美心皇宮多
「泰式檬粉」，與明星相比，這兒的水準極高！上至魚蛋，下至檬粉都好好味！魚蛋爽口彈牙，雞翼入味！不過價錢較貴．．．．
「鮮蝦韮菜餃」，四隻字形容，皮薄料多又夠靚，精瑩通透，味道也很好，蝦肉爽口彈牙～一貫水準！
「瑤柱蘿蔔糕」，蘿蔔份量出奇的多，比屯門及小西灣美心的蘿蔔糕更多多多，瑤柱多多多，蘿蔔味道清甜！真係好好味！真目前為止最好味的蘿蔔糕！
「三豆糕」，這個點心是我在美心必吃的甜品，不過似乎水準大跌，上回於屯門吃到的很差，今日在此處吃的也很差，啫喱很淡，沒有彈性，豆太淋，沒有口感。差！

３人埋單＄１２５
四個點心算貴．．．不過吃得高興！

上星期五美國對中國,雖然中國輸咗,但戰況十分激烈,我同老公一邊係美心食飯,一邊睇直播.

先嚟個鮑魚海皇羹--比較清的一個羹,幾多鮑魚絲,有蝦,亦有唔少魚,好好味的一個羹.

再叫一個得奬的酒香蝴蝶蝦,一嚟到已有很香及很濃的酒味,有蟹子係面,豆腐襯底,很滑,蝦雖然不差,但鮮味略嫌不夠.但整體上還是不錯的.

最後叫個甜品三色併,綠茶糯米滋幾夠味,夏枯草凍糕,幾大舊,亦有夏枯草味,杞子糕,亦做得很晶營通透,可惜比較甜.

好耐無試過飲早茶.
便到左呢間試下.
wah,估唔到咁大間.
可能係9:00幾.都幾多人.
如果鍾意推車仔.
呢度都會係一個唔錯既選擇.

一行5人到美心食下午茶兼傾偈。
一行入去就見到有阿嬸推住點心車，very impressed, 因為而家都好少會仲有推車仔。
食咗都幾多點心。
蘿蔔糕：呢樣簡單點心竟然唔得，入口"o拿o拿"地，又不料，煎得也未夠時候。
牛肉球：呢個幾好，芫茜份量適中，令牛肉的味道更出；口感彈牙，不俗。
春卷：個皮薄又炸得脆，內裡的豬肉餡也夠多。
糯米卷: 用芋頭薄皮代替傳統包皮，食落無咁漏，亦較香
燒賣：豬肉與蝦的份量均稱，豬肉有少許肥豬肉
牛柏葉：整得入味，且不會吃到chemical 的味道
鮮蝦菜苗餃：蝦新鮮，菜亦嫩，唯做得不好是個皮，雖有彈性但太厚了
楊枝金露：very fresh 呀，有好多mango 粒同西柚，夠凍夠爽

復活假期等了半句鐘多一些便有位，可以接受。

看看價錢，$9位茶，小點十幾，大點要廿蚊，似乎不便宜，不過吃了9款點心，大多是中點，埋單平均$60有找，在這個企企理理的地方又不算貴。

更重要的是食物普遍不錯，狀似箱壓壽司的珍珠雞、茨汁看似濃杰的鮮竹卷、熱辣軟熟但一籠只得兩個的叉燒包，以及隻隻外表完整而質地腍軟的鳳爪，味道都濃淡適中。

菜餃、山竹牛肉、煎腸粉，以至甜點的蛋散及綠豆沙亦沒有失手的地方，其中尤以蛋散新鮮鬆軟最為討好。

繁忙時段沖茶收籠未夠勤快是可理解，推車仔的姐姐嬸嬸笑容可恭而不硬銷，自然稱心滿意。

1月25日,學會一年一度晚宴,當晚好熱閙,見翻一Ｄ舊同事,菜式同一般洒席差不多,有乳豬,瑤柱甫,炸蟹鉗,炸子雞,鮑片鵝掌,大海斑,糯米飯,伊麵,糖水及甜品,除左隻乳豬唔夠熱之外其他食物都好味,份量又大碟,甜品都有二款,我哋１2人都食唔晒Ｄ食物,好多都打包,可能枱都係女士掛？尤於有贊助所以每人只須付$100又有小禮物又有抽獎,我就有$100超市禮卷,所以覺得好抵呀！唔記得講反Ｄ侍應服務就一般啦,好似機械人咁做,一Ｄ笑容都無！個笑臉係比個學會嘅。

昨天是我母親生日，　我同ｄ親戚去美心食午飯，　我地明明ｂｏｏｋ左一點鐘張生十位，我係第一個去到，　咁我就更係攞位先啦！刻情開始啦！

首先，　我同叫咪個位姐姐講：ｂｏｏｋ左張生十位，　佢叫我入去同同事講就得啦！好正常，　我就入左裡面，　見到個女侍應，　再同佢講張生十位，　佢好似未瞓醒咁問我：咩話？我第二次同佢講：ｂｏｏｋ左張生十位，佢話：三十位呀？　我啤一聲，　佢聽唔到，　我第三次唯有大聲ｄ同佢講：係ｂｏｏｋ左張生十位，　佢先同我講：哦！訂座你行去前面問返ｄ帶位，　我唔知呀！　（咁你唔好晒我咁多時間啦！問完一輪得個桔，　但我前後加埋己經總共講左四次：ｂｏｏｋ左張生十位），　好啦，　我行去前面問帶位：唔該！我ｂｏｏｋ左張生十位架，　個帶位話：三十位？　我第二次同個帶位講：張生十位，　個帶位話：哦！係咪王ｘ緍宴三十位個度呀？（下午一點就有緍宴？緍宴通常唔係夜晚先去架咩，　可能係我見識少啦）我見佢又係’撞聾’我唯有大聲ｄ，　我第三次講：我係話ｂｏｏｋ左張生十位呀！（講到我都躁躁地，　好似背書咁）佢又嫌我大聲過頭，　鎖起眉頭盯住我（嘩！咩服務態度呀！好似想打我咁，我都未俾色你睇，　你反而俾面色睇）跟住佢好晦氣咁話：咁你企埋一邊等下啦，我唔清楚，我揾同事幫你，咁我訧開始罰企，　企左幾分鐘，　有個叫阿娟既帶位就來了，　跟住仲精彩，　佢來到第一句唔係講唔好意思，　亦都唔係幫我安排座位，　而係同我講：小姐，　我地本身無訂位架！不過我同張生熟，　先留俾佢咋，　你講野唔好咁大聲呀！（咁啫係咩意思呀？’好心施捨張枱俾我架咋，　你唔好咁多聲氣呀，想要枱呀，求下我先啦’咁呀）
咁佢地訧成班帶位圍住我，我問果個阿娟：點解我講一句’我ｂｏｏｋ左張生十位要講咁多次都未埋到位？你地好似聽唔到咁不斷話三十位三十位，　頭先果個帶位訧即刻博嘴啦，我唔知你之前同邊個講喎，　總知你來到問，我我就話唔知，唔關我事，（呢ｄ說話係人講架咩，　不負責任，　你改姓唔啦笨，　跟住阿娟訧話我地無訂枱架，所以我ｄ同事唔知，唔我地同張生熟先同佢留枱，　你唔好咁大聲講野，　俾其他人聽到唔好，但佢到目前為止都無意思帶我入座，　依然繼續擾嚷，我都無佢咁好氣，我問佢，　咁你依家係咪無位俾我呀，　我係咪走得呀？阿娟話：咁又唔係，咁你跟我來啦，　我到此刻才可入座，

到左我ｄ親戚來了，　帶位阿娟竟然向我的親戚張生投訴我，話我講野大聲無禮貎，　張生都無佢咁好氣，（服務生投訴客人－－史無前例，不知所謂）

我地買左個生日餅，　遲遲都無人來幫我地攞去雪，　得到我地三嗺四請先有人來攞去雪，我地食完ｄ點心籠無人收，　堆到成座山咁，成堆骨碟無人收，　唔知以為Ｄ侍應收晒工添！

食到尾聲，　我地想食旦生日餅，　叫個部長（黑色西裝）幫我攞個旦糕出來，　佢揾左一大輪，返來問我地個旦糕交左俾邊位同事，　我地鬼知佢叫咩名咩，我地個個ＡＲＥＡ又九世都無一個侍應行埋來，　想指俾個部長睇都唔得啦，　又再揾左一輪，佢終於攞到個旦糕出來，一開．．．個旦糕拆晒，同個部長講，　佢竟然話：我只係攞出來咋喎，我無開過喎，　我唔知呀！（咪就係你攞出來或者你同事放得唔好先會整拆個旦糕啦，如果你開過來睇就唔會拆左都攞出來啦，仲要一唔好意思都無，）我地都沒好氣，叫佢攞旦糕佢就真係只攞旦糕，唔會攞碟和义俾我地，更加唔好講話會執枱呀，最後我地自己將Ｄ點心碟，點心籠，污糟碟放入下欄盆，真係自助式，做埋佢地個份，但係佢地份糧就到足，真係不知所謂，　　　

總括而言，呢間酒樓Ｄ侍應及帶位真垃圾，由其是個帶位阿娟，自己做得唔好仲竟然投訴反個客轉頭，史無前例　我諗佢唔知咩叫ＳＥＲＶＩＣＥ囉，佢真係要再培訓呀，我係度奉勸大家免得過都唔好再去呢間酒樓呀！呢間野既服務評分，我俾１分都嫌多呀，

大家都係做飲食業，如果我Ｄ服務態度好似佢咁，我俾人炒左好耐啦！唉，美心皇宫Ｄ侍應真係．．．．唉！！

12/12(三) 12nn
近月第x次拜訪美心集團的館子,歸根究底皆因coupon大限將至;抽離書呆子角色一會;跟男友到新世紀廣場的美心皇宮午茶.

首訪此美心,其面積之大的確令我有點意外,環境相當闊落,金碧輝煌的格局!午茶點心價$14,$19,$22,$28,$32,山竹牛肉$14,蘿蔔糕$24,釀蟹鉗$32,素菜包$14,翡翠帶子腸$22,瑤柱鱸魚飯$32,叉燒飯$32

山竹牛肉--反牛的我當然敬而遠之呢!

蘿蔔糕--蒸原來比煎更為卓越,糕身軟滑,內有臘味及冬菇粒,增嚼勁;而蘿蔔絲絛絛粗幼分明,質感爽口帶黏卻非糊口,且有著份外的蘿蔔清幽!

釀蟹鉗--頗奢侈的點心,三隻體型標準的蟹鉗色澤偏淡黃,而已富內在美,蟹鉗肉質彈口非常,鮮味突出,非雪藏品能並駕!

素菜包--包身軟綿綿的,咬一口發覺菜餡極之清香,混入雲耳香菇,口感一流!

翡翠帶子腸--腸粉厚度略甚,質地算軟滑,而被包卷著的帶子體積似乎比紅豆還要少,因此亦嚐不到何鮮之有;作為翡翠的水瓜及粟米粒跟帶子比例約四比一.

瑤柱鱸魚飯--鱸魚件真的鮮美得很,夾雜著點點瑤柱香,飯粒韌度恰如其分,豉油也非瞎甜;吃下才驚醒這一小盎飯索價$32大洋!怪不得如斯美味...

叉燒飯--男友的晚餐;夾了一小件近邊位的嚐嚐;肉質鬆香而焦香,稍有微言是蜜香欠缺,鹹度過甚.

此處仍沿用傳統流動點心車,侍應會為客人把點心先端回桌,總算照顧周到,其態度均熱誠有禮,誠意可加.

美心的創意概念理應褒獎,唯傳統更應保留延續!

參加婚宴, 每枱一個伙計, 我嗰枱個伙計相當出眾, 不斷問人"要唔要", 隻乳豬未食到一滿, 佢就急不及待過嚟分, 問兩句有無人要就成碟搬走.

上鮑魚時, 佢表演雜耍, 成隻碟飛上枱, 之後頭也不回咁行咗去. 都隻雞仲攪笑, 當時新人玩緊遊戲, 個個只集中係枱上或電視機, 無人知隻雞嚟咗, 佢"呢呢臨臨"問係咪無人要, 使唔使包起佢.

佢咁既表現, 另我覺得佢係(1) 趕收工, (2) 博D人唔得閒食, 佢可以"原風不動"成隻雞攞返佢自己歎.

其實佢都傻既, 婚宴嚟架, 預咗最快都要10:45pm先散架啦, 咁心急, 不如叫廚房一次過上晒所有菜連埋甜品比我哋呀!

為左方便搭火車返學
黎左mk呢一間美心酒樓飲早茶
唔知係咪平時日子
唔駛等位~
坐低勁耐都未有人黎serve....

美心出名係香港少有o既推車仔飲茶地方
但係車仔數目就少得可憐
搞到冇野好食
得腸粉、粉果、煎糕、煎堆、包車....
就係呢幾架車仔o係到推黎推去
唔知係我個位唔好d車推唔到埋黎定係真係得咁少選擇
坐左唔夠一個鐘已經每一架車都食過
食唔到最想食o既蛋撻仔
失望咁走左
我諗下次要去美心飲茶都唔會再黎呢間分店囉!

dim sum: maxim's standard.

seafood noodle: many seafood. worthy for money

pumpkin pudding: only few small pieces of pumpkin. luckily, not too sweet. but not hot enough.

前幾天晚上同家人到美心皇宮食晚飯。三個人叫了三個“食送”同一窩翅。

天山菇扣鵝掌：天山菇其實只不過係大大隻嘅 “蠔菇”，無咩特別，幸好d菇都炆得好入味。有五隻鵝掌，size 頗大，炆得好入味好淋，不過食完一隻已經覺得好“漏”。下面d白菜仔吸晒D蠔油汁，唔錯。

酒香蝴蝶蝦：menu 寫話係得獎名菜，但名過其實，唔係真係咁特別。蝦有用化學品招呼過，所以好爽。d蝦都有酒香味，不過唔濃。碟底係蒸水蛋(蛋白) ，好滑，中間仲有個咸蛋黃。

翡翠珊瑚蚌：西蘭花翠綠爽口，珊瑚蚌都好爽口，無沙，好好味。

竹笙花膠翅：三個人食實在好大窩，每人有整整兩大碗。夠熱同多料，有肉絲、竹笙同好多花膠絲，不過有D花膠個味怪怪，真係好似“膠”味。

整體食物質素有保證，味道唔錯，材料新鮮。不過侍應生數量嚴重短缺，要落單同埋單都要等好耐先會搵到waitress。更不會期望佢地會幫你添翅。

星期六係嫲嫲生日,基本上每逄過時過節出去食飯首選都係呢度...因為比較就腳...
其實中菜一向都係我杯茶...
感覺上係好油好濃味...
叫左個全包宴...
食物方面正如上面所講,我都係覺得好油..
所以全部都只係食左一件,叫做食左就算...
唯獨是個紅豆沙,我反而食左3碗...
一來係佢好細碗,食2-3碗至係平時o係糖水舖食o既份量...
二來係佢整得唔係好甜好漏...食多2碗都無問題...
而且佢落左好多好多豆...啖啖都係豆...啱晒我...^^