14
9
9
港鐵黃大仙站A出口，小巴： 37M ； 九巴： 3B，3C，3D，5C，116，302
繼續閱讀
營業時間
星期一至日
08:00 - 23:00
以上資料只供參考, 請與餐廳確認詳情
食評 (35)
咁梗係「日昇餐廳」還是「日昇新餐廳」? 都唔緊要啦, 其實都唔係難食嘅。而且服務都唔錯。食咗下午茶餐, 價錢相對便宜, 選擇亦都多。味道唔會太鹹或太多味精。<鮮蕃茄焗豬扒飯> 好味, 份量充足。火候適中。豬扒有厚度, 唔乾。番茄亦真係新鮮。 認真嘅: 佢個汁好味過大家樂、大快活嗰啲, 因為係好香、好濃郁嘅番茄味。<犀飛利肉絲炒麵> 都似樣。 如果可以汁、麵分開上就好啦。因為依家好似「水塘」浸住啲麵咁樣。啲麵炸得都算爽脆。肉絲及整體份量都足夠。<熱奶茶> 唔錯<凍檸茶> ok
繼續閱讀
本來不想去這間沒有正常服務態度的餐廳。 只是因為對面餐廳坐滿人才貪快來。 我簡單評論這餐廳：1. 米線時多時少， 唔知係未睇心情呢2. 叫啊姐拿紙巾(2017-11-26@ 7:03am ) , 佢叫我自己拿， 然後去收銀機前坐下挖鼻屎。3.無服務， 揮手幾分鐘， 直至你大叫才有反應。4. 比36 元我受你气， 不如我比72 元你比我罵幾句， 大家都有壓力。 中肯一點， 他唯一優點有：1. 唔洗好似對面咁等咁耐， 唔洗排隊， 永遠有位給大家坐(上班前早餐ok)2. 提昇我包容接納的能力
繼續閱讀
食開住家菜，偶然都會去茶餐廳食小菜，可以唔洗煮飯，有時轉換下口味都未嘗不可。小菜套餐送一碗白飯同餐湯，價錢有＄58至＄72，我哋三個人就點左三個小菜。中式餐湯不過不失，冇味精，味道就淡左啲。蜜桃咕嚕肉＄64酸酸甜甜好開胃，咕嚕肉算係小菜之中必點之一，呢間算整得唔錯，咕嚕肉大大嚿，旁邊配菜都好入味，菠蘿酸酸地，好好送飯。枝竹豆腐斑腩煲＄64上菜嘅時候熱辣辣，仲聽到茲茲聲，斑腩整得唔錯，幾入味，枝竹都吸晒醬汁宮保辣雞丁＄62雖然係辣雞丁，但對於我黎講個辣到都可以接受，雞粒嘅份量都算多，腰果食得出爆香過，好味道。呢個價錢都算抵食，分量不少，重要有飯同湯送。
繼續閱讀
基本上我都好少俾負評, 但真係一舊都咬唔開我係擁有正常牙力既年青人, 每一舊都落足心機咬, 希望俾次機會但係我真係咬到無哂味都係咬唔開, 每一舊都有根碗沙嗲牛得4舊牛, 台面就剩番4舊渣每舊都可以見到咬到汁都無哂, 真係無屈你同埋食依幾款野咁樣賣單要$45, 係慈雲山黎講真係貴不過咁, 都講番句公道說話佢其他野都正常既, 雖然真係好難煮得唔正常奶油脆豬, 火腿奄列, 同凍檸茶都無問題既但係唔該真係改善下D牛既入貨
繼續閱讀
午飯時間, 未夠兩點, 見餐牌仲有午餐, 諗住大碟啲可飽肚, 叫左個焗飯, 收午餐價錢, 但份量比下午茶還少, 朋友下午茶碟炒嘢份量仲多過我, 個碟深度大慨2cm, 隻碟比手掌還細, 問左經理兩次, 佢話平時都係呢個份量, 我重以我自己食緊fine dinner, 感覺被騙....
繼續閱讀