今日同左d同事去左呢間店到食晏,
叫左個生牛河,都幾大碗,d牛肉都算
幾嫩,但就冇乜牛味,湯底都甜,而且有
牛味,不錯,河粉都幾滑,唔會一舊舊,係
個價錢貴左少少,不過都可以接受.會
再試.

日期：2009-07-26

在"越棧越式湯粉專門店"(荃灣綠楊坊分店)買了一碗"香茅豬扒湯檬"($31)。檬(Phở)和牛肉骨湯是分開盛載的。

香茅豬扒湯檬---內有檬(Phở)、香茅豬扒、蔥花、洋蔥、芽菜、辣椒、金不換(โหระพา)和牛肉骨湯。湯頭牛味和洋蔥味濃郁，帶點金不換的甘香，鹹味適中。檬質滑溜爽口。香茅豬扒肉質軟腍鬆化，香茅味足夠，鹹香惹味。整體水準很好，而且檬的份量多，十分飽肚。

這是一篇新鮮熱辣的食評, 因為今天才到越棧吃了一餐
為了避免人多,我們一家特意提早慶祝父親節地點為老家荃灣,綠楊坊變化不少,新的食店和商店有不少,今次試一試越棧越式湯粉專門店

走到門前,感覺店面開揚,裝修ok, 由於早到,不用等位, 服務尚可,有求必應.越棧主打湯粉,他們的湯底做得不錯,味道適中。

我們要了一個套餐,一個越式拼盆，兩個湯粉套餐，飲品有多款選擇,有熱飲和冷的特色飲品。

越式拼盆有香茅豬扒、蝦餅、扎肉蝦片同埋春卷。我最愛他們的蝦餅,挺好吃，春卷都不錯。

飲品方面,我要了西洋菜蜜，好後悔呢, 味道好淡。

越棧d食評不嬲都麻麻, 不過我行過見無咩人咪即管試下, 我叫左一個全日供應的越式生牛肉湯河套餐($36, 免加一), 有碗生牛肉湯河加一杯飲品(不包括特飲)

等左一陣, 生牛肉湯河送到, 先望下碗湯河, 有金不換, 洋蔥, 生牛肉幾片. 配上青檸同辣椒粒, 香氣滿溢, 飲一口湯, 夠熱有少許牛味, 算係對辦, 再食下d牛肉, 尚算嫩滑, 起碼個湯底熱, 河粉份量十足, 男人都應該足夠, 雖然唔係話好高水準, 但$36已經絕對收貨了

飲品要左凍越南咖啡, 雖然唔係話滴漏咖啡, 但總覺得比茶餐廳的味道好一點, 似係即磨咖啡加冰而成, 算係有些少驚喜

美中不足的地方係好昆蟲仔行來行去, 頗討厭 , 雖然個個都話佢地麻麻, 我諗......我都係好彩, 如果你地來試的話, 可能都係要碰下運氣...

見呢度唔使等咁耐位就試下
同埋見度個拼盤好正!!

一人叫左一個河粉再加一個拼盤
河粉ok啦~~唔係太味精
而個拼盤真係好正~熱辣辣!!
有豬扒~蝦片~春卷~蝦餅
除左個蝦片大快諗之外,其他3樣都好正!!!

幾好食又抵食呀~~

同女友食,
叫左一個生牛河, 一個豬頸肉蒙,
生牛好似老左D, 味道還可以
豬頸肉幾"林", 加埋D汁幾好食

平平地求其吃, 兩個人70幾埋單算係咁

我昨天星期六來了這兒食午餐 , 因為我老婆指定要來 (行過睇到好似幾好味甘話) !

好吧 ..... 來睇下咩來頭先 ? 我未睇過食評架 ! (當然我現在寫食評前都睇左少少啦)
星期六好彩我一點前來 , 等了一分鐘就有位 .... 之後就人山人海 ! 我當然兩人 , 我旁邊的一仔一媽也是同我同一時間來 , 佢地當然發生左 D 事啦 (之後再寫) !

我叫了香矛豬扒金邊粉 , 老婆叫了雞翼蒙 , 仲有叫了半份扎肉卷同豬肉卷 !
所有食物都 OK , 除了扎肉卷不好味 ..... 無味 ! 比較特別的是金邊粉 , 麵質很好 , 總之就好味啦 (唔知點形容) ! 整體來說都可以番炒 !

講番隔離發生的事 , 老母同個仔一入來 , 就要求換位 (剛入少少有兩個空位) , 我估個阿媽見他們坐緊係行人路口旁 , 覺得(個仔)有少少危險 , 怕個仔周身動掛 ?! 但侍應回應說果張枱有野要整 , 不能坐 , 個侍應一走 , 立即有客人住埋去坐 ..... 你話吹唔吹賬 ?! 阿媽即時表現不滿 , 但都好似無人理佢 。這樣的服務態度 , 雖然我不是受害者 , 但都要替當時人在此還個公道及聲討一下。 其實做食市不但要食物好味要有質數 , 仲要客人食得舒服 , 正所謂安樂茶飯 ma 。如果客人食得唔安心 , 覺得自身安全有問題 , 下次客人又點會再來幫趁呢 ?! 那你還需要這麼好的裝修來幹什麼 ??? 金肉其外 , 敗緒其中 ! 唉 ~~~~~ 真是短視的做生意手法 !

一個人從公司走出來下午茶…忽然好想食越棧

叫了雞亦湯檬+青檸soda…

平時比較愛吃撈檬，今日轉轉口味，可能肚餓…湯檬實在好味…好滿足的感覺。不過芽菜太多啦…

青檸soda麻麻…早知省下$3 飲檸茶算了…

3個人食咗:

二人套餐 $125 (生牛肉湯河,牛腩片湯河,迷你小食兩款,上湯浸生菜,飲品兩杯)
蝦餅金邊粉 $36
炸春卷 $34/3條

除咗牛腩片係又厚又鞋，三色冰啲味怪怪地外，其他都好好味。

返出荃灣後,又凍又落雨,諗住食碗粉就搭車返樓.
輝要生牛河,我要豬頸肉河.
見有越式咖啡,即管試試,另外一杯要檸蜜.
生牛河OK,唔似出面嗰啲用肥牛冇肉食.豬頸肉河仲OK,有成十片,厚身,好爽.河粉超大碗.
檸蜜唔會淡茂茂,咖啡竟然超好飲.
連我唔飲既都轉咗,最後變咗杯咖啡係我既.哈哈!

have visit once when they grand opening
牛腩片good cutting method...as thin as thin a paper...but without any texture, and taste..
totally a shit

Besides, totally feel that they are mad...the date i visit is weekday lunch 12:00 noon..the shop has less than 10 customers..a lot of free tables...they didn't allow us to choose table and force us to sit next to another couple...as result very crodwed (i mean us and that couple)...
The waitress is very impolite and seems can't hear nothing...even we said bill pls...
we need take our bill to go out to cashier and ask ppl to receive my money...
I sure i will not visit them anymore...

今晚唔知去邊食,行到綠楊坊,又嚟食越棧.要一個紅米三色健康餐$37,飲凍紅棗果纖蜜.一個牛腩片湯河粉$34,飲凍檸茶.要多一份蝦餅$40.
紅米三色健康餐有兩隻雞翼,一件豬扒,兩舊扎肉蝦片.
雞翼豬扒都唔錯,不過扎肉蝦片同紅米飯凍既,可能係凍食啩!
牛腩片都唔知乜嚟,不過啲河粉真係好滑.
至於個蝦餅好貴,$40兩塊,即$20一塊,但貴得嚟真係真係好好食,下次再食,貴都要食.

近排係荃灣附近返工, 除快餐店之外, 都想食返d特別野....聽同事講話係綠楊坊新開左間越棧, 都想走去試一試...

裝修好靚呀, 好乾淨, 不過... 可能係因為lunch hour la, 好迫...又要等位, 無咩時間剩啦..

好快叫左個豬扒撈檬同雞翼小食, 極速醫肚...食食食食食食....

試完之後, 豬扒撈檬d豬扒好易咬, 唔算硬, 不過太乾身, 顏色好深, 但係d檬汁好正.... 雞翼個size 好細, 好縮水.....唔.... d價錢.... 都幾貴, 有d被騙既感覺tim...

上星期晚上同朋友去試試，見二人餐都ｏｋ，120元左右便叫左個大家分享。　友人叫檬，我叫豬扒湯粉，個湯完全無味，像水加小小鹽一様，豬扒一啲香味都無。難食非常。友人杯青檸梳打，簡直難以形容。

不會再去。

本想灼熱戀滋味試試，點知平日侍應多過客人的店當日竟然爆滿，反而越棧就有位。見到佢大大隻字寫著一個湯底的傳說，就睇下佢個湯底有咩咁把炮。

瞄一瞄餐牌，沒有什麼心水，就叫套餐好了。一個越式拼盆，一個湯粉套餐，要牛腩片湯檬，飲品來一杯熱菜蜜。

牛腩片湯檬好快送到，先試一口湯，無咩咁特別，唔明佢個湯底的傳說是什麼傳說。檬粉還可，不過牛腩片好大陣臊味，不是人人可以接受。

越式拼盆，有香茅豬扒、蝦餅、扎肉蝦片同埋春卷。蝦餅不脆口，蝦肉成份不多，口感一般；香茅豬扒奕然，乾柴柴的，不個肉在那裡去；春卷唯一好在夠熱。

那杯西洋菜蜜，淡淡的，感覺如像飲馬尿，下次去呢d地方都係飲檸茶比較穩陣。

比起隔鄰既幾間食肆，呢間不算特別忙，但服務也未見出色。