之前幾次去食food court都想食,不過食完正餐又食唔落,今次終於食得落啦~
order o左香蕉特選&藍栴特選
都ok o既,不過如果個皮可以再濃少少就更加好啦
個vanila ice cream都幾好味,不過加埋D cream就真係有D漏.....
總結就係,$28咁O既涵又真係有D唔抵

經過marion crepes, 俾陣香噴噴的味道吸引住
本來想食個pancake, 但怕食唔哂, 改食一個甜筒, 曲奇餅味的
個筒好脆, 好鬆化, 味道仲好好, 好香的餅味
曲奇味的雪糕, 唔會過甜, 有曲奇微粒, 雪糕好滑, tasty
見食物模型好吸引, 下次一定要食pancake, 仲要試白玉味的, 朋友話佢試過好好食

我一向都好鐘意食pancake 的。 以前讀書果時成日都幫襯旺角一間 pancake 店，就算要排隊都唔介意。當時最鐘意食奇異果醬加杏仁同埋藍莓果醬加杏仁，好似 $12一個，真係好懷念! 可惜之後 closed 左。

知道沙田有pancake shop，我一定會試下! 嘩，都等左好耐先有得食呀...生意好好0甘。
我要左一個朱古力加杏仁 $21，呢個價錢都好貴下!

熱熱的pancake 個皮做得好好味!

至於朱古力加杏仁，其實呢個配搭係好味0既，不過呢度0既水準就唔係好穩定...有時味道係幾好0既，但有一次就落得太多朱古力，變左超甜。 不過整體0黎講都係好好味0既!

其實仍然覺得以前旺角果間好d ，不過呢間都幾好，我都會間中幫襯。

每次去日本都必定會到原宿竹下通既NOVA Cafe食Crepes，反而街中間既Marion Crepes就一次都無幫襯過。

星期六一早起身諗住襯無咁多人入一田執下平貨，點知個情況原來係咁嚴重，基本上買唔到想買既野，唯有放棄上超市買下日本生果，點知恐佈程度同樓下不相伯仲。

諗住今次都係失望而回，正當沮喪之際行過見到Marion Crepes好似在日本見過，即時成個醒哂。

照舊食香蕉+雪糕+芝士蛋糕，好似係叫"香蕉XX總滙"($34)：個皮同日本食既Crepes一樣，有蛋香有咬口，香蕉有好濃烈既香味，雲糕同芝士蛋糕同日本既一樣咁好味，整體真係同日本食過既一模一樣，可一解條日本食癮。

店面裝修跟足日本店一樣，採開放式設計，客人可望住製造過程。

唯一美中不足係服務，收銀職員無留心聽清楚客人orde，要沖銷兩次單，亦無道歉；製Crepes那位小姐態度亦不敢恭維，我問佢係咪落錯雪糕時，佢無答我，只係俾返張飛叫我去收銀處處理，同收銀處職員完全零交流。

好開心見到一間不論裝修、食物質素都跟足日本的甜品店，但若果服務質素都跟足日本的話，相信會更受歡迎。

我真係好like好like食crepe~
所以有時貴下都冇mud所wai~

呢間既沙律燒汁雞crepe係好好好好食!!!
沙律汁同燒汁加埋既味道係好好~
當時整個人都要落足料喇~
有時唔夠汁就會爭d~

同埋都覺得有少少貴啦
所以成日都冇咩人咁, 可能隔離間比較平啦
(隔離都有燒汁雞crepe, 只賣$24一個, 不過唔包野飲salad, 但味道就冇呢到咁好食!!!)
呢到$33有1個crepe+1個salad+1杯野飲
但個crepe唔係好飽家ma!!

係呢間陳買過幾次
整果d人永遠都係黑口黑面
係收銀有時係經理收會好少少

比個crepe我同比野飲既係唔同既staff
一個係姐姐仔, 一個係哥哥仔
2個都笑容欠奉!!!
一個"多謝晒"都冇

如果唔係我真係好鐘意野
我真係唔會再黎

香港初時未有呢d pancake食之前,已經係日本食過.......就係係日本原宿食過後,覺得超好食~價錢比香港平,份量亦比香港大!番黎hk後,食過幾次~都係覺得普普通通啦~我通常都試士多啤梨,但今日見到d香蕉幾好~咁就叫左個香蕉巧克力特選($32)..


香蕉味濃~但雪糕球太細......不過比起之前試過其他味既好食了~因為叫無雪糕既pancake,我覺得唔夠好食~所以每次一家會叫有雪糕既!!

想食雪糕，但之前食了太多哈記的，這夜食一食麻布的。

最喜歡這裡的綠茶雪糕，另外點了一球柚子。

綠茶依舊是最好食的，甘甘的綠茶味，最得我心。反而柚子愈食愈甜，早知要兩球綠茶更好。

我最喜歡這裡的綠茶雪糕和軟雪糕，可惜店員的服務態度完全是負分。

一年前, 在銅記第一次吃crepe, 愛上了
半年前, 在沙田逛, 看到這間店子, 勾起那回憶
所以這一次來沙田, 第一樣要嘗的就是你了^0^~

要了普通但穩陣的朱古力香蕉, 下了單, 走到開放製作處
看著店員在弄, 很快便拿到了~

朱古力香蕉crepe:很香, 香蕉味很濃, 自己對香蕉挺有好感,
所以覺得很不錯, 不過其實朱古力味欠奉, 整件crepe只有其中
幾口是吃到有朱古力味的~

另外, 價錢也真的@@... pancake皮 x 香蕉 x 朱古力.... $2x是太貴了^^"

所以很偶然的回憶一下就夠了^^"

白玉抺茶慕糍, 好好好吸引我的crepe, 因為裡面全部都係我愛的餡料, 但點解可以令我咁失望ga!!!!

原因如下:
1. 唔明點解有人排隊都要預先整定d crepe皮, 凍冰冰lor~~~~~
2. 唔明點解咁吝嗇, 全部料都就住落, 收我行我$36多少少朱古力醬, 紅豆都唔過放ar~~~
3. 唔明點解連我至愛的白玉都可以咁難食, 一d都唔QQ, 淋哂, 個面好似"糊"咗咁!!!!!
4. 唔明點解抺茶慕糍全無抺茶味, 口感似係淋哂的啫喱咋!!!!!!

唯一好d係佢個香草冰淇淋lor, 依然覺得佢個combination係吸引ga, 只可惜冇心做, 唔該價錢同水準成正比ar, 好似比喊面的我都忍唔住la!!!!!!!!!!!!!!!!

經常經過此店都被櫥窗吸引，但總是覺得櫥窗的賣相永遠也不會像實物，所以一直都沒有嘗試......直到今天可能心情不太好的關係，需要吃一個甜點平衡一下，於是便停了下來，在宣傳單上看看後，選擇了香蕉鮮忌廉一試！
看到製作的過程，覺得跟小時間到8佰伴美食廣場所買的香蕉班戟有點相似，不過外形及口感都有點不同......新鮮製作出來的crepss,包著香蕉及鮮忌廉，而鮮忌廉的份量有很多，所以味道加起來很不錯。另外現在都不能再吃到8佰伴美食廣場所賣的香蕉班戟了，而這個香蕉鮮忌廉亦有足夠的份量代替它，所以往後我定會再光顧的。

每次經過一田Marion Crepes都會被好靚既櫥窗display吸引左

琴日終於同男朋友去左食! 因為星期6好多人, 但系收銀機竟然無收銀員

等左一陣先有人, 落單好麻煩, 根本記唔到個名, d名又排得好亂-_-

雖然好多人, 但好多就有得食, 一開始比香味吸引左 因為真系好香

但系見到真品就覺得好似比個display呃左咁

因為其實捲住甘俾你, 入面仲點會好似display咁搞到咁靚?

而且味道只系普通, 我食既系朱古力忌廉Crepe ,d雪糕又唔系話特別好味

仲要勁多cream, 咁都賣30幾蚊一個... 就覺得唔系太抵了-_-

男朋友食既系芝士燒雞Crepe, 無咩芝士味, 不過有雞有菜算系足料

獨孤一味﹕只愛香蕉朱古力!
上次一試難忘，今次遇上受訓中既哥哥，拼命將朱古力粒粒灑上薄餅，厚厚的，滿心歡喜，以為一定非常好味，點知貪字得個貧，因為太多朱古力，搶哂香蕉既味道，食完要狂飲水~
受訓緊既應該要有上級去引導佢，見佢落完朱古力先慢慢去揀條蕉出黎切，幾驚塊皮會燶左~哥哥仔仲用左冇帶手套隻手幫我包個crepes...
價錢$21，幾貴唷~

行了1陣累了，便走1轉foodcourt睇下有咩飲野ge地方，但其實係無ge......

突然之間俾我地發現到有個櫥窗放住D好靚的雪糕餅便想都沒想就去排隊了~~

排隊之後先發覺原來呢間Marion Crepes係麻布茶坊旗下或合作？的甜品鋪，感覺還不錯

鋪頭周圍也是人頭湧湧，排隊也要等很久，不過算了，好吃就不怕等~

要了草莓朱古力芝士蛋糕總匯+雪糕百事，非常地期待~~ 攞野好煩，餅要係前面攞

野飲則係後面，差了1段距離~ 單也要分2張，是不知道拿邊邊的先好，也沒有提供餐盆

自然係留係攞餅個邊睇下個製作過程~ 見到夥計倒D野落爐臺上，三兩下手勢便製作好1塊餅

手勢純熟，感覺還不錯~ 不過可惜做完之後便會卷埋1舊~ 唔係櫥窗裏面的靚靚樣

大失所望~~ 攞埋2杯野飲幸好老婆仔已找到空座位坐下~

百事雪糕同出面食到ge無咩分別就不多說了~ 那個跟餐+10蚊的凍綠茶是苦的，也沒有味道，非常差~ 2人飲了1/3便放棄~

個總匯真的幾好味~ 裏面的芝士蛋糕好好味~ 連埋雪糕很對味，感覺很好~ 朱古力汁沉底

唯一就是餅不夠熱，因爲太多人排隊所以要整定1大堆餅，到到拿到是時候已是剩返少少暖而已

overall除了杯凍綠茶非常唔掂之外，其他都ok，1試無妨~

見西田重新裝修,去沙田行下.
見到有日本人氣小食crepe,買黎試下.

我自己要咗雜果crepe,等成20個number,好耐先食到.
整既時候,覺得應該麻麻地,因為見佢地唧個支忌廉,好似已經溶溶地,又好求其,將全部野放晒入去,捲起就比人.
如果無記錯,係日本食個幾次,捲完出黎仲係好靚,可以望到入邊既餡.
頭幾啖唔駛撕爛張紙.

到我拎起我既雜果crepe,捲成一舊,一咬落去,只有cream同皮,cream已經溶溶地.
食好耐,先食到餡,餡好少,有芒果,士多啤梨,香蕉.
切得細細粒. 味道一般.

8-Mar
今日同了友係dap食完lunch跟住唔知仲咩會入左shatin, 嚟到呢到6點幾, 咁lunch餐仲未落隔就諗住食個pancake做dinner...haha

叫左一個香蕉味, 一個蜜桃味, 但一路見佢整一路驚驚地, 因為好少生果但好多cream...我地既都係咁, 差唔知比例係7/3...好膩好滯...仲好唔抵食, , 好彩個pancake皮好煙刃, 爭番d分...
相反見到另一邊果間crepes睇到就足料好多, 仲平d tim, 下次要試下....