X'mas就快到，同舊team同事一齊食飯慶祝，今晚就去咗銅鑼灣嘅"正宗澳門豬骨煲"打邊爐。

準時收工，到達該餐廳樓下，有位疑似是老闆娘的人帶路，今次book咗VIP room，房內沒電視，地方算企理乾淨，不過房間比較細，我們一圍人坐得較逼狹。

哩度已沒有什麼任飲任食，價錢亦不算十分便宜，今餐又係有老細請。

服務方面，疑似老闆娘招呼周到，好好禮貌，但其他侍應阿姐就木口木面，態度欠佳~

此店既然叫得正宗澳門豬骨煲，一定有d料到先敢咁樣自誇，我們當然選了個豬骨煲湯底，豬骨鍋一上枱，真的有點兒被它嚇窒，份量很大，有豬骨同大量豬腳、栗米，材料算是豐富，但卻欠一枝飲管。 嗅不出湯底的香味，嚐一口湯，方知其味道極正，有非常非常重的胡椒味，雖不是每個人都喜歡，但i like it!!

撈件所謂"豬骨"嚐嚐，出奇地多肉，看真原來都是豬腳，眼見鍋中大部份是豬腳，內心感歎"豬骨難尋"~好似有些取巧，不過算啦，反正我兩樣都愛吃，而且味道又正，所以我沒所謂的~

叫了一些食物，包括珊瑚蚌、肥牛、炸腐皮、墨魚滑、鯪魚滑、炸魚皮、鯇魚片、丸類、烏冬等等，而飲品方面點了五花茶及酸梅湯。

食物算是新鮮但沒什麼特別出色，每碟portion亦不大，而我們實際上亦不是點了很多款食物，因為豬骨鍋本身有很多材料。

最好味的是炸魚皮，卜卜脆，食完一碟，再encore過~

肥牛雪花遍佈均勻，勺一勺就吃得，雖然我較喜歡食沙嗲湯底勺肥牛，不過用這個胡椒豬骨湯底勺肥牛，也很有風味。

炸腐皮算是好味，但相比在小肥羊吃到的亦差成條街，原因是腐皮每件只得一圈，變相令厚度變得過於單薄，而且炸得不夠脆，一放落湯度就變得軟成一"pat"，欠缺了一種脆與軟之間的質感~

每次打邊爐落烏冬的一刻，就好似一部電影播起片尾曲一樣，喻意"即將終結"。烏冬在湯底裡一邊翻騰，一邊吸盡各種食物的精華，每次關起爐火前最起碼能吃上一口才算是滿足!

整體來說，此店食物質數算ok，不過隨了豬骨湯底味嘅道真係叫好之外，其他食物算係不過不失!不過對於食豬骨的愛好者而言，還是去大角咀食好過了。此店的所謂豬骨湯底夾雜了大量豬腳，少量豬骨，而且吃豬骨煲怎可能沒有飲管給客人呢?那如何吃得到真正的豬骨精髓?此點有待改善檢討~

網上食評不錯, 又任食, 於是去試, 打電話留枱, 才知已沒有了任食, 但都去試試

當然不會錯過招牌豬骨煲, 要一個小煱 $90- (這個連料的), 料有豬骨, 粟米,蘿蔔, 煲很大, 兩人吃會很多, 所以不用叫太多其他火煱料, 但因為第一次去不知, 多叫了, 於是求待應可否取消一兩碟不要, 反正只是剛剛落單, 料還沒有來, 但她推說師傅已把料放上碟, 不可取消

前菜 - 花生一小碟, 多謝$20

豬骨煲 - 不很特出, 一般貨式, 湯只是很重胡椒味, 比較清, 沒有很濃烈的豬骨湯味, 內裏的豬骨很多, 但都只是骨, 不是連著很多肉, 但兩個人吃還可以

炸腐竹 - 完全唔惦, 我吃過的是比較實, 而且一個卷會有數圏, 但它只是得一個圏, 所以一放湯, 便軟化, 完全吃不到脆口感, 還是待應介紹, 看見我點了這麼多, 還叫我點, 又不是好吃, 這店的待應, 都信不過, 表面客客氣氣, 但實際沒有對客用心

美國肥牛 - 真的很肥, 一塊裏肥肉佔上大半

雜箘菜煲$50 - 一小籃, 不便宜

鴕鳥肉和蟹子丸吃不下要打包

炸油炸鬼蝦膠: 網友介紹, 是不錯的, 但兩個人吃太多了, 吃不完

酸梅湯 $20 - 很清, 算不錯

埋單時, 才氣上心頭, 那個嬸嬸問, 為什麼叫這麼多, 我向她說, 菜未到, 已要求取消一兩碟, 他們的伙記硬說不可以, 嬸嬸聽了, 說:[有無搞錯, 吃不下, 料又未到, 取消為什麼不可以, 很浪費的], 你問我, 我問你呀!!! 　

埋單問嬸嬸用DBS信用卡是否有九折, 她說要打了單才知那款食物可以有九折, 打完單回來, 她沒有給我打折, 她說回櫃台問問, 回來說九折才給你便宜數塊錢, 不要再打單了, 給你一張永久九折卡下次才打折吧!!!有無搞錯數塊錢不是錢嗎? 而且一早已經通知你, 我上DBS信用卡網頁, 說明是九折優惠, 沒有說明是指定款式食物, 感到受騙.

那張九折卡, 送給我也不要, 因為我才不會再來, 這麼騙人

朋友請食飯，介紹咗依間幾食火鍋，所以我地就去試一下。大約６點４５分上到去，見到好似無咩人，點知食食下都幾多人上來食,。我地當然叫咗豬骨煲啦，來到時，都未覺得香，加埋ｄ火鍋料之後，就有香味了。我地當晚叫左超多野食，食物方面，都可以既，可以話係不過不失啦，當中我兩都覺得午餐肉最好食，不過炸腐竹就唔得啦，因為有“益”味。

最值得讚既就是服務生態度很好，會不斷同你加湯，而且招呼十分好。不過，個人認為德興會較為好。

埋單三百幾，是朋友請的，多謝晒

媽打完太極, 我估佢d 關節會好攰, 所以今晚食個打邊爐, 就澳門豬骨煲, 保返吓d 關節啦!
6點上到來, 唔多人, 揀個卡位睇電視先!
媽不太餓, 只叫了個湯底, 一碟肥牛, 四寶丸, 菜一兜.
師傅推介牛心頂, 話係牛心上的部份, 好爽的, 好啦食一碟.
另再加碟必食的油炸鬼墨魚滑!

湯底先上, 白雪雪的, 味好甜, 可能係因為有栗米啦!
豬豬女友好快食左幾舊豬骨, 仲落埋手食, 食得好開心呢.

肥牛係本地手切的, 嘩勁正, 睇吓d 雪花, 同牆上張相係一樣架, 一滾就食得, 肉味豐富, 一流!
四寶丸新鮮, 鯪魚唔腥, 肉丸鮮甜, 正~

油炸鬼墨魚滑叫了6舊的, 係剛炸起的, 油炸鬼的皮好脆, 再加上墨魚滑, 脆中帶韌, 必食!

再等多一陣, 都未有牛心頂, 姐姐竟話冇晒了!
失望之際, 師傅出現了, 話佢係剛買左, 叫姐姐找清楚d.
嘩 原來經理都親自去街市, 樣樣都親力親為, 佩服!

牛心頂要滾一兩個字啦, 好爽脆的, 味不太濃, 但口感好特別, 都值得一試既.

食埋d 栗米, 蘿蔔, 飽飽了.

服務一流, 好體貼, 一讚.
4人食了約400蚊, 同叫78蚊任食都係差唔多.

haven't had hotpot for a LONG time and decided to hotpot.

pleasantly surprised by the relatively new-looking decor when i got inside. got seated on a booth, where the cooking range was an electric, glass ceramic plate. i guess that's good for safety.

service is really good! staff is friendly and polite - didn't quite know the procedure of 'all-you-can-eat' hotpot places, and was explained well.

the items on the all-you-can-order menu is not as extensive as i expected - something as basic as beef tendon, beef brisket and beef shin (shank) are not available. although ostrich meat, chicken testicles and razor clams are not on the menu as well i wasn't expecting too much.

garnishes were served to be used with soy sauce -chopped raw garlic, fried garlic, chopped chili peppers and chopped spring onions.

we ordered 3 times, but every time there were items missing. but then again for the price we paid, it is reasonable.

ordered the yin-yang pot (satay on one side, pork bone soup on the other). satay was rich and slightly oily; pork bone soup came with chinese celery and cut up corn cobs.

we were given a "complimentary" seafood platter as well (which seems to be a way for the restaurant to dump their old meats without it going to waste, getting extra points from the customer at the same time)- it had 2 oysters which were fatty looking, but the taste was AWFUL - sorry to say but it tasted very unfresh; fish (gau toh fish) , and 2 pieces small shrimp. it really should have gone straight down the trash.

best meat of the night was the lamb - very thinly sliced, tender, and the 'lamb' taste was not overwhelming, which for some people may not be desirable but for me is good enough.

octopus balls appear to be handmade, not ready made - not bad!

might be a while before i come back, good place if you like to eat 'basics' but if you are adventurous, go elsewhere for strange offal meats. good for the very cheap all-you-can-eat: it's $78 before service charge + other miscellaneous charges, the bill came to roughly $130 per person.

呢間的任食新鮮, 好味, 所以係貴左少少. ($98 / 人)

番茄薯仔湯底好多材料, 所以越煮越濃 ($38)
而且仲會不停幫你加湯, 唔係加水.

推介 :
炸腐皮 (煮林晒好好味)
肥牛 (唔會好多肥膏)
滑牛 (好滑)
唐萵 (新鮮)
炸魚片角

另加茶錢每人 $10, 酸菜 $8
飲品2個人送一渣, 唔係任飲的.
埋單 $289 for 2

很少人和我一樣喜歡吃豬腦, 雞子等另類食物, 上次飯局和朋友談起, 原來大家也有共同喜好, 難得臭味相投, 當然不會錯過這機會. $98任食, 火鍋料用大碟砌上, 雖然大堆頭但尚算整理

豬骨煲 - 沒有豬骨的豬骨煲, 只簡單的放上粟米和大蒜, 湯底雖不太奶白, 但喝一口又能嚐到豬骨的香味, 夾雜著黑椒味, 算香濃

豬腦 - 令人又愛又恨的食物, 豬腦用花雕浸過, 酒味太過強勁而遮蓋了本身的鮮味, 不過質感依然的幼滑

豬潤 - 豐腴帶滑

鮮牛肉 - 很腍, 一吃便知是梳打的功勞

炸腐皮 - 迎期吃火鍋必備, 口感鬆化

粉腸 - 沒有異味, 帶爽口

出前一丁 - 調味粉要另加$5, 這價當然不合理, 但伙計後來也很識做的放下

雞子 - 任食內沒包, 味道很鮮, 雖另加錢也值得

另再點其他的, 但只屬普通

飲飽食醉埋單每人只$120, 這價錢實在令人驚喜

第一次黎, 個豬骨湯唔錯, 冇味精味.
好多特別的野食, 唔洗丸圓又丸
e.g. 炸腐皮, 羊肉
d肥牛都好新鮮, 好好食.
啤酒又平, 一定要試酸梅汁, 自家製, 解渴之選.
最欣賞係叫加水, 佢地原來唔係加水而係加湯, 正~
重有好多料落個source, 勁落炸蒜...haha

4個人諗住食下豬骨煲,去到見$88任食,就試下啦...要左豬骨湯底($20),一件豬骨都無,成湯都係胡椒水咁...然後叫野食..嘩!d肥牛係..全肥膏,我諗係凍肉鋪唔要d貨尾,滑牛係豬肉咁嘅顏色,都唔知放左幾耐?然後就得牛丸,午餐肉,羊肉金菇同菜...就無野再黎!我地問佢其他野呢...佢話全部賣哂(包括4款魚,豬腦,山根,芝士丸,蟹柳,韮菜餃),我地就問佢咁張紙其他野會唔會無,佢話好多都賣哂,咁我地話我地4個人埋單都要5佰幾,不過你咩都無...佢話:咁你散叫囉!....散叫左手切肥牛($108),蝦丸($58)...肥牛等左45分鐘,然後碟蝦丸就臭架囉!

叫左2碟野($108,$58),計埋湯底,雜費...埋單300蚊!勁唔掂...!

我本來對此食店的評價不錯（見下面），不過昨晚去過後我要重新評價！

我對這裏的食物及服務有3或以上的評分，不過對這裏的環境及衛生要給負數（最慘OpenRice最低分數是1）！

我們昨晚10:30後到達，初時沒有留意，但坐下後卻發現四周幾張枱也有人在吸煙！！！我還以為自己去錯了深圳？？？起初我想生意難做，食店不想得罪客人也無可厚非，豈料過後竟然有侍應問我們要不要烟灰盅？？！！那很明顯他們是參與其中的！

另外，其所謂的任食價$88並不包括：湯底 - $28，醬料（一碗普通豉油再讓你加點葱、辣椒etc.） - $20／位，另點任食單上沒有的食物等等，我們最後是每人接近$200埋單。

這次算是買個教訓，在銅鑼灣我相信一定有其他更平更好食更奉公守法的餐廳！

妹回了港, 都唔知食乜好, 就帶她打邊爐啦.
澳門豬骨煲多倫多冇了吧!

有 $98 任食, 再看看散叫的價錢, 其實98蚊又幾ok 播.
平日則是88蚊.

下午她才吃過日式豬骨湯底拉麵, 好像揾她笨咁, 又食豬骨煲...

湯底 $20 但係不是豬骨煲底, 係冇豬骨的, 想要骨就另加$40.
我知寶寶豬想食, $40 就$40 啦! (為了寶寶豬豬, 幾多都俾啦! )
都幾大兜豬骨呢.

7點果陣都冇乜人, 仲以為金融海潚真係咁勁? 已殺到埋身???
但食到一半, 英超/車仔一開波, 人群馬上出現入場殺入o黎, 頓時熱鬧起來!

乜都叫了些. 但其實portion 不大, 可試多幾樣野呢.

我認為, 手切牛肉係好食過美國肥牛的. 肉感好些.
也冇咁肥, 健康點呢.
但係之前醃過的...

炸腐皮今次略淋. 未浸湯都係咁...

油炸鬼墨魚係剛炸起的, 一流~
次次都要食架呢...

魚片都幾新鮮.
脆魚"魚完" 真的好脆, 唔腥, 正, 媽和女友 "聯口" 搞掂了不少呢.

其他丸等一般.
菜就好靚 , 一讚!

服務好細心, 唔該晒德哥!

10月10日(星期五)
老友生日,佢同我一樣都歡喜 "拾吓拾吓",咪去試吓啦!
安排座在電視機下,2個人好鬆動!
首先叫咗招牌豬骨湯底,原來無豬骨架,如果要就比多$40,而家係用豬骨熬出來的湯! 味道係淡d....但之後d蘿蔔片,粟米煲到好入味!
食品方面,無order 獅子狗, 唔知點解都嚟咗?仲要有好多呀......不過肥牛好大碟,好似知道我想食咁.. 脆脘片唔得,d肉唔新鮮..... 我覺得如果生蠔可以任食就更加好......!!
另外加咗1個小食---墨魚肉釀油炸鬼(唔記得佢正確嘅名稱),一般啦..熱騰騰點酸甜汁,好香口!
其實有五花茶任飲,不過都係可樂"襯"d,每人都叫咗1支!!
service ok！時不時主動行埋嚟問要唔要加湯!
埋單$280...如果下次去食,又係2-3個人,我會book定卡位囉!!

朋友牛一, 指定要澳門豬骨煲, 第二間唔制, 咁你都仲到佢有幾迷戀啦~
都成幾個月冇o黎了.
早幾星期已想來, 但仍然較為熱, 今星期ok 了.

平時打機就話屈機打 form 啫, 估不到, 一開波, 班友都係照叫 form.
就係先叫油炸鬼墨魚! 三碟, 廿秒內已被消滅!!!
豬骨湯底又以往一樣, 都係咁鮮味咁大兜. 班餓鬼也好快清了第一兜, 要加湯又加多碟剩豬骨.
都唔知咁叫, 比另叫多成個湯底差多少錢!!!!
我則重點食栗米. 真的好甜, 我一個人食了六七舊.
如太甜點d 辣椒豉油, 要勁蒜o既, 咁就ok o架啦.
芝士丸好食, 但切記係勁熱.
其他丸一般啦, 反而冇食肥牛.
魚皮略咸. 點湯才行.

服務很好, 真的要再一讚.
繼續看利物浦, 加上酒精影響, 大家情緒都推上高峰.
掛住睇波, 冇乜影相...
今晚好開心, 有波睇又有得和朋友打邊爐, 但美中不足係女友要返工唔o黎得.
下次和她來補返數啦~

好奇之下, 又上網睇o下豬骨煲的起源, 維基第一句係:
"豬骨煲創自澳門新益美食的肥俠" , 但係冇來源的...
咁邊個係澳門肥俠呀 ~~~

第一次小學同學聚會揀左依度開餐

訂左12人位比左間房我地坐
雖然最後得9個人到
不過都冇趕我地走或收附加費
值得欣賞

不過一入到都幾驚嚇
唔知係咪個冷氣機有問題
我個位周圍都係d黑色粒粒
d碗碟都一樣中左招
只好換左佢
而當我拿起一張點茶紙既時候
更見到大大個腳印
而且仲有好多黑色粒粒
明顯係比人踩完再擺返上枱
實在有點恐怖

食物方面ok
個豬骨湯唔係想像中咁好味
湯本身好淡
只係有d黑椒味
不過起碼煲乾水既時候係加湯而唔係加水
所以都keep到有味

材料方面芝士丸同蟹子丸好正
手切牛肉都好好味
好軟滑
其他野都係不錯的

真係飲品唔係任飲係一大可惜之處
如果唔係一定會好旺場

同學聚會食飯，有fd介紹上呢間，開頭都無idea間野係邊，所以最好先查查地圖至上去！

上到去地方裝修都OK丫，坐得舒服lor~ 最正對住個大電視，仲播緊奧運，幾好氣氛

好啦，講番野食先，個豬骨湯底清清地，幾甜美；其實唔係有骨氣o個款濃湯，個人認為呢度恰到好處，又唔會搶曬食物gei鮮味。$78 既任食，落單紙上的食物雖然好似好普通，但質素一D都ng普通。最正莫過於"芝心包"，D芝士好似流沙包D流沙，又香又滑；平凡的芝士腸，這裡是會爆芝士的；蟹柳是扁身的那款北海道蟹柳，特別好食。肥牛、滑牛都正！不能盡錄！

唯一無甘好就係野飲唔係任飲，叫枝裝汽水＄５　支啦！