38
9
14
以上資料只供參考, 請與餐廳確認詳情
新年好多鋪頭都唔開，見到呢間雲米家有開門，而且都好多人食緊，就入去試吓先。一入到去已經聞到好香嘅蒜泥味，佢哋嘅蒜泥白肉應該好多人食緊👍🏻 一坐抵就睇餐牌先，都幾多選擇。米線都多種選擇，有過橋米線，酸辣，麻辣等等。重有串燒食，真係估佢唔到🤣過橋米線 - 勁大碗，應該夠兩個人食。我都講，個米線好有咬口，唔會一夾就斷，唔錯。餸菜方面，有肉片、雞肉、腐竹及蜆肉。重可以再加自己喜歡的餸菜🍲麻辣金錢𦟌 - 個麻辣汁好香，大大塊牛𦟌浸滿麻辣汁。佢個麻辣汁唔太辣，但好麻，我最鍾意就係呢個麻辣，好食到食唔到口。麻辣蒜泥白肉 - 蒜泥白肉就食得多，加埋麻辣我真係第一次食。肉片上有大量蒜泥，加上浸滿麻辣汁，我一食落口，果種刺激感，真係好爽。我強烈推介呢個麻辣蒜泥白肉，估佢唔到咁好味🥰串燒 - 我哋點了燒羊肉串、牛肉串及墨魚頭。串燒勁好味，重點係佢哋提供了燒烤粉，我哋每食一啖，都可以加啲燒烤粉上去，勁嘢味，串燒真心好食🍡埋單時店員重同我哋互相祝賀，食得開心，氣氛都好好👍🏻
繼續閱讀
放工約朋友去荃灣食團年飯諗住食碗米線，簡簡單單又一餐點知入到去俾佢個雞煲吸引佐天氣凍就會想打邊爐，或者食雞煲但係點都估唔到米線舖都有雞煲食.麻辣雞煲半隻 $168豬大腸 $60腐竹 $35皇帝菜 $40燒生蠔 $25.雞煲無論係麻度同埋辣度都可以揀個人推薦麻度比辣高一格咁食我自己就點佐中麻配小辣麻辣汁濃郁可以先食麻辣雞後食豬大腸令辣汁完美融入豬大腸麻得黎好過癮腐竹亦都係食雞煲必點既無論係腐竹，定係皇帝菜全部都勁大碟又唔貴建議大家可以一碟一碟咁叫呢個份量真係唔係講笑再點多3隻爆蒜燒生蠔即叫即燒勁大隻$25一隻好抵食米線，就惟有下次先可以再試啦.雲米家 @wmk.hknoodles荃灣四坡坊17號地舖.#香港 #米線 #雞煲 #麻辣 #麻辣雞煲 #米線 #HongKongFood#HongKongChickenPot #ChickenPot #noodles #hknoodles #雲米家
繼續閱讀
本身雲米家係荃灣都出名係數一數二嘅米線店👍🏻咁啱經過呢頭就一試究竟😎黃金酸湯魚米線(酸辣🌶️): 真係好黃金未食已經聞到陣酸辣湯味🤩魚🐟份量又多酸菜魚簡直絕配😋味到啱啱好又唔會太酸又唔會太辣酸又唔會搶走辣味辣味又唔會搶走酸味👏🏻過橋米線(小辣🌶️): 份量大大兜仲好足料👍🏻個湯真係精華嘅所在🤩好鮮甜就算有辣味都唔會蓋過咗個湯嘅甜味😋真係飲得出好香濃豬骨味所以真係真材實料日日新鮮豬骨濃湯🤤麻辣🌶️蒜泥白肉: 份量夠多好足料👍🏻麻辣啱啱好唔會太辣又夠麻好過癮🤪白肉唔會太薄又唔會有豬臊味😋
繼續閱讀
📍雲米家（荃灣）荃灣四坡坊17號地舖今晚叫阿媽唔好煮飯，同佢出街食，佢最鐘意食辣噖，我地就去咗呢間有雞煲有飯有麵餐廳食，多啲選擇😆😆👉涼伴青瓜 💰$30😋😋😋😋.8/5大大碟，青瓜咬落新鮮爽脆，個汁好惹味，酸酸辣辣夠哂濃，食唔停口👉水煮牛肉飯💰 $58😋😋😋😋.7/5成個set上，唔好睇個格咁細，我一夾起啲牛肉，份量係超多，牛肉煮得好入味，又林又夠辣，餸飯一流，仲有酸蘿蔔開胃同上湯煮菜，非常健康👉牛𦟌魚皮鮫米線 💰$45😋😋😋😋.8/5我叫咗多酸，果然啱哂我口味，又酸又辣，個湯係成碗個精髓，又有好多我鐘意食嘅牙菜，牛𦟌滷得入味，魚皮鮫新鮮，搞到差唔多食哂，留唔到比阿媽食👉炸豆腐 💰$20😋😋😋😋.7/5豆腐炸到外脆內軟，面層鋪上滿滿蒜蓉，再點埋啲辣粉，真係不得了回頭：yesyesyes,見隔離枱食雞煲大讚，搞到我同阿媽已經講定搵日我地要再嚟食雞煲同酸菜魚，仲有好多其他嘢食😆😆
繼續閱讀
涼拌青瓜$30可按個人口味，向店員加或減酸辣度，自家酸辣汁混合大量蒜蓉、芫荽等香料調味，青瓜咬落口感爽脆，令人十分醒神開胃。涼拌豬耳豬肚 $50同樣可以可按個人口味加減酸辣度，豬耳勁爽口，加上青瓜絲和花生，口感更加豐富酸辣米線 牛丸牛腱 墨魚頭招牌酸辣米線，湯底濃郁仲有大量芽菜等蔬菜，牛丸牛腱同墨魚頭質素亦不錯，份量1十分大碗，對於細食嘅我嚟講同朋友share 最好。見隔離枱食串燒食得咁開心，忍唔住叫咗幾串試吓，分別叫左墨魚頭，牛，羊，豬五花腩，火候燒得啱啱好，肉質唔會好韌，調味好惹味，側邊仲有調味粉，如果嫌唔夠辣可以自己加。
繼續閱讀