近年愈來愈多人中意入元朗食雞煲, 八面棧都係其中一間!!!
佢處於ge位置成條街都唔係食肆只有車房, 極其量叫做有間士多, 唔熟路ge真係唔識搵!!推介: 奇味雞煲(小辣) - 得3個人叫左半隻雞(跟小許生菜及西洋菜), 雖然係小辣, 但係會愈食愈辣, 個味道好特別, 好好食!!
(PS 個汁太正 我地仲叫埋飯食tim)

其他配料: 滑牛; 肥牛; 秀珍菇; 雲吞; 雞子; 烏冬
配料幾新鮮, 滑牛好正!! 用個汁滾烏冬真係一流

本身好怕打邊爐食雞, 因為會有好多雞油, 反面今次又唔係好多, 隻雞本身都較瘦!
不過最好係食左d雞先, 因為d肉會愈滾愈老....

D 朋友介紹話依間野D雞煲好正,又入開元朗就試下啦~
間野都幾難搵~問左人3,4次先搵到。
原來係酒泉後面條街 ,7點左右去到已經有人坐左係出面D枱,
不過D呀姐見我地咁多個女仔..又著得咁單薄就叫左我地上樓上坐
我地6個女仔一個男仔

叫左個奇味雞煲(一隻雞)$138

送左少少生菜同西洋菜

連我唔鍾意雞都忍唔住搶多兩舊~
我地搶住食個煲~兩下就食哂D雞!

之後叫左一碟云吞$2X
得6,7粒,重要滾左好耐都唔熟

一碟雜菇$25, 冇咩特別有少少金菇,鮮菇同秀珍菇
一碟雜丸$2X, 有十粒左右
再叫左2個飯(冇送用汁撈飯都好味!!)同一渣綠茶蜜..點知黎左菊花蜜..
飲左先知~算啦..都幾好飲GA

其實未飽 不過D配料唔太抵食同唔好食,所以走去食糖水算LU
張單$280,平到笑

好奇怪既一間餐廳。

因為之前去過一次，食過佢 D 雞腳，覺得幾好，所以就算食飽飯都好想去食下佢 D　雞腳。順手俾朋友試下佢 D 酸辣粉。

但係酸辣粉:
係碗麵既上面有一層好厚既油，比火麻仁還要滑大腸。
過喊既湯，食到幾次應該要檢查下個腎。
大辣都吾辣，佢最辣都雖然係大辣但都幾吾辣，想食辣的話，你會失望。
問老闆點解，老闆娘話4川菜係食香吾係食辣，可惜既係我吾覺得特別香，只係好喊同好油，作為4川菜黎講，辣既程度不合格於叫做4川菜。
所以最後只係食左幾啖就走。
至於隔離台就話佢 D 啤油有垃圾味，不過我冇飲過，只係轉述。

環境:
樓上樓下同出面。
由於佢有得打邊爐，而你吾係太想成身味，咁就盡量坐出面。
地方骯髒，比大排檔還要差。所謂既入面就只不過係一間屋入面放D tables，冇防火設施，如果打打下邊爐著火都吾出其。
佢吾會理D 客係咪食煙，所以對吸煙者係個好地方，對吾吸煙既食客就揀揀位先。

服務:
雖然佢大部野都冇骨，但D 人講野有骨。
幫襯得少會俾人串啤。
揀位坐又會比人話。
拎個盒外賣就話你麻煩。
想要條匙更都係自己去拎。
俾錢個刻重要串多你一獲。
好既係佢冇強收服務費，吾係你都俾得吾甘心。
我諗呢間野都幾吾憂做。

價錢:
小炒價錢同大排擋差不多，但就細碟D。
但以食物質素黎講，一般，不過不失，係有D 過油。
同區差吾多既食物應該比佢更抵食。

總結:
如果世界只剩佢一間餐廳，我諗為我會以後自己煮。

男友早左放工
今日凍冰冰
想搵dddddddd熱辣辣既野食下
男友成日都話要帶我黎這間鋪頭食野
因為這裡的雞煲好辣好香好好味
今日咁凍
唔食雞煲仲可以食咩呢=VV=
果然好多人既選擇都同我地1樣
9點幾間鋪頭都仲坐滿哂
2個鋪位都冇1張空台
好多人都等緊
做野既阿姐做到冇停手
幾番擾攘先有客人走左可以坐低
係門口真係凍到變薑
好快決定好食咩
叫左阿姐落單
落單要快手
阿姐好忙
得2個人
所以叫左個大雞煲中辣
另加1碟肥牛
叫完野睇陣電視
個煲到喇
好多辣椒喔!!!!!!!
等佢滾熟先
DDD辣椒都變左辣汁
聞落去真係超香超辣
終於有得食喇
真係好辣呢
1向愛辣既我都覺得好辣
又辣又熱
正
再加埋DD菜
辣上加辣
肥牛味道麻麻
但加上特辣汁
生色不少
1個煲2個人食
其實食唔哂
所以我地都盡量食
我覺得1個煲4個人食
再加上幾碟火鍋配料
就最完美了
會有下次的
但還是循序漸進
叫小辣好了

同阿哥行完元朗廣場，見網上食評唔錯，走過離試下。開左兩個鋪位都要等位，好多人企門口，成9點都仲要等半個鐘。d阿姐做到喘晒氣，唔駛旨意有好面色你睇。

豬腸鍋 - 豬腸初上時有點un，我地由佢繼續炆，點之越煮越辣，入味又唔un，而且好多豬腸，食極都仲有，d大豆芽同類似魔芋的東西，入晒味好正。阿哥之前食過牛肉鍋，佢話好少牛肉，其實可能係俾佢個朋友食晒。我地叫小辣都已經好辣，總括來講“辣”味多過“麻”味，如果加多d花椒同香料應該會更好。

牛肉 x 2 - 鮮牛肉片，新鮮程度一般，可能個湯底太濃，滾咩都冇晒鮮味，所以d牛肉唔駛咁靚掛。其實一碟都夠，初時阿哥話d鍋好少餸，叫左兩碟，都食唔晒。

西洋菜 - 叫麻辣鍋送既，d菜吸晒辣油，超級辣，好似有d折磨個胃。

口水雞 - 食完麻辣鍋，對比之下呢個無咁辣，味道一般，都係果句，唔夠麻味同香料。

蒜蓉青瓜 - 酸酸地，又爽脆，解下辣唔錯。

la間喺好偏，一條無其他食市、無乜人行嘅小巷~八面棧
正宗四川菜又夠辣味道正、$平HK好難食到.YL.la間簡直平靚正，雖然位置偏，但都好多人食.連花師奶都讚好

出名辣雞煲,好味過深圳...美味指數十級
日日都要等位,唔休做...過年休成個月到今天14/2都未開.22/2開市

店面寫 " 八麵棧 " 心大心細是否這家!?
菜牌寫 " 八面棧 " 就知無來錯。
我是在平日的晚上來到，人流不多。
我兩人叫了四個菜。我都食得辣的，但菜式可再辣D會好。

早兩日黑色暴雨過後，友人相約至元朗開飯，話食川菜。
去到八面棧門口，比佢嚇親，一、門面"up dup"，又有少少污糟，以為係d小食店，係經過都唔會想入去果種！二、隔兩個鋪口居然係賣殯儀野的鋪頭，真係大吉利是！
幾個同行的朋友呆左一陣，有點不情不願進入食肆，見到個個枱面都一定有個大煲！而且裏面全部都係紅當當的辣椒！個樣都幾嚇人！
坐低後，立即開餐，有口水雞、水煑牛、水煮魚、水煑豬內臟(小妹不敢恭維，但同行友人無不大讚新鮮好味！)，重有一d唔辣的小菜(因為同行有不吃辣的老人家)，碟碟辣野上枱個樣都好嚇人，以為超級勁辣，點知全部都得個樣！但都幾食！不過辣多少少就好啦！(小妹不是食得勁辣的人，但都嫌唔夠辣！)
最得意係所有水煑煲底都有一d好似粉條的米線物體，煙煙"un un"好好味！
重有佢個菊花蜜都唔錯，我地十個人叫左好幾jar~
最後埋單有驚喜，每人一百蚊！真係抵到爛！
不妨值得一試！不過店內的人忙到連埋單都唔得閒理你！

我媽媽好鍾意食辣野ga. 呢間鋪頭就係人地介紹俾佢

佢之前一晚先同朋友食完, 第二晚又叫我同佢一齊去食

其實呢間野真係幾好味.
當晚我地叫麻辣牛肚絲. 雞肉拼牛肉火鍋(中辣) .另加叫一碟魚和豬腸來打邊爐. 最後還有一碗麻辣粉

真係樣樣都辣得好好味. 個煲雖然係中辣. 初初唔覺得話好辣.但一路滾滾咁食.就會越食越辣.......個煲入面都有一D 粉.夾埋D 芽菜食好爽口

碗麻辣粉就有D酸辣的感覺.但都一樣咁正.

呢間鋪頭細細間. 夜晚黎食都幾多人GA.好多時都要坐出門口. 但係凍日子
咁樣食麻辣火鍋都幾過癮呢!!

而且呢間鋪亦有碟頭飯和粉麵. 若果有小朋友.佢地就可以食呢D .唔駛怕佢地冇野食

隔離有一間士多. D 菊花茶三蚊大大支超抵飲. 可以走過去買幾支降降火冇咁燥

我同朋友兩個人食，都唔洗一百蚊，菜色好正宗呀!!!口水雞好好味!!