31
5
2
港鐵太子站 E 出口, 步行約4分鐘
繼續閱讀
電話號碼
27882383
營業時間
今日營業
11:00 - 19:00
星期一至六
11:00 - 19:00
星期日
全日休息
以上資料只供參考, 請與餐廳確認詳情
相關文章
去到嗰度啊等外賣呀，一個好老嘅阿姐喺度買嘢嘅，要你企喺度等咗成三四個字，佢都當你唔存在，同佢講嘢唔應你呀，仲鬧翻你轉頭，咁做生意喔，態度好差，你間舖頭雖然做得耐，但都唔應該用啲咁嘅態度對客人囉，生意太好啊，所以對d客人態度好差
繼續閱讀
今日兩口子路經深水埗掃平貨，春潤堂居然有開堂食又有位，實在無辦法唔坐低，安撫下自己久違了油渣麵的味蕾。小店真係好細，主要做外賣生意，我哋食到汗流浹背，但滿足了味蕾。麵質一向彈牙，唔淋，豬腸油渣經店主精心炮製，肥瘦適中，又香又有咬口。佢湯底好清，因為預咗我哋加菜莆，店內菜莆有分辣同唔辣，配埋個湯味道剛剛好。另一推介加餸要加韮菜豬紅，豬紅好滑又炆得入味，我哋兩碗都有加，另外都加了魚肉，一樣煙韌彈牙。總有碗麵令人回味。
繼續閱讀
因疫症期間，小小的春潤堂不設堂食，所以都好耐無專誠去幫襯。前兩日落去花墟買花，見有人出食評已開返堂食。所以就專登由火車站行過去滿足一下久違了嘅邪惡👿油渣麵呢幾年物價狂升，小店能夠繼續生存絕非易事。難得佢哋嘅價錢仍然好穩定。$42大大碗豬腸油渣麵，加餸都係$7/款。油渣仍然係彈牙爽口，乾乾淨淨。唔會有油溢味或炸到硬掘掘。豬腸亦都唔係坊間嘅豬腸，完全係無肥膏係腸裡面，店主處理豬腸時用小腸，並將豬腸剪開，將肥膏剪走後才炆淋。繁複嘅工序就可參透小店嘅心機。作為食客，可免除一向食guilty food 嘅罪惡感。亦到深神領會店主對食物烹煮嘅執着同用心。仲有，千祈唔好忘記落菜脯。佢哋菜脯有分辣同唔辣。兩款都係店主用心自家製作。雖然食到身水身汗，但為咗食碗正油渣麵，絕對值得嘅⋯⋯
繼續閱讀
人生第二次食豬油渣麵，第一次喺元朗，間舖早已不存在；今次就嚟到太子嘅春潤堂。呢度以外賣為主，堂食只有幾個座位。豬油渣麵應該係小店名物，我見好多人都有叫，官方推介係配豬大腸，但我唔食，所以就揀咗配車仔麵嘅餸：魷魚同牛筋丸。首先要讚下啲豬油渣，份量多，炸得香脆惹味，每食一嚿，邪惡感頓生😂。兩個餸以牛筋丸較出色，有咬口亦有牛脂味，魷魚都有咬口但味道較淡，感覺浸水久了。麵嘅湯底只有一小片冬菇，其他配料欠奉，一點也不油膩，配埋白身嘅上海麵，味道略嫌清淡。不過回心一想，這樣也好，可以中和豬油渣的邪惡。
繼續閱讀
行過路過唔好錯過系列，呢間都算係太子名物，行過見到竟然唔洗排隊就立即走入去食返碗豬油渣麵。我叫咗豬油渣加豬大腸加豬皮的油麵，$49大大碗，仲加咗沙嗲汁。呢間小店最出名係豬油渣，所以係必點嘅，味道真係唔錯，幾足料都有幾多豬油渣。佢呢度嘅豬大腸同平時食到嘅好唔同，雖然洗得好乾淨，不過我自己就鍾意平時食到煙煙韌韌嗰種而唔係比較爽口嘅呢種。豬皮都夠入味，爽口，都幾正。估唔到碗麵包埋韭菜腐皮同芽菜。
繼續閱讀
您可能會有興趣的...