77
22
13
港鐵尖沙咀/尖東站 L5 出口, 步行約4分鐘
繼續閱讀
開飯介紹
來自日本關東木県的迥轉壽司店，自2005年進駐香港，供應「江戶前」手握壽司，更從日本引入全港首創的「新鮮度監測系統」，保證食材新鮮度。
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
招牌菜
食家推介
相關文章
知道呢間千両就快執，於是打算過來最後一遊。這裡環境寛敞，座位舒適，而且位置方便，午餐選擇亦非常多，現在因為整個商場裝修而關門大吉，真係好可惜。我點了個百両定食($82)，朋友則點了個千両特上刺身丼定食 ($128)。百両定食: 我見個餐包左好多野，於是點左呢個。個烏冬好彈牙，天婦羅水準亦合格。不過壽司就麻麻地，塊刺身好似未解完凍，仲有點硬，味道亦好淡。千両特上刺身丼定食: 可能呢個餐都貴多幾十蚊，所以刺身水準明顯比百両定食要好，每款都挺好食，尤其係隻蝦。而入面個小帶子，size雖小，還是挺有咸香味。埋單時佢仲送左張coupon俾我下次在另外兩家尖咀的千両用，真係唔送唔知原來咁近都仲有多兩間千両呢。
繼續閱讀
千両壽司拼盤🍣🍣🍣🍣🍣.嘻嘻又到千両食晚餐😋通常肚餓而且唔想花心思諗，就會點呢個壽司拼盤❣️兩個人分的話，每人都可以食到十件唔同款添啊🥰.單單係吞拿魚已經有三款😚中拖羅同拖蓉簡直係無得輸！三文魚籽軍艦最愛咬落口卜卜聲爆汁🤤帶子同牡丹蝦🦐都係至愛😉其他有左口魚、油甘魚、三文魚，食完非常滿足👍🏻
繼續閱讀
係誠品睇完書，又行完街，已經9pm，唔知食咩好，就諗起去食手握壽司「千両」，一來想食之前食過既特盛壽司拼盤，二來儲緊分做會員。千両特盛壽司拼盤（二人用）$360有九款壽司加甜蛋，每款兩件供二人享用，比一般壽司店貴少少，但全部都係貴價少少的款式，如帆立貝、拖羅、三文魚籽......味道又幾好，所以覺得性價比高。赤身魚味重，肉質細膩，壽司飯握得實在，但入口鬆軟，醋飯調味不錯。帆立貝壽司賣相好看，用原粒帆立貝切開，好大件厚身，鮮甜嫩滑。佐口魚邊？！呢款白身魚，其實魚味都重，但口感更吸引，好爽口好有嚼勁，越咬越開始溶化，魚脂都香。甜蛋微暖好香甜，鬆軟口感亦要讚，可留最後當甜品食都得。油甘魚好肥美，魚脂入口散發香味，雪白魚肉唔使點咬就已紅化開，同樣美味。三文魚亦油脂豐腴，顏色鮮豔有油光，比一般的三文魚壽司好食好多。蝦肉鮮味爽口，肉質有彈性，入口亦甘甜滑滑溜。開始食更濃味的款式，脆卜卜又晶瑩剔透的三文魚籽，真係鮮味係口中爆發，咸鮮味令人想食多幾口飯。京蔥吞拿魚腩蓉，切成魚蓉所以入口脂肪更快溶開，一野爆發的滿口魚油香，仲要魚味濃重，配京蔥辛辣的惹味，完美最後食拖羅，同魚蓉有點分別，雖然都係好重魚脂香又味道濃，但呢款味道慢慢出來，餘韻的魚味長。每款味道都好好，價錢亦合理，所以會來第三次、第四次........再回味一下。
繼續閱讀
生日快樂！趕住去開會，大家簡單食！.喺我哋精打細算嘅同事研究午餐餐牌後，發現C餐最抵食 🤣🤣🤣 所以一行4人全部 order C 餐 （後來發現後面嗰枱客同我哋一樣要C餐）🤣🤣🤣.份量一d都唔少，有新鮮壽司拼盤 (最喜愛辣味三文魚），超大隻 + 爽口彈牙天婦羅蝦 (粉漿有點厚）， 清新又新鮮沙律，嫩滑煙靭木魚湯烏冬！有驚喜😋😋😋
繼續閱讀
今晚去左千両食壽司，揀左最有保證的特盛壽司拼盤，價錢合理，分量足夠二人享用，而且有10款不同壽司，絕對滿足想食日本野既食慾。千両特盛壽司拼盤 $360，總共20貫，分別有10款壽司。蛋壽司鬆軟香甜，蛋味突出，煎得唔算油膩。帆立貝壽司好大件好厚身，鮮甜嫩滑。吞拿魚壽司有如中拖一樣肥美，魚味濃郁。三文魚壽司油潤豐腴，魚脂香又啖啖肉。蝦壽司大隻爽甜，肉質充滿彈性。佐口魚裙邊壽司肥美得黎有爽口感，有點咬口，味道較淡。吞拿魚腩蓉壽司配京蔥微辛味道，更惹味更有油香。油甘魚壽司非常新鮮，油光顏色都好靚，入口溶化的油脂，有油香得來魚味亦重，好滿足。三文魚籽壽司粒粒飽滿，爆開鮮味十分驚人。大拖羅壽司最肥最多油的，留最後食，唔使點咬就有如口中化開成油一樣，嫩而香，令人回味的滋味。十款都超好味，性價比高，必食之選。炙燒極上佐賀和牛卷 $68，炙燒和牛溶化牛脂，其實幾油香幾正，但個面好似燒耐左，有點焦黑，影響左味道。和牛刺身食其鮮味，牛味較淡，壽司卷口感有層次，青瓜爽口還有脆脆地好似蝦殼咁，味道不錯。
繼續閱讀