有人請客, 持特價卡, 原價三百多, 現只二百樓下. 無論如何, 都要了解清楚市場價是多少才可判斷. 雖說原價是三百多, 但在OPENRICE的網頁, 人人都可以印出優惠卷, 要對比一下才可知道便宜了多少. 各位可自行計算.食物款式不多, 質素尚可. 因跟大隊食飯, 有人請客, 不好意思拍照. 只評幾頂吧. 雖然魚生都是平價貨, 但都尚算新鮮, 三文魚(魚生)夠味, 不似一般超市淡淡的, 煙三文魚則味道略淡, 口八爪魚爽口但味道淡, 鴨肝醬口感略散欠香味, 凍蝦入口彈牙, 可惜無味, 生蠔屬超級細少品種, 而且腥味頗重, 凍螺肉同樣十分彈牙而無味, 凍蟹腳同樣是十分淡, 熱食大多中等質素, 大約十一、二款式, 例如, 蒸魚味道尚可, 薑蔥不足, 魷魚炒西蘭花, 爽口彈牙, 咖哩欠香不夠濃, 而且無跟NAAN薄餅, 只有白飯, 沒有炒飯或長米飯, Roast Beef不錯, 夠軟有牛肉味, 甜品有Movenpick Ice-cream, 生果選擇少, 但極新鮮美觀, 西瓜紅紅又起沙, 蛋糕大多一般貨色, 可接受啦. 二百元樓下的自助餐, 算是物有所值.

關於餐酒方面, 打開WINE LIST, 最平的都要$420/支, 立刻上網查一查, 同款在超市買緊一百元左右, 要注意的, 是超市價, 非成本價, 四倍於市場的價錢, 相對於成本, 應該更高, 又查一查此店的自携酒水收”開瓶費”$150, 即如果在超市買同款餐酒$100, 加開瓶費$150, 共$250, 與WINE LIST內的$420, 相差了$170. 此店在定價方面未有考慮周詳.

今日約了個朋友食 Lunch buffet,她說這一間是她研究過，又有 “ 生蠔 ”
價錢又心較經濟抵食的一間。

這裡的地點也不算難搵， 雖然酒店不算很大間，但餐廳的位置&環境 都可以。
而且地方清潔企理，服務員態度良好，執碟也算快手。

放食物的空間都算大。食物種類都很多。

凍食：生蠔 ，都算新鮮美味，有少許海水鹹味，雖然係細隻左D。但係供應期間會不停 refill
就算就完buffet time 都照供應。抵讚！
三文魚 ： 肥美新鮮。
其他的仲有：螺，熟蝦( 鮮甜爽口 ) ， 鮑魚片……等等

熱食： 豬脾骨 “ 味濃嫩滑 冇乜渣 ”，燒牛肉 ( 唔un,有肉汁 )，
咖哩，魚，湯粉，即炒意粉…… 新鮮熱辣辣。

沙律： 粟米，紅腰豆， 羅馬生菜，火箭菜， 蕃茄仔……等等 。全部新鮮。選擇易算多。

甜品：自製pancake ， 豆腐花， 朱古力蛋糕，哩喱，果凍， 朱古力噴泉，生果
雪糕 “ 雲呢哪，朱古力， 士多啤梨， 焦糖 ”

仲有 橙汁 & 西柚汁 任飲。本身都有一杯 餐飲。
所以以呢個價錢嚟講，又有生蠔食， 真的很價廉物美。

老實講，真係唔明點解有咁多好評
I was so foolish to believe those comments!

每年聖誕同屋企人都會食自助餐
今年遲左訂，其他酒店21﹣26都full左
咁我就揀左呢間，初頭打去訂位都有D奇怪
點解可以訂24號，25號都有，唔通好大間？
仲有廣告話1x號前訂位有折，我訂個日過左都照俾折我
食完之後明晒，仲俾屋企人話我無taste

廣告賣到好多野食，點知好少選擇
係我係其他酒店食既一半左右，仲係好普通既野

重點賣生蠔，D蠔又細隻又唔鮮
鐵板蝦同扇具D味道好奇怪，無晒海鮮應有既味道
其實呢兩樣都好難整得唔好食，但佢做得到
最特別已經係呢三樣

ben&jerry 雪糕舀完出黎好快就溶晒，都唔知食乜，飲雪糕汁？

食左好少野就走左，臨尾仲要係食碗淨麵塞下個肚，唉....

呢餐每個人俾200都多左俾佢
但最後係一個double，折完都要410

永久blacklist。

衛生問題
1) 冷盤Keep 既溫度不足, 海鮮好霉,尤其青口,生蠔都麻麻地, 處理溫度可能多個食評寫"海鮮唔新鮮"主因.
2) 雪糕經過幾個人拔, 面層溶晒, 拔落去...又黏到d溶...真係食左驚肚痛...哪個都似係keep溫度不呎問題~
處理生冷野都咁唔小心, 很難想像這是酒店水準?
3) 糖果...用個大盤放係度, d細佬係咁用手那...叫其他人點食?

即煮扇貝及蝦
同其他食評一樣, 無味~ 因為跟本冇調味? 是是但但炒熟俾你食.
焗生蠔: 仲有好多水, 怪味

同上一位食評一樣:
無龍蝦仔,翡翠螺, 無長腳蟹...真係冇咩好食..
生蠔細冇味...唔係好新鮮

一個無誠意,是是但但,不注重細節及衛生的自助餐
食得都幾唔開心

睇食評幾好,有生蠔食就諗住試下點知食到唔想食
1)三文魚刺身又碎又細件,唔係好新鮮
2)生蠔細件又無肉
3)熟食唔吸引,真係無野選擇,我寧願佢比雞亦,薯絛我好過
4)無龍蝦仔,翡翠螺
5)鐵板扇貝勝在即煮夠熱,但無味!!
6)cake完全唔好食!!!!泡芙係我成晚食嘅唯一甜品!!
7)ben&jerry"s雪糕好味但唔夠凍好溶,拔嗰時有點嘔心
整体係好失望

突發吹雞即晚灣仔區食自助晚餐，放棄食咗幾次、價錢實惠食物又穩穩陣陣嘅六國酒店，上openrice另覓新選擇。見呢間Century Hotel價位適中，供應食物又似乎幾啱胃口，一於訂座。

其實好多好多年前去食過幾次自助餐，當時Novotel集團仍未入主，印象中此店自助餐只係好一般，揀佢純粹因為地點同價位合理。今次重訪，餐廳裝潢入型入格，只驚喜嘅係環境竟然保持闊落，檯與檯有相當距離。今時今日就連貴價五星級酒店，包括老銅怡記、金鐘香記同尖嘴假日，自助餐廳都逼到櫈背貼櫈背，真係無諗過呢間Novotel仲keep到大家心目中星級酒店餐廳應有嘅用餐環境，非常難得!雖然主題係『任食深海扇貝及海鮮自助晚餐』，但我諗唔少食客都係被生蠔吸引而來。香港似乎愈來愈少自助餐廳有生蠔供應，就算有、價錢多數都要去到四五百一位。呢間Le Cafe三百蚊價位既有生蠔又有蟹腳，又係一個難得。此店冷盤選擇出奇地多，刺身、煙三文魚、凍蝦、藍青口、日式螺肉、泡菜蜆肉、煙肉、芝士等基本款式之外，連風乾火腿同毛蟹腳都有，加上沙律、冷麵、壽司等等，「生冷嘢」足足佔咗食物選擇近半，唔畀讚都唔得啦!

生蠔得一種，size細細隻，乜嘢「海水味」、「金屬味」我就唔識分喇，我只知道實在鮮甜到不得了，細細隻密密食，正! 之前見有食評話有蠔殼碎，我食咗一打都有兩隻似乎有細細粒異物，但我唔敢肯定係殼碎定條冰碎；不過此店直接將已開殼生蠔放在冰上任人取，冰碎彈入生蠔內完全唔出奇。要避免，響冰上加層保鮮紙就KO，咁簡單唔通諗唔到?

毛蟹腳唔算大隻，不過又係鮮甜好味。蠔同蟹都係比較貴嘅食材，但就跟全場所有食物一樣，全晚源源不絕供應，而且有個廚師不停巡視有冇食物快將取光馬上補給。臨走時見盤刺身係一整盤滿滿的剛補充，但果時已經係用餐時段尾聲喇，咁落足本refill嘅自助餐廳真係無得彈。冷盤樣樣都好正，但係盤壽司真係扣晒分，基本上賣相比$3/件自己拑嘅外賣壽司仲要悲劇， 成盤壽司得腐皮同玉子叫做見得下人，唉...其實既然其他選擇都已經咁多，保證唔到壽司質量的話，又何必擺出來呢?生冷嘢一流，熟食又點呢?店方自己響openrice推介「燒特級牛肉」同主打「深海扇貝」，燒牛肉好巨型，但肉色係紫紅色異常詭異，而且就算好生都係靭嘅，並唔好食；深海扇貝仲以為係食開成隻手掌咁大果種，點知只不過係小兒科，成隻貝殼得手心咁大，貝肉烤熟後剩下細細粒，試咗牛油汁同忌廉汁，食唔出有乜分別，亦都冇乜味道可言。

其實生冷嘢已經食到好飽，但係見唔少熟食都唔錯，飽都繼續食。清蒸海魚同香煎鱸魚柳獲一致好評，薄餅來自酒店著名意大利餐廳理所當然要正，印度咖哩牛腩同馬沙拉雞肉亦都係頂級美味，咖哩汁配瑤柱蛋白炒飯，正到呢...生果款少量極多，甜品選擇則相對比較少，蛋糕得三四款、聞說朱古力蛋糕好好味；蘋果批算係比較特別，叫唔出名嘅小杯裝甜點就唔多吸引。不過有雪花冰、堂煎pancake、朱古力噴泉、軟糖等gimmick嘢，如果有埋格仔餅的話，小朋友會開心死。

大朋友就被Ben and Jerry's四款雪榚吸引死。濃厚朱古力味獲同桌大讚，雲呢拿都幾好味。用上原廠雪榚紙杯，錯覺好似矜貴啲咁。收藏於桌面內擺放嘅雪榚冷凍系統唔夠力，第一round取雪糕時已唔夠凍，再出去取時因為不斷有人開蓋取用，雪糕已開始融化類似軟雪糕，要扣分。食飽當然係餐飲時間，全檯叫得一杯凍飲「冬OT」，但就畀足一壺(半杯份量)嘅糖漿。員工都咪話唔倒米，但我會畀個like佢! 食得自助餐就係想要豪爽大擦一餐，咁樣大大方方畀人食先啱架嘛，le cafe員工我撐你喎!

呢餐用咗七折優惠券(其實唔駛印券，開口都有折)每人三百有找，環境舒適又咁多好嘢食，『蠔』抵食啊!

再過幾日就係我地o既一千日快樂 , 不過正日我人在台灣
所以提早幾日預祝 , 同妳黎左呢間世紀香港酒度店食自助餐

Le Cafe 係妳早早加左入心水o既餐廳 , 我毫不知情 ,
直到見到某某 app 有得下載優惠劵 , 晚市自助餐 $ 250 一位 ,
主題為 " 黑松露海鮮自助餐 " , 相當吸引 ~ 即刻 download 左
夾好時間 , book 好晒位 , 先知道原來妳都對呢間餐廳好有興趣 =)

當日我地大約 6:05pm 就到左 , 自助餐開始時間係 6:30pm
待應雖然忙於準備食物 , 都好快帶我地坐低 , 倒好兩杯開水 , 十分友善早到o既好處係 , 可以影到食物最完整o既相 , 由其係甜品 ^^
我影相時 , 妳就去開始拎野食 , 今日打頭陣o既 , 係飲湯 ....

西湯 ~ 完全飲唔到椰菜花味 , 係一個普通忌廉湯
中湯 ~ 鴨味好香 , 好足料 ... 不過比較油左 d 其次係凍海鮮 , 再繼而食刺身
凍蝦 ~ size ok , 但食落無乜味
翡翠螺 ~ 大大隻 , 鮮甜 , 爽口 , 彈牙 !! 有一兩隻有沙
雪場蟹腳 ~ 比亞拉斯加蟹腳鮮 , 唔會淨係得海水味 , 蟹鉗部份肉質鬆散但最甜
生蠔 ~ 唔算大隻 , 味道還可以 , 不至於令人不停 encore 佢剌身方面都幾特別 , 壽司排得好靚但我無食到 =p
三文魚 ~ 肥美厚身 , 無筋 , 好味 !
鱲魚配黑松露 ~ 松露甘香可口 , 唯鱲魚質感同味道一般
白玉豚 ~ 未試過呢種刺身 , 有驚喜 , 軟滑帶油香 , 有少少可接受o既腥
鮑片 ~ 幾甜幾爽口 , 比想像中好食
另外有個薯仔沙律用上松露油 , 不過怕太飽無食到 完成一輪凍食之後 , 係時侯到熱葷 , 頭炮緊係海鮮啦 !!
鐵板燒深海大扁貝 ~ 果然好大隻 , 牛油味唔會過重 , 保持鮮味 , 可以自由選配醬汁 ,
最好味當然係清香o既白松露汁 , 其次係帶有甜味o既燒汁 , 仲有個牛油汁我無試 ...

燒蠔 ~ 個人口味開題 ?? 我覺得唔幾好食 , 好腥 .... 仲有少少酸燒牛肉 ~ 食評話係必食 , 好濃郁牛味 , 薄切得好靚 , 生熟程度相當唔錯
黑松露雞肉露筍炒飯 ~ 熱食o既黑松露食品就只有佢 , 炒得幾靚 , 松露唔多但好香豬仔骨 ~ 全餐最美味o既熱食 , 醋味好溫和 , 黑糖味就唔係幾突出 ,
但佢咁樣整好食過用燒烤醬 , 無咁味精 , 豬仔骨肉嫩而且好入味 , 食左兩大條 xd

西檸雞 ~ 炸粉夠薄 , 金黃香脆不油膩 , 西檸汁甜酸度調得幾好味
蒸魚 ~ 唔識分係咩魚 , 總之好滑好好食 , d 蒸魚豉油好鮮味 , 正 !!燒春雞 ~ 味道肉質都有水準 , 有少少脆皮 , 唔好點太多汁 , d 汁都幾咸
三文魚扒 ~ 好乾身 , 無多餘油份 , 個汁酸酸地好好味
洋蔥炒薯仔 ~ 好香 , 仲有少少脆面 , 明知會易飽都食左幾粒 xd
蓮藕餅 ~ 越普通越難好食 , 煎得好香好結實 , 蓮藕少左啲 食左個半鐘 , 有八成飽喇 , 轉戰甜品區 !!

香酥蘋果批 ~ 全場最正 ! 酥皮邊鬆化 , 蘋果帶酸好醒胃 , 仲有 d 果仁 , 特別過成日都係肉桂味
意式奶凍 ~ 好滑好濃奶味 , 唔太甜 , 好味
熱帶果朱古力蛋糕 ~ 好特別 , 好香熱情果味 , 又係酸酸地咁 , 正 !
紅桑梅 cheese cake ~ 有 d 似藥水味乳酪 ><"
new york cheese cake ~ 芝士味香濃 , 但略嫌質地唔夠實淨 細細杯o既甜品無名牌 , 我只能憑味道黎命名 ~
杧果布甸 ~ 幾好味 , 有少量果肉 , 唔會太重奶味
咖啡奶凍 ~ 甘香濃郁o既咖啡味 , 唯口感唔夠滑溜
柚子奶凍 ~ 淡淡清香o既柚子味 , 幾特別 , 有少少 yogurt 成份

有一份係糯米紅豆卷 ... 糯米皮好軟綿但又帶嚼勁 , 紅豆茸甜度得宜 , 唔錯 ^^
另外仲有朱古力噴泉同一部自製 PANCAKE 機 , 太飽無玩到 ,
特別想提下幾款橡皮糖 , 係有質素o既西德糖果 , 好煙韌嫁 =p最後當然係雪糕及水果啦 , 菠蘿過甜 .... 西瓜同哈密瓜就幾好
雪糕係 ben and jerry , 四款大路口味 , blueberry 似藥水 , 恕我唔識欣賞
雲呢拿最好味 , 有一點點黑色 , 好香甜 , chocolate brownie 好濃朱古力味
個人覺得好苦 , 但相信對於愛好朱古力者一定會愛不釋手 ,
草莓味唔錯 , 但食多幾啖就好甜 , 總括黎講我係食左唔多雪糕o家
提一提相中個雪糕匙 , 用左流水式不斷清洗住 , 好細心 ^^ 餐飲凍檸茶都幾大杯 , 擁有一貫西式紅茶唔夠茶味o既問題

## 呢一餐食得好平均 , 即係樣樣野都唔錯 , 所以好飽 ....
$250 / 1 優惠價 , 連加一服務費都係跟返呢個優惠價 , 幾抵喎 !!
openice promote 緊個主題係深海扁貝任食 , 係同我呢個優惠一樣o家
鍾意食松露或者鍾意食扁貝 , 燒蠔o既 , 不妨一試 =)

另一farewell lunch，真的十分感謝你們呢，知道我喜歡吃buffet，選擇了這間Le cafe，在公司走過去大約十分鐘的左右，很方便呢。
餐廳環境都不錯，很寬敞，而食物種類也很多，比想像中好很多，還記得早一年都去過novel hotel吃buffet，那次是在九龍那間吃晚餐buffet，覺得質素普通，而且種類又不多，心想，以後都不敢再去novel hotel，但原來不是每間都這樣差的，灣仔這間的lunch buffet也不錯一入座，看到旁邊的食客在吃oyster，我立即瘋狂去尋找，剛好有refill，揀了最好的
雖然不是即開，不過新鮮程度也不錯，一共吃了9隻，味道是ok，但開蠔那位師父有點笨拙，把蠔殼都一拼給我們吃
旁邊的三文魚也很肥美，很新鮮，有時很怕buffet吃三文魚，因為都很臭很腥，不過這裡的很好，所以都吃了很多件!吃完生蠔，就去拿些沙律，燒牛等等的食物。
這塊牛只有外表而沒有內在，外表很美，但牛味不夠，而且有點鞋。
而沙律的種類有很多，還有我喜愛的火箭菜，而且有很多dressing可以選擇，很好!pizza也很好，薄底pizza是我最喜愛的pizza，而醬料也不錯，美中不足的是不夠熱。
而腸仔呢，是黑椒腸比白色腸好吃，之後想再吃多條，但已經沒有了~~

除了這些外，還有一些cheese，意粉，還有一個麵檔和即製pasta，而且還有咖哩魚蛋，很久沒有在街邊吃咖哩魚蛋，吃了一粒也不錯，口感很好。吃完咸點後，就吃甜點了，有ben &amp; jerry的雪糕，真的令人太興奮了，ben &amp; jerry是其中一間好吃的雪糕了，平日很少機會買來吃，因為不是每間super market都有的，今次可以大啖大啖的吃，十分開心!!

一共有4種味，vanilla、banana、chocolate brownie &amp; strawberry。
最好吃的是chocolate brownie，接著是strawberry，總共吃了6-7個球，大滿足!!
chocolate brownie非常好，雪糕中間有很多brownie，朱古力味超濃，又不會太甜，有機會都要買來吃!!左邊的糯米食品很好吃，很軟熟，不錯，而菠羅也十分甜，cheese cake都可以，chocolate cake也不錯。

總括來說，食物質素，環境也不錯，順帶一提，有自助橙汁和pancake，食物種類繁多，一試無妨 .

雖然說是任食鵝肝，但要排隊輪候，廚師即場為每位排隊的人客煎鵝肝，每次只取得兩小片，相信很多人都不願意再次排隊。 也許怕煎不熟，對身體不好，鵝肝煎得略為焦黑，外脆內軟，味道甘香。
冷盤有不少選擇，包括翡翠螺、長腳蟹、生蠔、青口、刺身、壽司、沙律等等，是一般的水準。怕生冷不敢多吃生蠔，這裡還有香草焗蠔，台式雞蛋煎蠔餅等等。
吃了少許燒牛肉和燒羊架，覺得肉味不夠香濃，羊肉味道頗羶，肉質略為乾燥。
甜品方面，我吃了很多生果，木瓜非常軟熟香甜，對腸胃很好，菠蘿不是罐頭食品，還有西瓜和蜜瓜。但是西餅的水準似乎差了點，芝士餅的質地有點怪怪的，不是軟身也不是實心，入口好像被粉狀的東西黏住口腔。Ben & Jerry’s雪糕的味道超甜，不太合我們的口味。

報紙睇到有任食鵝肝及海鮮自助餐, 星期五至日成人: $328
寫明有日本松葉雪場蟹、龍蝦仔、紐西蘭青口及生蠔、翡翠螺、任食香法式鵝肝、香蒜焗扇貝、燒珍寶巨蠔、燒特級牛肉......
好吸引, 一家四口即刻報名！
6:30pm坐低, 直至8:30pm走為止都冇見過龍蝦仔同香蒜焗扇貝

燒特級牛肉....唔知咩嘢咁特級...只知冇牛肉味...
不過見到buffet稀客....豬紅、豬皮、蘿蔔、大腸...真估佢唔到

燒珍寶巨蠔...over cooked, 所以粒肉變咗咁細粒生蠔都算新鮮, 但食到少少蠔殼

法式鵝肝, 都ok好味, 雖然切得細塊咗, 但真係任食, 滿足到！除了凍蝦, 仲有熱的, 都OK好味！ 試過幾次嚮Le Cafe食lunch buffet都覺得抵食，除了有Ben & Jerry's的雪糕任食，仲有橙汁同檸檬茶任飲
可惜晚餐欠奉，只包茶或咖啡一杯。
順帶一提，buffet的pizza好香脆, 可能是出品自旁邊的意大利餐廳的關係吧

酒店只提供乾的紙巾俾客人抺手...但食完蟹、蝦同螺如果有濕紙巾抺手會好好多！