下晝點零鐘食午飯，入到餐廳有陣煙味，覺得奇怪，坐落先知樓面同廚房都擔住口煙。

食物(話梅骨、燒汁班塊、海蜇)幾多味精，偏鹹。

午飯時間d例湯同白飯都祇係微溫，有點那個。

昨日一家大細行完MEGABOX,諗食咩好,爸爸揸架車在九龍灣周圍兜,見到呢間小廚門外可以泊車,爸媽就決定入去試下,因為6點就坐下食飯,所以唔係多人,不過就越晚越多人,食都尾有點趕,因為門外已有人排隊.

見牆上貼有風沙長腳蟹照片,媽媽又愛吃長腳蟹就叫一牒試試啦,好好味喎,好香好香.媽媽最愛香口嘢,又試下個墨魚咀,都好正,係個菜油咗d d 啦,因為我唔食酒煮的東西,所以唔知咩味.話梅骨甜酸適中,好味

放工一行4人,仲要揸住架車,唔知去得邊,捻住去九龍城，點知冇位泊，同事話九龍灣有好嘢食，雖然地方唔太方便，但係門口可以泊車，食物有D鑊氣。
去到有位坐，大致上跟正常的大排檔一樣，比較靚D，眼見其他檯的人多數都是點家常小菜，侍應介紹有新菜色，叫風沙長腳蟹wor,同事話試吓，同時介紹墨魚咀和一般小菜，碟蟹上菜後，立刻試試先，咬的時候，比想像中好咬感，味道ok。同樣墨魚咀一樣，唔錯！！！ 其他小菜都入味。最估唔到d蟹殼比其他蟹薄，最啱我地d懶人唔想剝殼和洗手，可以食得，so funny.....

兩星期前, 一行十數人到金利來, 朋友告知此店從前在牛下, 如今遷到工業區, 位置是有點不方便, 但食過之後, 你一定會嚟多次!

當晚點了極多餸, 蒸蟶子, 炒蜆, 避風塘茄子, 芝士焗帶子, 佛跳牆等。天啊! 樣樣都好好味!

最欣賞蟶子, 好鮮甜, 好肥美!

避風塘茄子外脆內軟!

芝士焗帶子隻隻帶子都好大隻, 芝士味濃!

佛跳牆湯料勁足, 又大盅!

愈夜愈多人, 生意真係好好!

一班同學去食飯 ,, 梗係去d坐得耐又抵食既地方食
因之前食開牛頭角下村間金利來 ,, 今次試下去4mega box附近呢間
避風塘茄子 - 幾好食 ,, 特別菜色 ,, 可以一試
豉椒炒蜆 - 正 =] 我只愛 !!
鎮江骨 & 生炒骨 - d肉唔會整到好硬 , 好食
椒鹽鮮尤 - 又係"賣飛佛"

老闆娘又好人 ,, 又抵食 ,, 岩晒一大班人食飯

真係街坊價，高水準！

朋友誠意推薦哩間食晚飯，真係冇介紹錯！

要左

煎蠔餅
炸乳鴿
魚香茄子煲
金銀旦浸yin菜

煎蠔餅－－如果你覺得廟街d蠔餅已經好好食的話，咁你嘅要求未免太低了，哩度係好食十倍。首先佢非常足料，又平均，gap親一塊都食到好幾舊蠔仔。非常香脆囉！（裏面有莞茜，唔食要事先講走莞茜）

炸乳鴿－－都唔唔細隻架，炸到金金黃，好脆呀塊皮！！！

魚香茄子煲－－好味到撈左兩碗飯，夠咸香，下次都會食哩個。
金銀旦浸yin菜－－都幾多皮旦，都好夠味，唔會淡maumau。


喺德福行過黎，大約十分中，真係行廿分中都值呀！

辛苦了一個星期，星期六又係同男友遊車河既時候... ...
遊啊！遊啊！不知不覺遊到宏照道，諗住食店都應該關門，正想離開之制，見到仲有間食店燈火紅紅，而且門口又有得泊車，故且一試... ...
門口有好多不同種類的海鮮都用氣泵：聖子、花蟹、魚、扇貝... ...
老闆介紹我地食"蒜蓉粉絲蒸聖子"、"避風塘茄子"、"魚腐浸豆苗"，味道不錯，尤其是茄子，不單是炸茄子這麼簡單，仲釀咗薄薄的一層魚肉，令茄子炸後不易軟身；聖子的size都算大，而且清洗得干淨、無沙... ...
值得一試

數數手指, 講真都唔記得第幾次黎幫襯啦, 我諗無十次, 都有八次掛.... 但係, 次次都唔記得寫返個食評添....

今次一樣, 實在太肚餓, 無影相, 下次補返數....

一行三人, 只係叫左小菜三個, 蜜汁燒鱔煲, 黑椒牛仔骨煲, 同埋菜心炒魚鬆, 三個很普通的小菜.

今次應該係第三次食牛仔骨煲, 但係, 實在太好味同惹味啦, 一流呀... 肉鮮得黎不太辣.
菜芯炒魚鬆, 菜心當造, 清甜, 只嫌魚鬆咸左少少, 不過用黎送飯無問題...
戲肉, 蜜汁燒鱔, 正爆, 味道甜得黎不太甜, 鱔片先經過油爆 (我估係), 因為鱔片既邊卜卜脆, 熱食好正, 底下係爆香哂既洋蔥, 用黎食飯, 美味...

再加絲苗白飯兩大碗, 都經已夠三個人 share, 埋單落樓都只係 $190, 想點先...

前幾天星期日, 我地一行5人一齊去左新果間金利來食晚飯.呢間俾下邨果個坐得舒服好多同乾淨D, 出面又可以泊車! 對我地黎講幾方便.
冷盤: 深海水母--同平時食果D海晢有點唔同, 印象中係其他食肆未見過, 幾特別!
主菜: 鹽焗雞半隻--幾滑同入味!
金銀蛋莧菜--ok!太王骨--炸後用泰式雞醬'dull'勻, 好惹味!!正!!
鼓汁蒸白鱔--幾乎每次黎親都必食! D鼓汁好濃, 好正! 我明白厚切GE話, 可能蒸時間會長些同難熟D...但我地都鐘意厚切多D, 食落更覺肥美! !
埋單二佰幾, 超抵食! 我會繼續捧場

以前成日去開牛頭角果邊,小炒真係好正,價錢又抵,知道開左分店,又去試下~~

老實講,地點都幾唔就腳,但環境比牛頭角總店乾淨及舒服,地方寬敞,坐耐少少都唔怕,因老闆及老闆娘唔會趕客, 行遠少少都抵, 查車唔駛講tim 啦, 一定去分店,因隔離就有個露天停車場,十分方便~

唯食物的味道方面,比總店失色小小,但都不俗~~尤其鹽水雞腳,是我至愛~~

得悉此店交由太子女及其夫婿打骰, 希望年輕人有衝勁有幹勁,又加入一些新元素, 比總店做得更出色~~

~~~~31-1-2008~~~~
平時番工都係帶飯多~
不過偶然都會冇飯帶~
以前同honey 試過佢牛頭角下村既分店~
d炒小菜真係掂~勁夠穫氣~
後來~好似話牛頭角下村好快就會拆!
所以老闆就係工廠區呢邊定間舖~
"舖"定後路咁話..
呢間野都開左成半年lu我唸...
成日都幫襯佢既lunch 2"食送"飯~
之前好似$21 , 依家加左價$23 蚊不過送野飲!
以工廠區黎講..都叫幾抵~
之前佢地d 2"食送"飯日日轉款~依家就好似一星期轉一次..
呢日揀左咖哩牛腩同椒鹽豬扒!
份量真係十足~勁多飯...我唸都有2碗.
咖哩好香~但又唔係太辣~撈飯一流~正!!
薯仔同牛腩都好林!唔會咬崩牙!
豬扒炸得好香~好夠味~不過唔知點解..
一凍左..就有d硬!! 難咬左小小!
熱奶茶不過不失啦~普通茶餐廳水準~
總結~$23 蚊..份量咁足真係抵食!
仲有野飲添~~因為太好味~次次都食得晒d飯~哈哈~
另外~如果中午12點前用fax落order仲有9折呀~~
勁抵!
p.s. 雖然d野食又抵食又好味~
不過都有d野令我不快..
就係聽電話個阿姐...(都唔知係咪老闆娘!!!!如果係就大穫....趕客乎?!)
話說打電話去~叫佢fax 餐牌同confirm 收唔收到fax~
個阿姐d態度簡直一流,.,,,,, >__<
d語氣勁差...又冇禮貌~~~又唔講多謝,byebye~
一個咁既員工...真係唔要得!!!!
如果唔係d野食又平好好味~
我都唔會幫襯佢!
不過長此下去...一定會趕走晒d客!