食過3次
每次都覺得好食
上openrice嚇親, 咁多人踏

蜜汁叉燒 : 整得好似真叉燒, 味道同質感都好似,仲要用欖角醉扮鑊撈,有心思,好味!


中式牛柳 : 又係好似真的, 幾好味

其他野都好味, 冇一樣野唔好食

唔係平, 但其實間間素食都唔平嫁啦, 呢間整得有heart

甜品叫糕食, 都幾好味
桂花紅豆 同 芝麻糕係值得再食

服務都好

佛像前面的超大束花, 真係嘆為觀止!

個個星期都會黎TKO 同公公飲茶
但飲茶飲得多
都真係會悶....

所以
今個星期就搞搞新意思
黎食素啦~~

出乎意料, 呢度都有點心食ga wor~
叫在幾碟點心:
生竹牛肉, 當然係素食黎ga la, 比平時茶樓gei 牛肉實, 味道麻麻, 不過, 我幾欣賞佢gei 鮮竹, 好吸味, 又唔油, 好過平時gei 腐竹呀!!
叉燒包, 個包都係比教實.... 但個叉燒汁做得唔錯, 好香~
腐皮卷, 最good 的一個點心! 味道剛剛好, 唯一無缺點的點心!!
古法馬拉糕, 好實好硬.... 就算熱辣辣gei 時候食都係好硬.... 唔好食....
馬豆糕, d 豆豆唔夠soft, 而且味道比較淡....

另外, 我地又叫左
豉椒鰻魚炒河, d 鰻魚其實係紫菜腐皮卷, 都幾得意, 幾好食wor~ but 個"炒"河, 似撈河多d lor... d 河stick together的....
北菇竹笙粥, 正正正!! 因為我本身好鍾意食素粥, 所以我覺得very good~ haha~

我就覺得,
呢餐都ok 啦...
不過, 可以進步gei 空間都幾大....

但呢度就好似唔係好岩我公公食啦
因為素食入面(e.g. 個粥, 腐皮卷,馬豆糕) 都好多好硬gei 材料(e.g. 紅蘿蔔, 粟米, 豆豆),
公公d 牙唔係幾好,
所以吐返好多出黎
如果帶老人家黎食gei 話,
要考慮一下啦~~

很久之前來過一遍,印象中不怎麼好吃
昨天跟母親大人來這邊再度挑戰
兩個人要了蝦餃,什菜粉絲卷和一碟冬菇叉燒撈麵(連餐湯)

餐湯是粟米羹,個人覺得羹就是要稠才好喝
可惜這兒的粟米羹比較稀身,不大對我的胃口

蝦餃一籠四隻,每隻都長得胖乎乎的,非常靚仔
皮的厚度還算適中,亦不會一夾便散,不錯
蝦肉原來是馬蹄,夠粉之餘也夠爽
但與自己預期的蝦肉有點出入,有點納悶
什菜粉絲卷也是同樣地份量十足,
內有粉絲,木耳,生菜等材料
口感清淡而不油膩,
唯一美中不足的是外層的腐皮略厭韌了點兒,
但整體而見還是可以的

最後是冬菇叉燒撈麵,
冬菇夠淋,麵條乾身,用來拌汁剛剛好
最教人驚喜的是素叉燒,雖然份量不多,但仿真度極高
個人覺得做得比一般街上的麵筋叉燒還要出色

p.s
食物上桌的時候每份都是熱騰騰的
用料感覺比以前認真和用心
希望能繼續保持下去

想嘆茶又不大想到樓上的酒家跟人擠來擠去
這兒是不錯的選擇

絕對會再來~~*

趁著媽咪放假 , winter當然不會錯過這個大好機會

跟媽咪外出二人世界

煩惱著晚餐吃什麼好 , 腦內出現了很多個選擇

打邊爐? 不要啦 , winter跟媽媽都不愛吃肉

KFC McDonald ? 對fast food不感興趣

那麼....吃素吧!

吃素健康一點 , 而且又很對我們的口味



這間位於將軍澳新都城的百好素食開業很久 , 一直未有機會嘗試

籍著今天的機會一試吧!









齋鹵味

winter想吃齋鹵味很久了

我認為齋鹵味比真正的鹵味還要好吃

很多人對齋鹵味卻步 , 因為認為齋鹵味很油膩而且色素多

此餐廳的齋鹵味吃過後 , 完全不會感到肥膩

( 咀巴不會油淋淋 )

而且味道適中 , 不會過甜過咸

黑色那舊東西 ( 好像是齋鴨腎 )很入味 , 甜甜酸酸

很開胃。

要數winter的至愛 , 當然非咖哩麵筋莫屬

此店的咖哩麵筋味道偏淡....如果咖哩味能夠再濃郁一點就perfect





粉絲什菜煲

只是一個家常菜式

但愛吃菜的winter仍然要點它來吃

( 昨晚媽咪才弄了什菜煲 , 可能媽咪忘卻了下粉絲。就當winter為了粉絲才點它來吃吧 )

什菜煲中有菜心,西蘭花,油麥菜,冬菇,馬蹄,素蝦,素魚丸,素鮮魷,當然還有粉絲

湯底是異常的清甜

媽咪從前在志蓮靜院上班 , 從她口中得知 , 素清湯是用大豆,冬菇等等材料煮出來的

很犀利呀!那麼簡單的材料 , 就能夠煮出這麼鮮甜的上湯

佩服佩服!

誰說煲湯一定要下豬骨才會鮮甜呢!

但徹記一定要下冬菇 , 否則無論你下多少大豆紅蘿蔔粟米 , 湯都不會鮮甜的



素蝦很好吃 , 爽爽的 , 甚至比真蝦還要好吃

素魚丸也不錯 , 當然不能和真的魚丸相比

( winter認為沒有必要把魚丸和素魚丸相比 , 大家根本是兩樣不同的東西呀 )

而素魷魚就最適合我那膽固醇超標的媽咪

可以「過下口癮」, 又不用擔心自己的健康



順帶一提 , 什菜煲中的馬蹄絕對不容忽視

清甜好吃

炎炎夏日最愛吃爽爽甜甜的東西









鮑魚香腸豆腐煲

先談鮑魚 , 自幼家境一般 , 記憶中沒有吃過鮑魚

( 該說沒有吃過乾鮑/罐頭鮑魚 , 新鮮的清蒸鮑魚仔倒是有吃過一次 )

所以別要問我鮑魚是什麼味道

抱歉 , 恕我不知道。

我認為這個素鮑魚應該用鮑魚菇做的



豆腐 , 炸過的

一咬下去....很滑

跟我想像中的有出入

還以為炸過的豆腐會很乾的硬 , 完全感受不到豆腐的嫩滑

豈料....我大錯特錯

這個炸豆腐實在是很滑 , 簡直像豆腐花一樣呀



素香腸超級好吃

一向都這些素肉沒有好感

不是認為它們的味道「不夠真」

只是......我也不知道呀 , 總之就沒有好感

但是這個素香腸真係十分好吃

比廚師牌香腸好吃十倍

除了醬汁的味道 , 素香腸中加入的調味....very good!



醬汁的濃稠度適中 , 不油膩

不會看到「閃令令」的醬汁在菜餚上 , 感覺很好。





飯後有水果奉送 , 是日有清甜起沙西瓜四片







不得不提的是 , 店中的職員禮貌很好

其中一位黑色衣服的職員 ( 估計是老板或高層人員 )主動向我們推介鎮店名菜

即是winter對她的推介不感興趣 , 堅持要叫什菜煲

她仍然是一貫的笑容和好禮貌 , 絕對沒有黑面

而且會提醒客人食物很熱 , 要小心燙口





媽咪已經向我說明她生日的時候 , 要再到這間餐廳吃素

今次黎食飯係因為亞爸生日；經過上一次中秋節既不快經驗之後（請參考第二篇），本來已經冇打算再黎；但亞媽唔想去咁遠，而且指名落黎呢間食，所以就免為其難幫襯多一次...

本身不抱太大期望，但食完之後覺得幾好有進步，所以上黎寫返篇好食評。

今次一行七人，去到坐低之後，個部長（老板娘？）就係咁游說我地叫套餐。我地冇理佢，因為同一個價錢，散叫仲可以食多幾味［食送］；而且上次食過套餐已經唔敢再領教勒。

散叫左個素翅、魚香茄子煲、京都牛柳、時菜、etc，o的［食送］都新鮮熱辣辣o既～

人數冇上次咁多，所以再冇侍應大叫o既情況出現，而服務態度亦好好。

甜品我地叫左壽包、因為老豆生日丫嘛～佢上壽包之前問我地放音樂好唔好，我地見咁得意未試過，所以話好啦。

之後過癮勒～個場轉左o個首「恭祝你福壽與天齊...」，之後個部長同侍應捧住盒壽包過黎，而成個場o的人都望晒過黎。我地見咁有feel，都一路狂笑一路唱生日歌俾老豆聽～

最後仲有生果盤送。

總括都係一個好幾經驗，可以再黎多次。

經過今次之後，我o既結論係：
１、唔好過節o黎
２、唔好叫套餐，要散叫

無論點都好，一定要遵守呢兩條準則。

又貴又細件!!!
見到有人話呢間野d糕好吃~仲話外賣價係4元一件.
但原來要五元一件(外賣價)

今日去到買左2件試下.
見佢包埋 2 件超細件.. 得4cm x 4cm正方体,4.5厚度..
桂花紅豆糕.. 麻麻地.. 咬下去好散~
都有d豆味..但係太甜..

食左呢件.. 令我想起旺角家欒中心對面那間賣糕的仲好食.. .,

下次唔會再幫襯, 好唔抵..咁貴。

損友們相約去運動場打波, 點知我最早人人都未到, 結果我行番出去新都城, 去了百好素食食個早餐先。要了兩籠特價點心 ($6.8): 貢菜素粉果和上素菜肉餃。其實兩款都是差不多的東西, 都是澄麵皮粉果狀的東西, 內有各式蔬菜, 只是形狀不同, 前者有點像我在小肥羊吃過的貢菜豆腐餃; 兩樣都清清地, 味精當然有一點不過 OK, 只是皮都比較薄和易穿。

吃完這兩籠點心我好想食凍糕, 但堂食最少要 3 件, 我問部長可否散叫, 佢話平時就唔得但見而家咁靜就幫我執喎 (此時全店才得一兩枱客), 我就要杞子圓肉糕、桂花紅豆糕和桂花雪耳糕 (共 $14.8, 散叫堂食每件 $5, 外賣每件 $4, 桂花紅豆糕每件 $5) 來挑戰自己的食量。 三款不同的糕排在一起很美麗, 還有些杞子桂花在糕內點綴, 吃花喎, 人都高雅啲啊。三款的味道都很清甜, 至於點解桂花紅豆糕賣貴 1 元是有原因的 - 製作工夫多是也。它上下層是桂花糕, 中間是紅豆糕, 所以做的時候要分 3 層來整。結果食哂冇難度。埋單 $37。

服務都 OK 嘅, 起碼我咁刁鑽的要求都做到, 可能真係要少人的時候來。

琴晚同朋友去百好食飯，人唔算太多，唔駛等位，坐底無耐就有個廚房呀姐ｓｅｌｌ我地話ｄ肉做得點似點似，結果我地就落左個薑蔥白切雞同茄子鰻魚煲，結果好失望！完全都無花心思去整到ｄ腐竹似係雞囉，又無肉味，跟本就只係一碟薑蔥豉油腐竹！茄子鰻魚煲都不惶多讓．．．再叫多兩個飯，＄１６０落樓，我Ｏ哂嘴囉！以後都唔會去！

p.s:九龍灣間ｂｕｄｄａｈｕｔ好過佢幾百倍！

09.02.08年初三諗住同家人試下,開咁內都未試過.
服務差都不得了.比menu,比set dinner, 無比ala carte menu.要自己攞.落order,無情情個waiter叫我地等一等,然後走開左.隔左一陣,轉左個西裝人繼續.我地一頭問號.
6:30入座,order之後5分鐘上菜,有黃耳小唐菜,鼎湖上素,雞粒炒飯,炸芋頭魚4個餸.d餸係凍0既除左炸芋頭魚,凍過係超市買0個d現成餸.凍過baby food.個晚得10度左右.感覺係冷飯菜汁.
由於本人食飯速度慢,佢地又迫人食糖水,咁就上左糖水(紅豆沙),個時我仲食緊飯.似酒樓個d免費糖水(4.5分).係食糖水時,有1男侍應生張我食緊d餸收走.我要好大聲咁講'我仲食緊'. 然後再有1女侍應又走黎再一次收走我d餸.再要大聲咁講'我仲食緊'.相隔不到10分鐘.
當我食完飯,到糖水,有一個高級d的侍應問我地係咪埋單,我就講'好趕咩?!'. 佢立即問格離枱.格離枱係埋單.我坐個位係一間房,只有4張4人枱(滿)+13人枱1張(吉枱),咁都可以錯?!係咪過份?!
家人叫左d中色糕點.其中一款係芝麻糕. 之前買過1次.味道ok.咁次有一非常強烈的燶味.同個高級侍應講,佢一口就話生磨芝麻d咪係咁.我問佢有無食過,佢又話有(其實我係問佢今日有無食過),我最後同佢講我之前食過知到個味唔係咁.佢先話如果係唔鐘意就轉另一款.最後係cancel左個order.
呢d咩service丫?d侍應講野又大聲,佢似茶市咁,但間房好靜羅.

一家人去食團年飯,叫左芋頭魚,沙拉豬扒,雜菜粉絲煲,炒飯,樣樣都好好味,炒飯同豬扒一d都唔似食緊素,同肉食無分別.有糖水贈送,下次會再去食.

由於屋企人希望在年初一吃素菜,今天決定試試屋企附近的一間齋舖.由於沒有2人套餐,於是隨意點了幾個小菜.小菜最好吃的是蟹肉西蘭花,真的幾似真的蟹肉西蘭花,其他菜式,比如說咕嚕肉,日式炒烏冬就普普通通.

不過最特別的是素香檳($60)和榴槤糯米磁($18).素香檳說穿了不過是提子汽水,不過第一次在齋舖飲的感覺倒挺新鮮!

反而榴槤糯米磁是出乎意料的好,有點似在"滿記"吃的那種,一咬下去榴槤的香氣滿溢,$18也不算貴...

原本看了Openrice內其他食評,去的時候對服務水準沒有抱太大期望,但沒想到服務水準可以說得上是中上,招呼挺周到,所以年初一應該會再去光顧.

上星期四，行過諗住買早餐返公司食，因為都幾趕時間，我問佢地買外賣會唔會等好耐，佢地話好快，咁我就叫了兩個漢堡飽。佢地就叫我隨便坐，又倒了一杯水給我。之後我訂了即日晚飯。我跟兩個朋友來，我話訂了位，佢地就話x小姐待會介紹d 餸給你們。但我們無點到佢推介o個d，我地3人叫了個豆苗、鴛鴦炒飯、茄子煲、椒鹽豆腐。上菜都幾快。我朋友就話豆苗有菜虫,不過佢地話唔好意思,又好快就同我地換左，個鴛鴦炒飯味道同非素食整得好似、椒鹽豆腐就炸得好脆，不過個茄子煲太多肥油了，但味道都不錯, 總括都很好。

去呢度食完中午飯，返到屋企即打呢篇食評，不吐不快呀!

環境:裝修光猛，杯碟算衛生，但地方超迫

服務:想俾負分，首先我話我地4個大人，1架BB車，佢地話冇中，叫我坐住張4人先，有大D就同我轉，咁我之後見有張大少少有人埋單走左，叫佢地幫我轉，佢地又話張有8個人入緊，唔同我轉，卒之最後食到走，我地都係坐張4人。食食下見隔離有對夫婦，應該係熟客，個個樓面都同佢地打招呼，我叫其中一位樓面幫我加加水，佢"哦"左一聲，繼續同對熟客夫婦吹水，要我再叫第二次，佢先過幫我地加水。跟住左籠小籠包，個阿姐話轉頭個醋，原本都冇乜問題，但之後個阿姐係捧住一個窩麵，窩麵隔離有碟醋，佢企我地張邊大聲話—醋呀靚女，自己呀唔該，嘩，以上咁服務態度，我諗劉華又要出場啦。

食物水準:
1.齋鹵味—普普通通，算最對版
2.蘿白糕—暖，味道OK
3.潮洲粉果—d料唔掂，好一pat pat
4.咸水角—凍&淋
5.小籠包—凍，味道一般
6.粟米粥一窩—暖，超冇味
7.羅漢齋炒麵—味道OK
(唔係好明，有一半以上食物係唔夠熱，甚至係凍)

價錢:
埋單$226，我覺得去茶樓飲茶，食得仲多野都唔駛呢個價錢

返轉頭幫襯指數:
唔駛指意，請都唔會再去

2007年11月18日，百好素食。

與另一半投完了票去了百好，已經是十點多，店內的人不多，沒有最近經過都逼買人的場面。叫了

香炒菠蘿飯：幾爽身，不油，都OK 既。
枝竹靈芝菇燴金錢片煲：清清地，味道也不錯
有2碗花生糊送，普通，有花生味，稀D 啦。

其實以這兩個菜味道來說，不差，但以份量和價錢計，兩個菜連茶錢已經130元，實在是偏貴，這裏只是將軍澳。

還有，我知我們入座已不早，但不要只睇了一會餐牌便來了３個人問我們吃甚麼揦 ，很不自在。

我到過呢間齋舖食野，一次係Tea Time，一次是晚飯。

之前睇報紙，話有素的漢堡飽餐推出，未食過，我又鍾意試下新野，於是我去試下，雖然d餡係素，但係我覺得好好味wor...又健康，仲有杯野飲，同埋價錢都係$18，(我係某個星期5下晝去既)，加埋一都係$2x度，我又唔覺得咁貴woo.....

至於d點心，雖然我未食過，但價錢同出面d酒樓差唔多ja wor....，但我見點心紙都有好多款點心...好似幾好味....等我下次去試下，再報告俾大家聽。

另一次就係夜晚去，同行仲有幾個親戚，我地叫左d幾特別既野食，推介有魚生船、焗禾虫、紅燒東坡肉仲有經理推介既明爐烏魚...(好誇張，真係用泰國果d明爐烏魚果d tool...有火果隻)....全部都好正，特別係明爐烏魚，d汁好好食，我地意猶未盡，仲叫碟米粉撈汁食~~~~~

最尾我地仲叫左d凍糕食，我最鍾意食圓有杞子糕同桂花紅豆糕，都好好食，好岩d女仔。

至於staff方面，我覺得d service好好wor...個個都好有善，上菜時間都ok la。臨走前仲有張靚靚年曆卡送俾我地tim~

至於價錢，我地每人大約百幾蚊la...晚飯黎講，間唔中食d好野....都值wor~