好少寫食評... 但呢間唔寫唔得!
都間都係呢到開飯見咁多人話好所以去試。

一行五人星期四原本諗住試 $188 一位有鮑魚o果餐... 點知部長話另一個餐半圍全包重抵，咁我地就試下。雖然無鮑魚，但都有約 7 餸一湯, 一個糯米飯同甜品，有一支大啤加一 jar 橙汁。

記得o既菜式如下 (小弟年紀大... 有d 唔記得...)︰

燒味拼盤 - 好食

紫菜蝦肉卷 - 正!

川椒雞 - ok.

西芹炒蚌 - ok.

冬菇鮑片小棠菜 - 好食

翅頭雞湯 - 正!

蒸青班- 好食

琵琶鴨 - ok, 有點肥

糯米飯 - ok. 已經好飽... 食唔落咁多.

甜品︰
蛋散 - 正!
綠豆沙 - 好食

小弟唔係好識慢慢形容比大家知，但呢間真係試下無防。
另外一提，餐前小食都好唔錯，加分! 帶紅酒唔洗開瓶費，贊!
$790 半圍全包非常抵!
真係希望多 d 人去食... 呢個位之前好多間都做唔住要執... 希望呢間唔會啦!

擇左東亞開幕哩個吉日同班友好聚會…仲要嚮尖沙咀區添, 實行齊齊湊湊熱鬧啦!!

好友時不時會同上司o黎開飯o既《鴻桃酒家》, 說味道吾錯, 值得推介一下…

未人齊又肚餓…幾位先點個”素鵝”食住等…新鮮熱辣剛走油即切件上碟出黎, 皮薄多餡,外層脆卜卜…好好味啊!!...一下子就掃光!!

跟手選左兩份$138大廚抵食推介…每份搭配兩款菜式, 分別為：

(一) 暖胃羊腩煲 + 蒜茸粉絲蒸帶子 (4隻)
羊腩煲料足…主角羊腩件多, 炆得夠冧又入味…做配角o既支竹、筍子同馬蒂亦非等閒 - 同樣可口!...玻璃生菜淋上羊腩汁…嘻…暖吾暖胃就未知, 但口腹已夠滿足呢!…實在係停吾倒口!!!

帶子夠新鮮…可惜係可能蒸過火左D…此微韌了!

(二) 清蒸斑魚 + 黃金煎大蝦 (5-6隻)
條魚同樣係蒸o既時間未夠拿準…只係肉老了些少!!...
哎吔…煎大蝦冇機會試到添!!...見外殼滿滿o既咸蛋黃, 都好吸引呢!

另單點則有…
雜菌炒安格斯牛肉…牛肉嫩口, 肥瘦適中; 加上大量菇菌同葱段齊炒, 好香口但相對會較油!
雞蛋魚腐浸時蔬…最清怡算哩個…菜蔬都係要o黎平衡其他大魚大肉菜式…用棵棵青脆爽口大白菜墊底, 中間舖上鮮黃雞蛋薄片…上湯配合些少磨菇片…魚腐則吸收晒當中精華…好呀!

要為一餐劃上圓滿o既句號…甜品又點少得呢, 係咪?
炸煎堆…好友極力推介, 話試過會翻尋味!!!...果然不負眾望!...皮薄吹彈得破, 些少煙韌得o黎又脆口吾黏牙, 加上白芝麻香, 炸得吾油又吾會好甜, 一人一個絕冇感覺漏!!...要讚!!

炸豆沙香蕉…這個嘛…就係脆漿包住香蕉片同豆沙一齊炸…賣相麻麻, 食味就吾係咩驚喜, 而且外層較油!!...吾特別有好感!!

另有附送甜品：陳皮紅豆沙糖水...陳皮香但較稀吾夠沙o羅!

樓面吾算大(可能哩晚又間左部份擺喜宴!)…一眼睇晒!...同時下一般酒樓無異, 牆身都設罝大電視; 職員雖然忙到馬不停蹄但仍保持禮貌態度, 亦可讚!

埋單約$700+…價格相宜!

星期日在尖東的這間酒樓晚市有點冷清,但其他食市的情況都一樣.這酒樓的裝修服務都一般,可說是其貎不揚,但食物就不一樣了,又抵又好食:
1. 冰鎮清酒鮑魚,一份六個,原先只叫了一份,但太好吃了,所以最後叫了兩份,超爽口,有一陣清酒香味,加埋隻鮑魚都幾鮮味,超正!!!!!!
2. 杏汁豬肺湯,好香杏仁味,湯都幾甜,這乾燥天喝一碗潤一潤肺,來一個以形補形
3. 琵琶豆腐, 味道一般,但皮有點脆口,幾得意
4. 清炒菜心
5. 青班,蒸得啱啱好,好滑,好鮮美
6. 石頭窩生菜,加了豆板醬,放在窩裏吱吱聲上枱,好香口
7. 送的甜品是燉蘋果,幾甜,幾好食
總的來說,正正...........一定會再來光顧

前排放工同Ｄ同事食晚飯, 一行4人去咗尖沙咀鴻桃酒家. 其實平時都試過去飲茶同普通晚飯, 所以今次特登主力去食海鮮.
是晚點咗 "蜜汁燒脆鱔", "清酒冰鎮鮑魚", "黄金蟹", " 蒜蓉蒸中蝦", "清酒煮蜆", "蒸帶子", "通菜"...等等.....當中清酒冰鎮鮑魚實在太正, 結果總共叫咗3客 (每客$96-6隻). 而同事對蜜汁燒脆鱔亦都讚不絕口, 至於個黄金蟹亦都非常好味.... 總括而言, 是晚菜式水準都十分之高, 而我哋同事間亦都決定數星期內約埋一齊再黎 "勁食海鮮宴"...

星期六到鴻桃飲茶。以一間普通酒樓，能有這評分，真令人有點驚訝。回想起來，吃了十數碟點心，都無乜特別驚喜，overall普普通通喇。論環境裝潢，店內都算新淨，座位不算迫，都OK。論服務，都和其他酒樓差不多。我們自攜紅酒兩支，佢地都能安排免開瓶費，可加少少分喇！

[29/8/2009; Sat]

約朋友去尖咀食飯, 見到呢間酒樓大獲好評, 就揀呢間

見到有個2人套餐, 每位 HK$ 188 好抵食, 就叫呢個

清酒煮鮑魚仔 (每人3隻) - 冷盤, 配 wasabi 好味
上湯雞絲翅 - 都足料, 但冇特別
乳鴿 (每人半隻) - 細細隻, 但皮脆又入味
清炒時蔬 - 朋友想食西蘭花, 本來吾包, 但部長特別叫廚房加, 好驚喜
大蝦籠仔蒸飯 - 全晚最正既一道菜, 無論大蝦同個飯都非 常入味, 令人回味無窮, 一定要食
芒果西米露 - 吾錯
黃金糕 - 口感特別, 但吾一定要食
蛋散 - 估吾到套餐會送蛋散, 好好食

服務好好, 有問必答, 又細心
但成晚得幾枱客, 希望多啲人去啦
咁好食, 吾想間酒樓做吾住呀

My family went there twice, but i did once only....every dishes were great...i haven't been so impressed like that for long...especially the front dish...(i am not sure the name--甜0既鱔) was impressed me deeply...i started to miss that dish on the next day...My daddy like their dish as that wasn't normal as the other chinese restaurant

But what a pity is there is only few tables are occupied....my sister and I also worry that such a good restaurant would close one day...as their business seems not so good...

anyway...i will ask my frd to go with me again...

Besides...the price was very reasonable...that nite we were 16 people, and the bill was around 1800....ok la...we had good seafood and at TST...this cost veyr ok for me...!!

唔食過唔知, 唔寫食評都唔知呢度全部都係good comment, 但真係抵讚

話說係為左父親節既, 睇過menu, 前夕仲未加價, 反而仲有特價, 而且阿哥的gf食過話ok, 就一於呢度喇, 不過地方唔大, 可能咁o岩撞正有人擺酒, 間左房, 感覺仲細, 仲要比張近門口既檯我地, 話哂都訂左位喇, 不過佢話爆哂都無法, 後尾起我地後面仲要加多張檯, 都幾爆

是次order左半席既海鮮餐, 我地足6個成人+1個bb, 呢個套餐包一揸橙汁(似係用果汁先生), 一枝大裝指定既啤酒, 有燒味拚盤, 海鮮卷, 大海斑, 有翅, 有菜, 有炒飯(蛋白薑汁炒飯, 好香, 唔油),琵琶鴨, 美點雙輝(蒸黃金膏及蛋散), 滋潤糖水(紅豆沙), 我地初時怕唔夠食, 仲叫多個冬瓜盅, 點知佢d湯同翅係足八人份量, 飲完都飽哂, 呢間酒樓做既菜唔係普普通通, 或求求其其, 睇得出係有心思, 平時出面d套餐, 多數都係用雞, 但佢改左琵琶鴨, 而且整得真係幾好食, 皮脆汁又好味, 見佢個美點雙輝又係唔普通, 個蛋散係鬆架, 唔係死實, 似係新鮮囉, 仲要個價錢係平平平, 半席都係790, 總之埋單$920, 真係平靚正

仲要一提既, 佢上菜唔會一次過上幾樣, 差唔多食完先上第二樣, 唔會有種趕你走既感覺

點心成日轉
兩個禮拜倒就有新野
好驚喜
E 期有個窩貼 好正
店長話自己包 唔係交黎嘅
D 皮好薄 好多肉汁

好多點心都好真材實料
喺尖沙抵區算係抵
小點 14 中點 17 大點 20
點心八折 星期一至日都有八折呀
平日 12 點前埋單 2:30 後入座更加有點心八折再八折優惠
仲有特惠點 $5.8 呀!!!

飲茶都有糖水送
而家好多都無架啦!!!

两个人早上11点40左右进去，就是为了12点半前埋单的特价，点心一律8折，还另外有5.8元的几款点心特惠。
这里的大中小点都不算特别便宜，12元左右起价，品种蛮多，我们点了凤爪和鲜竹牛肉球，凤爪很软汁多，下面垫着芋头，味道不错。牛肉球也很够味，有80分。
特价类点心，5.8元，他们没有把那个特价点心的纸放在桌上，要自己问她们要，里面有萝卜糕、肠粉、蛋挞。。。。其他我就忘记了总共5样一律5.8元。萝卜糕煎得外脆，料也足够。她们配的是甜酱，我认为直接吃不点酱更好。5.8有点怪味。用料也不足，不过5.8，差不多了，但是蛮后悔点了这个的。蛋挞3个小小的，松脆好味，值得点。
每天中午也有特价的，本想要鲍鱼鸡肉炒饭，可惜肚子太饱了，看见隔壁桌吃，看上去还好啦，48元一大碟，下次想尝试下。
早茶每个人5元，10%服务费。那里环境很好，够宽阔，服务也周到。最后两个人吃了5款点心55元埋单，吃饱加便宜，好过去大排档啦！

5/11(三) 2:30pm
早晨如常到上環客串後,下午先到"鴻桃"跟休假的組長歎歎一盅兩件,才到I.T.推動經濟.

下午茶時段,店內座上客若干桌;環境企理光猛,滿好坐的!下午茶的點心價格是正價的八折再八折即六六折,大,中,小點正價為$14,$18,$22.

酥皮蛋撻$5.8,蝦米煎腸粉$5.8,蘿蔔糕$5.8,叉燒包(小),菜肉窩貼(中),鮮蝦豆苗餃

酥皮蛋撻--三隻迷你蛋撻並非我所好的牛油皮.酥皮及蛋漿之水準還算托賴.

蝦米煎腸粉--腸粉雖則稍厚且不夠滑溜,但蝦米蔥花的份量沒將貨就價,不俗!

蘿蔔糕--煎至焦脆的蘿蔔糕挺足料的;喫出蘿蔔絲及腊肉香;倘若糕身厚度再增添些,效果更理想!

叉燒包--爆口叉燒包表層軟中帶微微濕氣,而吃進內的又燒餡帶蜜味.吹毛求疪地嫌醬汁過盛.

鮮蝦豆苗餃--三角狀豆苗餃皮滑煙韌,豆苗的清香比蝦粒出眾;蘸豆瓣醬作提味之效!

菜肉窩貼--外皮微有脆意及硬度,亦重油份;而豬肉餡份量過甚,予人有悶滯之吃後感!

侍應生態度良好;才花消$75的下午茶,划算實惠!

昨晚去開尖東,成街都係警察,原來早前有疑似炸彈,附近D食肆真係俾佢害死.本來想去香格里拉果邊,諗吓都係行遠D好,見呢間評語唔錯就上嚟啦.
鋪面不大,間日都有半滿已經唔錯,揀個靚位睇奧運餸飯,晚市菜式唔算多,揀個孖宝(琵琶鴨半隻及日式蠔餅),冬瓜盅,石鍋通菜,什菌炒和牛.
琵琶鴨雖然幾多油,但係好脆皮,比炸子雞D皮仲脆,蠔餅唔覺得似日式,不過D蠔幾大隻及新鮮,冬瓜盅唔係原個上,唔駛自已去挖個瓜,好多料但係咸咗D,石鍋通菜有少少蝦醬味,熱辣辣上幾惹味,什菌炒和牛就京葱多過什菌,和牛都唔差.
呢間酒家,用料幾好,味道不俗,價錢略貴但都食得過.

點心特別又好味
茶都好味
環境寧靜乾淨
仲有好多素食
素食者都有好多選擇

煎腸粉, 芒果糯米卷, 鰻魚穌, 奶蘋包 好好味

有糖水送, 仲有2款揀:
不過...............平d就好啦

前兩曰和一對澳洲回來嘅好朋友去食飯,冇意中發覺這間酒家.於是入去一試,可能是新開啦,地方好舒服,連我的朋友都話好Classy. 我哋點咗四個餸: 蜜汁燒脆鱔, wasabi和牛粒, 冰鎮介蘭and 炒生麵. 四個都好好味, 由其是個炒麵,好好味,芽菜與生麵配合得好好,好特別,我都很少見D酒家會用生麵來炒. 總括來講- 好味. (佢哋都有茶飲,星期日帶亞媽唻試吓)

今晚點左$1580的全包宴, 我和同事都覺得物超所值, 不信咁的質素收咁平的價錢, 等我仲要再同公關confirm 多一次, 睇下係不係真係咁平, 好搞笑。

因為開業不夠一年, d碗碟仲係几新凈, 食物質素又不錯, 同埋因為星期三, 較少人, 所以環境都算清靜, 一個字俾呢間酒樓, 好