一行四人係九龍城打完邊爐諗住食糖水潤下.搵唔到合成糖水.見到呢間都好似好full咁
咪諗住入去試下囉.
點知發惡夢

我想叫左士多啤梨西米露,但又驚佢落糖水(紅色果d,假士多啤梨糖水).咁我咪問下佢個waiter囉
佢實牙實齒咁同我講係鮮打果汁.咁我咪落單囉

點知一黎就火都黎
佢係一d白烚西米(一d汁都冇)上面加左d假糖水!and不足一粒既士多啤梨切粒!
完全o 咀,
第一,
我好聲好氣咁問你係咪鮮果汁,講明唔食假糖水,你confirm左咖嘛.就算你答唔係,我至多咪叫過第二樣,叫紅豆沙得唔得呀?點解要耍我先?
第二,
成廿五蚊個糖水,只係得不足一粒既士多啤梨肉,會唔會太呃人呀?(其實半粒都未必有,只有半塊手指尾指甲既果肉五六粒咋)
第三,
西米部份一d味都冇..
連d假糖水都俾得果幾滴

我個fd都唔好得幾多
個綠茶西米露又係白烚西米,一滴汁都冇
仲要上面果d好似涼粉粒既野係有怪味.

另一個fd既雪榚班kick
d雪榚完全溶晒.少少雪榚都食唔到



總之呢間野又呃人又難食
以後都唔會再去

一行4人，晚飯後找地方食甜品，其中一位友人提議到九龍城甜蜜居，還說食物很有特色，＂好，就這間吧！＂惡夢便開始了。
大約10時半，一進門，很多位，環境不錯，只有一位店員招呼，狀甚忙碌，我很快便點了西瓜汁走甜，店員回應＂我們的西瓜汁沒有落糖＂接著朋友都落了單，等了約2分鐘西瓜汁到了，先喝一口，甜到睜不開眼 ，立刻跟店員說，她回應＂把這個取消吧＂然後到巴頭大聲叫把這杯西瓜汁倒了，另一巴頭裡的店員問為什麼，她語帶不滿說＂客人說太甜＂令我有點不好意思！
我再看看餐牌，再點西瓜涼粉，店員說＂我們的西瓜很甜＂，像向我投訴的樣子，我以微笑回應了事。
等了15分鐘還未到，朋友都吃完準備走，我便追問這位店員，原來根本沒有替我落單 ，然後再重新落單，很有耐心地等待這個西瓜涼粉，
到達後，賣相是一般的，第一口先試西瓜，我明白店員說＂我們的＂西瓜汁沒有落糖＂的意思，因為一口都是浸泡過糖精的感覺，像吃了小時侯乾果的甜味，這種做甜品的風格，真的受不了
這店去了一次都怕怕了！打死也不會再去。

星期六傍晚7點, 入到去甜蜜居一枱客都無, 呢個時間都算正常嘅。 班staff就當正係落場時間, 自己圍埋一枱大聲講大聲笑, 好似去咗大排檔咁!

我地2個人, 只係叫咗一碗芒果西米露, 因為之後仲飯局唔想食咁飽。 個西米露一嚟到就知出事, 使唔使咁慳d芒果汁呀? 如果唔係連粒芒果一齊食, 就只會食到淡而無味嘅西米露, 絕對唔值$25囉!! 如果係因為我地2個人只叫一份甜品, 嫌我地生意細阻住佢地休息, 可以出聲話唔做我地生意呀, 咁簡單嘅甜品都做得唔好食, 咁趕客, 好失望!

經過門口，再睇下門口嘅Menu已經好想入去試，於是乎我同老公去完附近嘅清真牛肉館，再去埋食泰式串燒之後，就行返返黎食甜品。

Menu有好多款式嘅甜品，中西式都有，由於之前食得太飽嘅關係，我哋就只係叫咗個“法式火焰芝士蛋糕”2個人食。個蛋糕一拿出來就已經覺得好靚好好味，第一啖食到嘅係出面果層燒過嘅“火焰”(唔知係cream定係咩東東)，再食裡面嘅cheese cake ，cheese cake內加左少少朱古力碎，2樣加埋真係好好味，依個唔單止睇得仲食得，Good 呀！

不過本人覺得一個人食一個真係會好漏，大家可以同人share再試埋第2款。

同朋友食完飯, 唔知去邊到食甜品好, 行行下見第一間甜品屋就入去啦~
門口大大隻寫住wasabi心大軟, 所以我地就叫左一個黎食啦, 但係要等十分鐘, 賣相好得, 平時留d朱古力出黎, 變左留綠色既野出黎, 入口幾wasabi, 不過唔"攻"鼻, 好突別, 哈哈~唔知遲d會唔會有d榴槤味呀咁呢?
另外仲有個綠茶豆腐花, 個樣怪怪咁, d綠茶啫哩個樣ok, 不過味道有d怪怪咁, 都可以試下既~
之後仲叫左雜果河粉, 同xx山果d河粉唔同, 呢到果d睇落無咁滑, 似自家制,但係入口都幾滑, 仲有d椰香味, d生果切得細細粒, d芒果汁又唔會太甜, 好fresh~
仲有其他甜品例如火焰蛋糕, 芒果腸粉咁, 有機會再試下~
不過佢寫住$2一杯水, 食完甜野飲杯水都要收錢, 好似惡左d喎...

同班fd係九龍城行完街後,重想搵個地方傾計,
搵來,睇去,見依家都幾旺場,就囉位入去....
我自己就叫左個蕃薯糖水,因為想潤下,而最值得推介0既係焦糖燉蛋,
面0既焦糖配蛋帶出美味,而當中0既蛋芯係凍0既,又滑!
朋友叫左蜜瓜豆腐花,份量幾多,只係$20幾蚊姐
此外,另一個好味0既甜品係:朱古力雪糕配西米+芒果,
最正0既個朱古力雪糕,既夠凍又香,味道絕對拍得住比利時朱古力

行完花巿, 11點幾去搵甜品食
見門面幾光猛
有幾張明星合照, 又無食過
就試吓新野

啲人都幾好禮貌
地方都算乾淨
都坐滿七成人

睇到menu覺得有啲貴, 不過都要食...
一個creme brulee都要30
套餐就38, 多球雪糕同杯茶
我要左佛手香柚茶
朋友叫左個芒果脆脆

creme brulee賣相唔錯
可惜金玉其外，敗絮其中!
個蛋出水!
再食埋落去真係想投訴
個燉蛋底同埋焦糖下面個層蛋
食落係好粉!
我唔知自己食梗乜囉

仲有個茶
聞落係咸柑桔味, 好香
但飲落去超啖!
我朋友嗰杯直情係難飲!

最離譜係個芒果脆脆!
好hea!
根本應該叫做芒果冰pancake!
一啲都唔脆!
佢居然用pancake唻包住舊雪到硬哂0既芒果囉
塊pancake仲要燶燶地!

全部我地都只係少左1/4
食過最難食0既一間!

埋單仲要102!

上次食完之後都一直好想黎食'法式火焰芝士蛋糕'
一來係因為上次叫個時最後一個都岩岩比人出左,所以我無.
其次係上次食完上黎睇食評見呢度菜好正.

咁岩又路過九龍城,係就係早d. 6:30pm
不過甜頭又無話唔可以當dinner食呀.
6:30pm去到; 咁岩老細係門口整野先
問問: 係唔係開左門嫁啦?
老細話: 係呀! 請入去.

一個客都無,員工係度食緊飯盒.
要我示意先識過黎...
即叫'法式火焰芝士蛋糕'
都要等一等,都好即係都要加工.
應該係用火槍燒燒個邊咁.

味道: 太甜(過分甜) 芝士蛋糕無芝士味... 生果唔新鮮, 口感就幾好,因為做左多層.
結論: 名過其實. 太甜令所有味都無晒, 有好心機同技術去做;但又唔用d好食材.

基本上我黎九龍城食甜品只會去個間,
不過今晚朋友叫食新野.
呢度...唔新嫁woo 不過我真係無食過.
話係酒店甜品師父開,不過我係唔會理咩師父.
最緊要係好食.

我想叫火焰芝士蛋糕不過就係我叫個時就比其他人叫左2個我就無得食.
所以叫左火焰蛋白士多啤梨慕士.
幾好. 有72分不過無蛋白的香滑口感....

朋友W叫左芒果班戟.
幾好woo, 加左d翠物係中間口感豐富左tim.
值90分.

朋友M本身叫左綠茶盧薈西米,不過d盧薈變左所以轉左
芒果腸粉.
個芒果腸粉幾好食不過係d芒果唔夠新鮮.
都話其實新式甜品最重要係生果,
比你搞到幾多花式又點...
一係用料差左就見底.
只得50分.

第1次去試,感覺不錯,點了1份2人甜品拼盤$58及心太軟$35.地方環境ok. 甜品水準不錯, 都幾有酒店水準. 價錢算中高檔價, 服務都ok! 環境都坐得幾舒服.可以一試.
2人甜品拼盤$58 - 1次過可試晒4款口味, 都OK, 抵過散叫.
4種款式: (鮮果拿破崙)(芒果腸粉)(炸芒果脆脆)(果撻)
鮮果拿破崙 - 我覺得最好味, 好鬆脆 .!!
芒果腸粉 - 芒果好香,腸粉粉皮煙韌,有椰子味, 好味 !!
炸芒果脆脆 - 班戟皮包著芒果肉煎成金黃色再切開，入口時班戟皮暖暖的，但裡面的芒果卻是很冰凍的, 凍到牙都庳 !!
果撻 - 最普通, 冇什麼特別, 個撻是用麥餅造的, 好鬆脆, 不過幾有水準, 有酒店BUFFET D 果撻水準.

心太軟$35 - 算OK. 不過覺得份量細了一點, 雪糕有4款味道可選. 雲呢拿,朱古力,士多啤利,芒果. 外軟內熱, 勝在不太甜. 但朱古力蛋糕唔夠香, 朱古力醬流得唔算勁(太少), 生果配襯都好少. 總之成份得一個[小]字, 太迷你了...!!一試無妨.

天寒地凍經過九龍城，本身想去一嚐Tony Wong的蛋糕，可惜是日休息，唯有另覓地方吃甜點，九龍城的甜品店都差不多吃過了，想起甜蜜居的甜品還沒有嚐過，那就試一試吧!從推介餐牌上選了即叫即製的法式燉蛋，賣相很討好，不過並不是即叫即製，法式燉蛋特色在於其凍燉蛋上再即燒出一層熱烘烘的脆焦糖，可惜這個應該是燒完焦糖後再放會雪櫃，結果焦糖還脆但整個法式燉蛋都是凍的....至於味道還不錯，不是太甜，燉蛋也夠滑!可以一試

在洋一居食屋食過晚飯，就行過對面呢間甜蜜居食番個甜品作為整日美食遊的終結。

老婆話已經好飽，無地方容納甜品咁話，無所謂啦，一於我有我食，佢就有得睇（住我食），無得食咁啦！

唔知係咪時候尚早，定係呢度其實唔係咁好，全間偌大的舖頭只係得一兩枱客。店內有些座位有店員坐下休息聊天，好似得閒無事做唔使招呼客人咁，但其實有新客人入來，給人的感覺不太好呢！

望望餐牌，依稀記得有人在openrice話過呢度d特色飲品好似薰良草茶咁幾好味，其他就不大記得了。因為今次來的目的係食餐後甜品，所以無試。見餐牌內的西式甜品價錢唔算便宜，於是保險d叫左個芒果班戟試試。

好快個班戟已經來到（人客少嘛！），估佢唔到份量又幾多喎！而且食落味道都唔錯，芒果算甜，份量也多，cream都唔少。嘆罷芒果班戟，呢一日的九龍城美食一日遊終於結朿。

謝謝各位收看，下次再會！

本打算到新開的甜XX試新,誰知在店內停留一會也沒侍應招待,男識員更對月巴顧客迴避目光,既然跟這店緣份未到,那我離開好了; 最後走到這間曾到訪過的甜蜜居, 我相信這裡不會不理會我吧??

翻遍了餐牌,雖然對新出品WASABI心太軟有點興趣,不過還是保險一些點回朱古力版本好了; 另外餐牌裡有2款飲品我對其更有興趣,就是薰衣草燒桔茶和佛手香柚茶,不過我首選有薰衣草的前者。

薰衣草燒桔茶顏色像很像甘蔗汁,濃濃的草綠色跟薰衣草似乎拉不上關係!杯底有些紅紅像紅豆茸的粒粒,原來就是我喜愛的薰衣草?!燒桔茶味道就像甜版桔仔水,濃甜的桔茶很有那種澀澀的甘桔味道,喝後喉嚨相當清涼舒服,凍飲都有如斯效果,要是熱飲跟咸桔水應有異曲同功之妙;變成紅色的薰衣草應以蜜糖或糖水釀製過, 味道甜甜又軟軟跟平時比較硬身的薰衣草感覺不同,不過咬開其花蕾仍舊會爆出薰衣草獨特香味, cool~~~ 只是那桃紅色的樣子硬是不及紫色來得漂亮! 老闆,還是用回無論香氣或顏色也較佳的紫色薰衣草吧。

心太軟十來分鐘後登場,心太軟今次外表像是花型, 靠近一些已感到有陣熱力,用茶匙輕輕割開更見到一縷白煙冒出,熱度方面絕對合格!! 表面真的有焗蛋糕的堅挺感覺,外表帶脆的蛋糕層不會過厚或過薄, 中間部份稍稍流心, 朱古力漿不是太多的一湧而出但又不會乾涸得像沒有,不過我還是喜歡第一次那洶湧而出的視覺效果多一些; 不過這個心太軟的面層有點焗得過火, 蛋糕也有點焦苦,不過這部份又香脆得像曲奇,又是另一種感覺。

朱古力味道可以再濃香一點,進步空間!甜度本身不太高,配合個子不小的香草雪糕後就非常好了,香草雪糕雖然不是什麼貴價貨色,質感尚算滑溜,而且今次雪糕冰凍得將朱古力汁冷卻凝固,形成一層朱古力脆片包著雪糕球,超讚的說!當時令我想起脆皮雪條和那間曾在香港曇花一現的Dairy Queen的脆皮雪糕!冰凍雪糕加夠熱的心太軟, 絕對不能抗拒!

伴碟水果為清淡的火龍果及甜美但帶點榴槤味的芒果粒(?!),用來清清充斥著朱古力的口腔尚算不俗!要是可以提供清水會更貼心。

在那間新甜品店吃不到心太軟,反而在這裡吃到一個愜意的,真的塞翁失馬 焉知非福!!

咁岩去九龍城食下清真牛肉館，食飽左緊係想整多個飯後甜品，黎個happy ending架啦

原本諗住去甜之迷，但係又唔記得佢既地址，亂打亂撞就入左甜蜜居啦。

入到去，睇黎睇去其實都唔知食咩好，好似無咩吸引，最後就叫左個心太軟同埋火焰法式芝士蛋糕。

心太軟　- 口感一般，整開佢既時候又唔係太多朱古力流出黎，而且朱古力太苦，要用伴碟既雪糕中和番個味先好少少，SIZE亦都細左D，可以再大番D。

火焰法式芝士蛋糕　-　個名就好似好厲害咁啦，黎到既時候真係覺得平平無奇，吸引唔到我，食落口更加唔覺得有咩特別，普普通通一舊芒果蛋糕，仲要無咩芝士味，唔抵食。

某日同女朋友在九龍城食飯
行過見到呢間食甜品

最吸引我係佢個芒果腸粉
芒果好香
腸粉粉皮個質感係真係有少少似真腸粉皮
但更煙韌
好香的椰子香味
好推介

個心太軟就普通d
但不失好味道