是日跟團到坪洲. 午餐選址好運酒樓, 因為我地太多人, 都坐左兩圍, 如果普通茶餐廳都好難有位比我地啦.
拿拿聲食完又要上路, 我地都冇諗住叫點心. (入到酒樓竟然唔食點心...)
加上開左位之後佢都冇點心咭比我地, 所以都冇拎...

一圍人唔太餓, 炒左5碟野.
乾炒牛河, 星米, 干燒伊麵, 牛肉炒麵, 楊州炒飯. 全部都係普通到唔普通既炒野. 費事諗嘛.
我地都冇理幾錢. 只係知趕時間要食快d.
開頭以為炒野會快d. 但都唔係. 都係自己拎點心點都快啦.
d 炒野都有水準喎. 幾有鑊氣, 牛河係有點油
最好係星米, 炒得乾身, 又帶有少少辣.
牛肉炒麵既炸麵底更係大受歡迎

一入黎o個時見到唯一一架推車仔上面有大包. 唉, 真係好想試. 不過本身唔太想食包.
但個feel 真係好舊式酒樓呢.

2010年6月28日 ( 坪洲好運酒樓 - 1 ) (玩到邊，食到邊，之坪洲)
坪洲行，早上於中環乘船至坪洲，上岸後，雖然天陰，但沒有雨
，天色仍算光猛，先後遊覽了島上的名勝，勝利火柴廠廢址、
天后廟、金花廟、龍母廟及大利島。
接近中午時份，我們到達島上最高點即手指山頂，天色突然轉
暗，風雲變色，有山雨欲來之勢，轉眼間，低垂漆黑的雲團湧
至，大雨隨即灑下，我們打着傘，加快腳步往山下走了，沿途
雨勢滂沱，同時，黃雨警號已發出，到達山下，大夥兒唯有找
地方醫肚，不久即遇上了坪洲好運酒樓，見地方企理，下雨天
，大家也懶得再找，便午膳於此了，嚐吃過的如下。
點心
潮州粉果：形狀是一般的粉果，餡料內有很多蝦，尤其像蝦餃，
蝦肉爽口好味，還有少量肉粒與韭菜作配搭，最欣賞的是內裏的
蝦肉，粉果，雖稱不上潮州，也可稱之為好運粉果吧！
鼓汁排骨：夠大碟，肉質鮮美，配合豆鼓辣椒蒸製，豆豉散
發出濃厚的香味，輕微辣，味道突出惹味吸引，很快已清碟了。
牛肉球：特別大粒，香軟腍滑，肉汁豐腴，口感與味道皆好，
醮上喼汁來吃，更添滋味。
蟹子蒸燒賣：每籠有四粒，蟹子色澤淺，吃起來感覺一般，東
菇肉味忍隱可尋，但不覺特別超然。
春蛋蒸燒賣：熱騰騰，春蛋作燒賣，懷舊之作，近年已經少有
，皆因春蛋乃膽固醇之物，大家怕吃之餘，也漸漸變得珍貴了
，但春蛋味道比雞蛋還香，偶爾一吃，那怕膽固醇呢！而豬肉
燒賣味道只是一般，也無特別驚喜。
义燒腸粉：义燒餡料唔夠多，輕帶甜味，肉質不太美之餘，還
有點韌，腸粉皮厚了點，有些過腍，容易挾爛，亦唔夠滑，水
準顯然是差了一點點。
香芋鴨腳扎：薄薄的腐皮卷着芋頭、火腿、豬肉及鴨腳，鴨腳唔夠腍
，唔入味，芋頭質素稍遜，不過，廚師調味，還是有一手的。
小菜
生炒排骨：排骨雖是雪貨，肉色深沉，但不算韌，肥瘦適中，
配料還有菠蘿、青椒及洋蔥等，但廚師功夫幾好，炸粉微脆，
酸甜汁味道做得不錯，芡汁濃杰度適中，這樣出色的芡汁，更
令排骨生色不少，這道菜，特顯廚師的功架。
魚香茄子煲：茄子炆得頗腍滑兼好味，店舖雖臨近海邊，唯獨
欠缺魚香？然而，調味皆不錯，感覺淸新而又頗滋味。
枝竹斑腩煲：端上時，整煲熱騰騰的，揭開煲蓋時，濃濃的蒸
汽隋隋冒起，煲內滾動聲吱吱作嚮，枝竹香滑，斑腩入味可
口。
炒生菜：原本是叫通菜的，部長話通菜過老，後來改變要了生菜
，幸好生菜又炒得幾好，鮮嫩爽口好味。
鹽水雞半隻：雞肉嫩滑入味，亦唔會過鹹，肉不太肥，雞味亦猶
存，也可配合沙薑醬來吃，又令有一番滋味，最後，大家也讚
口不絕.....。
啤酒：獅威、金威及珠江啤酒每支售價15元，藍妹啤酒每支售價
23元，味道當然是藍妹較優勝了。
今天不是假期，遊客極少，又遇上大雨，當地居民外出午飯也
少，座位多的是，服務員人數看來亦很少，服務勉強還可，地
方仍算企理，這裡的點心全是即叫即製，所以點心都是熱騰騰
的，廚師炒功亦有兩度，山友們大多數也讚賞的，吃吧後，大
家乘船各自回家去了。

好運地方夠大, 好多位坐, 於坪洲這個欠缺娛樂設施的小島, 好運的確可以讓人慢慢坐歎下茶打發時間

價錢:
不用加一
茶錢 $3位
大中小點分別是: $14, $12, $10 (假期每碟點心加一蚊)

鴨腳扎 (中): 鴨腳入味又夠軟身

糯米雞 (大): 食慣一哥糯米雞會賺好運的唔夠配料, 唔抵食

春蛋燒賣 (中): 勝在唔係度度有得食鵪鶉蛋

糯米卷 (中): 大大件好飽肚, 糯米夠軟身

魚翅餃 (中): 不明白為何叫魚翅, 一點素翅也沒有. 不過裏面的豬肉餡新鮮又好食

羅漢齋粉包 (中): 好足料的羅漢齋

鳳爪排骨飯 (大): 飯與餸都足料, 抵食, 不過排骨幾肥

鮮竹卷 (中): 又是好鮮味的豬肉餡

流沙奶皇包 (中): 總覺得d奶皇顏色假味道假
鯪魚球 (小): 小點選擇好小, 所以鯪魚球好多人叫, 不過嫌佢太多骨

涼瓜魚崧飯 $27

飲茶來講這兒都算經濟, 茶錢$3位, 又不用加一
大大碟飯及餸, 涼瓜及魚崧份量夠多又夠味, 夠新鮮, 連個芡汁都有酒樓水準
涼瓜大件, 甘甘地不太苦
魚崧彈牙, 夠魚味
不過個白飯底就最差, 飯太硬

因為個飯太差, 所以下次都唔再叫碟頭飯了

晨早起身跟〔工俱旅行團〕坐9點20分船去坪洲，10點左右下船，抵達坪洲後就見到WELLCOME welcome你，而且天朗氣清人都開朗點。

早上一團近百人步行至｛手指山｝遠眺迪迪尼樂園及南Y島，之後一行人浩浩蕩蕩於中午十二點「坪洲好運酒樓」食團體餐。未夠十二點鐘，我跟男朋友都已經有點餓了，可能是早上行上山，而且有點熱，而糧水又唔多夠既情況下，我們就飢腸轆轆了！哈哈哈！

在碼頭附近的「好運酒樓」，貌似係七八十年代的茶樓，因為它仍是用推點心車叫賣，很懷舊！
先來了一碟白灼鮮蝦：白灼蝦最仲要係個豉油，但佢唔係用甜/咸，而係無咩味既豉油；蝦很鮮且份量多，可能係一大清早就捉回來的呢～而且剛好煮熟，火候控制得很好，蝦肉清甜爽口，大家全部清光，可見受歡迎程度！
蒜蓉粉絲蒸扇貝：扇貝上地鋪上一層蒜泥和粉絲，只可以讚是口感豐富。蒜蓉粉絲係不太入味，係蒜蓉粉絲跟扇貝各有各的，而且略嫌扇貝小了一點（只有五毫子那麼大）及油了一點！
菠蘿生炒咕嚕肉：好好食！脆卜卜而肥瘦適中，不覺得粉特別多！用黎送飯一流～甜酸汁味調得剛好，一D都冇死酸！
蠔油香炒大菜芯：夠香夠爽，而且蠔油不會落到一些菜有，一些菜沒有，不過就油水多左少少！
翠肉瓜炒瘦肉片：翠肉瓜被油包住了，而瘦肉片不肥，真的很瘦，對我呢ｄ減肥人仕來說，真的不錯！而且瘦肉是大大片的，絕不嬉場呢！
盬焗麻香肥油雞：嘩！只雞真係好油，不過真係唔洗點鼓油都夠味，因佢真係用盬焗咖！而且好大陣麻香味！正！雞又滑皮又薄薄地！不過都係冰鮮雞，唔知點解佢會標咁多油出黎既？定係
薑蔥蒸雙大倉魚：火喉較到很足，剛好離骨，蒸魚豉油亦做得很好味，但魚肉雖鮮又甜但好鞋口喎，所以未能抵到肉嫩味鮮呢！
粟米竹笙魚肚羹：魚肚很滑身及軟腍、沒有胡椒粉味，不會太稀林林，相信用的粟米湯份量應該為粟米茸加2罐水。
白飯：任你裝，但好似無得再添個兜飯，一桌十二人只係食左一大兜飯！

服務：都算不錯，人手雖不夠，但都好快沖水加茶，而且見到我地洗碗碟就拎左個兜比我地！

我地係街市買海鮮叫佢整0既，又幾好味喎！
蒸石斑：好好味，蒸得好滑！正！
豆豉蒸油啫：我本來以為係鱔，好肥美，好滑，好好味！
炒蟹：咸左Ｄ
雞：幾滑，因為好耐無白切雞食，覺得特別好食
墨魚：蒸得太熟，有Ｄ韌，一般，食剩大半碟
炒生菜：好油，太咸
炒粒粒：都係太油
魚肉釀豆腐：清清地，幾好味，豆腐煮得好滑
烚蝦：幾鮮甜
壽包：我地有兩圍，兩碟壽包一大一細，大個碟俾壽星公個枱囉，好唔公平！我地枱個碟無蓮蓉，無蛋黃，同饅頭無分別，大個枱就一個包大成倍同有成個蛋黃
芥蘭：清清地，好味！
成晚都無人，我地飲酒講野好似包場咁，超有feel，服務週到，知道我地有人生日就主動問要唔要壽包，極識做生意！

晨早起床，清新開朗。在晴朗的一天去「坪洲好運酒樓」飲早茶。

在碼頭附近的「好運酒樓」，營運模式似是70、80年代的酒樓，檯布可能一整日才換一次，不過，它的材料是真材實料。

小肥大師推介那碟炸魷魚，絕對不比南丫島的酒家遜色（魷魚新鮮、粉薄），而BonBon 小姐對那盅北菇滑雞蒸飯拍案叫絕，馬拉糕比市區酒樓大一倍，一碟等如外面兩碟。

最後值得一提，酒樓仍是沿用推點心車叫賣，睇中邊碟叫邊碟，十分懷舊～