星期日‧難得放半日假，又唔想煮飯！於是買個洋豬扒飯，同小女一起食‧點知一打開紅紅的洋汁像紅雞蛋般色水，小女看了後不想吃，好明顯應該係師父！加色時落多了紅粉。於是回去同店員反映及更換‧點知個收銀大大聲咁話冇得換，洋汁是這種色的！天呀唔通我未食過洋汁咩？我從未見過這麼紅的？爭峙了一番終於肯換，喱汁？但回家打開一看原來佢將原先果盒飯淋上喱汁就算！叫人點食丫真離譜連基本既飲食業服務都做不到！以後不會再幫襯！

昨天嘗過下午茶餐$22一份, 選擇尚有10多款, 主要是猪,牛,雞和普通炒粉,
另包飲品.
豬扒有厚度和咬口, 並無過多疏打粉處理, 但是牛肉則無味又過軟,
咖哩汁雖然是經烹煮, 加有煮爛的洋葱.薯仔及其他調味, 但是不香不辣.
新開張時曾經吃了一次, 現則退步. 飲品更加淡如無味
不過白飯量甚多, 所以很多勞動型男工幫趁

補回25.5(sun)的lunch食評,
成日經過,聞到好香,都冇食過.
因為真係唔知食咩好, 就試下啦~
入面係一般茶記格局,座唔會好舒服…..
因為佢個名, 我一定要食咖哩,
而且不斷聽到好多人叫咖哩雞,

好~我要左個咖哩雞意粉, 話明少意粉,都唔知呀姐係唔係玩野,仲俾咁多我架~
請睇圖, 食唔徙好浪費架…
咖哩味道幾好,有4大件雞, 有d洋蔥,薯仔,如果多d洋蔥更好,
要左少辣, 剛剛好~
但係下次真係唔好俾咁大份量會好好多!
朋友仔要左個豆腐肉片飯,
佢話唔好食, 所以食淨一大半!
另外一個朋友仔要左茄汁雞扒意,
意粉份量比我少~見佢清碟, 味道應該ok的.

見到有人食星洲炒米,賣相幾靚wor~
仲有呢度有大大張poster寫至尊推介:特濃牛腩麵,只賣$12.
下次都可以一試.
同埋下午茶呢度都好抵食架!

o個日同男友食lunch, 我地想食d濃味既野, 所以試下呢間咖哩睇下掂唔掂.

男友叫左咖哩羊肉飯, 要中辣, 我就叫左咖哩鮮魷米線, 要大辣.

唔...... 咖喱味道唔香o羅, 無真正咖哩既味道, 我自己煮都好味個佢o羅.

食食下男友叫私睇下佢碗飯, 嘩, 有舊羊d毛未"蚊"得乾淨, 成執黑色既毛係羊皮度, 好嘔好核突o羅!

試過呢次我諗唔會再幫襯o羅, 羊皮有毛我可以當係意外, 但係真係無咖哩既風味o羅!